Vunvâr râu nge Pathian râu: “Synod Mikhual turin Vunvar mi thusawi thiam kan thleng rup mai chu a ni a, khual tha nge khual chhia kan la hrelo nanga khual tha turah chuan ngai phawt ila. Mahse, a senso hi nuai tamtak a ni a (Vanglaini: Dt; 09.02.2012 under the topic : “Will Graham Crusade atan inbuatsaih mek” stated “Crusade buatsaih nan hian Mizoram Synod chuan Rs. 20,00,000/- a ruahman a , chuta tang chuan Rs. 8,96,303 sên tawh a ni”), thawhlawm thawh tauh tauh thin thingtlang chhungkaw rethei bakberh te te-te hmaizah a va na duh em… kan culture leh chawhmeh duh zawng pawh hrethiam hlei lo lehnghal rawih nan maw?…. ” Kan ti dawn nge. “Zoram sualna hi a buru tawh em mai a, kan kohhran hruaitu te hi kan ring zo lo a, hnamdang te thlarau chan hmang tal hian Lalpa lam kan hawi leh thei deuh mahna” kan ti dawn?
Fai rêl bel leh sa bêl hrêk chungin: Chhungkaw pa ber dinhmun a tanga ngaih tuah chuan. – Pâwl a han in hman tak tak chuan sum sênna hi a lo tam khawp mai…. Zantih Kawmiti a chhuah hi a lo ngai tak meuh meuh a, thawhlawm an khawn tlangpui bawk si!!! Pathian ram bak a kan sen tlangpui te hi han chhut ve teh u, uiawm chu ka ti lo .. Income nen chuan a in mil lo ve deuh hlek ani… Tin, heng te a nih teh nuaih a vang hian Pathian ram a sawm a pakhat pe tur hian beih ve fat fat a … sa bêl hrêk tak tak a ngai ve a ni….!!! Mahse ka rawngbawlna a nia, kei chuan ka la thei… ka la ti zel tho dawn bawk a… Mahse sum harsa tak tak a kan thawh khawm te hi holam mai mai a a liam loh nan Synod thluak hi kan tanpui ve deuh chu a ngai lo maw kan ti mai a nia… ?
Kawltu chawi te chantawk hi dawn ve teh: Thingtlang mi nitin hahthikûla lo lam hna thawk te hian an ui vulh chu sawi loh, ui ei tur ai a an eitur an lungkham a tul a, Mutia hna thawk a inhlawh tehian kohhran a an tlaktlum theih nan thawhlawm an theih ang tawk tawk, harsa chung chuanga an thawh ve a ngai a sin!! Hmeithai tar tawh tak Office a thei rah ilo rawn zuar kual den den thin tehi in hmu ve em? kawm chiang teh u khai…. tar tak chungin an thawk rim a sin, mahse Pathian ram leh thawh lawm ah an hâi ngai chuang hauh lo..!!! heng mi tereuh te te -te thawhkhawm kan hmanralna hian “Chanchin tha mitin huap” a nih ang ngei hian, thingtlang leh khawpui, milian leh mite te hi angkhatin min hrût rual angem? Eng buruak nge min hnutchhiah ang?
Happening Gospel Missionary: Huau huau huaihawt zawng kher a thlaraubo zawn chhuah hi a fuh ber em aw? kan zo angem ? Setana hi ka cho chhuak zawk lo’ng maw? A lo phûr ve viau a nge? A ti fuh phian zawk a nih chuan “sory” bawn tawp a ni mai!!! Tin, Thlaraubo zawn chhuah tum tu te hian an ti tlu teuh ang tih kan venthawnpui a ngai a ni… Zawn chhuahna a nih tak tak chuan kumin chu Missionary pun kum ah kan puang thei ang chu… Kum dangah pawh tih zel chi a ni ang, ngai a kan neih leh hma zawng. Mahse, Upa, Pastor te leh Pastor zir ho tepawh hi kan mamawh lo thuai ang che u tih e rawh ka hlau (Hnamdang râu ngaihsan lak lawh a nih chuan).
