Valentine’s day a han hnaih ruai tawh hi chuan “Intawng leh ngei ang aw” ti a nula leh tlangval an han inchhawn zarh zarh mai te han ngaihthlak hi chuan mi love story mah ni se lung alo kuai ve em em zel mai a! Mahse, helam hi zawng tawn hriat leh nunhlui sawi tur ngah tak tak H.Vangchhia, Kawl hawk, Mate Ainawn, Chemtatrawta….. te ho sawiah ka dah mai teh ang.
Tahrik ni 17 June 1995 a ni a, zanriah eikhamna pawh ala rei lo, sikul naupang ngalchak rual kan la ni a, engti tiha zan lengchhuak ta lo nge ka nih pawh ka hre ta lo. “Mitthi kan nei……….† ti a mi sawi thawm ka hriat chuan ka tlan chhuak ve ta ngawt a, veng chhak lamah hian alo ni a.
Ka han thleng chho chu damdawiin lamah ruang laa an thang hlan hi alo ni a, tlangval tlawmngai te chuan ngui nghiai hian pindan bang te chu an lo thiat mawlh mawlh tawh a….Ni, Makhumi kan chan ta!! Ani hi Hnahthial khaw nula zaithiam a ni a, mi hausa leh mi hriat hlawh tak pawh a ni lo, Kan hriat theih dan tur ber chu nula sam kir bipbep,  Music ri riai riai karah Aw ngaihno bei tak mai a “Kan vangkhawpui bel a chhingkhual i rawn chan lai khan e……†ti a rawn satu CFL. Hmingthanga zai pui kha a ni.
A hunlai kha zawngin a lar viau mai a, naupang chenin “Ka tuar nem thei dawn lo sam ang kan inthen chuan……….†kan ti ve ngang ngang thin. He hla an sak hnu hian pasalte a han nei chho a, Khuanu samsuih loh em ni ngai? Engtizia a mihringte hi nupa inthlahlel ngawih ngawih chung pawh a inkawp rem thei hauh si lova an awm theih thin ngai le!
An han awm hrang ren rawn a, vanduaina battalion dang ni awm fahranin Hrawk cancer a han vei chho leh a, rimawi khawvelah  sulhnu pawh a neih tam hmain mual a liam pui ta a ni. “Intawng leh ngei ang aw†tih hla te pawh chu an nupa tana a sak ni awm fahran in  hemi kum vek hian Lunglei a a pasal pawh chuan a zui ve leh ta nghal mai a………!!
C. Lalkhumi:
LPS Classic-ah hian an rawn ti chhuak zeuh zeuh thin a, Hei erawh hi chuan ka mit a ti kham deuh thin mang e.
https://www.youtube.com/watch?v=T0AsjCPtpZg
February 13th, 2012 at 4:55 pm
Ka thianghlimna par mawi thliaka min liamsan leh si chuan…
[Report abuse]
February 13th, 2012 at 4:55 pm
[Report abuse]
February 13th, 2012 at 5:05 pm
Heng hun lai vel hian ka nu hi lengzem lamah hian a strict khawp mai a. Chhunah office a kal hlan chuan ka putea leh ka nutei te nen arukin kan ngaithla thin a. Nikhat chu kan ngaihthlak laklawh lai chuan karen a tawp a, kan kalsan ta mai a.
A awm ta lawk si lo a. Zanah chaw kan ei lai chuan karen chu a rawn awm ta, CFL a ngei mai hian “Siktui luankir hma loh chuan….” a rawn ti lang lang mai chuhh. … kan khi thraa hlawm alawm le.. Nunhlui a ngaihawm thin mange..
[Report abuse]
February 13th, 2012 at 5:09 pm
He hla phuah chhan hi che rang, a nula lah easy.. Reilo te zin chhungin anlo inthliah hman a.
Mahse ka hla ngaihthlak zin pawl ani
[Report abuse]
February 13th, 2012 at 5:11 pm
Alo ni maw.
[Report abuse]
February 13th, 2012 at 5:29 pm
naupanlai ava ngaiawm ve
[Report abuse]
February 13th, 2012 at 5:36 pm
A hmeichhia kha tunge aw ni ang, ka ti ka ti a, a bengvarthlak hle mai. A zaithiam ka ti, ka ui ngei mai, a lo liam ta chu.
