mi(sual).com

1st. Sunday: Zoram pumah kumthar hlim taka lawm a nia; kum dangah chuan kumthar ni hian ruai nena hlim taka hun hman á¹­hin a nia; tun á¹­um erawh hi chuan kumthar ni hi Pathian nia a tlak avangin Seventh Day Anventist Kohhran tihloh Kohhran dang chuan ruai an á¹­heh lo.

2nd. Monday: Kum danga tih á¹­hin ang bawkin mipui tlawh theihin Raj Bhavan hawn a ni a, mi thahnem takin an tlawh.

3rd. Tuesday: Chief Minister Lal Thanhawla, Health Minister Lalrinliana Sailo leh Sports Minister Zodintluanga te chuan Serchhipa 14th Assam Rifles din champha kum 53-na lawmna an hmanpui. 14th. AR hi January 1, 1959 khan Lt.Col. Hoshyar Singh, Military Cross of Rajputana Rifles-in Meerut-ah a din a; tuna Serchhipa an awm hma hian Nagaland, Manipur leh Tripura state-a hmun hrang hrangah te an lo awm kual tawh a, Serchhipah hian May 4th., 2011 khan an awm tan a ni.

4th. Wednesday: Maubawk Sikul Venga Thanghlunchhungi in, Assam type chhungkaw thum luah lai chu a kâng ral vek a, in kângah hian a chhawng laita luahtu Vanlalngheta Hnamte fate pahnih H. Lalhmingsanga (6) leh H. Laldinthara (4) te leh an mikhual Denghliri (46), Central Jail Veng te chu an kâng hlum a, hliam tuar pahnih an awm bawk.

5th. Thursday: Parliamentary Secretary, H Zothangliana chuan 7th. North East Business Summit, New Delhi-a neih tura tel turin Aizawl a chhuahsan.

6th. Friday: F.Engnghaka chuan a satel kg. 21-a rit, Rs. 2,500/- a a lei chu MADC Forest department hnenah tha lehzuala humhalh a nih theih nan a hlan. Hemi denchhen hian Saiha Press Club-ah ‘Nungcha humhalh programme’ an hmang a, MADC-a DCF, Thaly-a’n a hmanpui.

7th. Saturday: Pu H.Laldula Charkawn Mamit Insak mek lai kopang chu chimin mi pahnih Lawmkima (20) S/o Varziki Mamit Bazar veng leh Lalhratliana (38) s/o Taithanga [L] Khanpui khua, Mamit Charkawna cheng mek te chu delhin, 20 mins chuang lei vung hian delhin mipui kalkhawm ten him takin an hai chhuak leh.Lei a chim lai hian hnathawk pali awmin Lawmkima leh Hratliana hian lei laih zawhloh tlem chu hai lehin an hai lai hian an chhaklam ko chu rawn minin a chhilh ta ani. Leiminin mihring a delh veleh hian Ambulance chu phone nghal nimahse mihring lak chhuah hnuah pawh ala thlen theih mai loh avangin motor rem changin dangin damdawi in hi pan pui nghal anni.

8th. Sunday: Rev. Dr. R. Chhuanliana s/0 Upa Hrangkhama [L] Aizawl Theological Collage Durtlanga zirtirtu thawk lai chu Urinary tract cancer avangin Synod Hospital Durtlangah a boral. Rev. Dr. R. Chhuanliana hi a naupan lai atangin taima taka lehkha zir thin leh thiam thei tak a niin thu ziak mi leh zai ngaina tak a ni bawk. A nupui H. Lalthanpari leh a fate pathum a kalsan.

9th. Monday: Dinthar venga UPC biak ina inkhawm thin UPC-te chuan kum 1995 atanga an biak in kalh a nih hnuah, Dinthar branch YMA hmalaknain inremna thuthlung an ziak. Dinthar Venga UPC pawl pahnihte chu Dinthar YMA chuan an inrem theih nan August 2011 vel atang khan hma a la a; an inrem dan chuan, biak-in, a hmun leh bungrua zawng zawng chu UPC (NEI)-in an chang ang a, UPC (NEI) hian Mizoram UPC hnenah Rs. 10,00,000/- an pe ang. Pawisa inpekfel a nih hma chuan biak-in chu khawih rih loh tur a ni. UPC pawl pahnihte thubuai hi nikum lam khan Court-in remin, biak-in leh bungrua eng emaw zat sem mah se, tihfel loh thahnem tak a la awm a, chung zingah chuan Dinthar Venga UPC biak-in pawh hi a tel a ni. Dinthara UPC-te inremnaah hian UPC (NEI) atangin tualchhung Chairman, Rev. RC Puia leh Secretary Upa Lalnghinglova ten hming an ziak a; Mizoram UPC atangin tualchhung Chiarman, Upa C Lalpianthanga leh Secretary, Evan C Lalhmingliana ten an ziak bawk.

