Ka hmangaih,
Ahmasa berin vana awm kan Lalpa Pathian in i nunna leh ka nunna min la zuah sak avangin A hnenah lawmthu awm rawh se. Hmangaih ber te hmui atanga chhanna mawi leh duhawm tak hriat tluk a nuam hi he khawvelah hian a awm ngaiin kei chuan ka ringlo. Ka hmangaihna thu min chhanlet zan khan ka nunah hian tuihna nung thar a luang tan a, par chhuah ngailo ten par an chhuah a, ka nun hi HLIMNA nasa ber ber te zinga a nasa ber chuan a chenchilh a ni. Khami zana ka thusawi ‘Ka hmangaih che’ tih kha fanau maltluan chawi thlenga kan hma hruai turin a chak tawk a ni tih hi min lo hriatsak dawn nia.
Ka duh lutuk che avangin ka thinlung hian na a hre hma em em a, duat taka i enkawl thin a nih avangin i thinrim leh tauh chang te hian a na hma bik thin a ni.
Bawihte, Thlafam dairial chang hnu lungduhte lenna Vangkhawpui ‘Thuahriat hnuai’-ah run remin dai rial chang mah ila, mawina leh thatna reng reng neilo val lungmawl-a hmangaihna hian in runin la kai fo thin sela; lengdang chhai tura lung i her ni chuan e Bawihte ka hmangaihna hian in runin khartung chu min khar sak mawlh rawh se.
Nang chu e bawihte tui awm lohna hmun a to a, mawi taka par chhuah thin pangpar ang hi i ni a, ka bula i awm chuan chu i mawina chu a let za tam tak a belh in a awm thin. Val dang phen a biru chungin hmangaih biahthu min hlan lo la, derna anka chuan rose par sen ai pawh a mawi leh rimtui zawk i heh chu zawl ngailo sela, ka nun sawi nghing thin tu i nungchang mawi tak khan ei tur min pe thin se tiin duhthu ka sam fo thin a ni.
Bawihte, i duhawm zia leh ka tana i hlut zia hi he mihring lei hian ka damchhung leh vaivut a kir leh tura ka taksa thlan thim hnuai a an zalh ni thleng pawin a puang chhuak thiam in ka ring lo. Midang te angin thu leh hla lamah rual pawl pha ve lo mah ila i duhawmna leh i mawina te hi thiam takin ziak chhuak thiam ve chu ni ila an sawi thin Shakespeare-a te thu ziah aia a mawi loh bik na tur hi ka hre lo asin. Chuvangin thiam lo chung chunga i mawina leh duhawmna ka sawi te khi hmangaihna vang tal pawhin min lo pawmsak dawn nia.
A tawp berah chuan I tellova hlim thei ngailo, nangmah hmangaih em em tu che hian ka lak ata hlimna tluantling i hmuh ve lo hian ka thinlung hi a na thin a ni tih hi min lo hriat sak dawn nia. !!
I tan chauh,
XXXXXXXX
March 14th, 2012 at 6:05 pm
Va lungrun em. Ka bialnu neihlai nise ka thawn hial ang mawle
Report this comment
March 14th, 2012 at 6:10 pm
‘Tui awm lohna hmun a to a, mawi taka par chhuah thin pangpar ang hi i ni a’,
Tha dap dap hle mai!
Report this comment
March 14th, 2012 at 6:22 pm
3rd para- ‘Bawihte, Thlafam dairial chang hnu lungduhte lenna Vangkhawpui ‘Thuahriat hnuai’-ah run remin dai rial chang mah ila, mawina leh thatna reng reng neilo val lungmawl-a hmangaihna hian in runin la kai fo thin sela; lengdang chhai tura lung i her ni chuan e Bawihte ka hmangaihna hian in runin khartung chu min khar sak mawlh rawh se., tih lai hi ka man chiah lo deuh.
Chuan…. Last para- ‘ka lak ata hlimna tluantling i hmuh ve lo hian ka thinlung hi a na thin a ni tih hi min lo hriat sak dawn nia. !!’, tih khi a dik thei chiah lo bawk.
Report this comment
March 14th, 2012 at 6:24 pm
U Zo, nang nghilh ni i awm thei dawn si lo..
Report this comment
March 14th, 2012 at 6:27 pm
A dawngtu hmeichhia a nihlawh e. Zei hle mai.
Report this comment
March 14th, 2012 at 6:28 pm
Report this comment
March 14th, 2012 at 6:30 pm
A thluma, a mawi a ni.
Report this comment
March 14th, 2012 at 6:39 pm
Duhtak,
A hmasa ber atan suih loh chibai ka hlan a che.
Ka sakruangin tangka rua iang lo mah se, ka sakhmelin lung man tam ruby iang chuang lo na rawh e…aaaa ka thiam tawh lo.
Love letter han fly chu i hnehsawh pep pep dawn hi maw le.
Report this comment
March 14th, 2012 at 7:29 pm
@ahooma, 3rd para awmzi khi nie in hre thiamlo pawh ni mythy. Heihi a hrilhfiahna chu ni e- “Bawihte ka thih hnu(a rilru na a dam tawh hnu a ni deuh ber awm e) pawhin ‘ka hmangaihna/kan in hmangaihna’ khan i thin;ung ah hmun sang ber la chang se in inchhung a ka taksa zantin a lo leng ziah thin ang khan he ka taksa a awm tawhloh hnu pawh hian ‘ka hmangaihna’ khan in in la kai fo thin sela (suangtuahna lam) Pasal dang nei tura in in chhuahsan i duh/tum hunah pawh in in kawngkhar kha i chhuah theihloh nan ka Hmangaihna hian min lo khar tlat sak rawh se” tih na a ni e..
last para- Keimah, amah hmangaih leh thlahleh em em thin tu thil dang nilo AMAH te chauhin a tih hlim theih thin hian ka tihlim zo velo emaw, keimah nilo midang in an tihhlim zawk thin hian ka rilru a na thin a ni,” tih na a ni e…
Report this comment
March 14th, 2012 at 7:45 pm
3rd para chu a fiah kuar mai.