Ka thu sawi in man thiam lo tlat mai: Kan Mizo Kristianna hi Tradisawn (Tradition) zia zûl zui a kal, Kalchar (culture) kal rem a kal chhet chhet ni se kan duh a, hnam dang râu tel lova piangthar thei lo tlat a kan in ngaih mai loh nan kan kohhran hruaitu te leh Upa te ngaihsanna hi kan thalai te rilru ah hian kan tuh dawn zawk lawm ni… Upa ho leh Pastor te pawh kan zah zo tawh lo che u a, kan ruih khum bawk bawk ngam ta che u a nih si hi!!!? Camp siam lo chuan a pianthar theih loh tih thinlung thalai te ah a in tuh nasa tawh a… Sâp tel lovin harhna a thleng thei lo tih leh zel chu I tuh sak lovang u…. Sâp ngaihsanna hi i chhawm nung lo hram ang u aw. “Missionary te khan chanchintha min rawn pe a, min pek tel loh an culture kan lo la tel kha tun thleng hian kan hnam hian a la chhiatpuiin!” kan ti ve em?
Thlarau bo te man na tak tak tur a nih chuan Synod ngei pawh hian kâwt thak in sum seng mahse pawi kan ti hlei nem… a mipui te hi chuan kan in huam hliah hlaih a sin, in sen zel pawh hi kan châk, kan thawh zel mai ang. Mahse, heng inkhawmpui in huai hawt te hian chhungtin (fâirêl bel .. oh..) thinlung a thleng phak a ngem? Khurbîng kalsiâm kal pel in, mi hnuaihnung tak tak te Synod hian min VIP ve tawh se kan ti a ni zawk…. Thalai te thinlung ah hnuhma an hnutchhiah tur hi in chhut em? Tuna an proramme duan te hi han ngaihtuah ve teh u…!!!
Hriattur: Inhnial lova sakhuana hmasawn nan a khawhawi ti zau tu kan nih theuh theih nan ngaihdan thawh a, sawi zau ni se. Tin, tuna kan hmachhawp neih mek ah pawh theihpatawp a rawngbawltu lu te leh speaker tur tepawh tawngtai pui kan ba tih hria a tawngtai pui theuh turin ka sawm a che u. Ka lawm e.
Similar Posts:
- Synod Building Thar hi…
- Tunlai Mizo
- Enge in ngaih ve dan le?
- Ka thawh zel dawn! (Engtin ngai che’u maw?)
- Misual Damlo Awmin!
kawrek mai rawh
February 11th, 2012 at 7:42 am
Post tha hle mai. ‘Vunvar rau nge Pathian rau’ khi ngaihtuah a tithui khawp mai. A petu in Pathian hnena a pek tawh chuan a pekna rilru kha a pawimawh ber a, a hmanralna lam chuan a petu ah nghawng neilo tura petu tak tak kan nih a pawimawh ta ani.
Chutih rualin mihring kan ni miau a, kan sum pek an hmanna te kan ngaihtuah lo thei silo a. Pathian thu hi saptawnga an sawi lehlin ai chuan kan tawng ngei hian ngaihthlak nuam ka ti fan kei chu. Crusade atan a Rs 20,00,000 chu a va tam ve mawle. Khiti zat zat insengso lo hian Pathian kan hnaih thei hlawl lo em niang!!!
Durtlang Hospital leh a Kohhran mi rethei tak tak te tanpui nan te hmang zawk ila aw :-S
February 11th, 2012 at 8:08 am
Vunvâr râu tih tak khi (Y)
February 11th, 2012 at 8:09 am
Ka harh ve chiah, ka tlai teuh hle mai, dar 8 a lo ri tawh anih hi. 😛
February 11th, 2012 at 8:18 am
Harhna rei ltk tawh keichu mut a chhuak leh trep tawh zawk lolz
February 11th, 2012 at 8:19 am
Harh teh u harh teh u in tlai ang e 🙂
February 11th, 2012 at 8:20 am
Sap tel lo in kan lungawi tawhlo nge, Synod hian sum a ngah lutuk a hmanna tur an hre tawhlo nge tih ka ngaihtuah ve mai mai. Thawhlawm te pawh hi Synod lut ai chuan tualchhung lam hi uar a hun tawh in ka hre ve mai mai. Pathian thu hi a thalo ka tihna ni lovin, mi harsa tak tak ten kan thawhkhawm sum hi ka lo ui ve deuh thin.
