Krista hmiga vuak tuar nasa ber chu “Khuang” hi an ti fo thin a, chutiang chiah chuan ka rilruah chuan kan hnam thatna tura pawh kawi hlawh leh sawisel leh fak hlawh rawn ber chu “MLTP Act” hi a niin ka hre ve a. A thatzia hretute’n an fak mawlh mawlh lai hian, hnawksak titu tam tak leh inla hawizau deuh hian kamchhe tleuh nan tak hian an hmang a.
Ka’n ti teh ang, MLTP Act tluka kan ram chhe tur chawikangtu hi Mizoram history ah hian a awmin ka hre lo. Zalenna suala MNF an rammu te, Lalnu Ropuiliani’n hnamdang kuta inpe duh lova a zahawmna a humhimte, Khuangchera’n awze mite laka tlawm lova thih thlenga a bei te, Lammuala phul-lem kan phah te ai hian kan ram tan hian MLTP Act hian a thawh hlawk zawk tlat mai.
MLTP Act hi Pathian min pek a ni. Engvang maw?? Pathianin a rawngbawltu kohhran hruaitute hmanga min pek a ni tlat mai. Chuvangin, a hnawk ti bertu chu Setana a ni tlat. A mak hran love, zu hmanga hremhmuna a hnuhluh tur tam tak hi MLTP Act avang hian a chan tlat mai si alawm le. Awlsam te a banphaka zu chhawp a, an nun a tihchhiat theihna a daltu lian ber a ni miau si.
Tunlaiin mithiam rual leh khaw hawi zau zirlai rualte’n banphaka zu an duh duha an vawn theihna hmuna an hawi khawthawn hnu hian rualawhna an rawn nei a. Kawtkai maia zu tha tak tak lei theih te an chak a. Chhuanlamah, zu tha in ila chuan kan hrisel zawk ang te an ti maw?? Khawvelah hian zu in avanga hrisel ta sawt hi an tlem khawp asin. Zu no khat nge hrisel Kawiam/Kawlthei pumkhat tiin doctor hi zawt ta ila engnge a chhanna ni ta ang??
“MLTP Act hi hlip ila, zu in kan thiam mai ang” te an la ti tak deuh deuh a maw?? Khawvelah hian zu inthiam tak hnam hi an awm ka hre nek love a. Ram ropui tlukchhiatna leh mi ropui tam tak, an ropuina thutthleng atanga hnukthlatu chu ZU hi a ni.
Ngawiteh, T.V a kan hmuh thin sap ho leh midum ho chuan an in thiam lutuk, an changkang bawk a kan lo ti a ni maw? Camera hmaah tumah rui thle bawk bawkin an awm lo ring suh ang che. Camera hmaa khawvel hmuha an pholan chin chu a siamtute’n an thlitfim hnuah, an sawrkarin a thlifim leh a, chumi hnuah kan Bharat sawrkar hian a lo thlifim leh a ni tih lo hre ve mai mai ta ila. Kumkhua hian zu hi kan in thiam dawn lo reng reng.
A duh chuan an in tho tho kan ti maw?? A dikna lai pawh a awm ang. Naupangin awlsam taka a banphaka chemte dah ai chuan, awlsam taka a banphak lohna tur hmuna chemte dah hi a himthlak zawk asin. Thutthleng leh dawhsan dang dawh belh a chemte ban talh chu an awm ang, amaherawhchu chutianga ban duh lem lo leh ban peih lem lo, an banphak loha dah anih avanga a hlauhawmzia hretu hi an awm phah zawk asin.
MLTP Act hi sawiselna ka hre tam a, chuvangin ka buaipuina a rei tawh. Chhungkuaa pa ber emaw, nu ber emaw, mahni unaute ngei mai zu ngawlvei awmna chhungkua atanga seilian ka thiante leh ka hmelhriatte hi zawhna ka zawt thin a. “MLTP Act hi hlip se i duh em?” ka ti thin a, chhanna zawng zawng chu ” DUH LO” tih hi a ni tawp. Zu thatlohzia hretu leh an chhungkuain harsatna an tawhna chhan anihzia hretu chhungkua reng reng hian zu hrisel a awm an ring lo, zu hi in thiam theih anih hi an ring lo hrim hrim.
