(Substitution Bench)
Hmânni kan drama zir tûr chu kan thiannu pakhat hi “Lo kal ve la, midang an thei lo maithei a, an aiah i tel dâwn nia” ka ti thla ve rawk a, a lo sa na sa ta mai. “A tîra min thlang hlei lo, midangte tel theih loh palha tel tûr chuan a teuh lo mai” tiin thinrim ang reng deuh hian min chhâng a. Mite hian ‘pawimawh ber’, ‘tha ber’, ‘midang chunga lêng’ nih hi an lo châk mang e. A dik chiah! Kei ngei pawh hi ka bâng bîk chuang hauh lo tih ka inhmuh chhuah phah a, a lâwmawm letling phian.
First nih dâwn chuan a hmasa berin inngaihtlâwmna leh dawhtheihna neih a ngai hle thin. Chutiang ni lova a tha ber nih kan tum nghâl chuan khawvêl kalphung kan her danglam a tûl ngei ang. Chumi avang chuan a tha ber nih tum loh tûr ka tihna erawh a ni lo. A tha ber nih kan tum ang, amaherawhchu, pahnihna emaw a aia hniam emawa kan lo awm a nih pawhin chutah chuan kan lâwm thiam a tûl hle.
Messi, Ronaldo, adt. pawh hi club-a an luh tirhin substitution bench-a an thut châng a tam ang. A tîr atangin club tân ‘backbone’ an ni kherin a rinawm loh. Hun a kal zêl a, tunah chuan ‘An ni lo liam’ kan ti tawh a ni lo’m ni? Chuti ang bawkin Rossi, Stoner, Lorenzo; Schumacher; Nadal, Federer, Djokovic, Petra Kvitova; Tiger Woods; Bolt, adt. (a va tam tak êm! Ka sawi sêng lo) an ni ho pawh hian an hun kal tawhah First an nih hmain Second emaw, a aia hniam pawh vawi tam an lo ni hmasa tawh ngeiin a rinawm.
Khawvêl intlânsiakna hmunah hian ‘tha ber’, ‘langsâr ber’ leh ‘mite fak hlawh ber’ nih kan duh fo. A sual hran lo, mihring zia ve rêng a ni. ‘Superstar’ hi khawi hmunah pawh hian an awm vek a, kan awt ru ngawih ngawih thin. Mahse maw, heti ang dinhmuna an din hma hian mite hriat hlawh lêm lo leh ngaihsak lêm lohin vawi tam kâwla ni tla an lo thlîr liam tawh thin asin. Second nih pawha rilru na lêm lo, substitution bench-a thut pawha vui ngai lêm lote hi eng tik niah emaw chuan chawimawina hlan an ni leh nawlh thin. Hlawhtlinna kawngah hian chirhdiak, hlîng, tui kha hmun, thlalêr leh thang hlauhawm tak tak a awm a, balhla kâwr thlengin kan tlûknâ’n zuk awma maw le! Tlu lo tûr chuan fimkhur taka ke pen a ngai a, kan tum ram (vision, dream, desire) thleng a, First kan nih theih nân hei hi hre reng ila, pahnihna nih ngam hi.
Huaisenna tih hi a hrilhfiah dân hrang hrang a awm thei ang. Hnual chuang si lova, ngaihtuahna sâng, tum ruh leh taima taka bei fat fat chung pawha pahnihna dinhmuna ding thiam te hi mi huaisente an ni. An huaisenna chu inngaihtlâwmnain bul an tan a, an huaisenna chu midangte erna ni lovin thianghlim taka el nân an hmang a, an huaisenna chu mi chapote mithmuhah âtthlâk hle mai se, an hnual chuang lo. An huaisenna avângin fak an hlawh lo va, an huaisenna avângin miten lâwmna an neih phah thung. An huaisenna avangin anmahni ngei pawhin an tuar thin. An huaisenna chuan mi tlâwm takah a siam a, an huaisen miau avangin hlauhnain an thinlungah hmun a chang ngai lo. An huaisenna avângin tlâwmna nun zir chawp an ngai lova, an huaisenna avângin a tâwpah an lo hlawhtling a, rah duhawm tak an chhuah thin.