February 11th, 2012 at 8:27 am
“I VA ZIAK SYNOD LOVE” tih SMS in min kaitho a, hrilh a hai duh hle mai, min hrethiam teh u, Synod ka dona a ni lo a nia aw… Ka Kristian-na ai in ka Mizo-na hi a hmasak vang nge mawni ti zawng hian ka rawn ziak hmasa ta zawk mai a ni e. A lanna tlang dang atanga thlirna pawh ka la ziak tho a nia. A tul leh kan chhuah leh ang chu … thinrim mai tur a ni love.
February 11th, 2012 at 8:34 am
Hetiang zat zat seng lo hian heng lai a kan Pathian thu hriltu te hi ruai ta zawk se. Nge misual thlarau chhanchhuak tur in kan Synod hian a ring zo tawhlo zawk ni ang?
February 11th, 2012 at 8:45 am
Post tha tak ani (Y) ,hmana Vunvar tho(Henry Hinn) rawngbawlna anga sum tamtak sen hnua sawi zui tur awm leh si ang kha chu ni tawh em lo ang chu a..
February 11th, 2012 at 8:48 am
Ka vei ruk em em a ni. Synod hi a hausa kan ti a, mi rethei të të-te sum thawhkhawm, tlingkhawm tho a ni. Chuvangin, sum an hmanchhuah dawn reng rengin mi retheite hi hrechhuak ve rawh se! He’ng thawhlawm thawhtu mi retheite hian he camping chhim chu an duh ve ngawih ngawih ang, mahse, an chhim phak hauh si lo. Khawpuia chengte sum thawhchhuah dan leh thingtlanga chengte sum thawhchhuah dan a inthlau lutuk! Chuvangin, tuna Synod sum hmanna hi thingtlang mi rethei tam takte tan chuan a na maithei.
February 11th, 2012 at 9:06 am
Kan kal dan pangngai hi a la tha tawk e. 😛
Post tha tak a ni. (Y) Synod an ni emaw ni lo emaw, a mihring mimal pawh nise, kan za a chunga thu neitu chu Pathian a ni.
tren tren
February 11th, 2012 at 9:08 am
A him chinah hian lo thlir teh ang. 😉 posttupa, ka tan lutuk che ania. I Sms dawn hnua i rilru awmdan tur ka hriatthiampui khawp mai che. Opinion category a thuziak thang ngang ka ni bawk a, facebook nen, helam site nen, ka post comment nen lama fake account proxy server hmanga beih hi ka tawk fo ania. I ngaihdan sawhnghet sauh sauhtu ni mawlh teh se.
Keichu hmanah min khak tawh a, ka synod ve si lova, min khak leh palh ang. 🙂
February 11th, 2012 at 9:08 am
Post tha tak a ni e. Kan harh tlan chu a hun tawh viau a ni (Y)
February 11th, 2012 at 9:14 am
Kan harh ta bawk a, chaw ei phawt ang. 😛
February 11th, 2012 at 9:22 am
post tha tak a ni 😀
February 11th, 2012 at 9:24 am
Kristianna leh Mizona han tih hian ngaihtuah thui deuh a ngai lo maw te ka ti ve mai mai a kei misual hian. Ka ngaih ve dan chuan Kristianna hian Tradition a nei hranpa ve hrim hrim. Kan Lalpa Isua pawh khan Juda culture leh tradition milin rawng a bawl chuang em ni le. Kan Mizo Culture leh Tradition kan tih zawng zawng- kut ni vangthla tih vel zawng zawng kha kan sakhua nen a in zawm tlat an ni. Tun a kan awmdan hi western culture a ni chuang lo; Kristian culture a ni ka ti ve tlat. Chhimtawp vai an ni e maw Assam tribal an ni emaw Arunachali an ni emaw Kristian te hi chuan in zawm na riau, in pawhna riau kan nei thin. Hei hi a chhan ber chu kan lifestyle chu eng ang pawh lo ni in lo danglam mahse, Kristian culture & tradition in min phuar khawm vang a ni. Hnam ze mil a Pathian biak tih te leh Feminism tih vel hi new development a ni zawk lo maw ka ti ve tlat. Chuvangin vun var a nih vang ni lo vin Khawvel huap rawngbawltu lar a nihna zawk hi a ni lo maw kan chahchhuah chhan. Sap an nih avanga min rawn tanpui tur a beisei ngawt lova in seng so va rawngbawlna hun lo siamsak te hi kei chu tha ka lo ti ve em em a.
