Ka thianpa nena kan lènna in atanga kan chhuak chiah chuan no hriat ngai loh atangin phone call ka dawng a. Ka han pick up chuan hmâna ka chawlh hahdamna thin, Puii a lo ni reng mai. Kan inbiak khât deuh tawh avângin a aw atangin ka hre chhuak mai thei lo va, insawi chunga a han nuih tâk har harah chuan hai rual a ni leh si lo!
Puii hi a mak angreng. SMS pawh reply lêm lovin a reh vang vang a, a hnuah mi rawn call leh khut hi a chîng a. Tûn tumah pawh chuti ang ni turah ka lo ngai a; a rawn nui leh awr awr a, mahse, a ni lo.
“December ni khatah pasal ka nei dâwn a, chu chu ka rawn hrilh che a.. I theih chuan lo kal rawh aw..”
A dàn a dang ta! Ka lo beisei loh lam daih a ni.
“E khai! A va làwmawm ve.. Lo kal ngei ka tum dâwn nia..” ka ti chuai raih a.
“Mahse, ka buaipui hman lutuk dâwn lo che a.. Kan inah i thleng ang a, hrehawm i ti lo vang..”
A pasal tur chu keimah ang rual vel tho a nih thu te, amah nena kan inkawm chhoh tan dân thlengin kan sawi chho va, kal ngei tur chuan kan inhmin thei ta a… Mahse, ka lung a va lêng si êm!
Kum hnih ngawt chu kan inkâwm tawh. Engtin tin emaw ni kan inbe tan a, hmêl inhmu lovin hun rei tak kan inkâwm chho va. Aman min hre mah se, keiman ka hre lêm lo. A hnuah an khuaa ka thianpa awm chu a chanchin ka zâwt a, nuthlawi hmêltha leh fel tak, lerh deuh har a nih thu min hrilh ta a!
Mahse, ngaihzâwng angin kan inen lo, kan inkâwm ngeih em em ringawt. Kum hnih chhûng chu kan inkâwm tawh a, chumi chhûng chuan a hmêl chu ‘vuai’ chauhvin ka hmu; ka thianpain a chhe lo a tih kha thudik a ni tih chu ka finfiah hman tho va.
Ka vei ngai lo; ka ngai thîn. A hmêl vâng a ni lo; a ngainatawm vâng a ni. Min bia a, a nui har har a, a tawng siam siam a, a bula awm ang chiahin min siam thiam thîn. Chu chu a ni, ka ngainat em emna chhan chu.
Hmânah pawh phone-a kan inbiak laiin ka tap vak tawh! Ka bialnu nena kan harsatna ka hrilh a, min hnêm a, ka lung a chhe thut a, ka tap ta teuh va! Chuta ‘Nuam ka ti bîk lo a nia..’ a tih ri kha, chu, a rawn ri nawn leh ta!
Kan inngaizâwng a ni lo; mahse, pasal a han neih dâwn meuh chuan ka rilru hian a lo pawm awzâwng lo mai a lo ni. A pasal neih tur thu ka hriat zân chuan lawmpuina ai mahin rilru natna chuan min tuam hneh a, hrehawm ka ti kher mai. A châng leh, ‘inngaizâwng pawh ni hawt si lo’ tiin ka inhnèm leh rih a; mahse, chuti mai a ni lo. Chu ka rilru natna chuan kawng engkimah tlâkhniam lam min pantîr a, mahse, chumi ngawl ka vei tlat si. A va na êm!
“Tûnah chuan hmána ka koh dân chea ka koh che a rem tawh lo va, tu dang mah mitmei vêng lova kan inkawm thinna hun kha a lo tâwp dâwn ta a ni. Theih ni se, hmána hlimna min pêk avânga thi si lo dam si lova awm leh ka duh a, ka lungngaihna min tâwmpui avânga pangchang taka mittui ka hrûkna kut ngeia lâwmna mittui nûl ka duh a ni. Mahse, a va harsa si êm! Lo lâwm ta pawh ni teh rèng ila, hmána ka lâwmna nena tehkhin rual a ni tawh si lo..” tia SMS thawnin ka thlah ta a ni.
A hmaa ka phone book-a a chung ber luahtu chuan min chhuahsan ta.