Substitution bench-a thut hi chu a tlâwm thlâk deuh chu a ni ti r’u? ‘Kei ka ni’ inti ve tân chuan he ‘tlâwmna nun’ hi ‘tlâwmlâk nun’ a ni a, a hmuhsitawm bawk êm a ni. Mahse, tlâwmna nun atang chuan hnehna nun a lo pâr chhuak thin. ‘Second before First’ tih thupui hi vawng tlat ila, vui leh vai a tlêm ang a, sawi leh sêl pawh a kiam deuh mah na. Rinnain hei hi kan thlîr: Eng tik niah emaw chuan FIRST kan nih hun a lo inher chhuak ve ngei ang. Chumi hma chu rinawm takin substitution bench-ah hian thu ila, mite atangin hmasâwnna rahbi lo tuk mial mialin lo inzir thiam ila, a tâwpah zawng ‘Ani ber a tel loh te’n le’ tiin min la nawr chhuak tho tho ang. A nghahhlelhawm teh e!!!
February 5th, 2012 at 10:31 pm
Chhiar ang hmiang.
Report this comment
February 5th, 2012 at 10:41 pm
#1 Chhiar teh hmiang
Report this comment
February 5th, 2012 at 10:43 pm
A va tha ve. Keima ziah ni awm a ni, hihih.
ka second ngei e hei. 
Report this comment
February 5th, 2012 at 10:43 pm
#2, inkhel ka en pah a, ka la chhiar zo lo.
Report this comment
February 5th, 2012 at 10:44 pm
Substitute bench a lungawi taka thu, tha leh rintlak tak, tam tawk neilo Club chu long run-ah an mualpho leh nge nge thin. A kila Lung tangkai” nih thiam hi a tul ngawt mai.
“B.A. ka Pass hma loh chu Sikulah ka kai duh lo” tih ang chi kha chu a chi miah loh.hehe.
Report this comment
February 5th, 2012 at 10:45 pm
Aaargh… Third before second pawh hi a pawimawh khawp mai
Report this comment
February 5th, 2012 at 10:46 pm
Seventh before sixth hi poimoh lehzual
Report this comment
February 5th, 2012 at 10:49 pm
Back to the Future!
Report this comment
February 5th, 2012 at 10:56 pm
Chinese thufing ‘Tuifinriat pawh hi a inphah hnuai a,lui zawng2 amahah an luang lut vek’ tih nen a tag theih ang ka ring.. Tha khawp mai
Copy right reserves suh aw….paws tupa
Report this comment
February 5th, 2012 at 11:05 pm
Copy right reserves dawn mawn le…
Report this comment
February 5th, 2012 at 11:09 pm
Ka ru dawn…
(Mi)SUAL ka nih hi…hau hau 
Report this comment
February 5th, 2012 at 11:15 pm
From 0-3 down, Man U came back strongly to level the Score 3-3 against Chelsea. (85 mins).
Report this comment
February 5th, 2012 at 11:15 pm
A post tu pa…”Manasse” hi i hre mial em??
Report this comment
February 5th, 2012 at 11:17 pm
Rempy lehh
a dik a ni.
Report this comment
February 5th, 2012 at 11:21 pm
#13 Manasse chu ka van hre mai lo e
Report this comment
February 5th, 2012 at 11:23 pm
@8 Saitawk Back to future!! Tha lutuk… Terminator 5 ah Arnold an a sawi dawn an ti
Report this comment
February 5th, 2012 at 11:42 pm
Kan tlin a nih phawt chuan first nih hi a tha reng mai. Amaherawhchu eng kawngah pawh first ni tur chuan, i sawi ang hian hnuaihnung zawk atanga bul tan a tul fo. Pathian rawngbawlna kawngah phei chuan mawhphurna nei lian leh pawimawh apiang inngaitlawm tur leh inphahhniam tura zirtir kan ni zawk tlat nghe nghe. Kan inngaihhlut dan hian nun kawng dikah min hruai tur a nih laia, kawng dik lo zawk, chapona leh tlakranna lamtluang min zawh tir a nih vaih chuan, engtikahmah first kan ni thei ngai lo ang. Post tha tak a ni ka ti e.