February 11th, 2012 at 9:29 am
A nuaia nuai 20 seng khera harh kan tum a nih chuan (N)
Vunvar thlarau hi a rau bik riau a hria an awm zawk nge, sum senna tur an hre lo zawk. Kristian lo nen lam hian harh chiam chiam mah ila, thlakhat bak a daih leh ngut chuang lovang. Ka chiang, ka chiang khawp mai.
February 11th, 2012 at 9:35 am
Misual dot com charity ah te khan rawn thlak zawk se tha tur ania. 😛 A nuai a nuai 20 mai nilo, maktaduai 2 lai mawle. 😀
February 11th, 2012 at 9:50 am
A maka maktaduai 2 ah kan dúai lo a ni emaw, a nuaia nuai 20 ah kan innuai emaw, post tupa Lersia se chi tha ang maiin harh tup tup mah ila; piantharna tak tak ka neih si loh chuan ka tan eng nge sawt ang?
Vunvar tawngte-in thu sawi mah ila, a maka maktaduai 2 vunvar kohchhuah theihna nei mah ila; simna ka neih si loh chuan eng mah lo mai ka ni ang. ;-( 😛
February 11th, 2012 at 10:18 am
Nuai 20 hi Mizoram mipui zawng zawng hian insem ta vel ila, Takam leh Tuikuk tiamin Cheng 1 leh siki 3 vel theuhin kan changkim thei ang a. Lollipop 1 leh lollip 1 theuh kan lei thei tihna anih chu… 😀
February 11th, 2012 at 10:22 am
@Sheldon, Thlîrna tukverh pahnih atangin i thlir a, a lawmawm e… sai zuizel la ka chhiar chak.
@TuaiSialA, Nia, <b< a na ti an awm a, inin kawmngeih duh hmel 🙂
@Sonrize, nia, lo thlithlai zui la a tha ang.
@Ku chemtatrâwt-a, râwt râwt thin hi chu aw… 😛
@Chhuaklinga, Amen… ka hnam pui i ni e. 😉
@Sãñgpüîípã, mi an thinrim tawh a i uangthei lutuk aw… 😛
@tepuia, tha lutuk, han sawi zui zel teh… Culture leh tradition zirzauna te zir zel chungin.
@lr hlonchhing, thu kaihlek dan hi ka duh tawp, ka zir ve ngei ang… 🙂
February 11th, 2012 at 12:02 pm
He post hi fb ah ka comment tawh. Ka thlawp khawp mai… Khualchawm Kohhran nih hi kan sim a hun tawh.
Tin, Zoram Khawvar tak tak chu Politics, Culture leh Economics independent a ni… Kan duh emaw duh lo emaw kan Pathian hian kan ram leh hnamah thiltum a nei a, chu a thuthlung chu engmahin/tumahin an dang thei lo vang!
Chuvangin, Zoram Khawvar a hnai tawh vanga kan lo inbuatsaih ngawrh em em laia VUNVAR lo buaipui chiam chiam…
February 11th, 2012 at 12:30 pm
A ṭul ka ti lo khawp mai, sap ngaihsan rau a la ni niin a lang. Kan Zofate zingah thu hril thei kan tam vei nen. Chutiang bawkin sap rama Zofate rawngbawla chhuak ho pawh hi an (sap ho) tan ngei pawh hian ṭul lo ka tih pui ngawt mai.
Engpawhnise, an ti tawha, theihtawpa ṭawngṭaina nena ṭan kan lo lak ve hi tunah rih chuan tihmakmawh kan kova innghat a ni ta. Kan rawngbawl tu tur leh a ruaitu tur kohhran tan leh Zoram mipui pakhat talin thlarau damna kan chan theih phah nan i ṭawngṭai ang u.
February 11th, 2012 at 12:59 pm
Ka ngaihdan ah chuan kan ram chhunga Pastor, Upa leh Evangelist tam tak te kan ring zo tawh lova, midang kan pun ta a ang.
Zirtirtu ni la, in school ah i subject lakah teacher dang special class la tura rawih ngai ta se, i zak chem chem ang.
