Nula leh tlangval inngaizawng hi an awm a, nula chuan tlangval chu a hmangaih em em a, a bula awm a thlahlel ngawih ngawih thin. Tlangval pawh chuan a hmangaih a, hun a neih chuan a nula-i inah chuan a leng thin, phone pawhin an in be ngun em em a, sms pawh an inthawn cham chi bawk.
Khua a lo rei a, mipa zawk chuan a thlahthlam tan ta tlat mai. Kar khatah vawi khat nula inah chuan a leng ta tawk mai . Nula chuan enge thil awmzia tih a zawh pawh chuan a buai lutuk thu leh hun a neih tam loh thuin a chhang mai thin.
Zing a rawn ni a, nula chuan a hmangaih hnen atang chuan morning wish dawn in beisei takin a phone a en a, message a awm lo. Nula chuan a’n wish pawhin chhanletna a hmu khat hle tawh bawk. Chhun a rawn ni a, “enge i an” tiin a va sms a, tlangval chuan “ka tha e” tih ringawt te hian a rawn chhang thin. Hmeichhia chu a lungleng em em a, a hmangaih chuan a ngaipawimawh loin a in hre bawk nen, a rilru a hah em em thin.
Zan a rawn ni a, a hmanghaih chu rawn leng se a ti.. “rawn leng rawh”, tiin sms pawh a thawn zan tin, amaherawh chu zan tin hian a nghak thlawn mai a ni ta. Mut dawn dar 10 vel hian tlangval chuan “gudnite” tih ringawt hi a rawn thawn a, chutiang chuan a duh tawk em em zantin thin. Nula chuan lungleng em em in a hmangaih chu a lo ngak reng thin .
He tlangval ang chiah hi kan ni, Pathianin min hmangaih in min ngai em em a. Zing kan han tho a, zing tawngtaina hun han hmangta hi kan tam awm love. Chaw kan ei a.. a then chuan “Aw Lalpa chaw leh thil tinreng… ” tih kha kan sawi a, kan duh tawk . Chhunah nilengin hnaah te, zirlaiah te kan buai thin. Zan a lo ni a, rei tawk kan online a, kan mut dawnah “Zaninah min veng la, Lalpa kan thil hlauh ata”…. tiin tawitein kan tawngtai.. A then chuan kan la mutthluk san bawk nen.
Hun hi engtia rei nge Pathian tan kan pek ve thin le ?? Heti fakau hian min hmangaihin min ngai a ni si a. Nangmah hmangaih leh ngai em em tu che khan i koh hun nghakhlel em emin nitin zantin hun a hmang thin a sin.
Similar Posts:
- 2013 February Fiamthu
- HMANGAIHNA::Duh duh sawi theih
- Fiamthu Panga
- Revenge lak dan min hrilh thei em?
- Awm mai maite Harh a hun e!
August 22nd, 2010 at 2:30 pm
Yesss
August 22nd, 2010 at 2:32 pm
Post tha ber of the day ah ka puang e. Love story ka chhiar dawn emaw ka tia, spiritual zawng deuha i lak luh dan a mawi hle mai. I ti dik vek ang i thilsawi khi. Mahse i ziah dan style khi a emo deuh ka ti tlat NOI
August 22nd, 2010 at 2:34 pm
a post tupa hi ka tui lo…a pic te khi a emo an ti ang deuh hi
…
August 22nd, 2010 at 2:35 pm
Nula Balloon ken khi tlangval pek chu tihna ami
Ziak tha khawp mai, tehkhin tha e. Inkhawm turin ka’n insiam dawn tawh teh ang.
August 22nd, 2010 at 2:36 pm
post thra hle mai..
August 22nd, 2010 at 2:37 pm
Ni ngawt mai. Misual ber kan nih lai pawha a hmangaihna fak tlaka kan chunga lantir thin tu Pathian tan hian kan nun kan hun kan hmang tlem thin ngawt mai!