10th. Tuesday: Ramrikawna nula pakhat inkhawm kal tur chu mipa naupang pakhat, kum 14-mi in vuak thluka pawngsual a tum a, mahse nula hian he naupang hi hmu hmanin a kun a, naupang hian a nihliapah a vaw na a, a na ta lo hlauh a, he naupang hi Police-te’n manin pawngsual tum thubuai an siamsak. He naupang hi chak lohna nei a ni a, tun hma deuh pawh khan nula inkhawm kal tur pawh an puan bih a lo pawh thlaksak tawh a, tun tuma a chet dan pawh hi Police hma-ah a puang vek a, a vuakna thingfak pawh Police-te hian an kawl a ni.

11th. Wednesday: Mizorama thawk tura Missionary pahnih Rev. J.H. Lorrain (Pu Buanga) leh Rev. F.W. Savidge (Sap Upa) ten Sairang an lo luh champha Missionary Day vawi 118 na a nia; He ni hi sorkar-in chawlhniah (holiday) puang mahse kohhran (denomination) zawng zawng hian he ni hi an kohhran Missionary Day-ah an puang lova, Missionary Day hranpa an nei deuh vek hlawm avangin helh a mual mual an awm. Engpawhnise, Mizote tana ni pawimawh tak a nih avangin serh erawh a phu hle. Serh phu nia ngai Mizorama kohhran tam zawkte chuan Pathian ni angin an serh.

12th. Thursday: Principal Secretary Pu R L Rinawma IRS chuan a Pisa-ah ‘Eizawnna Bul Tan Dan’ tih lehkhabu a tlangzarh. He lehkhabu hi NEDFi leh SIDBI ten sumdawnna lamah Mizo thalai te kawng kawhhmuh nan an buatsaih a ni.

13th. Friday: Panchayat Mahila Shakti Abhiyan (PMSA) buatsaihin I&PR Conference Hall-ah “Dialogue on Women in Politics : Issues & Challenges” tih thupui hmangin hmeichhiate ram rorelnaa an tel chungchang sawiho a ni a; Parliamentary Secretary, S Laldingliana’n a hmanpui.

Sawihonaah, Mizo hmeichhiate zingah politics lam inhrilhhriat tam a tul thu te, hmeichhe tana 33% hauhsak awm chu a theih anga zauva chhawr tangkai a tul thu te, hmeichhiate hmasawn nana ram leh khawtlang inrêlbâwlnaah nasa zawka inrawlh leh hmalak tul thute an sawi. PMSA hian Local Council leh V/C-ah hian 33% aia tlem lo hmeichhe tana seat hauhsak turin Chief Minister hnenah lehkha an thehlut nghal a ni.

14th. Saturday: Sihphir Venglai Kohhran chuan Missionary a kal chhuak tur Pu Vanlalsiama Pipla,Cachar a awm tur leh a nau Nl. R. Lalramnghaki Ambasa, Tripura a awm turte thlahna inkhawm an nei. Hetianga á¹­um khata unaua Pathian rawngbawl tura an chhuak thei hi a ropui hle a ni.

15th. Sunday: Pathian Kohhran Thalai Pawl (PKTP) General Conference vawi 31-na, Dt. 13th. .Jan.2012 atanga Mamit Vengthar kohhran Biak in ah neih chu, a ta. .Kumin chhung hian Financial Campaign neih nise, PKTP inkaihruaina dan ennawn nise tih leh 2013 Conference chu Aizawl North ah Nghatin, Thupui atan “I pianna ramah kir leh rawh” tihte chu an thu rel langsar deuhte chu anni. PKTP Conference ah hian Palai 150 chuang an kal thei a ni.

16th. Monday: Lunglei Luangmual Branch YMA te chuan rakzu fun 647 leh a neitu an man. Luangmual YMA te hian Luangmual a Zu pek tum, H.Rammawia (53) S/o Sangkunga [L] Hauruang chu report an dawn bawhzuiin an lo changa, Rammawia hian heng Zu te hi a ma Motor MZ-02/1591 Taxi hmangin a phur a, Luangmual YMA te hian zing dar 3 bawr vel khan Luangmual hmun ah hian an lo man a ni. Rammawia hian heng zu te hi Chawngte atanga a lak niin a sawi a, tualchhung rate ang chuan cheng 64700/- hu man a ni.

