A hmasain –
Ni 25/2/2012 (Inrinni zing dar 2 vel) – a Aizawl Bazar-pui kangah kan tel ve thu (kan chhiattawhna) hriaa phone call/ message/ facebook leh email hmanga tawrhpuina thu min thawntu zawng zawng – mi(sual) fel tak takte chungah thinlung takin lawmthu ka sawi mawlh mawlh e.
A kan chhan –
Kang tuar zawng zawngte ngei pawhin vawiin thlengin a kan chhan kan hre lo! A hmun nghaktu – kan chowkidar-te nupa pawhin an hre hek lo. Anni nupa phei chu “Zing dar 3-ah rawn thlen kan tum a nia, lo tho hma rawh u” tia kan nuin a chah avangin dar 2 : 15 am (?)-ah alarm an kam a, chumi alarm avanga harh chauh zawk an ni awm e. Kan harh meuh chuan dawr vel chu thelh rual lovin a lo alh hluah hluah tawh… an ti. Chuti ni suh se, nupaa kan hlum mai pawh hlauhawm tê a ni.
Vanduaina phena thilmak! –
1. A kan hma (Ningani) khan ka arphuahna khawl a chhiat avangin siam tha turin ka phur chhuak a. “Inrinni dawnah ber kher…” tiin ka ang bui buuui nghe nghe. A siamtupa pawh Zirtawp tlaiah tal lak theih ngei ngei turin ka nawr chamchi nghe nghe a. Mahse, a siam zo hman ta ngang lo! Vanduaithlak taka thiante khawl zawng zawng a kan ral laiin ka khawl a him hlauh. Lo siam zo hman ta se…???
2. Ka khawl a chhiat miau avangin thiante khawl ka ban a ngai dawn a, a tuk Inrinni a ni mai si a, (Inrinni-ah chuan thiante’n nilengin khawl an hmang dawn tih hriain…) Inrinni-a Hotel 3-a ka pek tur – arsa quintal 1.5 zet chu thiante khawl awl lai chuhin “Vawiinah ka rawn dah mai ang nge…” tia hotel-ho biain Zirtawp ni khan ka pe chhuak hman. Ka khawl che lovin, ar khati zat kha Inrinni-a pek turin lo dah ta ila…???
3. Samtlang khuaa kan thianpa, kan ar vulhtu – laklawh engang mah ila Inrinniah chuan ar phur chhuak duh ngai reng reng lo) chuan “Zirtawp zingah emaw, tlaiah emaw…” kan tih ngawng ngawng pawhin “Tuntum chu Inrinni zingah ka rawn dah ang e…” a ti tlat a. Zirtawpni khan rawn dah ta se…???
4. A kan nasatna ber floor-a thil awm, thir zawng zawng a kan chhiat vek lai leh thing zawng zawng meihawla a chan vek laiin thil pawimawh tam tak ka chhinchhiahna, cash memo leh ba bu nenlam a pawimawh chin zawng chhui theihin a lo him pial.
Aw le! Thuhmaa ka sawi ang khian – mi(sual)te tawrhpuina leh tawng thlamuanna ka dawng nasa em em a, ka lawm tak zet a ni. A kan tuk maiah pawh min pui tura hnathawh kawr nena mi(sual) lo kal te, puih theihna che ka nei em?… tia mi(sual) min rawn phone-tute, vawiin thlenga mi(sual) inleng kan neih te, heti taka in khawngaihna a taka in rawn lantirna leh thinlung taka in mi tawrpuina, in mi thlamuanna aw-ka te avangin ka lawmthu hi ka damchhungin ka sawi ning ngai lo ang. Chutih rualin, tun atang chuan “Vanduaina phena thilmak” avang zawk khian lawmthu min lo sawipui tawh zawk dawn nia.
((E… chuan, bungraw lam chu sawi lo mai ila… he chhiatnaah hian ka ar 100 vel zet chu a kang hlum ve a, vawk vulhtute’n vawk chaw atan an hawn hlawm…))
In zavaia chungah ka lawm takzet e.
— In thian
— kawlhawk
Similar Posts:
- Zirtawp Ni
- Lawmthu Sawina
- Thalaite’n Kuthnathawktu an tlawh dawn!