Chutiang chiah chuan kan rawngbawltute tan pawh zah ram ramna tham a ni. Inenfiahnan kan hman a ngai. Ka beram te hi ka enkawl hneh tawk lo a ni, pawn lam mi hial chah a ngaih tak hi tih rilru pu a kan thanharh a tul a ni.
February 11th, 2012 at 1:14 pm
Kan rama kohhran lian ber tih takah Synod hi chuan beihna a tawk nasa mange.. ‘Kohhran te-a awm chu rilru pawh a te a, kohhran lian zawk hi kan er ran mai a ni’, an tih ka hre tawh. A buaipuitu Synod a nih avangin an sawisel mai mai a ni, a rilru tet thlak ka ti.
Billy Graham-a tupa te ang hi duh duha koh chhuah theih pawh anni lovang. Eng kohhran chah chhuah pawh ni se, hetiang mi ropui thusawi hi chu ka ngaithla ve hrim hrim ang ka lo ti ve ran ran asin.
February 11th, 2012 at 1:22 pm
Billy Graham-a tupa nih chu enge maw a ropui vak na le? 😀 amah Billy Graham-a pawh ni hlei lo. :-S
February 11th, 2012 at 1:31 pm
Zoram hi muthlu cheiin cheibawl reng suh u … a harh mah mah a ni … insum deuh tura chah a ngai tawh zawk.
February 11th, 2012 at 1:31 pm
Synod hi sakhua a nei a, sawisel hlek a tuangdin duh mai tehian ngaihtuahna kan sen a ngai khawp mai. . . Presbyterian ah hian UPC ruh in ka ruh a. Tuna hian ka sawisel satliah mai mai lo ani tih min hriat pui teh u. Pâwl thil a ni lova, kohhran bil thil lah a ni hek lo. . . A ropui em avangin a nghawng hi ram hnuk khawih thei thil a ni. . .
February 11th, 2012 at 1:34 pm
@Chawnghilh a kawmen chuan min ti nui huk. . . 😛
February 11th, 2012 at 1:36 pm
Ka tanna a la ngai reng. Kan ramin a mamawh a niang chu. Hmeichhe pakhatin Isua ke bula rimtui man to lutuk a sawhkeh khan, lo ui fe fe leh, miretheite pek atana lo it an awm kha. Miretheite hi kan zingah an awm reng dawn, kan tanpui thei reng ang. Kan thalai ngawng tawh luvkte h4an boruak thar an mamawh ani maithei asin.. ‘Synod tanah Sap pakhat chahchhuah te lek lek’ kan ti leh pek teh ang.
February 11th, 2012 at 1:39 pm
Pu Khirha @25 Like. Vun var ho ngaihsan loh lo in tihhmuh vak tum hi enge maw a awmzia ni le aw? Field dang zawng zawng sports, literature, music, film, technology etc etc ah te kan ring in kan in ngaihsansiak vel a, Messi a in khel en tum in pawisa tam tak seng in kan pan tawk tawk a, chu chu changkang kan ti a, a tha vek. Kan phak tawkah a tha zawk beiseiin Taekondo, Badminton Football etc ah te hnamdang coach kan ruai a; mizo awm ve tho mahse phat rual loh in an tha zawk miau a. Chutiang bawkin tun lai ah chuan Will Graham a te chu Pathian thu sawi lar ber te zing a mi( Billy Graham a tupa a nih vang ngawt a ni lo) Pathian in a hman em em a ni a, kan vannei hle a lawm. Synod nge nge
February 11th, 2012 at 1:39 pm
Kei engmah nilo hian SYNOD monopoly lutuk hi chuan sawhkhawk a neih ka ring thin.. Above the King and its subject anga inngaihna a rawn thlen hunah chuan Kohhran hian tlukchhiat a hnaih si thin(eg.the Catholic Churh)
by Catholic tlangval
February 11th, 2012 at 1:42 pm
Inkhawmpui ngaisang Mizo te tan a tih ania, kan inhmeh viau tho e.
February 11th, 2012 at 1:42 pm
#26, Nia ti raw, Rooney-a tupa a ropui zawk mai thei a ni :-O
February 11th, 2012 at 1:43 pm
Synod beih a ni emaw Baptist lam beih a ni emaw hralh tla tak leh mi ngaihnawm tihzawng tak a ni zel. He post hi kei chuan ka (N) e.