17th. Tuesday: Pu L.B Sailo Director AH & Vety Deptt. chuan Lungleia a vawikhatna atan Liquid Nitrogen Plant leh Veterinary a hawng. He Project hian Bawng leh lawi hnutea intodelh nan Bawng tha leh hnute tam chi a bawngte kah-rai leh thlah pawlh tir a tum ber a ni.

18th. Wednesday: Mizoram Larsap Pu Vakkom Purushothaman chuan Khawvela chhungkaw lian ber a chhal Pu Ziona leh a chhungte Baktawng Tlangnuam a awm chu a tlawh a, Pu Ziona te hian Chhuanthar Stadium ah Larsap hi ropui takin an lo hmuak a, Chhuanthar Run ah Pu Ziona nen inkawmna hun tha tak an hmang bawk.

Larsap chuan amah lawm tura mipui kalkhawmte hnenah thusawiin Mizoram Governor tura ruat a nih tirhin Mizoramah mi pahnih chiah hriat a neih thu sawiin chung mite chu Mizoram Chief Minister Pu Lal Thanhawla leh Pu Ziona te an ni a ti a, Pu Ziona leh a chhungkuate bakah Tlangnuam khua chu hmuh ngei ngei tuma rilru siam sa vek a nih thu a sawi a, mipuiten an lo lawm dan chu ropui a tih thu leh a rilru a khawih thu a sawi a, hun thawl zawk neia tlawh leh ngei a duh thu a sawi bawk. Pu Ziona leh a pawlte hi Baktawng Tlangnuam-ah an awm a.

Anmahni inrelbawlna kawnga venhim hna thawktu Military Police 331 bakah Tlangval 177, Nu 422 leh Nula 149 an awm mek bawk a ni. Pu Ziona hi kum 1944 July ni 21 ah a piang a, tuna an chhungkaw dinhmun chu Nupui 39 neiin, Fa 86 (Mipa 40, Hmeichhia 46) a nei a, Tu (Grandchildren) 125 (Mipa 59, hmeichhia 66) neiin, a fapa te zinga 13 in nupui an nei tawh a, a fanu te zinga 23 in pasal an nei tawh bawk. Tuna Chhuanthar Runa Pu Ziona leh a nupui fanau leh a tute cheng zawng zawng chu mi 161 an ni.

19th. Thursday: Union Information & Technology Minister, Sachin Pilot chuan tunlai thiamna, Video Conferencing hmangin Aizawl BSNL Bhawan tur lungphum a phum a, Industries Department hnuaia Computer Aided Designing (CAD) Training Centre a hawng bawk.

20th. Friday: Hunthar Veng United Penticostal Church (UPC) North East India Biak In chu misual tu tih hriat loh ten an suasam a, maichama Bible pawtthlerin an hal a, lamtualah setana chhinchiahna (anarchy) leh kross lem ziakin Sakrament semna no-ah thisen tlem an dah bawk. Hunthar UPC (NE) Biak In hi Nilai zan inkhawm bak chu hawn a ni lova, nupa tuak khat Biak Ina tawngtai turte chuan an Biak In hnawk nuai mai chu hmuin kohhran hruaitute hnenah an hriattir nghal a. Kohhran hruaitute chuan Vaivakawn Police Station-ah FIR an thehlut a, Vaivakawn police te chuan Mualpuia Forensic department hriattir lehin, anni chuan misual te sulhnu chu uluk takin an chhui hna an thawk nghal a ni.

21st. Saturday: Vairengte Police te chuan saphu kawr Kg 90 vel an man a, Saphu kawr hi a rate kg-ah Rs 12, 000/- a chhutin cheng nuai 18,0000/- man vel niin an sawi a, an manna motor khalhtute chuan a neitu an hriat loh thu a mantu Police te an hrilh. Saphu kawr hi Burma kaltlanga China rama thawn tur niin an sawi bawk.

22nd. Sunday:Dt.20th. January aá¹­anga neih á¹­an Mizoram Presbyterian kohhran hnuaia Kristian Thalai Pawl bial conference chu bial hrang hrangah tluang taka zawh a ni.

23rd. Monday: YMA Sub-Hqrs, Champhai hmalaknain Champhaiah JCB hnatlang koh a ni a; Kanan Venga Forest checkgate leh Khankawn inkarah kawng tihzauh leh kawng sira leivûng an thianfai. Champhai khawpuiah hian JCB 40 vel a awm anga ngaih a ni a; Tun á¹­um JCB hnatlangah hian JCB 15 an thawk chhuak a ni. A thawk chhuak ve lo JCB-te chu hmun dangah hnathawka an awm mek avangin an tel ve thei lo niin an sawi.

