(Nula leh tlangvâl inkârah) 
He thu hi ho hlein lang mah se, ngaituahna tuipui zauvah kawmpas tel lova min lên kawi rengtu a ni fo mai. A chêpakaiin chhui dâwn ila chêpa note pakhat tak ngial pawh ka la perh thla si lo. Eng pawh ni se, hriatthiam mang loh ziah pawh hi a hrethiam tâwk an lo awm ve zêl a, a hlâwkna kan têl lêt hlauh thin a, inthlahrung leh ngampa ang reng tak siin ka rawn thai ve mai mai a nia.
Thian rau rauah pawh ‘Thian bul’, ‘Thian tha’, leh ‘Thian satliah’, tihte hi a awm a. An hlut dân pawh a inang lo thluah âwm e. ‘Thian bul’ tih hi chu a nghet a, a thûk a, a ngah pawh kan ngah ngai lo. Kan engkima kan engkim an ni a, thu chhia-a-tha kan lâkna hnâr ber an ni; a awmzia takah chuan kan ‘innghahna’ an ni. ‘Thian satliah’ tih hi chu kan sawi tûr huangah a tel ve dâwn loh avangin sawi thui lo mai ila.
‘Thian tha’ tih tak hi buaina chhûmpui, mite timangangtu ber chu a ni. ‘Ka thian a nia’ tihah hian thu khuh tam tak a awm tel thei tlat! Thian tha inhmangaihna hi a hlû a, a ropui a, nasa taka ngaihhlut tûr a ni. Kan thian thate tân chuan engkim kan phal a, keimahni ngei pawh kan inpumpêk thin.
Min be khât deuh se kan khua a har a, kan haw lek lek thin. Mahse kan haw rei ngai hauh lo. Rei loteah inngai takin kan inpan leh nge nge thin. Hei hi thian tha tak, nula leh tlangvâl kâra thil awm thei, awm ngei leh la zawm zêl tûr chu a ni.
Thian inkâra hmangaihna thûk tak awm chu sawisêl chi a ni lova, thîk chi pawh a ni bawk hek lo. Chu tak chu alâwm thian thaa min siamtu chu! ‘Thian atang hian inngainatna – induhna – inhmangaihna a lo chhuak thin’ tih formulae hi in pawm ve em? Thian tha atang ngeia innei tate hi an inhmangaihin an inmil duh phian! A nih si chuan, thian inhmangaihna chu nula/tlangvâl inhmangaihnaah a lo inlet (transformed) tihna a ni ang.
“Ka thian alâwm” an tih tlat hi chuan thîk chi lah ni bawk si lo. Inhmangaihna thûk zâwk a thleng awlsam êm êm tih kan hre ve kur bawk si. Kan ngai êm êm a, an bula tawlh hrut hrut hi kan thlahlel fo thin. Kan hmangaih tlat a (thian inhmangaihnain), kan kalsan hlei thei lo. Chu kan thian chuan ngaihzawng lo nei ta se, a ngaihzawng chuan min thîk ve viau thei bawk. “Kan kârah engmah a awm lo, thian tha alâwm kan nih” ti mah ila, eng nge lo thleng ta ang le?
A nih chuan le, thian inhmangaihna (nula leh tlangvâl inkârah) nge thûk zâwk anga ngaihzawng inhmangaihna? Thian inhmangaihna chu ngaihzawng inhmangaihna a ni ve mai em? He hmangaihna ve ve hi thil pahnih, mahse pakhat ni si a ni. Chuvangin, i ngaihzawng khân thian tha hmangaih tak a nei a nih chuan thîk loh ngawt kha a dik ber lo, thîk ngawt pawh a dik ber chuang lo! A harsa a ni ti r’u? A chhan chu an inngainat êm êm chuan keini min kalsanin an inngaizawng hlauh thei tlat alawm! Hui ha…!!!
Similar Posts:
- A ngai em em che a sin
- Engatine hmanah khan i sawi loh!! :-(
- Harsatna Kan Tawh Pawhin
- Mizoram Heavyweight Boxing Champion leh Sisil Hipson
- The poem which makes me cry
:-D ka gril a tram..
February 9th, 2012 at 11:37 am
I chhas in “ani chu ka thian alawm…” a tih tlat tawh chuan a rang lama ban a tha….a chang chuan
February 9th, 2012 at 11:39 am
Thian nge ngaihzawng, chhiar ila..
February 9th, 2012 at 11:43 am
“Kuch Kuch Hota Hai” en tawh tan chuan i zawhna chu chhan a awl viau ang.
February 9th, 2012 at 11:55 am
Future Twillite.
Mahse thian sas neilo kawma, a hnu a ngaihzawn chu a nuam anti.
