Valentine’s Day chu karleh lawk hi a lo ni leh ta reng mai a, nula leh tlangval inngaizawng tan chuan a hlu leh hle dawn a ni. Ngaihzawng nei chiah lo tan pawh star te present pek ni remchang tak mai ania, kan duhna tihlanna remchang tha tak a ni ngei ang le.
Hmanni ah ka diary hlui tawh tak mai ka haichhuak a, 2003 kuma ka Valentine’s Day hmandan nuihzat thlak deuh mai ka chhiar a, ka`n sawi ve mai mai ange. Chu chuan kum danga ka hman dan te pawh min hriat chhuah belh tir zela, sawi lang ve mai mai hlawm ange.
2003 kum chuan ngaihzawng hi ka la nei chhin lo reng reng a, mahse classmate te hnen atang chuan Valentine’s card chu vawi hnih khat chu ka dawng ve tawh tho a ni. Hmeichhia hi mipa aiin hetiang kawngah hian an lo advance deuh te pawh ani mahna.
Mahse `03 kum chuan ka dawng lem lova, kan in piah lawk ah hian kan venga kan thiannu te hian eichawp dawr an siam a, kan thiannu chuan a nghak a, ka ngaihtuah lawk pawh anilo, ka phur thut chuan Xmas card hlui kan dahthat chu ka hai chhuak a, magazine ami milem ka chep thla a, ka chei chawp ta alawm male, a chhungah chuan vaipa hmelchhe deuh lem hi ka bel tel bawk a, “i la biu” tih angreng te, “ka hmangaih tuvu che” tih te ka ziak a.
Envelope ah ka char thlap a, sikul naupang veng dang atanga lo kal tlang tur hi ka pek tir a, ka bihthla ru ran a, a hawng lai hmel te, a chhung a hmuh a mengphawk leh a han keu chiah a hmel nur nung mai te, a hawi kual nghal zak zak a, nui kur kur chunga ka lo bih thla reng mai te kha ka mithla ah hian a la cham reng mai.
A hnu deuh ah ka va lut chu a lo thukru tat tat a, enge a, ka tih pawn a sawi duh miah lova, ka en a phal miah lova, khatiang reng renga Valentine’ Day nuihzatthlak kha ka hmang leh ta lo vawiin thleng hian…
Tum khat ve thung chu a kum tak ka hre ta lo, ka thiannu (ka boss a ni zawk mah) hian min bawl alawm mawle, kan veng nula fel ve deuh mai pakhat hi min star tir tlat a tum a, a bialpa card tur a lei rualin kan veng nula fel deuh ka thawn tur chu min lo lei kep ringawt mai a, chuan a dawn hnaih ah chuan lo ziak rawh atia, ka theih tawpa nalh leh sweet thei ang ber turin ka card dawn tawh ho te entawn chungin ka`n ziak ve ta a nih chu, kha kha Valentine’s card ka thawnchhuah hmasak ber ania, a hlut ve tehreng nen min ngaizawng ve miahlo tu ka thawn ta anih chu! ka ziah zawh chuan mipakhat a rawn lak tir a, an han thawn a, mahse chu nu lah chuan min lo la duh lo zui…
Tlangval ve tak tak kan ni tawh bawk a, ngaihzawng te pawh Valentine’s day ka hmanpui ve zing ta, vawikhat chu kan thianho kan intipa lui alawm male, bialnu te bulah hman loh tur kan tia, mipa hlangin kan hmanga, nuam kan ti ve khawp mai a, panga kan nia tumah ahrangin kal loh tur kan tia, kan thianpa hian a pa gypsy a la chhuaka, Bawngkawn ah sawn zan dar 11:30pm velah a thi ta tlat maia, a pa a hlau si, kan nawr haw ta alawm, alo rit khawp mai a, zing dar 4:30 ah te chuan vai mutia bazar kal tur kan au a, kan la in nawrpui tir zak zak.
Tumkhat ve thung chu, couples hnih chauhin hmang ang u, kan tia, mipa pahnih leh hmeichhe pahnih in hman kan tum a, pawna chaw eina tur te pawh kan ruat fel vek tawh a, kan thiannu bialpa, kan thianpa pakhat chuan alo kawp chu lo niin, a rawn kal thei ta reng reng lo mai, kan be tlang thei tawh bawk silo, chhungte bulah hmun dangah chaw kan ei dawn kan lo ti lawk vek tawh bawk si! buaithlak duh khawp mai.
