Kan Mizo pipute hian thlî hming hi chi hrang hrang an lo vuah a, chu’ngte chu hriat mai mai a ṭha ve e..
Hunbi neia tleh ṭhîn te
1. Vahtlai thlî: Hei hi kumthar tìra thli hmasa bera ngaih a ni. January thla tâwp aṭanga February thla thlengin a thaw vúk vûk a, khaw that lai leh chhûn pachangah pawh a tleh ṭhîn a ni.
2. Thlipui: March thla atanga May thla tâwp thlengin a tleh ṭhîn a, ṭo ruah lo hâwn dâwn chuan thlipui pawh a tleh tawh ṭhîn. Thlî leh ruah a inzawm deuh avângin thlipui a tleh tawh hi ṭo ruah pawh a lo sûr ve mai ṭhîn. Thlipui tleh hian chênna in a tichhe nasa thei hle.
3. Pasawntlung thlî: Vahtlai thlî a reh hnu aṭanga rei lo tê, March thla tìr aṭang chuan khaw that ni pawhin a thaw leh vak ṭhîn a, nikhat aia rei te a thâw a; chuta ṭang chuan khawi maw lai pasawntlung leiah chuan pasawntlung a lo ṭo tawh ṭhîn. Chuta ṭang chuan thlatin a tleh a, June thla thlengin a tleh ve ṭhîn. Pasawntlung hi ṭum li a ṭo ṭhîn a, a ṭo apiangin thlî a tleh ṭhîn a ni.
4. Maupa thlî: June thla tìr vêl lai aṭanga thlî a thâwt vúk vûk chuan Maupa thlî a ni an ti. Maupa pawh hi ṭum li lai a ṭo ṭhîn a, June thla aṭanga October thla thlengin a ṭo ve ṭhîn.
5. Siruk la thlî: Thlipui hnuhnung leh thlipui na bera sawi a ni. May thla tâwp lama tleh ṭhîn a ni a, he thlî a lo tleh tawh hnu hi chuan thim hlima khawthlang lam kâwl bula lang ṭhîn siruk chu ‘thlipuiin a la ta’ tih a ni tawh ṭhîn. October thla tìr khaw thiang takah thim hlimah khawchhak lam han hawi ila, a ngai têin thar sara hmuh theihin a lo chhuak ṭhîn. Hetih huna sirukin vanlaizâwl a thlen hun hi lêng hàwn huna ngaih a ni.
Hunbi nei lêm lo thlî te
1. Telphawk thlî: Tleh hunbi a nei lêm lo. Thlipui na tak lei lam leh kilkhâwr lam hrûta a tleh vak hian, “He thlipui tleh dân chu a dang lam mang e, telphawk thlî a ni,” an ti ṭhîn. Thlichhia an tihte zînga mi a ni.
2. Ṭhawngaleivir: Hei hi thli vir a ni a, thâl lai March leh April lai vêlin a awm duh deuh bîk nâ a, hunbi nei thlî erawh a ni lo. Hmun hrang hrang aṭanga thlî lo kal intâwk khâwm kha a vir ṭhîn; bial tè deuhva vir a awm a, a châng chuan bial lian tak pawhin a vir mup mup ṭhîn.
3. Thlichhia: Cyclone an tih ang chî deuh, ni chuang si lo a ni. Favâng lai hi a tleh duh hun a ni a. Kum 1875 pawh khân a tleh vak tawh a, ‘thli chhe tleh kum’ an ti nghe nghe a ni.
4. Sâr thlî: He thlî pawh hian tleh hun a nei chuang lo va, khawṭhat lai pawha thâwklehkhata lo thaw vúk vûk, rei lo têa reh leh mai ṭhîn a ni. Upate chuan chutianga thlî a lo thâwt tawh chuan ‘sâr thi an awm dâwn a ni ngei ang’ an lo ti ṭhîn.
5. Chhêmdam thlî: Hei hi a hranpà taka awm a ni chiah lo. Ṭhâl lai, nipui sen sat laia thlî mamawh viau laia min chhêm heuh heuhtu hi chhêmdam thlî tia sawi a ni a, thlifîm ti pawhin an sawi tho bawk.