Report this comment
February 6th, 2012 at 12:26 am
Engkim mai hian ‘limitation’ a nei vek ! I rawn sawiah khi chuan, a bik takin inkhelhah khian mahni quality hriat a ngai, a chhan chu substitute bench a thu ral mai mai ‘Star’ player nih pawh a hlauhawm ve tho…chuvang chuan, khelh tam theihna an zawng ve chawk tho.. Mihring nun phung pangaiah pawh hian tlawm hmasa kher lo leh mi thu hnuaia awm hmasa vak2 kher lova hnehtu nih dan a awm ve tho bawk.. YMA, KTP/SYD/PYD etc a in hmang kual vak2 chung hian competitive exam ah tling tha tak an vang duh khop… Mahni ‘limitation’ pawh hriat a ngai..
Report this comment
February 6th, 2012 at 12:40 am
Second nih emaw a aia hnung nih emaw hi a tha ve hrim hrim. Thil ningkhawng hriatna a ni, first nih hlutzia zirtirtu an ni.
Report this comment
February 6th, 2012 at 6:32 am
#18 loneeagle, i sawi khi a dik khawp mai. Khelh tam loh chuan thiam chu a har ngawt ang le. Ka sawi ang khian khel tam mahse a tir lamah chuan position tha an chang nghal kher lo maithei. Entirna ka pek ho pawh khi a tirah chuan mi tangkai lutuk an ni kher lo thei. Lungawi taka substitution bench-a an thut hun a awm thin. Tin, competitive exam pawh hi vawi 1-a tlin nalh a, 1na nih nalh hi chu a har ve viau chuan ka ring asin. A THEIH LOH KA TIHNA ERAWH A NI LO.
Report this comment
February 6th, 2012 at 6:40 am
Tlawm tur chuan kan san ve phawt a ngai. Pawl 7 pass lovin, “keichu ka mawl em mai hruaitu ni tlak ka ni lo”, a tih chuan ingaitlawm ni lovin ama nihna a sawi mai ani. Mahni hi sang ve phawt ila, first phu in i awm ang u.
Report this comment
February 6th, 2012 at 7:01 am
tren tren
Report this comment
February 6th, 2012 at 7:04 am
20#, Post tupa, i thusawi tum ber khi inngaihtlawmna leh dawhtheihna ania, khimi komen ka ziah lai khian mizo society ka mitthla hlur pek alom male..i sawi khi a dik teh meuh mai, patience, determination, self assurance…hlawhtlinna tak tak nei tur chuan… mahse eng kan ti nge, kan mizo society ah hian mahni in hriatchian tum ai hian mi dang in hriat chiantir hi kan tum tlat zel… Pu Laldenga
khan kawngko zun khum tawka in ngai chuan an zun khum to to mai ani a ti thin. Bei hram2 hi chu an hlawhtling chawk thin.. 
Report this comment
February 6th, 2012 at 8:01 am
#23 Kan tum chu a thuhmun reng e. Kan thlirna tlang a dang mai niin ka hria. Mahni inhriatchian hi chu a har bawk em a ni. Kei ngei pawh hi mite min sawi dan atang hian ka nihna thenkhat hi chu ka inhriat belh ve chawk. Beih hram2na lo chuan hlawhtlinna kawng a hawng mawh hle. Ka lawm e.
Report this comment
February 6th, 2012 at 8:49 am
Tha lutuk.
Report this comment
February 6th, 2012 at 9:11 am
Bialnu te first love nih hi a tha. Second nih chu ka……
Report this comment
February 6th, 2012 at 9:23 am
Post tupa, I sawi dik lutuk….
Nia, Ronaldo (Brazilian) ngei pawh kha, a hun alo thlen hma, a ai a senior players an awmlai kha chuan, lungawi takin substitute a nih thin kha maw le…a hun alo meuh kha chuan, khawvel hriat hlawh a lo nih tak kha.