Silchar lumzia Bilkhawthlir atanga en a sawi ngawt ai chuan, Silchar phaizawla zan khat zu riah chuan a chiang bik nge nge. In chhungkuain zu avanga harsatna in tawk anih loh chuan zu thatlohzia leh MLTP Act thatzia hi hrefiah thiam thei turin ka beisei lo che.
I pa zu ngawlveiin i nu zantin vua se, chhungkua ti hrehawm se, i nu leh pa zu avangin in then ta se, i unau thisen zawmpui ngei mai kha zu seh avangin chan la, tichuan Zu thatzia leh a hriselziate, MLTP Act hnawk i tihzia leh zu tha kan in a ngaihziate, MLTP Act hlih anih hnua Zoram thar din anih theih dan tur chu han suangtuah chhin teh le..!!
Nangin hnawksak ti mahla, MLTP Act avang chauh hian chhungkaw tam tak hian an nu leh pa an la nei a, chhungkaw kimin an la dam a, chhungkaw kehchhiatna an hmachhawn lo chauh zawk a ni. I zu in chak luat avanga chhungkaw tam tak leh mi tam takin an rum phahna tur hi hre reng la, MLTP Act hlutzia hi lo zirchiang ve ang che.
Similar Posts:
- Combined post: wolfpower & Keipoh
- Hlimna hi leih luh pup pup chi a ni lo, Zu hmanga leih hlim tur kan ni em??
- MLTP Act leh a nghawng
- MLTP Act hi
- MLTP Act leh ka suangtuahna..!!
March 15th, 2012 at 2:44 am
Fact: We will not khaprem!
Fact: Kohhran-in Yes, hawng ru a ti lo ang!
heng thil pahnih hi khaikhin tur ber chu niin a lang!
MLTP hi kohhran in sawrkar an nawr vanga lo piang ani. Tichuan, sawrkar in a ‘theihpatawp’ in a dan siam chu kenkawh a tum a. Complete failure ani (hnial awih loh! fact ani).
A khap tur a nawr ber tu kohhran chuan ‘enge’ a tih? He dan hi engtin nge a thlawp? Thlawp tawk lo niin hre ta ila, engtinnge a tih chuan ang le?
AWMZIA: A dan lekkawhtu leh dan siam tur a nawrtute ngei pawn tih vak dan an hre lo. Kum sawm chuang hi ‘trail’ nita se, dan pangngai ah chuan a hlawhtling thei lo a, to be discontinued ani mai tur ani..
Tlem talin kan thatpui! A teuh lo! Kan chhiatpui zawk ani. A tax leh engilo chungchang ka sawi lo. Ka sawi zawk chu mahni ‘dan’ siam lekkawh zo lo sawrkar hi ‘mipui’ te hian kan hmusit hle ani. Sawrkar tan pawh ‘zahthlak’, kawng dangah lo hlawhtling deuh pawh ni se..hei hian a dah ‘zero’ zel mai dawn ani..
Report this comment
March 15th, 2012 at 2:46 am
encore!
Report this comment
March 15th, 2012 at 2:51 am
trail = aduhi kawr trial
Report this comment
March 15th, 2012 at 2:56 am
trail tih pawh khi a dik theitho alawm
Report this comment
March 15th, 2012 at 12:16 pm
@lrpa, fact:we will not khap rem…
No 4 leh marijuana tluka tha lo leh huat hlawh a awm kher lovang. Khap rem vek ram i hria em? An khap rem theih loh avanga thlah zalen ta ram min hrilh thei em aw??
Report this comment
March 15th, 2012 at 10:16 pm
Comment nen kan chhiar chhuah deuh dap chu…
Zu in duh an awm a, zu in duhlo an awm. Zu khap duh an awm a, khap lova zu control leh a rui te control duh an awm. MLTP duh hrim2 an awm a, MLTP duh lo hrim hrim an awm. MLTP duh hrim hrim ho hian a duhlo tute thlir-na tlang-ah an lawnpui thiamlo tlangpui. MLTP duhlo ‘over’ ho lah an ‘over’ fo bawk.
