By Denis Lalfela
Krista hming avangin Kristian thalai singhnih chuang Thenzawlah an pungkhawm a. Thildang zawng aia Krista neih kan duhzia tilangtu a ni ngei ang. Pathianin zalenna min pek avangin kan nun pum nghawng thei duhthlanna chu fimkhur taka siam a tul reng a ni. Pathian rawn lova duhthlanna siam mai mai te hi a hlauhawm a, mualphona thlentu a ni fo. Kan thinlunga Isua hmun kan ken duh loh avanga kan tuarnate hi a va rapthlak thin em!
Duhthlanna sang ber Krista thlang thei tur chuan Kristian chhungkua kan mamawh hmasa ber a. Fate tet laia rinna leh khawtlang nuna kaihruai duh si lova an len hun chauha tan lak vak hi a sawt tawh lo. Chhungkaw tha chuan ram hruaitu tha leh rinawm a hring ang.
Chuvang em ni mahni pum leh chhungkhat lainate chauh vei phak hruaitu kan neih teuh le? Sum tlemte it a vote hlu tak hralh hi mi rilru nghetlo awmdan a ni. Kohhran lamah nise thlarau bo vei eih lo, beramte tana nun hlan aia hmun tha leh lalna um lah bang lo. Engpawh hi Lalpa min dahna nise, rinawm taka thawh hi Pathian nung ringtute awmdan tur a ni.
Kan inrin lai ber pawha suala tlu thei kan nihna hi kan fimkhur nachhan tur a ni. Milar takte pawh an tlu ve thova, mak kan ti viau thin. Pathianin min dahna a san pauh leh thlemna a tam a, humsual dai a awl bik. Kan chapo veleh sualin min hneh tihna a ni a, mualphona kan hnaih tih hriat tur. Kan rawngbawltute hi hlumbel ang, ho te a chhe thei an ni tih hriain kan tawngtai sak tur a ni.
Kan nuna Krista a lal ber dawn chuan vuak leh tihtlawma kan awm a tul ang. Hnehna puangtute erawh chuan tluknaah chakna thar an hmu a, tlawmnaah thiltihtheihna an hmu bawk thin. Hei hi thlarau hnathawh dan a ni. Duhthlanna sang ber – Krista thlangtute chuan midang kawk lovin anmahni an inenlet thin. Engkima Pathian autute hi ensan an ni ngai lo.
Mizorama Home tha tak tak kan nei tea hi a ropui a, chutih rualin Kristian chhungkua kan fail nasatzia tilangtu an ni awm e. Ngawlveite chu chàkna leh itna salah tàngin tumruhna an tlachham fo. Sual chu hneh thei lova an inngaih tlat avangin bawih rinawm, hmelmapa Setana michuamte an ni. Han sim ve ngial mahse, thlemna hmasa ber a lo kalin an tlawm leh mai a.
Chàkna sual khan sim duhna thinlung chu thununin a rawn chhu chhe vek a; thluak fim pawh nei hman lek lovin duh loh sualah an tlu leh thin a ni. He nunram hrehawm tak hi Tirhkoh Paula chuan, “Mirethei ka va han ni tehlul em!” a lo tihna chhan kha a ni. Paula erawh chuan pen zel nachang a hria a; hnehtu Pathian hnenah lawmthu a sawi daih mai! Duhthlanna sang ber – Lal Isua a thlan tlat avangin, a natna chu laksak ni lo mahse Krista khawngaihna chu a tan a tawkzia a hre thar a, “Nun hi Krista a ni” a ti thei ta.
Amaha nung chu tu dang nilovin Lal Isua a ni. Lalpaah chauh ngawlveite leh beidawng mek ten hnehna leh thlamuanna an chang ang. A puitlin hnua piangthar Mt. Augustina chuan, “Aw Pathian, nangin i tan min siam tawh a. Kan thinlungte hi i hnena an chawlh hma loh zawng khawiah mah an hahchawl tawp lovang” tiin Isua a thlang hmiah mai. Aw unau, i tanna sual chu engpawhnise, Lal Isuan a tidam duh che a, a chhanchhuak thei che asin. Beidawng ma suh.
Pathian ngaihdamna rinhlelh hi Setana chaw tui tak, piangtharte titlu lehtu a ni. Pathianin a ngaihdam hmak tawh, tun hmaa an tihsualte inthiamlohna nena an ngaihtuah fo avangin chhungrilah an zalen lova, an nunah thlarauin hna a thawk hlei thei lo.
Tidam thei hmangaihna aia tlenfai tawh suala an rilru dah lui tlatte chuan damna an chang thei hek lova, beiseina leh phurna thar nena hmalam an thlir reng loh chuan tahna nasa zawk an hmabak a ni. Zalenna i thlan tlat loh chuan piangthar sal tang, Kristian tangkai lo leh thlarau hlimna neilo ringtu i ni ang. Piantharna chu thlarauva inthuamtharna a ni.