24th. Tuesday: Mizoram State Election Commission chuan Mizoram district paruka Village Council 509 leh Aizawl khawpuia Local Council 82 inthlanna, February 23-a neih tura ruahman chungchangah dan angin hriattirna (notification) a chhuah. SEC hriattirnaa a lan danin, VC leh LC inthlannaah hian hriattirna hun hawn a nih aá¹­anga February ni 1 thleng mahni awmna Returning Officer hnenah hming pek luh (nomination file) theih a ni.

Hming pek luhte chu February 2-ah endik a ni ang a, inhnûkdâwk leh duhte tan February 3, tlai dar 3 thleng hun hawn a ni ang. February 3, tlai dar 3 hnuah RO ten candidate-te chhinchhiahna hman tur (symbol) an pe chhuak ang a, candidate-te hming an tar chhuak bawk ang.

25th. Wednesday: Ramchhung hmundangte rualin National Voters Day vawi 2-na chu Election Commission of India duhdan angin Mizoram pumah hman ve a ni a. Hemi ni puala hmanna pui ber Aizawl Vanapa Hall a inkhawm buatsaihah chuan Mizoram Chief Secretary Pu Van Hela Pachuau chu khuallian niin Voters Day thuchah a sawi.

26th. Thursday: Ram pumah Republic Day lawm a ni. Mizoramah pawh district khawpui hrang hrangah sorkar mi pawimawhte insem darhin hman a nia; a hmanna pui ber Aizawl Ramhlun Sports Complex field-a neihah Mizoram Governor Pu Vakkom Purushothaman chuan Hnam puanzar a pawt pharh a, Parade contingent hrang hrang chibai a chhanglet a ni. He hunah hian Chief Minister Pu Lal Thanhawla leh a nupui Pi Lal Riliani; Speaker Pu R. Romawia; Council of Ministers; Parliamentary Secretaries leh MLA engemawzat an tel a ni.

27th. Friday: Lalduhawma (25) S/o L Lalmuana Thenzawl UPC veng chu Kanghmun leh Buangpui inkarah a bike khalh leh tipper insuah ka chhawn lohin a thi. Lalduhawma hian nupui neiin fa pakhat a nei a, Thenzawl UPC venga a pa te in bulah miin luahin inhrang an chang ve a ni. Amah hi 2 wheeler mechanic zir chhuak a ni a, bike han siam ve chang chu nei thin mahse, thingzai kharchhawngin ei a zawng thin. Tipper khalhtu hi Dumka a nia; a tlanbo nghal.

28th. Saturday: Aizawl Civil Hospital-ah naute mipa kg 6 a rit a piang. Naute nu hi Laltlanfeli (30) Ramhlun North-a Lalpianruala nupui a ni. Hospital Doctor-te chuan Mizorama naupiang lian ber a nih thu an sawi.

29th. Sunday: Maubawk leh Tlawng road inrina kual thuk lai takah wagonR a accident-a, a hmunah Zonpui s/0 Thangzuala Sailung Bungkawn Veng, Aizawl chu a boral. Motor-ah hian mipa leh hmeichhe pahnih ve ve chuangin hmeichhe pahnihte hian hliam an tuara; Civil Hospital-ah dah anni. Zonpuia hian a thih tur hi a hrelawk emaw tih mai turin hetiang hian a facebook wall-ah a post “ka wall chu sunna thu leh uina thu ten a khat dul a,ka thian hnai zualte’n ka thlalak upload ve chhun ang2 te thlirin mak tiin an bangbo a…ka freinds te zinga ka biak poh lutuk lemloh te chen chuan min ui thar hle hian an lang hlom a…a nachang hre fal ten an status ah Rest in Peace tiin min thlah liam ta bok a………ka thian,i chungah leh ka chungah hian he thil hi thleng thei reng ani tih i ngaihtuah ve ngai em le….” tiin.

30th. Monday: Ram pumah Martyr’s Day hman a ni a, Mizoramah pawh he ni hi urhsun taka hmangin zing dar 10:59 – 11 inkarah Siren tihrik a ni a; hna kal lai dahtha in, ngawi rengin minute 2 chhung an ding. Minute 2 a ral tih hriattir nan Siren hi dar 11:02 am-11:03 am inkarah tihrik leh a ni.

31st. Tuesday: MZU Alumni Association of Public Administration (AADPA) chuan I&PR Conference Hall-ah tualchhung inrêlbâwlnaa mipui chan chungchang zirhona, ‘Seminar on People’s Empowerment & Local Self-Government’ an buatsaih a, Chief Secretary Van Hela Pachuau-in a hmanpui.

This entry was posted on Sunday, February 5th, 2012 at 8:30 pm and is filed under Information. Both comments and pings are currently closed.