A thupui hi duh ai chuan a rum el awl ngei mai. Ka nau hian ka thuziak hi a lo chhiar a, “Tunge mahni fa vawhlum phal anga?” a rawn ti a, “Chuvang chuan bawhkan tir suh se” kan ti thla ve ngawt pek a.
Mizote hi thil ti thut thut mi, dawhtheihna tlachham tak mi hi kan ni a. Sum kan dawng a ni emaw, lehkha kan zir a ni emaw, a hlawhtlinna hi kan nghak peih lo fo thin. Mi tam zawk hi chuan hlawhtlin thut emaw hausak thutna tur anih chuan hmalam hun thlir lek lo hian kan bawh leh ruak ruak thin.
Zirna lam i thlir teh ang. Kan kalphung ka en hian ‘Quality’ aiin ‘Quantity’ hi kan ngaipawimawh a ang zawk hi ka ti fo thin. Miin a pass that lam ai mah chuan engchena sang nge a zir tih hi mi kan tehna a ni fo mai. Kan sim vang vang a tul hle mai.
Hetiang rilru kan put tlat vang hi ni fahmiang, naupang chum chiap lutukin lehkha kan zir tir a, an school luh theihna anih dawn phawt chuan an kum kan sawi danglam a, school hotute kan be tha vel a. A bul tanna pawh heti hi anih avangin a fuh tawh lo sa phawt.
School an han lut chho ta cheng a. An tan hma tawh a, an zirna an pha lo mah mah chung pawhin pawl hniam lamah kan han BAWHKAN tir ta mai thin a. Thenkhat phei chu pawl khat mai pawh ni lo, pawl hnih thum bawhkan te pawh kan kat nawk mai.
Matric chhuak hma kha ropuinaah kan ngai a. Matric an chhuak ta cheng a, pawl bawhkan ve lo te hnu feah an rawn graduate hman tawk tlangpui thin. Tu thiamloh nge ni ta ang? Nu leh pa, a bawhkantirtu ngei kha a ni. An pawl bawhkantir laia uang taka an thiante hnenah an fanuin naupangtea matric a pass chhuang tak takte hian Graduate leh Masters ah chuan an lu hi an kun lap tawh zel.
Sacred Heart School ah sawn Pawl 8 atangin ka lut ve a. Ka luh hma kum khan lehkhathiamthei tak mai hi pawl 8 arukin a chhungte’n an lo bawhkan tir a ni awm e. Principal-in a hriatchhuah hnu khan a hnawtchhuak ta an ti a, dik tak maw? A hnawtchhuak tak tak anih chuan kha Principal kha a ngaihsanawm hle ang, zirna ngaipawimawh tak taktu leh midangte tana entirna tha siamtu anih avangin.
Pawl 7 kha Pathian zarah pangngai takin ka han pass ve a, pawl 8 chu ka thiante zawng zawng an bawhkan avangin bawhkan ka chak ve hle mai a. Ka pa, thingtlang pa mawlte khan a phal ve tlat lo mai a. Ka lungawi lo tep nghe nghe a. Amaherawhchu, ka thian bawhkante kha tunthleng hian ka la awt chhin ngai lo reng reng. Ka pa kha awm lo ta se, tun hun hi ka thleng lo ang tih ka chiang a ni.
Pawl 8 chu tuivak lo chuan ka zir ta a, a lo har bakah inelna kha a sang em em a. Zir fe tham a lo awm a. Tluang takin Pathian zarah ka zo ve a. Ka zir ta zel a, pawl 12 ka thleng chu pawl 8 kan zirlaia uluk taka ka lo zir kha a rawn lang tan ta a, ka lo bawhkan loh kha ka lawm tulh tulh mai. College thlenga min pui chho tu a ni ta zel a ni.
I fa khan a tlin ngang lo anih chuan pawl ngaiah thuttir hreh hauh suh ang che. Motor ke thep chunga tlan luih pui ai chuan, ding la a ke thlak la, motor tan a that zawk mai piah lamah i thlen tum ram pawh i thleng hma zawk ang a, a him zawk bawk ang.
A tawp nan, naupang education plan i han draw teh ang aw, India/Mizoram kalphung thlir pahin aw…
1. Kum 4 ah Kindergarten a lut tan a.
2. Kum 6 ah Class 1 a lo ni ang a.
3. Kum 9 ah class 4 a lo ni ang a.
4. kum 12 ah class 7 a lo ni ang a.