Tum khat moderator an kawm tumin heti hian an zawt a- ” Ka pu synod hi sorkar anga chak leh thil ti thei angin an sawi thin che u a enge hemi chungchangah hian i ngaihdan?” an ti a. A chhannaah chuan, ” Hruaitute hi heti mai hi kan ni. Engmah chhuan tur kan nei lo. Miin min lo ngai ropuia lawmawm e, Pathianin kan rawngbawlna mal a sawm a, Setana thik thamte pawn A rawng hi kan bawl reng a ni” tiin a chhang a ni awm e( mi sawi ka hriat a nia a chiang chiah lo mai thei).
He thuziakah hian post tu tumtak ZOZIA hmanga Pathian chibai buk tih tak khi chu tha ka tia mahse a thuken berah hian kohhran nek em em chung leh mi thurel dan duhloh avanga lungawi lo post a ni ta daih a ni. Thiante leh thawhpuiah pawh hian lungawilo rau rauah hian mi thurel dan leh tihdan lo ngaimawh thin hi chu a dan a dang tawh thin! Hetianga buai viau thin hi chu Pathian rorelna pawh hi an sawisel duh hial ka ring thin.
Grahama rawngbawlna hi ka thlawp em em pawh a ni lova mahse hotute thutlukna hi pawmpui thiam hi mi tak tak nihna a nih tlangpui avangin kei ka lo AMEN hmak mai.
Tin, mi rethei berh te te thilpek chungchang hi mi fing pui pui niawmna lang pawh hian a hmanna chungchang nen hian an sawichhuak fo thin. Tunah pawh hian sawi lan a nih leh a. Thil tamtak hi RELATIVE taka thlir hi a tha a mahse theih loh chin ANALOGUE theih reng reng loh tur chin a awm. Hetah pawh hian PROCEDURE- a intanna leh a tawpna(hmanna) chu kawng thui tak a ni. Miin phal takin a pe a, a peka kha khawia hman tur nge tih ngaihtuah kher tawh loang. Taksa phal taka inhlan ang hian Pathianin rem a tihdan anga hman atan an hlan ta a. Chu chu kohhran hrauitute’n Pathian rawn chungin a hmanna tur an rela an hmang a ni mai. Thilpek hi a rilzia mai chu tawngkaa sawifiah chi pawh a ni lova EXPERIENCE chi a ni. A hlawhtlinna chu khawiah pawh lo lang se: inkhawmpui dawlna a ni emaw thenawmte puihnan a ni emaw Hotute German rama kal nan a ni emaw hlawkna leh hlimna atan a petuin a chhiar ka ring.
Ka comment sei hle mai. Ka ziak sual nuai mai thei bawk. A tul dan a zirin BIBLICAL tak pawhin kan la comment zel ang chu.
February 11th, 2012 at 1:48 pm
Arpa tha chuan sual tu pawh a ngah a, ngaisang tu pawh a ngang ngai. . . .
February 11th, 2012 at 1:50 pm
Khirha tupa a ropui ber. :-$ (H)
February 11th, 2012 at 1:52 pm
Synod-ah ‘case’ kal lai ka neih avangin ka sawisel ve vak ngam lo tlat.
Mahse ka’n ti hram teh ang…thawhlawm hi a thawhtute mirethei te te an ni emaw, mi hausa pui pui an ni emaw, fimkhur tak leh tangkai thei ang bera hman a pawimawh tak meuh. Pathian thu hi a hre fo tawh, zawm tha duh/peih lo hrilh nawn chiam chiam hi ka ngaih pawimawh zawng a ni ve miah lo. La hre ngai lo hnena hrilh a pawimawh fe zawk.
