To,
The District Election Officer
Election to the Village Council
Lunglei District, Lunglei.
Subject : Model Code of Conduct bawhchhiat thu.
Ka pu,
Pu PC.Lalthanliana, Hon’ble Minister of State chu V/C inthlan puan tawh hnuin a bial khuate tlawhin Model Code of Conduct bawhchhiain khaw thenkhatah a Party (Congress) tan hma a la a, a phu ang tawka Action min lak sak ngei turin kan ngen a che. Model Code of Conduct abawhchhia nia kan hriat thenkhatte chu a hnuaia kan han tarlan te hi a ni.
1. Phaileng ‘S’-ah Pu PC Lalthanliana, Hon’ble M.O.S hian an Party Unit Hruaitute tirin MNF V/C Candidate-te inah an kal kual a. Congress 
Unit hruaitute chuan, “Pu Mathana’n MNF V/C Candidate-te kha lo inhnukdawk vek ula, NLUP kan pe vek ang che u. In inhnuhdawh duh loh chuan V/C Candidate chauh ni lovin MNF dangte, NLUP hmu tura thlan tawhte pawh kan paih leh vek ang che u,” tiin an vau a. Mahse, inhnukdawk duh lovin an ding tlang lui ta.
(Source – Eddie Lalengmawia Phaileng Ph:9862905583)
2. Tin, Sekhum khua-ah MNF-te’n V/ C Candidate an inruat fel tawh hnuin Pu PCLalthanliana M.O.S chu kalin Pu Thangtluanga inah kalin, a fapa V/C Candidate tura an ruat fel vek tawh Zonunsanga leh midang Candidate tura an ruat fel tawhte chu ding lo turin a thlem a. An din dawn loh chuan Pu Zonunsanga, MNF Candidate nau Jerome Lalzidinga Sailo s/o Thangtluanga chu SSA Zirtirtu-ah lak ngei turin a thlem a, hetianga Pu PC Lalthanliana M.O.S thlemna chu tuar zo lovin MNF V/C Candidate-te chuan an thu sutin V/C-ah hian an din loh phah ta a ni. (Source – PuThangtluanga Sekhum. Ph : 9436702520)
3. Pu PC.Lalthanliana Hon’ble Minister of State chu Mualthuam ‘N’ khua-ah kalin Congress Unit hruaitute chu MNF V/C Candidate-te inah kal kual tirin, MNF Ticket-a MNF V/C a ding lo turin a thlemtir a, MNF Candidate zinga pakhat Pu Sanghnuna hnenah chuan, “MNF Ticket hian V/C-ah ding lo la, i nu hminga i School din ‘C.Hmingliani Memorial Middle School’ Building hi kan sak that sak ang che,” tiin a thlemtir a, hei hi Model Code of Conduct bawhchhiat luihna dik tak niin kan hria a ni.
(Source : Pu Sanghnuna Mualthuam ‘N’ Ph No.-8575250454)
Hetianga Model Code of Conduct bawhchhiaa Pu PC Lalthanliana Hon’ble Minister of State meuh a che ta mai hi pawi kan ti a. Model Code of Conduct hi humhima a awm theih nan a phu ang tawka Action la ngei turin kan ngen che a ni.
PATHIAN LEH KAN RAM TAN
Rinawmin,
(K. VANLALMUANA)
General Secretary
MNF Sub-Hqrs, Lunglei.
Source: Tetea Khiangte – CHANCHINTHAR (Zofate chanchinthar inhriat tawnna)
Similar Posts:
- Public Debate
- HPC ‘D’ ten VC candidate an vau
- Pu Hminga’n Model Code of Conduct a bawhchhia
- HPC ten Assembly chuh ve an tum
- MTP in “hriatpui candidate” nei dawn
February 10th, 2012 at 10:04 pm
Leh hem mai thin a!!
Report this comment
February 10th, 2012 at 10:09 pm
E khai aw…
Report this comment
February 10th, 2012 at 10:16 pm
hrem mahse a na awm lo teih teih em mai..
mipui hma ah beng pawt a suk tir chi emaw ni dawn le
Evidence a chhe em mai, a ti tih mai mai! voice recorder emaw video ngeite anih loh chuan awmzia awm tak tak lo ang!
Report this comment
February 10th, 2012 at 10:17 pm
Pu Thangtluanga hi ka Nu chhang chiah a ni a, ka lo zawtfiah ngat teh ang.
Report this comment
February 10th, 2012 at 10:17 pm
MPF hnena thlen chi nih kha. NLUP hi ram hmasawnna atana hmang lo a, vote zawnna atan kan hmang a nih chuan %*=>[
Report this comment
February 10th, 2012 at 10:19 pm
# 3. Nia tiraw, ‘a ti,’ ti a an puh hian, ‘ka ti lo,’ ti se a fiahna lam a awm si loh chuan a ho der chu a ni mai.
Report this comment
February 10th, 2012 at 10:36 pm
Hrem teih2 teh se
Report this comment
February 10th, 2012 at 10:36 pm
#4 @Saitawk: Han zawtfiah tak teh a! Dawt nge thutak hriat a chakawm alawm le.. Lemchan te pawh a ni thei tho bawk a.