5. Kum 15 ah class 10 a lo ni ang a.
6. Kum 17 ah P.U/ class 12 a lo zo chiah ang a. Medical/Engineering entrance pe tur pawhin a lo tawk ta chiah. Ka thiante inziak naupang lutuk avanga entrance ziah hun nghak hi ka hre tlat..!! Ka hresual maithei a, mahse a dik chuan ka hria.
7. Kum 20/21 ah College a zo chiah ang. College ah 3rd year a zir kum chiah hian Competitive exam- CSE,CDSE, edt a exam thei tan chiah a, a chhuah hun hi a tawk chiah a ni.
Similar Posts:
- Kan hma hun hi !!!
- Mizorama Zirna – a bul fuh lo
- Rev. Dr. Lalchungnunga chanchin pawimawh zual.
- Mizo Saptawng Thiam Ber
- Enge in ngaih ve dan le?
Mihring nih chhung hi chuan...
illuminati...
February 11th, 2012 at 4:41 pm
1st
Report this comment
February 11th, 2012 at 4:54 pm
2nd
Report this comment
February 11th, 2012 at 4:59 pm
comment pangai ah kan 1st tlat ange..hehe
i thu ziak chu a dik khawp mai .Mizoram pawna zir kan tam tan a, hetianga Zirna hi kan en thin vang anih hi kan quality a chhiat em em ni. Education hi kan ngaihthah lutuk thin hi chu a pawi ka ti tak zet ani keipawn. Mizoramah Sawrkar hna a tlem tial tial tawh a. Political fitness neilo tan pehi chuan technicals skills lamah luh a tul dawn a, chumi tan chuan pass mai ni lovin thiam tuma han zir tan hi a ngai tawh dawn ani
Report this comment
February 11th, 2012 at 5:00 pm
a dik chiah…ani chu a thiam thei tho a, bawhkan tir mai ang tih ngawt chi anilo…maths leh science phei chu a basic a tahtawlin kan zir si a, man loh laklawh chuan naupang an khawngaihthlak…
Fa ka neih ve hunah pawh ka bawhkan tir miah lo ang
Report this comment
February 11th, 2012 at 5:09 pm
Post hi a tha ka ti khawp mai. Ka naupan laiin class a kum lam a a tuai pawl tak lehnghal kum laihawlah a titha 3 pawl sawn zingah ka tel ve rawk mai a. High school ka kal chhung zawng pawhin ka chhiatpui a, college ah ka in make up ve leh thei hram a ni.
Report this comment
February 11th, 2012 at 5:19 pm
ka chhiar e! a thupui a rum tha hle mai mahse a tha viau e
Report this comment
February 11th, 2012 at 5:20 pm
Ka va thlawp ve le
Naupang hi an kum mil tawk zelin an zirlai pawh hi uluk taka siam a ni. A indawt te tea an kal loh chuan frustration a siam thei a, drop out tam nachhan pakhat pawh a ni.
Naupang an school kalna sawntir duat duat hi thil tha lo ber mai a ni bawk a, environment hrang hrangah an khawsa a, an zirna ke a bai thei bawk a ni. Tin, naupang zirlai, a bikin KG – II thleng hian uluk a ngaiin hmanhmawh taka nawr baun buan tur a ni lo. KG lamah phei chuan Homework pek vak vak loh tur a ni a, play way method hmangin an rilru siam chhoh zel zawk tur a ni.
Sawi tur chu ka ngah mai, ka hman chuan ka la sawi zel bawk ang. Mahse ka hre ber lo
Report this comment
February 11th, 2012 at 5:40 pm
I ti dik lutuk. ‘ka fanu/fapa hi a zir chhuah veleh hna ahmu nghal dawn’ ti niawm fahran hian nu leh pa hi an buai a, pawl bawhkan hi chu tha lo tak a ni ringawt.
Report this comment
February 11th, 2012 at 5:46 pm
Pawl bawhkan hi a tlangpui thu in thalo tak a ni. Kan u pakhatin a fapa, an pawla a thiamthei pawl leh zir taima pawl pawh ni miah lo, kha a lo bawhkan tir pek a. Matric a fail hnuah ka hre ve chauh si a ka thinrim teh a sin aw. Lehkha thiamthei tak, bawhkan a tifuh tak pawh an awm nual tho e.