Ka intiamna anga a pasal neih nia lan erawh ka tum tlang ngam ta lo a ni.
November 14th, 2010 at 1:03 pm
E hiau, va riang ve aw!
Report this comment
November 14th, 2010 at 1:07 pm
het…. ku TSA hi hmangaihna lam i uar riau mai. :Lol:
Report this comment
November 14th, 2010 at 1:09 pm
a tawi mah mah..
Report this comment
November 14th, 2010 at 1:21 pm
Tak tak mi a? ngaihnawm reuh
Report this comment
November 14th, 2010 at 1:53 pm
Tv TSA hi a theuneu lo, a mai mai lo. A kum zat vel tura ka rin leh a kamchhuak hi a inmil thei lo.
Report this comment
November 14th, 2010 at 1:55 pm
aww… i SMS chhas in pasal a neihsan dawn che ni maw.. SMS in lawmpuina thu i va hlan ngei chu a ngai ang.
Ralna angreng deuhin hla ka lo thlansak ang che: Pari Zun – Mimi Lalzamliani. he hla hi nalh tawp tawp, ka zaithiam hunah ka sa ve ang.
https://www.youtube.com/watch?v=qGZVFnfeMpM
Report this comment
November 14th, 2010 at 2:10 pm
puii hi hi a tak tak ami?…. chuan he hla hi sa chhen la ni mai lawm https://www.youtube.com/watch?v.....re=related
Report this comment
November 14th, 2010 at 2:19 pm
TSA; ka rilru i hria emaw chu aw…. vawiin hian ka lung a leng em em ani, i lunglen dan ang vel hian :wink:
Report this comment
November 14th, 2010 at 2:24 pm
phone ah hian biak zin deuh hi chu an hming tirah AAAAAte dah ila
an hming hi contact list tirah an awm duh lolzzzz
Report this comment
November 14th, 2010 at 2:31 pm
Keipoh a tawi deuh ka ti,ka khamlo riau….alo duh ve lutuk che a apasal neih tum te a thulh leh a tih velin a tawp dawn amaw ka lo ti a
Report this comment
November 14th, 2010 at 2:32 pm
nakin ah chhiar ang..
Report this comment
November 14th, 2010 at 2:39 pm
Ngaihnawm khawp mai. Kan bialnu ten pasal an neih tur thu min hrilh tluka tawrh hreawm hi a vang ang! Mahse, tuar chhuak ila, a tha dang an lo awm zel mai. Love is like a City Bus, if you miss, catch another a tih kha maw…..
Report this comment
November 14th, 2010 at 2:47 pm
atawp dan ava laklawh e aw… Tak tak ani emaw nilo emaw han phuah belh leh keuh la tha tur! Ngaihtuah chhunzawm thiam a har emai. :roll: :roll:
Report this comment
November 14th, 2010 at 2:56 pm
@TS, tiang hunlai hi a awm ve a nia, true story chhiar hi chu a manhla riau a lawm! :lol:
A chang phei chuan ngaihthra deuh a lunglen te, confi tawk a damlai lu sun te hi nawm deuh chang a awm a nia! :mrgreen:
Report this comment
November 14th, 2010 at 3:11 pm
Nuthlawi hi mi(sual) ho zingah chuan an lo hlu ber a nih hi maw? Mr TSA, December ni khat chu i tan vanpui a chim dawn nge dawn lo?
Report this comment
November 14th, 2010 at 3:11 pm
@14____”confi tawka damlai lusun______”
hahhahahhaha :lol: :lol: :lol:
Dangdai chiang
Report this comment
November 14th, 2010 at 3:34 pm
Ava pawi ve aw..@TSA ka tawrhpui che..phone chhass a hnu a nupui/pasal innei zui ta hi an awm nawk ania.. 8O
Report this comment
November 14th, 2010 at 3:39 pm
Fiction column mah nise, ‘Puii’ tih lampang hi an zun ngaih a na anih ka ring ! Tunhma han ti ve ila, Radio hla thlan uar em em thin lai khan, Ramhluna Hnamte hian ‘Puii’ kha a rawn larpui chiam tawh a. Hnukulh teuha a sak ani bawk a, a ngaihnawm fu mai. A hnu deuhah phei chuan ‘Puii’ Part II hla kha a siam leh khan ka hria. Naupan lai ngang a nia, an sawi dan chuan Radioa a record tur pawh a tap nasa lutuka, vawihnih/khat chu a beidawng thlawt an ti. Tak tak nge nilo, tun hnuah hian amah hi ka zawt chak ngot mai…. :mrgreen: .. I ziak ngaihnawm khop mai… :lol:
Report this comment
November 14th, 2010 at 3:44 pm
A va tha tawk reuh em!! Thawnthu tawi ziak tur hian ka inngaihtuah ve thin a, ka rilrua plot ka han duan hian a takah ziak dawn ila a tawi thei dawn lo tawp mai thin a. Tawite ngaihnawm zet plot te tham te tha tak si a han dah hi in va thiam hlawm tak em!