MLTP ai chuan, MLTP aia tha, ‘practicable’ nei ila kan thatpui zawk lo maw?
Kristianna leh ‘Khap bur’ hi thil inpersan ber a ni zawk em? Kristiana min siamtu Krista hian chhia leh tha hriatna min pek hi hmang thiam turin min duh nge min khap bur a duh zawk ang? Min khap bur a duh anih chuan Kristianna leh Khap bur chu a inhmeh ngei ang….
Secular Country chhunga State pakhat-ah hian Kohhran hian, Kohhran dintu duhdan pelin State rorelna-ah inrawlh a tum mah mah a ni angem? Zu khap bur hi Kohhran duhdan nge Kohran fawng vuantu Mihring tlem te duhdan?
Zawhna a tam viau….Chhan dan a inang lo khawp ang….Mahni chhan dan dik bera ngai pawl pawh tam tawk chu kan awm ngei ang….
Report this comment
March 15th, 2012 at 10:24 pm
Turu^lo, MLTP Act aia tha hi a duhlo lam pawh hian sawi tur an nei tlat si lo hi a pawi a ni. A thlakna nei miah lo hian MLTP Act hi han hlip ta ila, eng tak ang ang i maw??
Report this comment
March 15th, 2012 at 10:47 pm
kan mizo tv anna hazare a che leh ta ani maw…do not jusdge others lest ye may be judged
Report this comment
March 18th, 2012 at 12:39 am
He post hi a commenttu lamah ka hmelhriat hnai tak tak pathum an tel avangin ngun takin ka lo chhui chiang a, ka lawm hle mai. Ka nuih pawh a za hle. Malsta27 ngaihdan hi midangin an duh dan danin an chhang ngam a. Mahse commenttu dang erawh an inchhng tha ngam vak lo.
Rin ang ngeiin Vakul leh Donald hi an inchaltuah ngam chiah loa. Vakul erawh a duh ang a sawi par par thung. Chemtatrawta hian Ignatia hi a chhang ngam lutuk loa, Ignatia hian angam em em thung. A chang chuan a comment dan hi a personal lek lekin ka hria.
Ignatia phenah donald-a comment hian Vakul hi a chhaih kawlh viau niin ka hre bawk a. Han innial ve deuh sela ngaihdan tha tak hriat reng tlak an sawi thei ang. An hmel leh mizia ka mithla chhin a nuih loh a har khawp.
vakul pawh hian igntia hi a address chhunah nau ang deuhin a ti el deuh bawk a. Hei hi chu amah hi hrechiang se a ti duh lem lo mai thei a ni. Pa chu a la ni lo nangin fa anga enkawl hi a ngah viau. Mi puitling ni tura naupang(XI &XII) a enkawla a awmchilh zat pawh hi sang chuang an tling ang. Mihring enkawl hi a tuina leh a rilru senna lam a ni pakhat bawkin ka hria. A comment tamtak pawh hi a practical viau. Fate an lo puitling a “Mama/Mami chhia leh tha hre rual in ni a tha lam zawh hram hram rawh u” tiin kan infuih mai. Khap leh dan tih vel hian a kori a tu vak lem lo. Kan in en liam peih tawk tawk a ni mai.
Chemtatrawta comment pawh a tha thin em em. Tlangval fel tak, nu leh pa khauh tak kara seilian a nih ka ring khawp.
Zu chanchin sawi duh miah lo an lo lang a. Zu chanchin sawi hian kan kal zel dan turah ngaihdan tha min pe thei reng a ni. Hetah hian inhmin lo mah ila khua reiah rilru thlak thei vek kan ni.
Sual hi a ho lua a awm loa. Zu hian harsatna(sual) a thlen avangin kan do a ni. Corruption leh tualthah ngaihthah a zu lamah chiah thikthu kan pechhia tih ang zawnga tan hi a dik ber lo. Sorkar thu awih hi khua leh tui tha tih tur a ni a. MLP Act hi mi zingah sawi mawi i tum hram hram ang u.
Report this comment
April 18th, 2012 at 11:03 am
internet marketing…
[…]MLTP Act tang fan fan.!! | mi(sual).com[…]…
Report this comment