Amah avangin kan nung, kan che, kan awm a ni si a,(Tirhkohte 17:28) Ama tan hian i nungin i che in i awm ve ang u.
August 22nd, 2010 at 2:39 pm
A tha khawp mai. Isua pawh khan tehkhin thu hmangin a nih kha a zirtir thin. Tnlai mil ang zela tehkhin thu hman thiam hi a tha khawp mai. Tha ka ti takzet.
August 22nd, 2010 at 2:42 pm
Post tha simple thiam hle mai , mahse, nula khi chu ni ila ka break hmaks ang mawle.. he2
August 22nd, 2010 at 2:44 pm
Chutiang ka nih ka hriat chian vang hian alawm “Engkim kan tana thra turin a rel” an rawn tih ngawt laia ka thinrimzia kha..”Pathian Hmangaihtu,a mah ngeiin a koh a aruata te tan chuan,an thratna turin engkimin a thawhsak thrin” tih a ni a..Hmangaihtu ka hmangaihloh ka hriatna Avangin ka neihchhun..ka duat ngawih ngawih min laksak khan he thu hi ka fiah a..Vawiin Ni thleng hian he Thihna hi ka tan a thrat zawkna ka hrefiah zo lo a ni..Pathian ka lo hmangaih zawhloh zia te kha aww.
August 22nd, 2010 at 2:49 pm
Tehkhin thu nen ka hmeh belin D’ in tawm ah a chhuak daih.
August 22nd, 2010 at 2:52 pm
A tha khawp mai. Inhmuhchhuahnan i hmang tlang ang u, a bikin inkhawm velo Gothica te khan aw!
Tak tak a, mahni phak tawka kan buai viau lai hian keini ai a buai fe zawk, Pathian hnaih tak hi an tam em em a ni. Chuvang chuan chhuanlam nei lo in kan phak tawkah theuh Pathian i Hnaih ang u.
Ka fel si lo, ka rinna a chau em mai”, ka rawn inkhawm ve lo mai ang ti mai lo in, tih ve hram hram na nun hi a la tha fe zawk, chuta tang chuan pen khat te te in hma kan sawn dawn a ni.
“Engpawh nise kan thlenchin atang khan hma i sawn zel ang u”
AMEN
August 22nd, 2010 at 3:08 pm
E Heu Digimalt, i thil post chu va tha dangdai reuh ve le e!Pulpitah Evan turu takin tehkhinthuah han hmang dup dup mai che tam tak chu an chiang thar leh uar uar mai tur.Ka thusawi hunah lo second hand ta ila i phal em?
August 22nd, 2010 at 3:10 pm
Inkhawm kan bang chiah. Fellowship ah ka thu tlang nghal dawn. Tan hma ka rawn lut zawk a nih hi. He he
August 22nd, 2010 at 3:11 pm
Makpa hmanrawkang, lerh viau suh aw..
August 22nd, 2010 at 3:16 pm
Ziak thra khop mai, mahse i tehkhin thu leh Pathian thu a min hruai luh dan hi inhmeh tawk lo deuh tlat, mahse i tum erawh chu a hriat e, thu ziak thra tak ani
August 22nd, 2010 at 3:21 pm
Hai re hai ngaihnawm ti tawk in kan chhiar char char……..a tha lutuk tlat
August 22nd, 2010 at 3:39 pm
keipawh a hmeichhia zawk khi chu ni ila chuan ka ban daih tawh ang… mahse Pathian hmangaihna hi chu a lo mak a ni. He Article hi dik tak chuan nangni tanah ziak ka ni lo. keima tan liau liau a ziak ka ni. Pathian hi ka lo thlahthlam nasa thin khawp mai tih min hriatchhuah tirtu a ni. Keimah ang thoa nun hmang ve thin in awm a nih chuan keini ho tan ni rawh se..
