A dam lai khân ka kiangah a rawn lêng lùt ve fo va, mi pèl thei mai bìk ngai lo. Thingpui-sen dawm dùnin, a vànglai chanchin kha ka lo ngaithla kham bìk lo si nèn.
Mizo Jim Corbett tih ve hiala mawi a nia sin —Sakei engzàt nge a kah … zàn thim khawvàwtah vawi duai lo a chhuah leh: tawrhchhel a ngaih thin thu a sawi zozaite kha ngaithla hnem viau tùrah min ngai em? Ka hrilh kim phal sêng rih lo a che u.
Khatia Pu Saihnùna’n a sèp-ràw-tui ber thin pakhat, sawi hnu pawha a sawi leh thin chu hei tè mai hi a ni …
“Ka fapa Keihâwla pawh pumruaah leh rilruah a tlangvâl ve ùr tawh tih khân, ka lung’hlui a lêng thar leh tlat mai pèk a. Mi chiu vawng vawng hi a ni ber mai. Ram lam hna thawh zai ka rêl thei lo va. Tapchhak-meilum ka hnungpuak ta ‘ngawt a. Ka ngaihtuahna a kal dìng hle. Tichuan, rappuichungsânga fu-tlawn ka hàkthat kha ka han pawt phawi ta ‘ngawt a. Ka la hre khiau mai si!
“Meikhuin a lo ùr hnúm-tliang hman hle tawh a. A paw zual meivàp leh inting uai diah diah laite kha ka’n hru fai ang thuak thuak a. Lehkha zir zawm theih loh phah nâna ka hman … hnamchawm-nula ka ngaihzàwn ngeii khàn, an lova kan inlàwm tuma min thliahsak kha a ni tlat si a. Khami nî khân kan va han hlim dùn tak èm! Tu’ dang kha kan ngai lo a ni ber e.
“Losùl hàwn hun a lo ni ta miau si a. Ani khàn èm a phur a, keiin a fu min thliah ngei kha –a tlàwnin ka hawl hàwng a. Fèp phal ta ngang lovin, rappuichungsângah ka thawlh tha ta kha a ni a. Hun inher liam zèlah pawh han melh chhoh zauh zauh chauh pawh kha ka tân chuan làwmna tàwk a tling pha tho mai thìn. Ani lah khàn a hre àwm dèr si lo.
“Sailo ka ni si, ka chhûnglehkhat leh vua’vàngten hnamchawm nula neih an remti lo bur si nèn, a na thei kuih kuih khawp asin! Aizâwl lamah lehkha zir zawm tùr tein chhûngten min tîr a. Zir zawm kha a lang thei màng raih lo va, ka haw phah leh nge nge kha a ni ber e … Khà’ng ka ngaihtuah kìr leh châng hian ka lunglèn-khawhàr hi a la bâng thei tak tak chuang lo.
“Khatia, a fu-tlàwn min thliahsak hùm chung khân lunglèn zai ka sa ta … ka là lungrun bawk a niang –ka mittuite ka biangah hian a luang hial a. Ka fu-tlàwn kha ka hla sak remin dawhthlêngah khân ka tuk ri kerh kerh a. Ka kianga awm ve angah ka la ngai a ni ber e.
“Ka lo sa tui ta lu’ deuh nge! Ka lo khâwng uar deuh a ni mah nà … a fu chânglàwk ber laia a tliak ta hmawk mai kha chu(h) … ka va han la na nawn tak èm! Ka ni nghulh mai zù nia! A bung lehlam chhar vatin ka’n thlèk tawn ngial a, a zawma han zawm leh chi rual lah ni tawh si hek lo! A bunna lah chu amah ang mai khân a vâr hai mai a … tin kim dàwnkìr a tisei thlàwn reuh ngei mai. Ka ui lutuk ui lutuk chuan ka’n liak ta ngawt a …
Mâma … A LO THLUM TAWH HAUH SI LO!”
tiin, LOVE EPISODE chu a tàrkun fê tawhah khân min hrilh a. Min hrilh kham lo, ka khawpkham bìk bawk lo. Sakei engemaw zàt leh sa dang tam tak kàpa hming chher èm èm thìna khàn, a HLAWHCHHAMNA, a ngaih bàn theih loh hnamchawm nula fu-tlàwn thliahsak chanchin tlêm-azâwng min lo hrilh kha — khi-ti tè chin mai rih khi aw niang.