February 11th, 2012 at 1:55 pm
he crusade kan hlawkpuina tur hria techuan a tam thei ang ber han sawi teh u. . . Chu chu ka beisei a ni a. . .ka zawn pawh a ni e. 🙂
February 11th, 2012 at 2:12 pm
Kohhran mal leh pawl angzawnga thlir lovin kan Zoram mipui mamawh zawng zawkin i thlir teh ang. Tin, Kohhran diklohna hriat sawi a anih avanga Kohhran tawngpawng ṭan tlat tum hi mifel tehna pawh a ni lo. Pathian Tirkhoh, Jentel te tana hriakthih Tirhkoh Paula lehkhathawn te hi engvanga ziak nge a nih hlawm:- Korinth khaw kohhran mipat hmeichhiatnaa an thiangzau lutuk avang te, Galatia khaw kohhrana rinna diklo thehdarh a inhnial buai vangte, Filipi khaw kohhranna chanchin ṭha hril ve tho ten Paula zirtirna an kalh avngte a ziak a ni hlawm…
Kohhran diklohna siamṭhat leh zirtirna lehkha te vek an nih hlawm hi. Mimal a thawn te pawh Kohhran rawngbawltur te vek. Chuti zawng chuan kohhran hi i thlir teh ang u. A diklohna kan hmuh te siamṭha tu nih tum ila, sawiselna leh dodalna sawtlo leh thawnthu mai mai erawh engahmah ngailo turin. A pawng ataka mahni Kohhran anih avanga ṭan bur te, Kohhran ṭan nih avanga mifel amaw in tih tlat te hi a dik lo, siam ṭhat anih si loh chuan.
Thupuan bu ah te pawh, Efesi, Smurna Pergamos, Thuatira, Sardis, Filadelfia, Laodikei khaw Kohhran ho hnena Warning a nih hlawm hi.
Uluk takin “Rinna ah in awm nge awmlo mahni in fiah ṭhin rawh u” a tih angin thil dik a ni em tih rinna in kan fiah zawk tur alawm, a pawng ataka Kohhran hi huat leh ṭan ngawt tur a ni lo, ka tih leh ang “Ṭan bur ringawt hi FEL TEHNA A NI LO”
February 11th, 2012 at 2:17 pm
Tul berin ka hre lem lo khawp mai.
February 11th, 2012 at 2:17 pm
Asteric hi ‘mathe’ aiin hetiang lampang hi a hnehsawk hmel zawk mah mange. Amah zawk hi ruai ila, soberboy nen hian.. 😉
February 11th, 2012 at 2:17 pm
@Asteric, ka thil duh pakhat i sawichhuak zauh mai. . . Ka lawm hle e.
February 11th, 2012 at 2:44 pm
Nuaih 20 te lek lek, a tlem em mai a..synod ho nikhat pocket money pawh ani mi?
A hresa leh a hresa hi in hrilh tlut tlut ila anih mai hi!
Muslim mi kristianah an rawn in let, Hindu chhungkua an rawn lut, Buddish monk in baptisam a chang..tih chhiar tur te hi awm reng se a tha tur ania..
Rapture hi sunday school neih laiin lo thleng phut se..ban thleng kan la thu nghuk ang chu!!
February 11th, 2012 at 3:35 pm
Heti zawng hian ka thlir a: “Harh kan duha harh dan turah kan buai ni ber in ka hria a, Hetiang hi tunlai ah chuan keini Mizoram Synod Choir te hian nuam kan ti a kan tuipui in ṭhalai te kohna ṭha ni a kan hriat avangin a hlawk thlak kan ti hle a ni. HOME COMING ang hi hetah pawh an hlimin a nawm hmel hle http://www.youtube.com/watch?v=uCwGAQfIBJY
Hei hi Aizawl lamah chuan nuam kan tih leh Gospel Camping aipawha hlawk zawka ngaihna chen pawh a awm. Keini Presbyterian mai nilo Aizawl Baptist Churh pawhin nuam an ti, Hetiang deuh hian http://www.youtube.com/watch?v=Nn-CNRGRnqo . In lamah TV ah nu leh pa te pawhin en nuam an tiin kan tupui tlang. Billy Graham-a leh a ho te rawngbawl dan pakhat a ni a a ṭha hle a ni. Mahse chuti a nih tak avanga anni zuk koh luh kher kha a ṭul ta viau amawn le, Hei keimahni pawhin kan ti thei tawh viaua kan hlim pui em em a lawm. Kan tui tak avanga a ti chhuak tute zuk ngaihsan kher kha enge a ṭulna ni ang le, Rei lo te ah an haw leh mai dawn, tuna hlim taka kan tih ṭan mek hi an rawn ta neih leh anga an haw chuan kan tih ve ṭhin sa reng kha an tel lova tih nuamlovah min siam mai mai zawk lawng maw. Tunah pawh hei kan hlim tawk em em kan ti ve thei alawm, sum seng ila kan Synod hian hma hruai sela keimahni ngei hian fak ila. Khi ti zat kan sen chuan kan ti ve thei em em ang chu. Mihring in ngaihsanna ah hian kan lut thuk lutuk ange. Kan mamawh ber chu Keimahniin hlim taka Pathian rawngbawl leh Chanchin ṭha kan hriat te hi hril lam hna i thawk ang u, kan missionary te khua kan ti har lutuk ange” tiin Ralvengtu chu a au va 😉
February 11th, 2012 at 7:09 pm
Thlarau bo 1 pawh chhandam dawn ila a man to tawhzia a rawn tichiangin ka hria, “Kan thalai ngawng tawh lutuk-te hian boruak thar an mamawh a ni mai thei asin” tih hi dik ka ti bawk.