Report this comment
February 10th, 2012 at 10:37 pm
Kan ram politics ah chuan a ni hi a nilo a, a nilo hi a ni fo ni ber hian ka hria..
Report this comment
February 10th, 2012 at 10:48 pm
Kan ram politics tenawm zia hi, a puha nge a puh tu dik pawh hriat heih theih lo, awlsam te a mi thusawi awih loh phawt a fin thlak ang.
Report this comment
February 10th, 2012 at 10:56 pm
Politic ngang hi a nia….lal isua pawh kha ”…a ti,…a ti” ti in an hek a lawm…, kan minister meuh chuan a bawhchhiat ka va ring lo e…
Report this comment
February 10th, 2012 at 11:00 pm
Chhim lamah chuan MPF an awm ve lo a ni lawm ni? Kei chu an in thlemna ni a an sawi leh kan Politician te calibre ka ngaihtuah hian ka awih deuh tho
Report this comment
February 10th, 2012 at 11:02 pm
Tun inthlan chu ‘party party’ an tia, politics a inrawlh nasa tlat
A ho hi ka ti. Ram hruaitu leh khawtlang hruaitu nih te hi an han chak hlawm khawp a. A nih tur ang takin nung hlawm se chu retheih phahna tur a nia sin mawle. Pathian pawh hi an zahlo emaw ni. An thih hunah an thlarau chu a chebuai ve viau mai thei ani
Report this comment
February 10th, 2012 at 11:05 pm
Congress lam report ngaihthlak hma chu comment vak lo mai teh ang
Report this comment
February 10th, 2012 at 11:51 pm
Kan MNF unaute chu an campaign duh dan a thing hle mai.
Report this comment
February 11th, 2012 at 12:06 am
@Chhuanawma Royte, “I” te i hmang palh hlauh mai… I tihpalh chiang ve lutuk …
In chirh theh hunlai a nia, a bei tha duh reuh ngawt ang chu!!! In ruk bo tepawh hi a hun leh dawn tawh lawmmawni a… Phone number nen i dah thlap thei a, a thu chhuah tu techu an ‘confi’ khat ah chuan ngai phawt mai teh ang…
Report this comment
February 11th, 2012 at 12:08 am
@malsawm, Kawngres lam unau te hian, a chungchiah ah khian rawn theh lut zawm sela… hma han la vat vat teh un… Kawngres lam ten..
Report this comment
February 11th, 2012 at 12:17 am
Misual vek..pawl leh pawl pawh a awm tak tak lo, eiruk chak, hausak chak, nawmsak chak awmho theilo an ni. Misual a siamtu mipuite pawh mawhphurtu vek..vuina tur tak tak a awmlo. Inthlan a lo ni leh ang a, duhtawka min sawisa kualtu tur thlangin kan phusa leh suau suau ang a, kei chuan ka hlawkpui chuan midang chuan tuar se pawilo tiin kan hlawkpui tur ni a kan rin kan thlang leh theuh hlawm ang a, mitin in a lo hlawkpui vek theih siloh a, a tam zawk chuan kan tuar leh ang a, kan vote tlinna kutzungtang ngeiin kan mittui kan nuai leh dawnnn… Kan va chawh leh dawn em. Misual vek kan ni ee..
Report this comment
February 11th, 2012 at 12:30 am
^Amen!
Report this comment
February 11th, 2012 at 12:35 am
lelelele
Report this comment
February 11th, 2012 at 12:58 am
E heu, han chhuichiang zel se a va tha dawn rua em.
Report this comment
February 11th, 2012 at 2:06 am
A va pui mep mep ve le.
Report this comment
February 11th, 2012 at 3:32 am
Evidence chiag lo sia(i.e audio, video) an khing let keuh ang tih va hlauhawm ve.
Report this comment
February 11th, 2012 at 5:50 am
kan va han nawi thei tiah tiah tak em, a mak ana ani ringawt alawm. Tak tak nimaw
Report this comment
February 11th, 2012 at 9:13 am
Ts, an Phone no. nei tute ho pawh khi…MNF ruh tak an ni ngei ang le, rin tak tak hi ka nei tawhlo kei chu
Report this comment
February 11th, 2012 at 9:18 am
Ni e.
Report this comment
February 11th, 2012 at 9:48 am
#25 Thil awm thei tak a ni a; inphiarrukna a ni lo tih a sawi theih miah loh.
Report this comment
February 11th, 2012 at 10:57 am
Ram leh hnam tana an nunna hlantute khan heng thil hi rawn hmu ta se an nun chan phah thak khawpin MNF kha an zawm angem aw? :-/
Report this comment
February 12th, 2012 at 4:28 pm
Politics hi chu thianghlim ta se, mi pangngai an zuang lut teuh ang.
Report this comment