Mizote’n mau kan hmang nasa hle a, tûn hma phei chuan an khawsakna kawnga thil pawimawh tak a ni. Mau chi hrang hrangte han ziak chhuak ila:-
1. Mautak: A hunga awm a ni lo va, a rama ramin, a hmun hlangin an awm ṭhîn. A bul zungphiar thlengin hmanna a tam hle.
2. Phulrua: A hunga awm chi bawk a ni a, pum lian pui pui niin Mizoram khaw tinah a awm ve lo va, dân naranin zo-ah a awm ṭhîn. Hei pawh hi hmanna a tam khawp mai.
3. Rawnal: Phulrua ang bawka a hunga awm a ni a, phulrua aiin a pum a të deuh va, maktak aiin a lian zâwk bawk. A châng a khât deuh va, a pang a nàl bîk a, a tlian duh avângin tûn hma chuan an hmang nasa ṭhîn hle. Hnâng leh em tah nan an hmang nasa.
4. Rawṭhing: A hunga awm chi bawk a ni a, dâp atana hman a ni meuh lo. Em chi hrang hrang tah nan leh buhtlei, khelawk, thlangra atan an hmang nasa hle.
5. Rawthla: A hunga awm chi a ni a, rawnal aia të deuh, châng khát tak a ni. Phaiah a awm ṭhîn a, a tuai hi chawhmeh atan an hmang ngai lo. Vawm tlâk thal atan a ṭha bîk a, sai sa chan nan chem aiin a ṭha zâwk ni-a sawi a ni.
6. Rawchhia: Rawchhia hi a tam vak lo va, phulrua leh rawṭhing inkâra mi a ni deuh ber. A awm dân hmangah chuan phulrua a pâwl ber a, phûl ni kangah a awm ṭhîn. A chang ṭha bîk a, vaithang atan a ṭha hle.
7. Raw-mi: Phulrua lampang tho a ni a, mahse, a lian deuh zâwk. A len avângin hmán lai chuan chi bûr leh vaihlo bûr atan an hmang ṭhîn.
8. Raw-lak: Phulrua lampang chi tho niin a tam vak lo. A châng a dam dap a, hnâng atan hlai a nuam bîk a, phulrua awmnaah a awm ve ṭhîn.
9. Raw-ngal: A tlángpuiin hmun zo deuhvah a awm ṭhîn a, tlâng sáng tak, ngawpuiah a awm deuh ber. A hunga awm chi niin a châng pawh rawthla ang bawka khât a ni; kutzungchal tiat lek pawh feet thum laia sei a ni thei.
10. Tursing: Khawchhak lam mau a ni ber a, mau chhah tak leh châng lawk tak a ni. Vaibel atan a ṭha em em a, ‘Tursing Vaibel’ an ti deuh kher ṭhîn.
11. Châl: Châl hi mautak ang deuh, mautak aia të leh pan, châng zing tak a ni a, tûn hma deuh chuan inchhûng bang pin nan an hmang ṭhîn. A tlêpin an awm ṭhîn a, ngaw hnuai mau a ni ber mai.
12. Phar: Phar hi mau zînga chhiar a ni a, zo ngawpuiah phulrua anga hung neiin a awm a, a chângah kual chhuakin hlîng a nei a, tiang atan a ṭha hle. Te tak të të a ni hlawm.
13. Lik: He mau hi khawchhak lam mau deuh ni-a ngaih a ni. Pum te tak të të, phar ai pawha të lehchhàwng a ni a, tianga hman tham lek a ni.
14. Tasing: He mau pawh hi khawchhak lama awm bîk a ni a, a të leh deuh. Khawthlang lamah a awm hriat a ni meuh lo.
15. Thothek: Mau chi khat chu a ni ve ngei a, khawia awm ṭhîn nge tih hriat a ni lèm lo va, a chanchin sawi tur a tam vak lo.
16. Talan: He mau hi kan Mizo upate’n vaibel chi khat, Talan Vabel siam nan an hmang ṭhîn. Mizoram-ah a tam vak lo va, phai mau a ni tlángpui. A pianzia hi rawnal leh rawthla inkâr a ni ber a, a pum pawh mautak tiat vela lian niin a châng a khât hle.
17. Sairil: Hei hi mau zînga chhiar a ni chiah lo va, mau angin châng a nei ve thlap a. Hnâng atan te, thil tah-mawi chi hrang hrang atan an hmang nasa hle.
Thulâkna: Zoram Mawitu by C. Lalbiaknema
Similar Posts:
- Panlai Nun – Furkhua leh kan nun
- Phulrua tam
- Bairabi leh Sairang inkarah Rel kawng.
- Serlui ‘B’ (Updated with Pics)
- Intawhlai Part II
February 15th, 2012 at 7:37 pm
Ka zir belh leh 1st ta..
Report this comment
February 15th, 2012 at 7:40 pm
Zoramthanga mau pawh..