Mizo mipaah chuan CFL Hmingthanga hi zaithiam ka ti ber. A la damin ka hria a, khawiah chêng tak maw.. Mahse, a nun hi tlangkam atanga ka lo hriat danin zu bawkin a lo tibuai ve hle a ni awm a, a pawi ka ti ngawt mai.
Tunlai chu khi hla khi ka ngaithla tlut tlut mai a ni e. A hla zûnah ka uai tlat tawh.
[Report abuse]
February 13th, 2012 at 5:43 pm
Post lunglenthlak tak a ni e…
# 3… Thil tihruk phat theih miah loh a ni maw..
Pawl sawm hostel kan awm lai paw’n, Daduhi hla pakhat zung pahin ka sa vei awr awr a. Kan warden zung turin min rawn zui lut ve nghal chu niin. Muang reih rawihin, “Don’t sing love song loudly” min ti mai chu(h), za lo deuhin ka nui put put…
[Report abuse]
February 13th, 2012 at 5:51 pm
@Tuaite CFLA hi tun ah an khua Samthang ah a awmin ka hria. Ka hresual thei tho bawk.
Keipawh old is gold an tih ang deuhin tunhnai a Pca leh Beci ten an rawn tharthawh leh ai CFa leh Makhumi te zai kha keimahah chuan a buk a la rit zawk fan..
[Report abuse]
February 13th, 2012 at 6:01 pm
@levi, thanks! Tun hnua tharthawh leh te zingah a original tluk an la awm lo ka ti. Ka bengah CFL-a te pahnih tluk an la awm thei lo. Pca leh Rebecca emaw, Biakmuana leh tunge mawni ka hre tawh lo emaw pawh ni se.
[Report abuse]
February 13th, 2012 at 6:05 pm
Makhumi te hi kan naupanlaia kan thenawm hnaitea awm anni a, an unau hi larchhuak vak siloah chuan Zaithiam tak vek an ni. A thi hma hi ka ui ngawt mai. Intawn leh ngei hi a chakawm thin a nia.
[Report abuse]
February 13th, 2012 at 6:20 pm
Lunglenthlak tak ve aw!!! Matric passed in ti tlangval ve tan deuh khan phaiah kan han awm a, ngaizawng nei ve tak tak ni awm khan lungleng deuh khan kan han ngaithla vel thin kha a nia!!! CFL a hi ka zaithiam tih em em chi ni lo mahse he hla sa ah hi chuan a tluk tumah an awm chuang in ka hre lo
[Report abuse]
February 13th, 2012 at 6:38 pm
a hla thu khi kan ngaithla chiang a..anva che rang awm ve aw..A zin chhung reilote leka anlo inthliahsak hman chu ani mai sia. Hun reilo te intawn vanga in hmangaih ta em em hi awm ve thei dawn ami mawnle te ka tia. Hehe.
[Report abuse]
February 13th, 2012 at 6:49 pm
Alo thi tawh a ni maw, kalo lahrelo reng reng. Kavan ui tak em!!
[Report abuse]
February 13th, 2012 at 7:03 pm
PKfanai@11: A nia sin, zaithiam/thei te pawh hi inthlah chhawn theih a nih dawn hi.
[Report abuse]
February 13th, 2012 at 7:09 pm
Ka sms dawn ka’n dah mai mai te’ng!
CFL-a sak thin, tun hnaia Mizo Idol-a an sak lar, ‘Intawng leh ngei ang aw’ tih hi ka thiannu hian a duh lutuk. Mahse, kei chu a hla hi ka huat zawng tak zuk ni tlat a! A thu hi han ngaihtuah chiang teh.
“Kan vangkhawpui bela chhingkhual i rawn chan lai khan e.. Kar pawh awm hman lovin ka lo hmangaih reng che a maw..” A mikhual tlangval lawmthlak e! Kar khat pawh awm hman lova eng ang mi nge a nih pawh hriat loh lo hmangaih ngawt. Hmel thar apiang duh chi tih hriat reng reng. An khuaah a hmu zo lo pawh a ni mai thei. A chang dang lehah hian
“Ka thianghlimna par mawi thliaka min liamsan leh si chuan..”