“Kan rama kohhran lian ber tih takah Synod hi chuan beihna a tawk nasa mang e…Kohhran te-a awm chu rilru pawh a te…” tih hi tha ka ti.
Will Graham Crusade hi anmahni rawn tum nge? Synod lam chah-chhuah aw? a hria kan awm em?
February 11th, 2012 at 9:01 pm
@44 lrpa hriat chak zawng, Kumin January thla chhungin ringthar 7, hindu atangin kan nei e…lawmawm asin aw. Baptisma kan chantir ni chu tah te pawh a chhuak duh asin.
Synod hian thil tam tak a ti a, thlarau bo zawngin ramthimah theihtawpin a thawk a, damna turin damdawiin lamah nasa takin hma a la a, mirethei te tan relief fund leh zirlai retheite tanpuina thlengin a siam a, revival atan Will Graham a chah chhuak mai a ni e. A dang pawh a la tam e. Chutiang bawk chuan Baptist leh kohhran dang te pawhin an thawk mek zel a ni.
February 11th, 2012 at 9:09 pm
“Kan rama kohhran lian ber tih takah Synod hi chuan beihna a tawk nasa mang e…Kohhran te-a awm chu rilru pawh a te…” tih rilru hi a putu tur awm ang chu a hriat ka ti ve mai mai. Isua zirtirna chu a hlat ve chiang alawm.. :-[
February 11th, 2012 at 9:29 pm
A va dik tak em! Mihring rilru kawi put chang hi chuan, “eng atan nge maw thawhlawm hi kan thawh le?” tih a awl dawn dawn thin… Thu i thiam, i ziak ngaihnawm hle mai… (Y)
Englekhawle, thlarauthianghlim hnathawh ropui tak lo thleng mawlh teh se… (Y)
February 11th, 2012 at 9:33 pm
#46, engtiang tak a nasa in nge Mizorama kohhran lian ber synod chuan beih a tawh tak a? Kohhran te-a awm chu rilru pawh a te tih te khi ka lo la hre ngai lem lo a. NOI
February 11th, 2012 at 10:45 pm
#50 filliz, Khirha #25 khi zawt teh a hrechiang ngawt ang,
February 12th, 2012 at 7:01 am
Oposition lamin a thatna lam in van sawi tlem em aw! Costructive debate hi kan zir a la ngai deuh hlek a nih hi!!
February 12th, 2012 at 6:49 pm
E khai helai chu a lo hot a nih hi. A liam thui tawh bawk sia. Engtik lai mahin chanchinbu leh puipunnaa kohhran beih ching ho hi Tirhkoh Paula kohhran kal sual siam that tum angin an awm ngai love. Hetia kohhran sawisel hi kohhran kal diklohna tur venna lam aiin ti punlun tu a ni zawk fo. Kohhran zilh hauna leh diklohna sawichhuahna chu commiitte hmun leh kohhran chhunga thiltih hrang hranga hian a lang chhuak zawk thin.
Kohhran leh Pathian ram hma ngai tak tak pawh an tam ngai lo, sawisel ching hi. Sawisel hi nuam an ti ve hrim hrim.
February 12th, 2012 at 11:21 pm
@Ignatia (33-115 AD) , Kohhran kan sawi sel lova, sakhua lah kan kalh hek lo… Synod thluak bur kan su ve det mai a ni e..
February 16th, 2012 at 11:42 am