August 22nd, 2010 at 3:57 pm
A va han thra ve ooo…A dik khop mei..Pathian hian a duthusam thlap, Ama image a min siam ani a, min hmangaihin min ngai ngoih2 reng a, chutichung chuan keini chuan hmangaih let ve nachang hre lovin kan nawmsakna tur hlir kan ngaituah san a, a rilru kan va ti na dawn trin tak em!!
August 22nd, 2010 at 4:05 pm
mi(sual) Story writing competition ami tur emaw ka lo tih hman chu a…
Sunday a chhiar awm tak reng a ni e…
August 22nd, 2010 at 4:10 pm
A khai a.. Ka tum loh zawng deuhvvin a her luh chu a… I kuai lut tha hle mai. Tawngtai ngai lo thlarau nun chu chaw ei ngai lo taksa ang a ni ngei ang.
Nula tlangval chungchang nise, an in break chiang ngawt ang. Mahse Pathianin min break lo hi a va lawmawm tak em!
August 22nd, 2010 at 4:47 pm
Boot bal deuh a vanram kawt chhuah a ka in chhuih luh hun ah chuan, Lalpa khawngaih na hi a la sang zual deuh deuh ang.
August 22nd, 2010 at 4:49 pm
@khamrang inhmeh tops!!
August 22nd, 2010 at 6:15 pm
Engle khawle, inngaih tir em em dan chidang ka hriat belh leh ta! Zanin chu off hmaks teh ang! :lol:
August 22nd, 2010 at 6:52 pm
Thawnthu tawi in ziak siak a thawn atan ka copy dawn mi aw???
Hairehai…..
August 22nd, 2010 at 7:18 pm
Ka rin loh lam deuhvin a tawp chu! A ngaihnawm dawna ka hriat vei nen..
August 22nd, 2010 at 8:28 pm
Dock chunga balloon nena hmai khuha thut reng mai chu, thlifim a dawng tha awm ngawt mai. In topic man pha ve lovin, hmuh ang ang ka rawn puahchhuahpui ve ngawt!
August 22nd, 2010 at 8:45 pm
Lung ava leng em ve awwww…. Duh tak te nena chhungte bum tum reng reng a kan khawsak lai zawng zawngte min ti hre chhuak a, siting room a ri awm miah lova theihtawp chhuah kan tum lai te kha min ti hre chhuak e, a va lunglen thlak tak em…….
August 22nd, 2010 at 10:08 pm
baloon hmanga sangha man dan i rawn sawi dawn emaw ka lo ti a
August 22nd, 2010 at 10:17 pm
Love story ang deuh a tawp lam gospel zaih , ka ngei thei teh a nia.
August 23rd, 2010 at 1:06 am
A va tha em. Pathian hian chuan englai mai pawh hian min hnaih reng thin a, keini hian kan kalsan lui tlah thin a. A tana hun nei thei silo hian kan tan erawh hun kan ngah thin si.
August 23rd, 2010 at 8:40 am
Tehkhin thu va sawi tha ve aw…
August 23rd, 2010 at 9:25 am
A tawp dan teh daih chu.
Anyways, thumbs up for the excellent story!
August 23rd, 2010 at 10:23 am
Pathian hmangaihna hi engmah hian kan tehkhin thei dawn lo..mahse mihring, nula leh tlangval leh fate hmangaihna atang hian a awmang chu kan hre thiam ve vuai vuai thei ang..
August 23rd, 2010 at 11:30 am
I thiam hle mai.. thu tha tak kan tih/zawm nghal theih a ni e.. :lol:
August 25th, 2010 at 4:31 am
digimalt hi hmun tin ah a awm a ni maw
September 23rd, 2010 at 2:13 pm
Tha kher mai. Pathian min hmangaihna te, kan tana mi tha te thatna hi a tlai hnu hian kan hre chhuak ta uai uai thin a, a hun lai hi chuan hriat a har ni hmiang. A tlai hma hian kan tih tur theuh i ti zung zung teh ang