Thil reng rengah hian a”BER’ ni tur chuan dawh theihna, in sum theihna, in ngaihtlawmna a pawi mawh thin. “…in ngaihlu te chu an tlawm a nga, in ngaitlawmte chu chawimawiin an awm ang..” Lal Isua pawhin a tih kha..
Dawh thei taka thil kan tih tang tang a, tuar a ngaih pawh a kan tuar tang tang chuan….”Ui cho tak ngial pawhin vanglai a nei e” an tih kha…mite hriat hlawh tura par chhuah hun a awm ve thin.
Khawvel milar te, Zoram chhunga zaithiam te ho pawh hian, Zoram khawvela lar chhuak tur tak ngial pawh hian, eng hun hun nge anlo pal tlang tawh….mi hausa lar te pawh, politician lar te pawh hian eng eng emaw chu anlo paltlang tawh thin ang maw le….
Report this comment
February 6th, 2012 at 9:28 am
#26 Ka nuih i tiza…
Kan bialnu te pawh hi mite second hand an lo ni duh phian asin!!
#27 I coffee tui tak avangin ka lawm e
Report this comment
February 6th, 2012 at 10:08 am
Nia, first love ve ve innei ta hi an vang khawp a sin…
Report this comment
February 6th, 2012 at 10:59 am
A va’n tha em!…
Nia, tlawm tura huaisenna kan tlakchham avang hian kan tawlhthlu fo reng a ni. Tlawmna nun neitu, Isua nun hi en fo ila, a tha tur hi a nia; a har ve erh bawk si a…
Report this comment
February 6th, 2012 at 11:30 am
First ni tur chuan 31st nih phawt te hi a ngaih chang a awm asin!
Report this comment
February 6th, 2012 at 12:26 pm
substitute a awm hreh tihvel techu chapo leh pride ngah vang mai mai alawm. Ka awm hrehlo reng reng keichu hmanah pawh chess ah secretary ka nia substitute ah ka in dah hmiah, a hma kumin captain ka ni na in kei aia thiam junior hi a rawn lut thar a. hihi
Mak ve mai mai chu hemi kum hma ka captain tum chuan chess thiam vak lemlo tui ve si college team a tel duh a politics ang zawnga SU lam atanga rawn tel tum zuk awm ve khanglang a. A lian atanga a te thlengin, hna lak atanga college team mai mai thlengin thiltihtheihna hmanga induhsakna politics hman tangkai tum hi anlo awm zel nia mawle. Chhangchhiat thlak tak ani.
Report this comment
February 6th, 2012 at 2:20 pm
A dik khawp mai.
Report this comment
February 6th, 2012 at 7:06 pm
a nia sin
Report this comment
February 6th, 2012 at 11:02 pm
A ṭha hle mai. Kan Bible pawhin “Inngaihlu apiang an tlawm anga, inngaitlawm apiang chawimawi in an awm ang” a tih kha. Mi ropui tam zawk te character hi an bul ṭanna te ka phaktawkin ka chhut ve neuh neuh ṭhin a, Pathian thu an awih leh awihloh lam chu thu hran nise, a tlangpuiin mi inngaitlawm an ni duh khawp mai. An lar hnu a an chapo ta alo nih chuan ringlo mi chawimawia awm te nuna bet hma ni tur hrim hrim ah ka ngaia, Pathian hre tu te pawh malsawm kan nih chuan kan chapo hma em tho hi. A bul ber ah chuan mi inngaitlawm te hi chawimawi an ni ṭhin tih hi Bible in a sawi ang ngei hian alo dik a ni ka ti.
Report this comment
February 7th, 2012 at 5:21 am
Ka nau, i ziak tha thei khawp mai. Comment vak ngaihna pawh ka hre lo; ka rilru i tithar sawt mai. Tang zel ang che.
Report this comment
February 7th, 2012 at 6:55 am
#35 & 36 In chungah ka lawm e. Thiam leh thiam lovin theihtawp ka lo chhuah ve zel ang e
Report this comment