Report this comment
February 15th, 2012 at 7:42 pm
Tuaiterek pawh
Report this comment
February 15th, 2012 at 7:56 pm
Bengvarthlak tak a ni e
Mau lampang erawh ka hriat ve zawng tak ani khanglang hairehai
Sawi ve ta mai mai ila, Phâr hi thluk chhova kual thla leh raih anga lam tur a ni…ban (hand) kan phar ang nilovin, thil phirsi lam sawi nana “Phîrrr” ti ang a lam tur a ni. Vaibel atan a tha phian bawk.
Phâr hming ka hriat ngawt pawh hian ka lung a tileng tlat nia mawle. Ṭâwi tlangah zan tamtak riaka kan kalin, vaibel kan suih mai mai a. Vaibel zuk pah chuan kapi tianghawl tur ka suih sak a. Chumi chu a thih hma zawng a tiang hmanber ani ta kha ania. Vai siam tha tak tak, ka Phâr thelmam sak aia nalh leh tha aikhan ka hawn sak kha a roh em em mai a….sniff sniff
Report this comment
February 15th, 2012 at 8:05 pm
Phulrua hi tunhma Zopa inban hmanber thin ani awm e.
Report this comment
February 15th, 2012 at 8:08 pm
Bengvar thlak ve aw…mau tak, rawnal, rawthla,rawthing ho hi ka hriat làr deuh te chu an nia, an tuai te pawh kan ei nasa a, adang ho hi chu ka hre miah lo..
Report this comment
February 15th, 2012 at 8:10 pm
i sawi zingah khian Pathum chiah ka hria
Report this comment
February 15th, 2012 at 8:13 pm
A bengvarthlak e.
Phulrua hi ‘dan naranin zo-ah a awm thin,’ tiin i lehkhabu rawn hian a ziak na a, ka awih lo. Kan awmna phai kuamah hian a tam tiar tiar em mai!
Report this comment
February 15th, 2012 at 8:14 pm
Khing 17 zingah khian ka hriat ve chhun a tel miah lo…mautuai!
Report this comment
February 15th, 2012 at 8:16 pm
Chuan mautuai (bamboo shoots) bai ah te kan telh thin hi khawi ber khi nge a?.. Chi hrang a lo va tam ve.. A ei theih vek em an tet laiin?
Report this comment
February 15th, 2012 at 8:25 pm
Phulraw tiat thawthang, mam tha vei pur mai, Vai mau/Vai rua kan tih mai hi a tel ve thei mai lo maw, kan ramah a tam tawh a nia.
Report this comment
February 15th, 2012 at 8:25 pm
Hriat loh Mau alo va tam veeee… Keichu Mizo chawhmeh bai ah chuan Raw-tuai hi tui ka ti ber in ka hria
. Pumchhum ila, phel sin ila, hmarcha uh leh limbu leh chi in ti al-thak-thur ila tui duh khawp mai 
Report this comment
February 15th, 2012 at 8:26 pm
1,2,3,4,9 and 15 zawng khi ka hria…adang khi chu ka hmuh awm pawh ka hre lo. Tuaite,i paws tha lutuk e.
Kan miss khan a thilthek tiang tliang hin hen,fiak tha tak khan min hlap thin mai a nih kha…Thilthek, a hming ringawt pawh ka rap
Report this comment
February 15th, 2012 at 8:33 pm
Thothek kha thilthek an ti ve tho em khah???? Thothek thilthek ka confuse zo
… #19 na pawh ka hre leh si tlangban atan a tha phian…
Report this comment
February 15th, 2012 at 8:39 pm
Asteric™ #12 a hmain han Google mai tur i hmu nange hairehai
:tlanchhe daih:
Report this comment
February 15th, 2012 at 8:58 pm
Hriat thanloh va tam ve, Bengvar thlak thin teh e.
Rawthla an tih chiah em ka hre talo a, saisa chan nan an hman thin chu ka hmu tawh a, a chang leh chang inkar pawh a sei thei khawp mai, 5ft te a awm nia.
Pu Zoramthanga mau an tih hi eng a tan a tha nge le, chuan Phar hi cheraw kan nan a tha phian bawk..
Mau dang ka hriat te….
Tuikawhna, Pal, Dap, Phelsep…Hiiiiiiiiiiiiii
Report this comment
February 15th, 2012 at 8:58 pm
Mautuai hi chu mau la puitling chiah lo hi a ni mai lo’m ni? A la no deuh phei chu kan ei thin kha mawle.
Chawhmehah chuan rawtuai hi tui ka ti ber.
Report this comment
February 15th, 2012 at 9:15 pm
#15@Pu HV…haha…thil ka hre lutuk hi google thluak ah min lo ngaih sak zel a nimaw, thil hriat nuam tak ava ni em
Report this comment
February 15th, 2012 at 9:30 pm
??? Zawhna kan zawt teh ang che u, khing mau ho khian collective name ah MAU an neia, ngati nge Rawthing hi mautuai ka tih hian mautuai ani lo rawtuai an tih kher zel, a specific name chauh a dik dawn chuan ‘ThingTuai’ anih kha te ti law2 se? Keichuan ahmasa pali chauh khi ka hria.