A changtupa hi Mr. TSA turah ngaiin ka mitthla-ah a tap kuang kuang tur hmel ka hmu a :lol: :lol:
Report this comment
November 14th, 2010 at 4:07 pm
@D_auaChwngthu, ____”confi tawka damlai lusun______” hi awm ve thei deuh mai a nia! :lol:
Report this comment
November 14th, 2010 at 4:08 pm
Puii Zún ka la ngai lo, Puii Zû erawh ka tem tawh! Kan khaw hmeithai a nia… :lol:
Report this comment
November 14th, 2010 at 4:22 pm
#20…Confi tawka damlai lusun…a van nalh veee :mrgreen:
Report this comment
November 14th, 2010 at 4:25 pm
Ha3, SMS chass tih tak ah chuan lung aleng alawm le. kei pawhin SMS chass chu ka nei ve thin, nuam ve mai mai thei tak chu a ni, Mak khawp mai, SMS Chass Puii tih ka nei ve, nuthlawi ve tho, (what a Coincidence, lol), hman lawka inthen, Delhi lo kal a tum ve nghe nghe,..
Report this comment
November 14th, 2010 at 4:25 pm
Ziak ngaihnawm thiam phian mai a :wink:
Report this comment
November 14th, 2010 at 4:48 pm
Ekhai! hei chuh!
Facebook Love, facebook love..tih hla ang deuh kha a ni maw??
Report this comment
November 14th, 2010 at 4:51 pm
SMS thawn chu nalh reuh phian..ngaihnawm reuh khawp mai….
A tawp hma mah2 a ni….
Report this comment
November 14th, 2010 at 4:54 pm
Sailo an sawi tur a neih ve ka van ring em!!! :roll:
Report this comment
November 14th, 2010 at 4:57 pm
Mr TSA, i thuziah chhiar a nuamin a ngaìhnawm thei hle mai..sms chhas chu ni chiah lo,mhse biak ngun deuh hi ka nei ve thin,lung te poh i ti léng deuh reuh e.
Report this comment
November 14th, 2010 at 5:20 pm
Mr TSa, ka va khawngaih king kiang che ve aw…Mahse Lunglen veng veng hi a nuam asin…I miss dan tur chu ka hrethiam pha in ka inhria…I contack no.9862771072 ah hian min lo hrilh teh,i remtih chuan.Pic. ka rawn mail che a,i receive tlatlo.
Thu i thiam a,i la naupang bawk a,i rilru i sen hman chuan thuziakah mi hlawhtling thei i nia aw.Ngaihnawm reuh lutuk.
Report this comment
November 14th, 2010 at 5:25 pm
:lol: @ 19 muante : MI i miss avangin i chhaw deuh vah mai.Mr TSa hi “Kuang Kuang” a ni lova,Hmuifang MI ah khan kal la chuan,”Kiang kiang” i ti ve ngei ang le.Hei hi alawm”Tih ngei tur tihloh” pawina thin chu..HeHeHe :lol:
Report this comment
November 14th, 2010 at 6:00 pm
Ziak thiam lutuk, ziak thiam lutuk. He nau hi, en ang a ni lo a nia. Thu leh hla lamah a hausa khawp mai.
Report this comment
November 14th, 2010 at 6:00 pm
va tha ve…. reliance 95 pack! sms pakhat a pawisa 25 kan chawi lai va ngaihawm ve.. :lol: :lol: :lol:
Report this comment
November 14th, 2010 at 6:04 pm
ipa loh vang anih chu.. bem vat tur alawm. mite hian tawngkam tha kan sen duh lohna ah hian an seng hrehlo teh ania.. tak takah nuthlawi zun hi chu tal chhuah a har anih hi..an inneih zan chu i mut bik ka ring chiah lo..