Pune-a keimah chauha ka hman tum kha chu Chukchu nite-a Johna`n Mizoram chu a boring a tih ai mah khan Pune kha boring ka ti daih zawk ang…kek3
Valentine’s Day hman nuam vek ule…
Similar Posts:
- Valentine’s Day special
- Happy Valentines day…@ol
- Divorce Christmas cards
- Valentine’s Day Pual
- Mobile Phone ka nei ve a – II
Last...
February 9th, 2012 at 9:36 am
A tha khawp mai
Report this comment
February 9th, 2012 at 9:36 am
V Day hi Inrinni ah ni thin sela a tha ang. Tun tum chu Tuesday ani dawn tlat.
Report this comment
February 9th, 2012 at 9:37 am
Tha lutuk. V-day thlawh chhana i nihna diktak i inpuang hi ka fak che…
Report this comment
February 9th, 2012 at 9:45 am
Tha lutuk. i tawnhriat dik tak i sawi hi ka fak a che.
V-day hi engtin tak hmang hlawm ang i maw….( Misual-ho hian)…
Zep awi miah loh ….
Report this comment
February 9th, 2012 at 9:59 am
a hlimawm in a va ngaihnawm reuh e .
Report this comment
February 9th, 2012 at 10:01 am
Facebooka application anga min rawn tag bak,a hard copy chuan ka la dawng meuh lo
Mahni siam chawp ngei leh kut ziak ngei inthawn hi ahlu bik an…ti! 
Report this comment
February 9th, 2012 at 10:04 am
Nl: Darling Feb 14 ani tep tawh. Enge min pek dawn?
Tv: Ngatinge? I birthday a mi?
#4. D-Day ka hman tum dan chu…office nilenga thawh (yawn)
Report this comment
February 9th, 2012 at 10:05 am
E…chuan a ngaihnawmin a nuihzatthlak khawp mai
vah mai a!
Report this comment
February 9th, 2012 at 10:09 am
Tha hle mai a.,tunkum cu exam ni a ni tut a..
Report this comment
February 9th, 2012 at 10:29 am
A ngaihnawm hle mai. Tialthluaii chu exam ve dawn tho maw.. Kei pawh ka exam ni tur tak a nia. Mahse, Valentines Day hi a hranpain ka la hmang ngai lo.
Report this comment
February 9th, 2012 at 10:59 am
Hmanah ka bialnu ka chhaihkawlh a min ban ta mai. 13 feb a “Im sorry,please come back” th card ka zawng zak zak kha minti hrechhuak..
Report this comment
February 9th, 2012 at 11:28 am
Valentine day hian ka luak a ti chhuak kei chu.
Report this comment
February 9th, 2012 at 12:03 pm
Valentines Day chu ‘V’ Day a nia, hmeichhia zawng zawng ‘V’ vek tur.
Tunlai chua khua a Boring tan ta khawp mai.
Report this comment
February 9th, 2012 at 12:03 pm
Report this comment
February 9th, 2012 at 12:57 pm
post tu pa chu! 2003 kuma ngaihzawng la nei bawk si lo, pathlawi ni bawk, virgin ni bawk..i thil tawn vel nen khian i inhmeh vel vek..min ti hlim e
Report this comment
February 9th, 2012 at 1:15 pm
@3, a then khi chu ka ngaihtuah let pawn ka hnar ka la hmu chem2 male…
@9 & 10, nia male exam nen a in nang tlat a, then khat tan chuan ho viau mahse then khat tan chuan hlimna ni a ni ve miau a..
Report this comment
February 9th, 2012 at 1:16 pm
V-day a mahni kawppui te duat thei ang ber a chei leh duhzia lantir thin tu te hian, ni 364 dang zawngah hian an tihtur an ti tawk lo a ni..tihna a ni thei mai em?
special moments come any day, at any random place. It doesn’t necessarily have to be on a fixed calendar day..
Report this comment
February 9th, 2012 at 1:16 pm
@15, ngaihzawng nei ngam har chi ka nia, lerh loh vang pawh nilo, zakzum chi…star te chu ka nei ve duah thin…
Report this comment
February 9th, 2012 at 1:19 pm
@17, ni thei kher dawn em ni, a mihring inngaizawnga te a zir aniang chu,ni bik an lo siam hi chu tha ka ti ve tho mai keichu..