Report this comment
February 15th, 2012 at 9:31 pm
6 na atanga a tawp thleng khi ka hriat vawikhatna. Mi sawi rik pawh ka la hre miahlo nia. Mau chi hrang hrang pawh chu a lo va tam teh duah ve. Post bengvarthlak tak a ni
Report this comment
February 15th, 2012 at 9:35 pm
Post tha tak a ni!
A tawp bera mi SAIRIL khian ka lung a ti leng hle! Kan tet laiin sairil zamna buk takah hian kan lawn thin.
Post tu ziak ang khian mau a ang hle a, mahse a zam daih thung a ni. Sairil hian tui a pai nasa em em bawk a. Tin, lui hliahkhuh vekin an zam dul thin. Sairil awmna luitui chu a tuia a vawt em em thin bawk.
Report this comment
February 15th, 2012 at 9:49 pm
Ts chu iva hrehnem ve, i phuahchawp tih dawn chuan a nìh hmel hlawm bawk sia. Phelsep.
Report this comment
February 15th, 2012 at 9:59 pm
@Pc, keima hriat pawh a ni chiah lo. Lehkhabu ami a nia..
Report this comment
February 15th, 2012 at 10:06 pm
A bengvar thlak hle mai a..
Khi’ng rua zawng2 bul khi KA HEH LUTUK.:)
Report this comment
February 15th, 2012 at 10:06 pm
Bengvar thlak thin hle mai.. Post tha tak a ni e
Report this comment
February 15th, 2012 at 10:52 pm
Ka hriatloh atam vaklo e. Tin, Mautuai zingah chuan Mautak tuai hi a tui ka ti deuh ber. Arunachalah hian Rawnal Tuai angchi hi an rawh zawr/vuai deuh a, Baiin a tui duh hle. Kan naupanlaia ngawdur tak tak kha Lo atana vah chereu anni zo tawh si a, hmuh tur vang tak tak a tam tawh awm mang e.
Report this comment
February 15th, 2012 at 11:02 pm
chinese ho pawh hian an duh khawp mai, mau/raw tuai hi..dry te, pickle te, brine a vawn that tih vel..vawksa nen a rimchhe lo chi chu kan hmiah hmiah ani mai..tui tuks!!
Ka ngaihlu tual tual raw tuai hi..sa um nen a bai chu ka ei duh chuang lo..
Khasi ho mau te reuh te te khu, an fik hmawk a, leiah an vit phun a a nuang tho! Mizoram maute hi chu a theih ve loh ang!
Report this comment
February 15th, 2012 at 11:06 pm
Report this comment
February 15th, 2012 at 11:09 pm
khawnge maupa
Report this comment
February 15th, 2012 at 11:12 pm
Maupa chu chawhmeh atan kan lo siam hman tawh a..
Report this comment
February 15th, 2012 at 11:20 pm
Bengvarthlak thin mang e.
Report this comment
February 15th, 2012 at 11:21 pm
Van tha thin tak em…Hei #12 Phar chu….
Report this comment
February 15th, 2012 at 11:23 pm
[IMG]https://i.imgur.com/CJ0Yx.jpg[/IMG]
Report this comment
February 15th, 2012 at 11:35 pm
Mautak tuai a tui ka ti ber.
Report this comment
February 15th, 2012 at 11:37 pm
Hmeichhia ka ni bawka, ‘MAUruangi’ tih kan contri ve reng reng teh ang!
Report this comment
February 16th, 2012 at 12:03 am
Pu Xai, https://i.imgur.com/CJ0Yx.jpg zawks!!
Report this comment
February 16th, 2012 at 5:45 am
Ziah tak vek chuan kimchang deuha ziah law law awm a nia. Maudang, rawpui, phungkirua, uikawlrua te pawh a ziak lang lo a nih khi.
Report this comment
February 16th, 2012 at 8:39 am
6 ,13 , 14, 15 ,16 na te khi ka lo hre ngai lo . a bengvarthlak hle mai
@ 37 chepahakhata mau sawi ho pawh khi ka hre ngai lo a nih hi .
Report this comment
February 16th, 2012 at 1:33 pm
19a ka zawhna khi tuan min chhang si lova kan sawi thin dan in an Tuai toh phawt chu Mautuai ka la tih zawm zel mai ang. Keichuan a dik berin ka hria
Report this comment
February 16th, 2012 at 2:14 pm
a tha hle mai..i sawi zing a 5 chiah khi ka hria..i hre hnem hle mai..i phuah chawp cu a ni lo maw? he2
Report this comment
February 16th, 2012 at 6:11 pm
Raw-ra pawh mau
Report this comment