6. Thlifîm: Hei hi hun bi pawh nei chuang lova thli vâwt ṭha tak, zawi tê têa thaw heuh heuh ṭhîn hi a ni. Thlifîm hi kum tluanin a awm a, chhûn leh zânah pawh a tleh ṭhîn. Chhêmdam thlî nena sawikawp ṭhîn a ni. He thlî hi Mizoram tinuamtu bera sawi a ni bawk.
7. Kawrhawp thlî: Kawr ruam thûk deuh chinah hi chuan a lui kawr leh a kam vêlah thli vâwt tak a tleh ve deuh reng tṭîn a, chu chu ‘kawrhawp thlî’ an ti.
8. Huih chhuk thlî: Khaw chhûng emaw, ramhnuai emaw, khawi laiah pawh hmun sáng zâwk aṭanga hmun hniam lam hawia thli chhuk tleh ṭhîn hi ‘Huih chhuk thlî’ an ti ṭhîn.
9. Huih chho thlî: Hei pawh hi hmun hniam zâwk aṭanga hmun sáng lam hawia thli tleh ṭhîn sawina a ni.
10. Thlirum: Hei hi a eng ber nge tih hriat a har viau va, mahse, thli hming pakhata vuah ṭhin chu a ni.
Thlî hi koh hâwn theiha ngaih a ni a. Ṭhâl nisat lai leh kawng chho taka kala han hahchawlha thlî a ngawih dúk hian an han faifûk hlarh hlarh a, rei lo tê-ah thlifîm a lo thaw mai ṭhîn.
He thu hi C. Lalbiaknema lehkhabu, ‘Zoram Mawitu’ tih aṭanga lâkchhuah a ni.
A lem târ lan a châkawm viau nâ a, tihngaihna a awm ngang lo a ni e! 
Similar Posts:
- Khua-thlir
- Thli hi in hlau ve em?
- Mizo ruah hming chi hrang hrang te
- I hre thar ang u
- Chhemdam Thlifim
February 9th, 2012 at 3:15 pm
Chhiar chiah i la…,
Report this comment
February 9th, 2012 at 3:20 pm
Tuaisiala nge nge, beng a ti var thin mang e
Report this comment
February 9th, 2012 at 3:24 pm
Mizo ‘thil’ chi hrang hrang te ti a ka chhiar puat chu le
Chhiar tan i la…
Report this comment
February 9th, 2012 at 3:25 pm
A dangte:Chil-thli,Damdawiin-thli,Luai-thli,Thingpui no a-thli
Report this comment
February 9th, 2012 at 3:26 pm
A pic in rawn post loh chuan engmah ka awihlo!
Report this comment
February 9th, 2012 at 3:28 pm
Thlipui, Ṭhawngaleivir, Thlichhia, Chhêmdam thlî leh Thlifîm te hi ka hre ve, a bak chu ka tan chuan ka hriat vawikhatna vek
Post
Report this comment
February 9th, 2012 at 3:31 pm
Tak tak a,to/tote a tel ve em?
Report this comment
February 9th, 2012 at 3:35 pm
Pu XaiA: ṭo hi chu ruah hming a ni zawk lo maw..
Report this comment
February 9th, 2012 at 3:36 pm
thli pawh chu a va tam ve mawle
Report this comment
February 9th, 2012 at 3:36 pm
Thli na deuh taka a tleh hian ‘thlipui’ kan lo ti vek mai asin.! Ava bengvar thlak thin em!
Report this comment
February 9th, 2012 at 3:40 pm
Kan khua ah chuan Vawmkhum thli kan nei bik.
Kan khaw pa pakhat Aizawl zin pawh khan,’In khua ah hian vawmkhum thli a tleh ve thin em?’ a ti heu mai. 
Report this comment
February 9th, 2012 at 3:46 pm
@8,Ni dawn tak e…kan tar ta ni!!!
Report this comment
February 9th, 2012 at 3:53 pm
Tuaite, ṭo hi chu thli leh ruah in pawlh tihna ani lo maw…
Example: ṭo hawn lai ania TuaiZiala leh Sadman-a te meuh pawhin chhas an rim hlei theilo.
Report this comment
February 9th, 2012 at 4:45 pm
To a lo haw ruala thli lo tel hi to thli kan ti ve thoin ka hria.