- First Mizo Swine Flu Fatality
- Motor workshop kal
hairehai
February 27th, 2012 at 6:32 am
Podium ah lawn keuh tenggz.. A pawi ka tih pui hle mai che. :'(
February 27th, 2012 at 6:38 am
Vanduaina in tawh rual in hemi ruala vanneihna in tawn hi a ropui hle mai. Pathian in awmpui zel che u rawh se.
February 27th, 2012 at 6:38 am
Chhiar hmasa lo in ka comment a,i vannei hle tak mai a Kawlte…vanduaina kara vanneihna chhar fuh thiam hi ka ngaisang e. I paws hian min fuih khawp mai. I dawrah pawh la rawn len a,la rawn dawr ngei che chu angai nih chu.
February 27th, 2012 at 7:00 am
A va pawi ve aw! Mahse vanduaina rapthlak tak tawh laia hetiang zawnga thil i thlir thiam hi i ngaihsanawm hle mai!
February 27th, 2012 at 7:11 am
I vanduainaah pawh i vanneihna lai in sawi tak tak chuan i thikawm thei mai dawn a lawm le. 😀
Tak takah i vanduainaah pawh vanneihna i chan lai hmuhthiamtlatna nun i nei hi a ropui hle mai. Tin, hetianga humhimna i dawng hi ka lawmpui a che.
tren tren
February 27th, 2012 at 7:15 am
Kawlhawk, Vanduai chunga i Lawmthusawina khi a ropui e!
1. In vanduaina hi ka tawrhpui takzet a che u
2. Mizo upa-in “Kang tawrh chu hausakna a ni e” an ti!
3. “Vanduaina phena thilmak” i tih khi “Vanduaina phena Pathian Rinawmna” tiin ka rilru-ah chuan a ri! I Testimony a ropui hle mai!
4. Nehemiah chuan, “Lalpaa in lawmna chu in chakna a ni” a tih ang khan, Vanduai leh chhiat tawhna hrang hrangah hian Pathian hnena Lawmthu kan sawi zel hi ringtute kan chakna a ni.
5. Lalpa’n a let tam takin mal a sawm leh ngei ang che u, AMEN!
February 27th, 2012 at 7:31 am
In vanduaina ka tawrhpui rual che uin in vanneihnaah ka lawmpui a che u. Pathian venhimna in chang nasa hle a nih chu..
February 27th, 2012 at 7:32 am
ukawlte, a pawi ani tiraw….ka tawrhpui takzet che u a ni.
A kang tih ka hriat khan ka rilru ah inlo lang a, an in a hnai bawka engmah an indah vaklo ang a tiin ka lo ngaihtuah a. Zingah ka rawn teikual a i hmel hmuh ka inring hle mai, mahse inlam atang min rawn phone a lo haw hma teh an ti. Ka hmu hman talo che. Kan dam thatloh vang in ka chhuak hleithei talo, remchangah ka rawn leng ang.
Chuan i thilmak sawi khi kalo ngaihtuah a, Pathian hian a hmangaih bik che u anilo maw ka ti hial a ni. Pathian chungah lawmthu awm rawhse.
Harsatna kan tawhte vanneihna leh hlawkna a hmuthiam leh chhiarthianmte hi mi vannei tak an ni.
Pathian in awmpui zel che u rawhse.
February 27th, 2012 at 7:41 am
Leiverh tawpa de re re hmu chiangin i pan ding thiam thin!
February 27th, 2012 at 7:42 am
Vanduaina phena thilmak lo thleng khi a lawmawm zawk hial a nih khi le. Malsawmna hnar in tan thar leh turah beisei phawt mai ila…
February 27th, 2012 at 8:05 am
Tuarna phena malsawmna lai hlir i thlir thiam hi ka ngaisang che. Malsawmna dawng tlak i ni ngoih2 bikin ka hria! Vanneihna in um zui mawlh che u rawh se…
February 27th, 2012 at 8:06 am
Vanduai vannei 😉
February 27th, 2012 at 8:08 am
Misual te thian kha A ni reng alawm 🙂
February 27th, 2012 at 8:17 am
Vanduaina avanga in chân tak zawng2 te chu uihawm hle mahsela, Pathianin engkim in chhinchhiahna alo humhim tlat chu a mak in a ropui hle mai. Malsawmna kawl lo eng leh vat turah ngai ila!