Last para chu- ‘ka lak ata hlimna tluantling i hmuh ve (loH) hian ka thinlung hi a na thin a ni tih hi min lo hriat sak dawn nia, tih tur a nih dawn chu. ‘H’ te lek khi i hmaih chu a nia; Mahse hetiang tisual emaw, a diklo tih hrelo a hmang emaw hi an tam em a, ka vei deuh thin a, ka rawn thur mai mai a ni e. Keini ang duang tan chuan zirtham fe i ziak hrim hrim a nih khi. A dawngtu nula ni ila a hrilhfiah turin tlangval dang ruai i la, hhhehe
Report this comment
March 14th, 2012 at 7:54 pm
@ahooma, ka lo enchiang miah lova typing mistake a nih khi, ‘thanks’ ltk e.. Midang ruai chungchang i sawi chu a ‘VA THA EE’..(Ngaihtuahna a ti thui tlt) Hmanlai deuh Lalzova te, Rokunga te, etc etc.. hunlai khan an ngaihzawng te khan an lehkhathawn hrilhfiah tur khan mi an lo tuai ve nasa thei ngawt in ka ring
Report this comment
March 14th, 2012 at 7:54 pm
I
Report this comment
March 14th, 2012 at 8:08 pm
Haha, typing mistake a nih ka ring rengah; Mahse khitianga hmang deuh tlat khi an awm thin vangin ka rawn thurchhuak lui vel mai mai a ni. A va phunchiar thlak mai mai em.
Report this comment
March 14th, 2012 at 8:16 pm
Tha dap dap veee..
Report this comment
March 14th, 2012 at 8:22 pm
#11 an lehkhathawn hrilhfiahsak tur khan mi an lo ‘tuai’ nasa ve thei ngawt in ka ring..!!?? ka bo… strick hlawm bawk a .zawng ve tengs.. [pil nghal]
Report this comment
March 14th, 2012 at 8:56 pm
Ka kawmen ka tum hmain ka submit. Thlum tha daps daps tawp.
Nichhuak hi ka chibai na che ni se bla bla bla..
i hnehawh dawn lutuk. Tak takin thuziaka poetic words hman hian thuziak a ti ngaihnawm lo ka ti. Chu ai chuan poetical word tel miah loin han thaikual la chhiar a nuamin mi pawh a hnehsawt ngei ang! Hla phuah rawh 
Report this comment
March 14th, 2012 at 9:31 pm
@roseparvul, nia keipawh ka ngaihdan chiah a ni e.. Thu thiam deuh2 (thu un deuh2) thu ziah ai chuan ‘idea’ nei tha tak2, Mizo tawng ziah dan dik thiam si te thuziah hi chhiar a nuam daih zawk in ka hria… anyway, thankz..
Report this comment
March 14th, 2012 at 10:00 pm
A thlum dap dap e
Report this comment
March 14th, 2012 at 10:23 pm
thlafam chang tawhte lenna vangkhua hi thuahriat hnuai a ni lo. Pialral (chunglam) zawk.
Report this comment
March 14th, 2012 at 10:43 pm
@Saint, Nia ‘Vangkhawpui’ an tih hi chu ‘vanram’ sawina bikah hman a ni thin a, ‘Thuahriat hnuai’ tih hi chu ‘thlan chhung/lei hnuai’ sawi nan an hmang thin a ni. “Piallei thuahriat hnuaiah a thamral….” etc etc tiin an sawi thin. Ka sawi tawh angin he lehkhathawn hi ka ngaihzawng ka thawn na a ni a, ka ziak sual deuh anih pawhin ka thawn dan ang chiah a ka rawn post a ngai miau si a(kan ti hmasa phawt teh ang).
Lungduhte lenna, an thih hnua an awmna nia kan pi leh pu ten an ngaih thin chu- ‘Vanram’ leh ‘thlan chhung an taksa an zalhna hmun’ te an ni. Hemi pahnih lovah hi chuan an chhung/hmangaihte chu an awmin an ring ngai lo a nih kha. He mi te pahnih sawi kawp tuma ka ziah a ni a, mahse tuna i rawn sawi takah chuan ka ennawn leh chhin a alo dikhlel deuh a ni e.. beg many hundred pardon!!
Report this comment
March 14th, 2012 at 10:45 pm
Hla phuah rawh
Report this comment
March 14th, 2012 at 10:48 pm
@roseparvul, hehehe kan phuah a…. a la lar thei hrihlo deuh nih hi
Report this comment
March 14th, 2012 at 11:00 pm
Hetah rilis rawh..an sa phur viau ang.
Doh is re tih ka lo thawh ang
Report this comment
March 14th, 2012 at 11:11 pm
Hmannnnn ah hetah hian ka hla phuah pakhat chu a zai nen kalo post toh kha…..
Report this comment
March 15th, 2012 at 2:44 am
a va thlum ve. thingpui sen hang in paha chhiar tur anih hi, chini neih loh changin.
Report this comment
March 15th, 2012 at 5:09 am
Super likeee!!!
Ka bialnu(hlui?) ka thawn tur niawm tak a va ni chiang emmm…..ka hun tawn leh ka mizia nen hian a va inmil/rem dawn tak emmm!
Kan inpuang law2 dawn mawni leee
Report this comment