Report this comment
February 9th, 2012 at 5:16 pm
Tualte vanglai zaithiam hmingthang Buizova pawh kha tum khat chu sunhlu kungah a zai a, chu chuan thlifim a koa, sunhlu hnah pawh a chhem til ar ar mai an tih kha maw
Report this comment
February 9th, 2012 at 5:53 pm
A chungzawkah khian #2 chiah ka hria. A hnuai zawkah khian #2, 3, 4, 6, 8 te khi ka hriatsa anni ve tleng mai a. A bengvar thlak e
Report this comment
February 9th, 2012 at 6:04 pm
Thli chi hrang hrang chu, a picture nen lo post tak tak teh.
Report this comment
February 9th, 2012 at 6:15 pm
Thli pic hi keipawh ka hmu duh. Good post.
To hi chu ‘state of the weather’ a ni mai lo maw. To ruah, to pui, to te tihte to kaihhnawih sawina a awm si a.
Report this comment
February 9th, 2012 at 6:39 pm
Eng vang a thli hi lo thaw nge a nih? Tui fawn vang a thli lo awm a nih chuan eng in nge tuifawn chu siam? Tuifawn chu lei a vir vang nge gravity vang? A eng a pawh chu lo ni se, eng vang a lo thleng nge?
Pathian hi chu a lo ropui a ni..
Report this comment
February 9th, 2012 at 6:48 pm
Virthli leng …
Khawiah liam che maw aw,virthli
Rum vung vungin thang ril laiah
Zantiang chhawrhtlapui eng hnuaiah
Zawt ila min chhang tak ang maw
Khawiah liam che maw aw,Virthli…
Primary schoolah kan zir thin kha mawle!
Report this comment
February 9th, 2012 at 7:29 pm
Lalpa thlipui a tleh chiam a.. tih a lo lang daih! a chung zawkah Thlipui chiah ka hria a, a hnuai ah thlifim ka hria
chuan chhemdam thli leh thlifim i sawi fiah khi a tha, an in ang ah ka ngai!! 
bengvar thlak e.
Report this comment
February 9th, 2012 at 7:53 pm
‘Thli hur’ i sawi tel lo.
Thli in hmeichhe pawnfen, kekawrte lang huang khawpa a chhem chhoh hian ‘Thli hur’ anti.
Report this comment
February 9th, 2012 at 8:37 pm
He shark, Karachi, Pakistan-a thi-a an chhar hi a lian fu ni!
in.my.yahoo.com
Report this comment
February 9th, 2012 at 9:15 pm
A va tha ve o . a bengvarthlak hle mai .
Kawrhawp thli hi ka lo hre ngai miah lo a . Hmar thlipui ( hmar thimpui , thlipui leh ruahpui vanawn ) , chhim thlipui tih te pawh a awm thin kha mawle .
Report this comment
February 9th, 2012 at 9:40 pm
Ka hrelo teuh. Maipawl ka put belh leh ta. Chhemdam thli…lung ava dum ve
Report this comment
February 9th, 2012 at 9:56 pm
★★★★☆ bengvarthlak e
Report this comment
February 9th, 2012 at 10:23 pm
#23, SialA, news link i dahin i news page url kha dah ta zok la, main site url niloin, news item phei chu main page atangin a liam zung2 a…hehe, lian khawpppp mai https://in.news.yahoo.com/photo.....slideshow/
OT loh nan, luaithli hi chu a la na vak lo a, luathlipui hi chu na tak a ni, kumtin experience tu Asteric te sawi danin.
Report this comment
February 9th, 2012 at 10:32 pm
@Rembawih, ka link dah khi, a sei duah loh nan ka titawi a, link-a luh chuan a news page-ah a lut nghal ang. News page URL a ni e, ka dah chu.
Ka dah hnuhnun ber khi a fu zan lo a ni maw..
Ka’n dah tha leh ang e.
Hei hi chhiar rawh u le!