February 27th, 2012 at 8:30 am
Vanduai Vannei an tih ang deuh hi in nih dawn chu,
February 27th, 2012 at 8:32 am
Hetiang a post nachang i hria hi i puitlin zia ti lang tu a ni e.
February 27th, 2012 at 8:41 am
16, (Y)
I vanduai hle nain, i vannei a nih tak hi maw le. A let tam takin Lalpa’n a la rul em em ang che u.
February 27th, 2012 at 8:47 am
A silver lining lai i hmu thiam a, a ropui hle mai. A aia turu zawk dawr i la siam ngei ang!
February 27th, 2012 at 9:30 am
(Y)
February 27th, 2012 at 9:50 am
Mi hlawhtling chi ini e. (Y)
February 27th, 2012 at 10:39 am
Pathian-in a thlahthlam lo tawp cheu a nih chu. A lawmawm letling zawk hle mai. Ka ngaisang che khawp mai.
February 27th, 2012 at 10:40 am
Vanduai ro ro ah i vannei angreng phian anih chu mawle. Ar pakhat hi 300/- ang velin hisap ila cheng 30000/- vel lai man chu an kang ral anih chu mawle. A pawi hle mai.
February 27th, 2012 at 10:42 am
I vanduai vannei hle mai a, i vanneih leh zualna chu i vanduaina lai chauh la vung lo a, vanduaina phena ‘thilmak’ vanga lawmthu sawi theihna rilru i pu hi ka * hmiah che ..Lalpan a hre reng a che
February 27th, 2012 at 11:00 am
Zawlnei, Habakuk-a tawngtaina min hriatchhuak tir daih chu le! Vanduaina kara vanneihna i hmu thiam khi i chhuanawm, Lalpa’n a letin a pe leh ngei ang che.
Tun tum i post meuh chu, kei atan a hlawk lehzual. Vety kaihhnawih buaipuitu i lo ni reng che a.. 😀 Ar kang hlum chu a uiawm tham hle mai.. ;-(
February 27th, 2012 at 11:05 am
Vanduaina tawk rau rau ah, i vannei hle mai. I vanduaina avangin ka tuarpui che a, i vanduaina phena i vanneihna avangin ka lawmpui a che. Tha taka i dawr i sumdawnna i chhunzawm leh thuai theih nan te, a hma aia tha zawk leh changtlung zawka i sumdawnna i kalpui leh theih nan te, ka duhsakna sangber ka hlan a che.
February 27th, 2012 at 11:28 am
Vanduaina rapthlap tak tuar chung pawha, a eng lam thlir zel thei leh Lawmthu sawi zel thei Pu Kawlhawka i fakawm hle mai. Pathianin a mite hi chu a hre tlat thin a nia.
February 27th, 2012 at 12:09 pm
Kawlte iin lo telve a ni maw? Ka lo hrelo a ni. a pawi lo e ti mai ang- vanduaina te hi midangin an tawha hriat thiam theihna a ni si a
February 27th, 2012 at 12:22 pm
Vanduaina chungchang pawh nise chhiar a nuam hle tho mai.
Misual charity a i thahnemngaihna te kha Pathianin a hrereng ani mai thei ani. I chan let tamtak Pathianin a pe let ngei ang che.
February 27th, 2012 at 1:04 pm
Mirethei harsate lainattu te chu kha kha a ni mai a sin. Pathianin i khawl kha a ti chhia a ni chiang mai.
February 27th, 2012 at 1:07 pm
fiamthu lo thawh zuai ila,
Kawl_khawlchhia-a… hehehe 😛
February 27th, 2012 at 1:12 pm
I rilru put dan chu(h)..a rau hle mai. ‘tiang hi a lawm thlarau mi ka lo tih ve thin chu.