Report this comment
November 14th, 2010 at 8:16 pm
@ Mr.TS, heti lam hawi zawk hi i ziak tha thei dup dup hle mai, a tak a nih loh pawh in a tak hrul chu a ni ang mo…
a chhunzawmna ka lo chang e.
Report this comment
November 14th, 2010 at 8:51 pm
TSA i ziak thiam hle mai, a ngaihnawm e! A dang pawh ziak zel rawh! i talent dawnna ani tlat! OT lok, TS, i pic min thawn ka hmu lo ania! :cry:
Report this comment
November 14th, 2010 at 8:59 pm
A va ropui dap dap em,tiang lampang hi chhiar anuam ram hnuk khawihthil ai chuan :lol: chuan TS thlahrang lam rawn ziak ve tawh teh
Report this comment
November 14th, 2010 at 9:00 pm
Post tha satliah tak anih hi. Tsa til thenna lam tak ani…
Report this comment
November 14th, 2010 at 9:36 pm
@MR.TSA: MLTR hla ’25 minutes too late’ khan part deux lo siam leh hram teh khai (by popular demand) :mrgreen:
Report this comment
November 14th, 2010 at 10:32 pm
Keichu nula hnahkhat aichuan, lerh vang emaw, hur vang emaw nilo a vanduai vanga nuthlawi, fa nei tawh pawh nise… hmeltha tak leh fel bawksi hi nupui atan an that ka ring ta zawk deuh tlatmai, hringnun pawh an hrethiam in kan mizia pawh an hrethiamin an rilru a puitling deuh nge nge ang chu.
Rilru puitling leh intelectual bawksi, mi hriatthiamna ngah leh nunnem bawksi hi hmuhtur an vang emai tunlaia kan rualpui ho zingah hian. 
Hmeichhe inngaitlawm leh chapo lo, thuhnuairawlh leh dawh thei leh zaidam leh inpe zo hi, Rilru natna lo nei tawh ho zingah hian zawn hmuh an awl zawkin ka ring ta deuh…
Report this comment
November 15th, 2010 at 4:47 am
Val luck lo diary…..
March 3: Puii ka rim
August 15: Independent day a nia, ka chawl. Puii ka rim a, kan hlimdun hle.
Sept. 5: Puii ka bazar-pui. Biahthu hlan ka tum a, ka ngam thlawt lo.
November 5: Hmuifang MI ah kal ve turin ka sawm a, a duh lo.
November 15: Puiin pasal a nei dawn. Mahse ka leng tho.
Dec 1: Puii pasal neihnaah ka fatu a, ka buai hle.
Report this comment
November 15th, 2010 at 5:33 am
Tu emaw min ti hrechhuak mange… mzvision te kawmthlang lawk a awm thin pakhat chuan a bialnu hi a sawi ve sek a, a hnu ah a pasal neih dawnin fatu tura sawmna a dawng asin hairehai :lol: :mrgreen:
Report this comment
November 15th, 2010 at 10:25 am
Comment-tu zawng zawng chungah ka lawm e.
@Ainawn: Ka rawn call ang che.
@Maisek: Ka rawn mail leh dawn nia.
Report this comment
November 15th, 2010 at 10:34 am
@Mr. TS Nula ho hi i hmel hmuh tir lovin chhai la i chhai thlu chhelo viau in ka ring rem rem …
Tu te emaw chuan an chan chin i hre ru emawni an tih dawn hi… a in ngaih bel bel chu in ni a ni mai … le lei lei ah..
Report this comment
November 15th, 2010 at 10:55 am
“…Hmangaihna ka la na na na…” ni maw.. :lol:
#40.ZerO..:D
Report this comment
November 15th, 2010 at 11:17 am
Ngaihnawm reuh hle mai…
Report this comment
November 15th, 2010 at 5:19 pm
@Lersia: :lol: :lol:
@Turu^lo: Ka lawm e.
Report this comment
June 1st, 2012 at 12:44 am
Lunglennaness.
Report this comment