Similar Posts:
- Sorkar Thingkung
- Ka Hlau!!
- Lal Pian hun pangpâr a vul leh ta!
- Zu ruiin vawk 29 a vit!
- Ka nuih a za miah lo!
February 11th, 2012 at 8:14 pm
.
Report this comment
February 11th, 2012 at 8:20 pm
A va laklawh e, chhunzawm vat teh
Hmawngkawn sakei em ni kha, a nui uar uar a tih kha??
Report this comment
February 11th, 2012 at 8:20 pm
Liverpool kan chak looo…
Chhiar ila..
Report this comment
February 11th, 2012 at 8:25 pm
Saihnuna hi chu ka hre ve tlat!! naupan deuh lai khan a lar alom! SISEM hian a hre nual ang
Report this comment
February 11th, 2012 at 8:26 pm
Sakei tak tak emaw ka tih dawn chu le……..ngaihnawm hle mai.
Report this comment
February 11th, 2012 at 8:30 pm
Report this comment
February 11th, 2012 at 8:33 pm
‘….tichuan a hmel chu a rawn sawi tan ta a,a kut-tin te chu a seiin a zum ta fur a..’ tih lampang chhiar tum tawkin ‘FU’ chanchin hlir ka’n chhiar tak chu.
Report this comment
February 11th, 2012 at 8:34 pm
SISEM chu zawt chiang ang u
Report this comment
February 11th, 2012 at 8:35 pm
A ngaihnawm dawn hle mai
Report this comment
February 11th, 2012 at 8:36 pm
A va khanawm loh ve le.
tren tren
Report this comment
February 11th, 2012 at 8:38 pm
A ngaihnawm dawn chiah a, i titawp daih si a; mi tivir tawk chiahin min runral a ni ber e. A chhunzawmna ka chhiar chak tawh khawp mai. Nia, SISEM hian a hriatchian ka ring..
Report this comment
February 11th, 2012 at 8:45 pm
Min englo ting tang a, min englo leh duh mang si lo.
Report this comment
February 11th, 2012 at 8:57 pm
Nupa feh dun an nu zawkin, “Tunah mah châk tawh a, thlam bang pin leh rih te chu”, a tih te pawh min tihrechhuak e ka ti..
Report this comment
February 11th, 2012 at 9:15 pm
chhiar ila nimai lawm
Report this comment
February 11th, 2012 at 9:46 pm
Sweet a kawr kheh loa hmuam ang vel a la ni rih. A zaw zel nghakhlel tak in lo thlir teng.
Report this comment
February 11th, 2012 at 9:51 pm
Ka khawngaih
Report this comment
February 11th, 2012 at 10:00 pm
Ziak ngaihnawm thiam. Tumloh lamah min hruai daih.
Report this comment
February 11th, 2012 at 10:04 pm
Pu Chawnghilha nge nge; Amah Pu Saihnuna tawngkam hria ang mai kan ni alawm le!. He hnamchawm nula hi ani awm mang e? Sakei akah dawn zan apianga an Ina lo LAWI tur anga a mumanga a hmuh thin kha. Ka khawngaih Roh mang tak e a.
Tin, Hmana Post pakhata inhnialna i rawn tichiang e. Hnamchawm hi Lusei lo ho ni lovin, Lal Chi Sailo leh Fanai ni velo ho kha an ni.
Report this comment
February 11th, 2012 at 10:11 pm
Saihnuna, kan pawl…
Report this comment
February 11th, 2012 at 10:31 pm
A ngaihnawm…a sawi ngaihthlak ang mai a lawm…chhiar pahin kan ka deuh ho mai!
Report this comment
February 11th, 2012 at 10:33 pm
va ngaihnawm ve la! Ka kham lo.