February 27th, 2012 at 2:04 pm
Mihring chhiatna tawk leh thihna te a thlen lemloh hi chuan hetiang chânna ang chi hi chu fiamthu a la thiam apiang leh vanneihna zawk thlir thiam apiang te hi mi vannei chu a ni ber mai 🙂
A kan lai kha chuan Ar ho pawh a hmin sa vek in an rawn tlan chhuak e an tiin ka hria
February 27th, 2012 at 2:25 pm
Thianpa, Kawlhawk.
I tuar chu a khal ngen ngawn hle mai. A pawi hle mai tih leh Pathianin awm che rawh se tih thu, thlamuanna tawi bak hlui tur che nei lo zingah tel mah ila, i luhlulna hma chhuana din hmun ngai leh pel zawk khawpa bei leh thei tur khawpa thluak nei i niin ka hmu che a; ka tuarpui loh vang che ni lovin, i paukhauhna leh luhlulna chu malsawmin awm rawh se ka ti daih zawk dawn. Engpawh nise, Chhimpa hian ka lo phei leh hmasak berah ka rawn tlawh ang che.
Lal Isua khan, a zirtirte nen a an zin velnaah, dai a Ui thi sawn an hmuh khan, a rim chhiatna leh tenawmnate, hmun ti tawp leh hnawk hnai mai a nihna lam thlir lovin, Ui thi sawn tawh ha var lo lang that mai kha, zuk fak daih a.. Nang pawhin i hring nun kal kawnga ruam thuklaiah pawh, a tha lai hmu thei khawpa mit meng ngam nih hi zirtirtu lian leh ropui hna a ni asin.
Good testimony (Y) (Y)
February 27th, 2012 at 3:08 pm
I khawl lo chhe hlauh leh zirtawpni a an siam zo hman lo khi i dil loh Malsawmna a va ni mai ve. I thil chan chu tam hle mah se a aia tam malsawmna i dawng ngei turah ngai ang.
February 27th, 2012 at 3:19 pm
Fb a i post hmu mah ila heta i post ka lo nghak ngawt a..! Ka tawrhpui takzet che,mi tamtak tan chuan a lungngaih thlak duh khawp ang. Mahse,a eng zawngin I thlir thei tlat zel mai ka ngaisang khawp mai che. (Y)
”Tough times don’t last,tough people do.” – Gregory Peck (Y)
February 27th, 2012 at 4:57 pm
ku kawltea hi chu aw, tawrhna phen a malsawmna pawh hi i lo hmu leh kek thrin a,i mitvarin i bengvarin i knowledge a zau ka ti ltk 🙂
February 27th, 2012 at 5:02 pm
Good post,really inspiring… Chhumduma kara ni eng hmu thiam te nun hi a awhawm ber mai thin..
February 27th, 2012 at 6:14 pm
Kawltea hi chu a van optimist tak,a bula awm a nuam si..Hman velah kan lo leng ang..Cho ei ngal turin..
February 27th, 2012 at 6:19 pm
i va vanduai vannei tak ve
February 27th, 2012 at 6:38 pm
I vanduai a pawi
Uang ve lok,
Bazar kang ah chuan I rinhlelhawm ta ber mai a, Babu kangchhe ve bawk silo, ar puahna khawl I lo dah chhuak hman bawk si, mahse, hnu I thup thiam viau e, I ar te pawh I kan tel tir a
February 27th, 2012 at 6:49 pm
There’s no blessings that cannot become a disaster, and no disaster that cannot become a blessings…. May this disaster become a blessings to you…. my dear friend Kawlte…. 🙂
February 27th, 2012 at 6:55 pm
Ka lawm e… in zavai chungah ka lawm takzet e… a mal te tein in hming ka lam seng lo, hei hi thinlung chhungril ber atanga lawmna aw-ka chhuak a ni tih erawh min hriat sak hram teh u. Vuithu aiin lawmthu sawi thiam hi a lo har zawk daih mai aaa…!!! 🙂
February 27th, 2012 at 7:10 pm
(Y)
February 27th, 2012 at 8:17 pm
harsatna leh vanduaina kar a malsawmna i chhiar thiam a , mi awhawm tak i ni . .
February 27th, 2012 at 9:56 pm
Hlauh hlepa chhiar theihna hi khutah kan thinlung chhunga awm a ni reng a ni!