Report this comment
February 11th, 2012 at 5:51 pm
Buai chung chungin ka rawn thlawp e.
I kum sawi aia upa hret pawhin school luh tir ila, an pawl an hneh a, a tha hlei hlei.
Research ka ti lo na a, naupang lutuka school kal tir hian school drop out a titamin ka hre ve tlat. Chubakah, school drop out zingah hian sual khura tla lut an tam bawkin ka hria.
Report this comment
February 11th, 2012 at 6:17 pm
@Post tupa, ka la chhiar hmanlo, hman veleh chhiar ang. OT chhunzawm lawk – Liverpul kan hneh phei chuan ka rawn comment nasa khawp ang
Report this comment
February 11th, 2012 at 7:00 pm
Excellent post. Naupang lutuka pawl sang tak zir hi engmah a ni lo. Kan kum mil zelin kan rilru a thang chhova, chumi mil tawk tur chuan zirlaibu pawh duan a ni thin. Pawl bawhkan hi zirlai tan a hlauhawm. I va ziak tha tehreng em.
Report this comment
February 11th, 2012 at 7:08 pm
Pu Muantea hi a hre ber tura ngaih chu a ni. Tin, boarding school vel atanga matric distinction vela pass pup pup ho hi an zuih duh khawpin ka hria.
Report this comment
February 11th, 2012 at 7:12 pm
Nu leh pa tena an bawhkan tir chu ka la hre lova; P/S kan kal laiin kan ṭhianpa pakhat chu pawl thum, zirtirtuten an bawhkan tir. A tlangpuiin pawl bawhkan ho hian an thiam vang a ni tlangpui (ka hriat dan) chuvangin thil pawi lutukah ka ngailo.
Report this comment
February 11th, 2012 at 7:14 pm
A tha viau mai. Naupang tam zawk tan chuan bawhkan hi a tha lovin ka ring ve.
Kan awmna lamah hian September ni 1 ah kum 5 an tlinloh chuan KG kal an remtilo. Skul hi August ni 29 ah emaw tan a ni tlangpui, kumtir ie:January ah an tan velo.
Report this comment
February 11th, 2012 at 7:19 pm
Kan hriat chian loh leh pakhat chu hna pe thei tu (employer) ten an duh zawngin naupangte an zir em? BA, MA zirtir rignawt hi hna an hmuhna tha ber ani tawh lem lo. Professional course lama in zirtir hi hna hmuh awlsamna, thawhrei theihna ani zawk lawng maw? Sorkar lah hi a chhia chhia an ruai dawn niin a lang si a.
Report this comment
February 11th, 2012 at 7:25 pm
A let zawng te hian zir theih sela, PhD aṭangin ṭan ila kan upat hnu chua a awl tawh ngawt ang
Report this comment
February 11th, 2012 at 7:31 pm
Chhana, nu leh pa remtihna chauh lo chuan pawl bawhkan hi sawi tur an vang khawp zawk lo maw.?
Report this comment
February 11th, 2012 at 7:39 pm
Chemtatrawta hi thil hi a ngaihtuah fuh ve thei riau. (Chawchhun tih loh chu fth.) Ngaihtuahna hmang mi tak ani awm e. Tin, a sawi hi ka thlawp bawk. Pawl bawhkan tifuh hi 5% vel chu an awm ve awm tho ve. Chu pawh chu an kum leh an rlruin a zawh em avang a ni thin. A tlangpuiin Naupang an Class/zirlai nuam ti em em tur kha, hahthlak ti deuhvin an zir chho a an khawngaihthlk em em a ni. Distinction a Pass nalh nalh thei tur kha, First ngawr ngawr emaw, Second Division velah te an tla thla a, Tunlaia hna lakah Academic Performance dah pawimawh loh theih ani tawh silo. Zo tak zel a an zirlai an zir hi a lo fuh ber a ni.
Report this comment
February 11th, 2012 at 7:42 pm
Zan lama nupui te bawhkan phal mang silo.