February 9th, 2012 at 11:57 am
Opposite Sex inkara thian inpawhna thuk tak boruak hian thanlen zel a tum a, thuk leh zuala kal a tum chuan, a dawt leh chu HMANGAIHNA hi a ni chawk asin! Hei hi khua rel a ni. Single tan chuan tihtawp tum ngawt chi a ni lova, chhawmnun chi zawk a ni. Married life-ah erawh chuan a rang a ranga tih tawp tum a fuh chawk.
February 9th, 2012 at 12:17 pm
Hmangaihna hian thian leh ngaihzawng a thliar hrang lo niin a hriat.
February 9th, 2012 at 12:33 pm
Thian inkawmngeihna atanga hmangaihna lo piang dun hi a ril a, a tlo bwk. Mahse, a ruka va hmangaihten min hmangaih let ve loh chuan a ruka tawrh veng2 ani mai. . .silent cry evry nght! Huh!
February 9th, 2012 at 1:26 pm
I post hi thikthu tihchhiatna a rawn thlen zual..
Ka rindan leh hriatdan awlsam ber chu,” ‘Thian’ chu ‘Hmangaihna’ ah a tawp a, ‘Hmangaihna’ chu ‘Thianah ‘”. A in equilibrium chiah.
February 9th, 2012 at 1:36 pm
@5 a Kawnga sawi khi a dik hle mai. Kei ka ngaihdan ve mai2 ah chuan hmeichhia leh mipa,mipa leh mipa inkawp ang tluk a inkawmngeih te hi hi thil awm thei niin ka hre lo. A phenah hian a ‘chhuai’ hi a awm ngei2 fo. A awm loh chuan a ‘uaithla zan lo’ deuh ani maithei.
Thian tha tak nupui-pasal a neih tluk erawh a awmin ka hrelo kei misual hian.
February 9th, 2012 at 2:01 pm
Chhim lamah chuan ngaihzawng ti lo-in “ṭhian ṭha” an ti e, an tih kha!
February 9th, 2012 at 2:25 pm
Tun a i harsatna tawh mek lai a ni chiang mai
February 9th, 2012 at 2:37 pm
Chhangtevala pawh hian ex pakhat a nei ve a, mahse chu nu ex chu amah a ni ve miahlo. *ngaihtuah thui peih tan*
February 9th, 2012 at 2:43 pm
Chhiar anuam hle mai. He tiang thil hi chu ka tawng ve tawh.
February 9th, 2012 at 3:32 pm
#12 sandman, are yaar
February 9th, 2012 at 4:38 pm
Ka high school thian kum 12 hnuah nupuiah ka nei.
February 9th, 2012 at 5:24 pm
Mipa thian kawm anga hmeichhe kawm chu harsa ka ti
February 9th, 2012 at 5:29 pm
thian hi an ti jeih jeih a!!!
February 9th, 2012 at 6:03 pm
Mipa leh hmeichhe inthian thatna hian hmangaihna diktakaha hruailut duh khawp ang. Mize inang, duh inang tan lo chuan mipa leh hmeichhia inkawmngeih em em hi a harsa a nia……
February 9th, 2012 at 6:05 pm
Ngaihzawng ka neih lohna a rei ta deuh bawk a, in titi ka man chiahlo hairehai
#3 khi ka pawm pui mai ang e
February 9th, 2012 at 7:43 pm
Mipa leh hmeichhia(Nula leh tlangval) Thian tha tak ni a, an inkawm ngeih em em thei hi a mak ka tiin ka hrethiam thei chiah lo. Ka ngaihzawn ruk deuh lo chu ka kawm ngai tlat lo va. An inkawmngeih a, an in ngaina viau anih chuan, ‘Kuch kuch hota hai’ anih mai hmel lo maw??
February 9th, 2012 at 9:58 pm
Hmeichhia leh mipa in hmangaihna ah chuan Frienship, Love and Sex made a real relationship an ti ṭhin in ka hria
February 9th, 2012 at 10:03 pm
Zo tawng ziak i thiam hle mai… “chepa note pakhat tak ngial…” tih a, “tak ngial” khi ⇨ takngial tiin ziak phei la chu!…
A ngaihnawm hle bawk ★★★★☆
February 9th, 2012 at 10:05 pm
Thian hi a hmei a pain ka ngah a, mahse engkim ka hrilh ngamna leh ka kawm ngeih em em hi mipa pakhat leh hmeichhe pakhat ka nei a…. bialnu nghet tak ka nei bawk.
February 9th, 2012 at 11:52 pm
A ni chu ka thianpa a nia…mahse…mahse…
Should i smile coz he is my friend..
or should i cry coz he is all dats it
February 10th, 2012 at 4:11 pm
Bialnu tur lo chu hmeichhe thian hi ka nei lem lo khawp mai.
February 10th, 2012 at 5:18 pm
Mihring hi kan inang lova, mipa leh hmeichhia inkawm ngeih tak2 hi ka tawng ve nual tawh a, chutiang vel vang chuan rilruah a lo lut tlat mai pek alawm le.. Ka lawm e
\