Report this comment
February 11th, 2012 at 10:33 pm
A va ngaihnawm ve le! Ka kham lo.
Report this comment
February 11th, 2012 at 10:45 pm
Ngaihnawm tak a ni. ‘Bakah tawngkam i chhep nalh lutuk tlat
Report this comment
February 11th, 2012 at 10:46 pm
I thu lek kual dan hi a mak ka ti. Titi i thiam ang bawkin, i thuziak chu a inla herh mawi chiat chiat khawp mai.
Vur nal zia sawi nâna, patêk chu thap tak a ni i tihte; puar taka chaw ei hnua “Ril a tam lo sawt khawp mai” i tihte ka la hriat loh ring suh. A fiah piah lamah a fiah thin ka ti.
I thu khel lam ka hre lo, i thu ziak dan ka tuipui zaw mah a ni.
Ka lawm e,
I tan chauh.
Lr
Report this comment
February 11th, 2012 at 11:27 pm
I ziak ngaihnawm hle mai
Kanu (step) pu anih ve ngat khi. Keivawm (black panther) pawh a vithlum tawh awm tak asin.
Report this comment
February 11th, 2012 at 11:51 pm
Pu HV black panther hi mizo chuan sakei-ral kan tiin ka hre tlat. keivwm tih pwh chu lo dik zwk ni mah na..
Report this comment
February 12th, 2012 at 12:00 am
#26 “Keivawm” ti bakin kei chuan ka hrelo. Mizo hnam hming pakhat ani bawk… Red Indian ho hming min hriatchhuah tir. Ka thiannu Sioux hnam, hmeichhe pastor pawh Peddington bear.
Report this comment
February 12th, 2012 at 1:33 am
Chan loh khanah a chhuah daih chu a!
Report this comment
February 12th, 2012 at 1:43 am
Ka tum loh deuha fu rêp chanchin hlir ka chhiar daih chu le.. La thlum tho tur a nih vei nen, a lo da tawh chu a pawi ve aw..
Report this comment
February 12th, 2012 at 2:26 am
Mi ropui takte pawh hi….
Report this comment
February 12th, 2012 at 8:01 am
Ngaihnawm hle mai. A dang kan la duh…
Report this comment
February 12th, 2012 at 12:23 pm
Post-tupa, a kah thelh i ti ngawt a, kan ngaihtuah nawn chet chet hian, a kap thlu lo a nih pawhin a hliam tal chu a hliam ka va ring deuh ve mawle.
tren tren
Report this comment
February 12th, 2012 at 4:36 pm
Ka rin loh lam deuhah min herpui daih mai a. A ngaihnawm e
Report this comment
February 12th, 2012 at 5:50 pm
A va ho reuh e. a KAH THELH tak tak ang e maw chu? Pu Chawnghilha thu han ziah vel dan hi chu a ngaihnawm thin. Thlukna i dah peih hian chhiar a tinuam a, thumal zawm leh zawm loh turah i fimkhur eltiang bawk thin a, chhiar a nuam zaih bik thin. Han chhunzawm leh vat teh, post danga rilru kan pek tam hma hian… nge, a lehkhabua chhuah i tum.
Report this comment
February 12th, 2012 at 7:00 pm
Sahnuna hian fa pahnih a nei kher em ni engah nge a chanchin ziak meuha kan zingah i lo tal leh tak mai? A fa pahnihte leh amah chu mi pakhat an ni tih tum an awm em ni, kan zingah hian? I thuziak hi ONENESS leh TRINITY a awm ka rin avangin chak takin nakinah ka la chhiar ang. Ka copy a, ka microsoft wordah ka vawm beih thlawrh mai!
I ziak tha leh tho ang! I vocabulary hi engtik laia i chharkhawm nge maw ni tha thei thuai thuai em mai!
Report this comment
February 13th, 2012 at 10:58 am
Ka hel ka hel hnuah ka chhiar a, a lo ngaihnawm zek. Pasaltha meuh pawh hmangaihna chuan a mittui pawh a lo titla a nih chu…. buaithlak mang e
Report this comment