Karei karei! A lo intihtir hman…kar khat pawh awm hman lovah an lo ti hman. Easy ve awm tek tek khawp mai. CD an hman loh phei chuan..ui ha..HIV!
[Report abuse]
February 13th, 2012 at 7:33 pm
TS@16, easy a ti deuh a ni maw?
Romeo and juliet pawh an inrim tlut tlut hmasak bik loh kha maw. 
Hmanlai mizo tlangval ranngo zawnga an han zin chhuak ngawt te kha an zei viau nge ni dawn ni… 
[Report abuse]
February 13th, 2012 at 7:33 pm
#16, hihi.., a thlûk tê hi a mawi ka ti khawp asin, a thu lam erawh chu ka lo bel chiang em em lo a.
[Report abuse]
February 13th, 2012 at 8:12 pm
Pkfanai,hnahthial khua em ni in nih a? Pu saichhunga, pi remi, saikamlova te ho i hre mial em?
[Report abuse]
February 13th, 2012 at 8:16 pm
@Chemtatrawta, Ni e. Pi remi itih tak khi ka chiang chiah lo. Pu Saikamlova te unau ho chu ka hre deuh vek.
[Report abuse]
February 13th, 2012 at 8:33 pm
OT loks mai. @Pu Pk, pangzawlah kan awm thin. Hnahthialah khan matric ka va exam ve zan tawh, mahse, 2000 vel maiah khan ania..
[Report abuse]
February 13th, 2012 at 8:34 pm
An u Saikunga kha ka pu ania, mahse anni chu Hnahthialah an awm lo a, i hre kher lo maithei. Kan khaw pakhat ve ania.
[Report abuse]
February 13th, 2012 at 8:36 pm
Filiz, pangzawlah chuan Pu Thanga, hlaphuahthiam kha hria em aw?
[Report abuse]
February 13th, 2012 at 8:39 pm
@Filliz, Pangzawl vel lai hi Mizotawng dik hmanna hmun ni a sawi ani thin a, Nangpawh tawngkam ilo thiam viau ang a?? @chemtatrawta, Pu Sainghinglova te zawk kha kan inthenawm thin a, Mahse 1985 atang khan Hnahthialah hian ka awm mumal tawh vak lo.
[Report abuse]
February 13th, 2012 at 8:39 pm
#20 chemtatrawta pi remi chu bazar building hnung chiah kha.
[Report abuse]
February 13th, 2012 at 8:42 pm
Ekhai! Pu chemtatrawt.. Ka hre lo aniang, 85 – 2000 thleng chauh ka awm a, ka pian atang a chhûtin.. He2, ka nau emai!.. Mahse, ka inti Pangzawl khawchhuak ve tawp a nia…
[Report abuse]
February 13th, 2012 at 8:46 pm
@Ruata, E, Pi Remlengi kha maw? kan inhnaih teh reng nen. Kan OT nasa lutuk em aw? midang hian hrehawm an lo ti palh ang a?
[Report abuse]
February 13th, 2012 at 8:49 pm
Ruata, ni chiang e le..
pu pkfanai hi a dik ang, thingfanghma leh nuhnun hre kawp, lamkhuang leh laui nuihzat lo ve ve tur an nih dawn chu a. 
filiz, Pu Thanga chu Gospel Centenary hla phuahtu kha mawle, hman deuh khan a chawl tawh a.
[Report abuse]
February 13th, 2012 at 8:49 pm
@24, Pu PK, Thiam viau maithei ania, a rûk chuan..he2 Primary schoolah khan ka nu teacher, high schoolah ka pa, strict thei teh mai ania!
[Report abuse]
February 13th, 2012 at 8:53 pm
OT leh mai, #28, Pu Thangvunga maw? Hre leh lutuk si. Ka lung a va leng leh si e.., kan in hre lutuk alawm…
[Report abuse]
February 13th, 2012 at 9:10 pm
Filiz,Posttupa pawh a tel ve tho..
a uihawm asin, pu thanga chu. Kristian hlabu a a hlaphuahte hi a tha asin.