Tak2a, ka thlawp zawng tak ani
Report this comment
February 11th, 2012 at 7:46 pm
Report this comment
February 11th, 2012 at 8:19 pm
A thupui chu a pà rem rem khawp mai. Pawl bawhkan, tifuh ta lo ka hre nual.
Report this comment
February 11th, 2012 at 8:19 pm
Post tha tak a ni, kei pawh hian ka vei thin. Tin, quality tha mang silova result tha tak tak neite leh heng ho zirtirtu te hi ka vei. Mark in nu leh pa rilru an lei ka ti mai.
Report this comment
February 11th, 2012 at 8:26 pm
Post tha tak a ni. Mihring a special bik, pawl bawhkan pawha harsatna neilo chu an awm mai thei, mahse an tam ka ringlo. Zirlai thiamna ngawr ngawr aiin an rilru puitlinna, eng harsatna emaw tawk ta se an face dan te a pawimawh tel. Pawl bawhkan hi ka yes lo khawp keipawh.
Kan Mizo IAS pakhat tuna Vairampura awm mek pawh hi naupang te anih laia a nu thihsan, hna hrang hrang thawk chho, nau awimu chunga inziak tling ania, ka ngaisang teh a nia. Kum naupang te te a Matrict pass, nuamsa taka lehkhazir, an School kalna a that em vanga Division tha tak tak a pass te hi an nawi zui ve fo ania.
Report this comment
February 11th, 2012 at 8:37 pm
Army school strict tak taka lut a, kumkhata nuai tel seng thin nu leh pate hi an khawngaihthlak thin ka ti; zirlai thiam thei leh hmathlir thui zek zawk hi ka la hmu ngai lo tlat.
Report this comment
February 11th, 2012 at 8:53 pm
Pre-school te hi grade 2/3 vel in ti ila school pangai an tan hun hi tlai deuh ta se kan hlawkpui khawp ka ring. Nge ni…hmanlai pawl zat ang kha hmang leh ila kan zirlai kan hnehsawh hlawm ngawt anga a tha viau lo’ng maw…
Report this comment
February 11th, 2012 at 8:54 pm
Kan thianpa pakhat hi chu pawl 6 leh pawl 8 a bawh kan a, tunah chuan Engineering a zir tawh. Pawl 10 kha distinction-ah a pass tho bawk a, a u nen an inpawlrual phah. A nghawng vak lo ni awm tak a ni, top 10-ah higher-ah pawh khan a lang ve thei zel mai. Mahse bawhkan loh hi a tha ber mai, pawlsan ringawt ai chuan thiam zawk se la, pawlsanna aiin thiamna hi ngaihhlutna chang an hre thei zawk bawk ang.
Kan inzirtir dan atang hi chuan Mizo te hi duh aia competition lian thama kan la che tha lutuk thei lo pawh hi a awm ve ngawih ngawih chuan ka hria. Note kan inpe vak vak a, kan in by heart-tir leh leh tawrh a, an by heart sa an ziah chhuah that dan a zirin mark kan pe leh tawp zel a ni ber e. Zirlai quality tha tak kan inchher chhuak tam thei lo.
Report this comment
February 11th, 2012 at 9:01 pm
Education hi “Four walls of the classroom” ah kan khung leng vek hi Zoram Education thanmawhbawk lian tak a ni.
Report this comment
February 11th, 2012 at 9:12 pm
A dik khawp mai…
I sawi ang chiah khian ka cousin pakhat leh ka classmate pakhat an awm. Kum 15 an nih in pawl 12 an zo ve ve a; ka cousin zawk chu 1st year BSc ah a tluang lo a, kum 2 a hloh. Chutiangin ka thiannu paw’n kum 2 tho a hloh tho nia! Kum phak tawk a zir hi a lo tha ber e.
Report this comment
February 11th, 2012 at 10:01 pm
Naupang kum 5 mi an pawngsual leh elo?
Report this comment
February 11th, 2012 at 10:25 pm
hrethiam tak2 tur khn min lo zirtir ngai lo reng2….course kan zawh kha chuan kan duhtawk mai thin…ka rilru ana…..vaiho zinga awm tirhin kan talbuai a, a hrehawm….;-(
Quality education kan mamawh takzet ani
Report this comment
February 11th, 2012 at 11:27 pm
Naupang an inang lo thei fu ang a. Gifted Child tan chuan pawl bawhkan law law mai kha a fuh theihna la a awm. Pawl ngaiah thu se, an hnehsawh lutuk a, engkim an thiam zung zung a, an inthlahdah phah thei a, naupang ninhlei tak, discipline chhe takah an chhuak thei. Hetiang ang naupang Gifted Child hi chu mitlemte chauh an awm a, pawl an lo bawhkan ta anih pawn, an theihna a san em avangin an chhiatpui chuang miah lo.