Report this comment
February 9th, 2012 at 1:25 pm
Pawi chuang miahlo e, a nuam ti ti chu kan ni tho a
mahse, he ni hi kan emotion nen a thlunzawm tum tlat kan tam tawh ti mai ang, soi thiamlo. V-day a thil special thleng thei reng2 chu ni dangah poh kan thlentir vek thei..hihi
Report this comment
February 9th, 2012 at 1:55 pm
^–phunchiar Lalnu.
(tlanchhe nghal) Ngaihnawm hlawmin.. 
Report this comment
February 9th, 2012 at 2:00 pm
ngaihnawm hle mai.i daikim tawh hmel bawk sia,a ziak thiam lo tan chuan ngaihnawm lo tawkin kan chhuah awm sia.i ziak chhuak thiam hle mai.(Y)
Report this comment
February 9th, 2012 at 2:48 pm
High School kal lai in, v-day ah hmeichhe 2 hi card ka thawn ve ve a, ti tha in tih nak alai hmeichhe 2 chu an lo in kawm thin a,ka card ( identical) thawn chu an lo in hmuh ve ve
. Scoring lo khawp mai 
Report this comment
February 9th, 2012 at 3:18 pm
nastycool leh!!!! i che cool lo hle mai
Report this comment
February 9th, 2012 at 3:31 pm
Jacka Pi, kha tih lai te kha chuan kan la zei lo alawm, tun ah chuan ‘scoring’ thei tawh lutuk
Report this comment
February 9th, 2012 at 3:48 pm
Uncle Kima pawh Valentine’s Day chuan a che buai ve ngawt ang, a vawikhat neihna ni sia
Report this comment
February 9th, 2012 at 5:32 pm
kei chu Valentines Day an tih ai chuan kan vawkte lakn i a pawimawh zawk daih!
Report this comment
February 9th, 2012 at 5:50 pm
22 Padama, i ti lawmawm e.
Report this comment
February 9th, 2012 at 6:02 pm
Valentines Day hi tunhnai mai atang khan a rawn lar thar hluai a, hei hi sumdawng ho tan chuan hlawkna tur hlir a ni. Keini ang luck lo tan chuan Valentines Day hian hlutna pawh a nei ve ngai lo reng reng.
Report this comment
February 9th, 2012 at 8:07 pm
ReMpy, V-day ah VIII semester ho exam ah 8 am – 4 pm min han duty tir chu le..a hmeltha deuh ho chu V-day pualin hrilh char char ila ani mai lolz
Report this comment
February 9th, 2012 at 10:07 pm
Ka hmangaih tuvu che!! eng tihna tak ni maw?! A dawngtu tan lawm tur nge lawm lem loh tur haha.. A tha e..!!
I V-Day experiance ho chu ngaihnawm tak a ni..
Report this comment
February 9th, 2012 at 10:23 pm
Report this comment
February 9th, 2012 at 10:25 pm
Vawi khat chu V-Day hi Feb 11 emaw ka ti tlat pek a, thlum zet maiin keima kutziak ngeiin Feb 11 ni taka a hmuh turin letter ka fly ve ngawt a, “Feb 14 alawm” tih te mai hi ka dawng let a…
Report this comment
February 9th, 2012 at 10:26 pm
@30, V-day pualin pakhat tal han hrilh pass teh..sawi ve reng reng ah…eh
@31, a awmzia chu ka hre bik lau, sawi uar fiamthu na vel aniang…he2, chapchar kut-a thiante ho chaw eikhawm tur anga ka bum chhuah a, keimah ka bo leh deih chanchin te pawh ka la ziak leh mai thei ni…
Report this comment
February 9th, 2012 at 10:57 pm
#34 Virgin.. Rawn ziak zel rawh, ngaihnawm ti takin kan lo chhiar zel ang!.
I valentine’s card thawn hmasak ber khi a va hit lo tiah tiah ve!!.. Tunah chuan lo luck zel tawh rawh!..
Report this comment
February 9th, 2012 at 11:48 pm
A tha lutuk…:-D
Report this comment
February 10th, 2012 at 4:18 pm
V-Day hian ka nunah thu a sawi lo teh e.
Report this comment