[Report abuse]
February 13th, 2012 at 9:13 pm
Sawi ngaihnawm thiam hle mai a. Ti hian inhnialna awm thin i titawp dawn a nih hi! Problem turu lutuk i CRACK a ni, post tupa.
Ozima a lo lang anga a sawi kual vel vak vak ang ti ka hlau mange. I post tha lutuk, a runthlak bawk si!
‘Ka mit a ti kham deuh’ i tih chhan khi Pi Khumi anga lem chang an nih vang em ni?
An tluk ka ti loa mahse a tha ve tho sia ka lo vawmbei thlawrh mai!
https://www.youtube.com/watch?v=DMTS_caWS1g
[Report abuse]
February 13th, 2012 at 9:16 pm
Makhumi hi a boral chiah khan khi hmeichhe original voice neitu khi a ni tih ka hre ve chiah
A thih pawh chu lo rei ve ta hle mai a….CFL-a Era lai vel kha…..Tunah Sailova Era tawp leh tawh a, next tunge niang le 
[Report abuse]
February 13th, 2012 at 9:22 pm
#32 Ni chiah e maw le, Model anga rawn lang ni chiah in ka hre si lova, sawi phak chu awm mah suh se ka lo ngaimawh thin em a……
[Report abuse]
February 13th, 2012 at 9:22 pm
Post tupa hi min va chhang har ve…. ka lo nghak che a nia.
Hei pawh hi lo vawmbei leh thawrh mai! Pi Khumi erawh a tel ve lo. Tunge a hmeichhe zaipui hi na ta ang le. Hei pawh hi kan tlangval lai chuan kan kurpui ve nasa thin khawp mai!
https://www.youtube.com/watch?v=z50zjFkA-08&NR=1&feature=endscreen
[Report abuse]
February 13th, 2012 at 9:23 pm
Lung a va leng darh darh ve. A hnuhnung zawk khi ka nu in a ngei thei ruffss.. A ori ngei khi kan ti ve tlat zel, mahse a nalh ka ti ve ve. Zan thla eng hnuia tlangval ho sak pawh a nalh ka ti tho mai.
[Report abuse]
February 13th, 2012 at 9:26 pm
Ziak thiam hle mai. He hla hi chu a tha ve riau alawm. Mahse Tuaitea anglo takin a zai dan hi ka duh chi a ni ve tlat lo mai a, a hla thu erawh chu a tha ve riau ka ti.
[Report abuse]
February 13th, 2012 at 9:42 pm
@beethugs2: A satu pangngai an lainat awm a lawm ….. recoar dang sawi tur a awm si lova.
@Sheldon: Thanks.. .. love at first sight te pawh an tih ve bawk thin kha maw le….
[Report abuse]
February 13th, 2012 at 9:46 pm
@Ruata Pachuau…ilo lainat viau na chungin anmahni in biak rem dan a nih kha. A boral hnu vel ah chiah khan a original video chu i hmu ang…
[Report abuse]
February 13th, 2012 at 9:54 pm
Han sawi zau leh hlek ila, (thil kal tawh): a video hnuai a mi khi Biak in a alo tawmpui an tih deuh huai huai, a hunlai pawha an thu leng vak lar deuh kha ni em?
)
(Pu HVa awm sela lo hre leh khiau maithei ni…
[Report abuse]
February 13th, 2012 at 9:57 pm
@Astericâ„¢: VCR te kha kan music video hmuh dan a ni mai a, khawi zawk nge ka hmuh hmasak pawh ka hre lo tawp mai……. Zozam nge LPS tih velah kha chuan original zawk hi ka hmu thin a… .. engtia inremsiam nge i sawi awmzia chu ni ta ber le?
[Report abuse]
February 14th, 2012 at 11:40 am
@ Excellent post.
@ Mizo mipa-ah chuan CFL Hmingthanga hi zaithiam ka ti ber. He post pawh hi ka’n save nghal teh ang.
@ CFL-a hi hmu lovin ka damchhung ni hi ka hmangral ang tih ka hlau tak zet zet. Samthang-a zin ka chak thin hle mai.
[Report abuse]