Mahse naupang pangai ah anih chuan, pawl bawhkan ngawt hi a tha lo lutuk. Naupang kum mila an zirlai kal chho zel, zawi zawia inphaman chho hi, a englai tak emaw kha zir ve loh an nei dawn a, chu chu an tan a pawi thei. Naupang thiam thei tak, an class-a pakhatna ni chho zak zak thin naupang pawh hi, pawl kan bawhkan tir hian, a hnulamah chuan a thiam lo pawl, mahni zirlai um pha chang changah an chhuak duh hle. Pawl bawhkana phalo chung chunga zirlai um hram hramtu naupang nih ai chuan, hnehsawh taka mahni class-a a thiamthei ber pawl nih chhoh hi naupang tan chuan a nuam zawk dawn hrim hrim.
Nu leh pa hi kan hmanhmawh ngawt thin a. Hma takah, kum naupang takin matric pass ngawt se, naupang hian enge a tih chuan ang le?????
Report this comment
February 11th, 2012 at 11:33 pm
Tet lai khan pawl an bawhkan thin tih pawh ka lo hre ve lemlo a niang a…
Report this comment
February 11th, 2012 at 11:44 pm
ReMpY℠, kan hriat lem loh hian thil tam tak a thleng thin alawm…..
Report this comment
February 11th, 2012 at 11:56 pm
caribou #32 a i sawi,”Pawl bawhkana phalo chung chunga zirlai um hram hramtu naupang nih…” i tih ang deuh hi helam skul enkawl tute ngaihdan anih ka ring. Naupang ten skul an tan hunah kum 5 an pumhlum loh chuan Kindergarten (KG) ah an kaltir ngailo. “Tunkumah a pumhlum dawn,” tih ang kha an endan ani lova, an pumhlum kher angai thin.
Ka fanu Janis pawh October ni 22 ah a pian avangin a rualpuite (piankum inang) tam tak an lak laiin September ni 1 hnuah a pian avangin an duh thaklo. September ni 2 ami pawh an la ngailo. Sawi tawh angin kumtirah skul an tan lova, August thlatawpah an tan thin.
Report this comment
February 12th, 2012 at 12:11 am
HV, educationist tha chuan “kum” hi an ngaipawimawh hrim hrim. An kum hian a chaldelh ve a ngai tlat. Kum la naupang na na na chu, an ngaihtuahna pawh a la thang kim zan lova, an taksa lian ur mahse a nih tur ang a la ni lo tlat. Khawthlang ram nge nge, an duh uluk khawp alawm. Helamah chuan nu leh pa te thu thu a ni ve thung.
Report this comment
February 12th, 2012 at 12:13 am
a dik khawp mai…nopang tam tak chuan an chhiat phah reng a ni..Keipawh pawl vawi hnih ka bawhkan a…mahse vanneihthlak takin ka zir na ah ka tuar miah lo…ka rualpuite aia ka kal chak vang leh hna ka thawh hma bik vangin ka upat hmel bik..Senior hmel min tih phah fo..chu chiah chu ka tuar phah.hehe
Report this comment
February 12th, 2012 at 1:23 am
Pawl 8 ka lo bawhkan lo kha ka inchhir lem lo khawp mai.
Report this comment
February 13th, 2012 at 3:43 pm
Pawl 5 ka bawhkan, min tihbuai awm pawh ka hre lem lo, ka classmate te kei aiin an upa ta vek e tih mai loh chu. Pawl bawhkan aia ka ngaimawh zawk chu nu leh pa ten an fate school pakhata an fail a, school danga an sawn zel hian naupang zirna a ti chhe thui khawpin ka hria. A thente phei chuan school neitu te donation engemaw zat pein an promotion tir thin leh nghal emaw ni, an fa te hi an hmangaih lo ka ti mawl tawp mai a ni.
Report this comment