Malsawmna dawng zel ang che!
February 27th, 2012 at 10:31 pm
Vanduaina karah pawh lawmna chhiar thei mihring – ka ngaisang hle mai che. Pathianin a let tam takin mal a sawm che ka ring tlat.
February 27th, 2012 at 10:59 pm
Khai a..tunlai ka buai lutuk a Kawlhawka chhiat tawh pawh tunah ka hre ve chauh a nih hi. I vanduaina ah ka tawrhpui takzet che a, vanduaina karah lawmna i hmu thei(thiam) hi ka lawmpui thung che. Tang fat fat la, i tlu a i dingchhuak leh thei tih ka ring a ka beisei bawk e.
February 27th, 2012 at 11:12 pm
Miller of the dee tih tluk a hlu, mizotawng ngeiin Zofa te tana ar puahtu ka ti ve mai dawn che em ni ni hehehehe
Mahse tak tak a, i khawl kang ve si lo a, i thenawmte khawl a kan chhiat vek chuan..i ar za kang hlum ta se, i thenawmte khawl a kan chhiat vek a, i khawl chauhin hna a thawh theih tak si ah chuan..ar 100 man chu kar khat chhungin i hmu let ngei anga (i thenawm ten arpuahna nei ve tawh hek lo)..an in din thar leh nan thal 3 vel ngai ang ta se..thla thum chhung chuan everage in kar 12 a awm tihna ania, kar 11 chu i pum bilh hmak thei dawn.. kar khat ah ar puah sa kg 100 siam chhuak thin khan kg 500 i siam chhuah a ngai tawh dawn a..ti chuan kg 100 i loss laiin kg 400 i gain ta char char a. ar kg 1 120 in hralh pawh ni la, kar 12 chhung chuan Rs 648000 i hlep daih dawn tihna ania..Zoram sorkara eng sorkar hnathawk mahin an hlawh pha lo..kar 12 chhunga hetiang i hlawh hman anih chuan kar 52 ( kumkhat chhung) a hlawkna tur hi chhui tham a awm..Bazar hi kum 3 i hal chuan tumah sawisel phak rual lova hausa i ni mai dawn…lolzzzzzzzzzz fiamthu tak tak…Miller of the dee nihna ka hlan che..
February 27th, 2012 at 11:23 pm
A lo ni maw, kawlhawk. Ka lo hre ve reng reng hleinem.
A zia lo hle mai a, i thulak dan erawh a puitling khawp mai, siamthat theih tawh lohva vui vak hi a tha lo mai a ni lo a malsawm lo va, nang erawh ka tluk lo che.
February 28th, 2012 at 3:14 am
Thianpa Kawlhawk, in vanduainaah ka tawrhpui che a, vanduaina kara Pathianin special taka a enkawlna che khi ka lawmpui che a, rilru a khawih khawp mai. Joba ang khan i hloh let tam takin Pathianin vur let leh che rawh se.
February 28th, 2012 at 7:52 am
Thianpa Kawla zet chu, khawvel nun dan i van thlir thiam tak em!! Mi awhawm ber zing a mi i nih loh pawh in a sang pawl chu i ni ngei ang le. I tawrhna aiin i lawmna hian mittui a ko zawk mah.
February 28th, 2012 at 1:06 pm
Ka zinna ram atangin, Pu kawlhawkate chhiattawh thu ka lo chhiar a, ka comment thei si lo, hei tlai khawhnu ah, ‘better late than never’ changchawiin ka rawn iak thar ve a ni e.
Pathian humhmna i chang nasa hle ka ti mai, mahse midangte’n 100% chhiat an tawhlai a, lo him pial bik chu, mi ngaihte pawh a thalo ang nge tiin, i ar 1oo (ui-awm tham hle)chu i chan ve ta niin a lang. A pawi ka tih pui hle mai che…..mahse, Pathianin mal a sawm ngei ang che.
February 28th, 2012 at 1:08 pm
I tuar thiam a a lawmawm hle mai…
February 28th, 2012 at 8:53 pm
Kawlhawk chu “Tuarna phena malsawmna” i hmu thiam hi a ropui. Pathian in awmpui zel che rawh se.