Krista thlangtute chu mahni ta an ni tawh lo. Man a lei an nih avangin nitin inlamletna nun an nung ang a, mahni ropuina khengbetin an nunah Krista a lal ber tawh ang. Mahni felna chapo pui te aiin mahni sualna hria a inchhirte hi Pathian hmaah an ropui zawk daih! Tin, thinlung taka inchhirte hi Thlarau Thianghlimin a kaihruai a, chakna thar leh hnehzelna nun a pe zel thin. Inkhawmpuite leh Kohhrana kan hmalaknate hian ringtu dik, mahni hna a rintlakah min siam se kan va ti em! A nih leh I sual kalsanin, Duhthlanna sang ber – Lal Isua chu i thlang ngam dawn em le?
(He article ziaktu Fr. Denis hi Catholic puithiam, Sacred Heart Theological College, Shillong a Lecturer a ni. Kum tam tak Rome atanga article rawn ziak thin kha a ni. 9862753130 ah contact theih a ni).
Similar Posts:
- Duhthlanna sang ber
- DUHTHLANNA SANG BER By Denis Lalfela, Rome
- Youth Icon leh Duhthlanna
- Pentecost pualin
- Thihna hnehin a tho leh ta, Hallelujah!
March 7th, 2012 at 11:36 am
Chhiar ang aw.
Report this comment
March 7th, 2012 at 11:54 am
A video ka va han duh em aw. Min chhem harh sawng sawng thei a lawm le. Hetiang mi Rawngbawltu kan la nei zel hi a va han lawmawm tehlul em. 100% Amen.
Report this comment
March 7th, 2012 at 12:00 pm
Sub Silent reader ka ni rei tawh bawk a, kan rawn surface ve tawh teh ang!
@H.V: Tunlai chu i post tha thei kher mai.
Report this comment
March 7th, 2012 at 12:08 pm
Father Denis a thuziak hi tha thei hlawm e
Report this comment
March 7th, 2012 at 12:16 pm
A Thupui ringawt-ah pawh khian ka hmin-sa, Ziak-tupa leh Post-tupa ka fak e
Father Denis hi, Saihaa kan kohhran (presbyterian) upa, leh ka pu ni bawk Upa Lalchhinga te laina-hnai a lo ni a, ka pu hian a chanchin hi min hrilh thin a, a fakawm-in a chhuanawm e, Lalpa’n Awmpuiin Tichak Zel Rawhse! 
Report this comment
March 7th, 2012 at 1:01 pm
Good
Report this comment
March 7th, 2012 at 1:24 pm
Denis Lalfela Rome a in ti leh dawn maw ka tia…hehee. A thu ziak hi atha thei khawp mai.
Report this comment
March 7th, 2012 at 2:03 pm
Heti hi chuan a hla sak leh hunah chuan kan dang zaih tawh ngei ang le.
Report this comment
March 7th, 2012 at 2:34 pm
A tha hle mai, vawi hnih ngawt ka chhiar chhuak.
Report this comment
March 7th, 2012 at 5:05 pm
Good post.
Report this comment
March 7th, 2012 at 5:18 pm
Zimatula, iti lawmawm e.
A thuziak hi chhiar a manhla thin viauin ka hria.
Report this comment
March 7th, 2012 at 7:02 pm
hei zet chu avan tha em….
Report this comment
March 7th, 2012 at 9:31 pm
hei tawngtaina hi a tha em a, kan zep ve teh ang, a ngai ngai in:
We give you praise, Father most holy, for you are great, and you have fashioned all your works in wisdom and in love. You formed man in your own image and entrusted the whole world to his care, so that in serving you alone, the Creator, he might have dominion over all creatures.
And when through disobedience he had lost your friendship, you did not abandon him to the domain of death. For you came in mercy to the aid of all, so that those who seek might find you. Time and again you offered them covenants and through the prophets taught them to look forward to salvation.
And you so loved the world, Father most holy, that in the fullness of time you sent your Only Begotten Son to be our Savior. Made incarnate by the Holy Spirit and born of the Virgin Mary, he shared our human nature in all things but sin. To the poor he proclaimed the good news of salvation, to prisoners, freedom, and to the sorrowful of heart, joy.
To accomplish your plan, he gave himself up to death, and, rising from the dead, he destroyed death and restored life. And that we might live no longer for ourselves but for him who died and rose again for us, he sent the Holy Spirit from you, Father, as the first fruits for those who believe, so that, bringing to perfection his work in the world, he might sanctify creation to the full.
Report this comment