Report this comment
February 9th, 2012 at 10:32 pm
Thlichhia/cyclone hi ka hlau khawp mai, ka experience ve nual tawh a
Report this comment
February 9th, 2012 at 10:35 pm
#27….hahaha
Catherine Boihi, nang hi chuan luaithli pawh nilo ṭhawnga leivir hi i experience tawh nilawm ni. I mipa duhzawng pawh Stone Cold Steve Austin te lo kal tur ang maia thinrim avanga darthlalang vawm keh chhuaih thei, chaw ei laia thleng thlawk thei siam thiam an ni hial lo maw 
Ka nuih aza tlat in hrosak nana nupui te hmuha darthlalang hnek tih vel hi
Hetiang hi pa ilo ti ange, Drum set ah i chang a ni mai 
Report this comment
February 9th, 2012 at 10:36 pm
thli hi a thawt tak tak chuan a lo chak khawp mai, lamkhuang rah te hi a chhem til ur ur thei nia maw le
Report this comment
February 9th, 2012 at 10:36 pm
Tuaia chu i va post hlauhawm ve
Thli hi ka hlau tawp, a rik vuk vuk tawh chuan ka buaichhe vek. Ka mu thei lo a, ka thu thei bawk lova, ka vei sek a, ka restless vek zel.
Report this comment
February 9th, 2012 at 10:41 pm
Upa in ruahpui leh thlipui hi cho reng reng loh tur.. an ti ve tlats, thli i van hrehnem ve. I thaw deuh vuk vuk reng a ni maw??
Report this comment
February 9th, 2012 at 10:49 pm
ReMpY comment na aṭang a relate tura ka rinin ka comment ve ngawta alo in relate lo tawp mai a.
Thli chungchang pangngai alo ni maw…Ka hriat ngailoh deuh hlir a ni, a bengvar thlak hle mai. 
Ka pu hian thli hi a hlau teh a sin, a thlam sak tepawh ban lian tawk tawk a phun ziah ṭhin
Report this comment
February 9th, 2012 at 10:50 pm
a kum tel in thli hi a na tual tual an ti , because ( A vang chu )
Nikum leh kum hmasa lam pawha a chhem tliah zawh loh thingzar te hi a chhem tliak zel . 
Report this comment
February 9th, 2012 at 11:24 pm
Cylone hi hmanlai pawh khan a tleh ve fo awm si a, engnge a hming ni ve ang le?
Report this comment
February 9th, 2012 at 11:30 pm
“Khiti laia thingluang khi, thlitha chhemthluk nge thlichhe chhem thluk“…Rang taka sawithei apiang sandman’an admin nihna a hlan ang
Report this comment
February 9th, 2012 at 11:33 pm
@36 zovel hman lai chuan Saitlawn an ti
. . tak tak a post a in ziak Thlichhia emaw Telphawk thli an tih te hi a niang a . Satel pawh chhem phawk hlawk thei kha a nia .
Report this comment
February 10th, 2012 at 12:30 am
“Mizo thli” han tih ngawt mai khi a mak ka ti deuh a. Thli te chu a neitu bik kan awm pawhin ka lo hre ve law; a thaw emaw thaw lo emaw hnam chi hrang hrang hian kan intawm vek ni maiin ka lo ngai a, a lo ni lo deuh em maw ni chu le, ka tih phah ta.
Report this comment
February 10th, 2012 at 12:41 am
#39 @hlatekhua: ‘Mizo thli hming’ i ti mai teh ang! A hriatthiam theih tho khi maw…
Report this comment
February 10th, 2012 at 12:44 am
@38 Hahaha…..thlichhia a sawifiahnaah khian cyclone ang deuh, ni chiah si lo a ti bawk si a
Report this comment
February 10th, 2012 at 10:35 am
#37 khi ka thiam chi
Report this comment
February 10th, 2012 at 5:27 pm
A va tha kher em! Ka bengvar phah leh ta sawt e. A post-tupa KZP
Report this comment
February 10th, 2012 at 7:24 pm
I source hian a hrefuh chiah ang em aw?
Chhemdam thli hi chu thumal pangngai ni lovin, hla thu (poetical word) a ni zawk lo maw?
To thli hi a telh lo bawk a. Hunbi neia thawk thin, a hming pawh kan neih hran ngat a ni. To ruahin a zui chawk bawk.
Report this comment
February 10th, 2012 at 10:12 pm
Thlipui leh hunbi neia sur thin ruah hi sawi hran chu a har khawp awm e. Ruahthimpui te, To/Tote te, Ai ruah te hi thli nen an thawk tel thova, To phei chu a thawk na thei khawp thin.
Engpawhnise, a bengvarthlak e
Report this comment