Bawng tar leh luang no..

March 7th, 2012 9:30 am by saint sammoo

Thuhma : awm lo.

Nupui fanau silh leh fen lungkhama ka buai lai in,
Thiante umphak loh hlauva ka buai lai in,
Phak tawk leh thawh tawk thawka ka buai lai in,
Chhungkua leh thenrual chauh ngaihtuaha ka buai lai in.

Mihring kan nih chhunga chuai thei ngai lo-Mawina,
Tarkun khup bih thleng pawha reh ngai lo tur- Itawmna,
Buai leh chauh pawhin a maimitchhin san phal loh-Lungawina,
Ka dawhkan hmaa ding ‘Kapu’ min titu ngei-Duhawmna.

Vantirhkoh hmu ang maiin ka en reng a,
Zak chung chungin a tul vang chauhvin min en a,
Chil lem khawlh pahin ‘Thu rawh’ ka ti thei hram a,
Eng vanga hamhaih viau nge ka nih a hre der si lo a.

Ka kum atang hian kum 30 chuang paih then in,
Panlai nun leh rawlthar khawvelah let leh in,
Vullai leh vanglai inrual leh in,
Hun leh hmun dangah intawng leh in.

Ka neih leh theih zawng zawng nen,
Dawt thu leh thudik chanve nen,
Ka neih bak puk chawpte nen,
Ka chhai ngei ang anka thlum tin nen.

Lei lungkham pela amah min ngaihtuah zui tirtu,
Ka thawh tur zawng zawng min thulh tirtu.

A hna dilna lehkha chu ka en vang vang a,
Pen tui hring ngeiin ka hming ka sign hnan ta a.

17 Responses to “Bawng tar leh luang no..”

1
chhana Says:
March 7th, 2012 at 9:31 am
A va tha ve.
Report this comment
2
H.Vangchhia Says:
March 7th, 2012 at 9:38 am
A ril lutuk nge ka hrethiam mang derlo nia mawle.

A tir lamah nupui nei tawh awm takin ka chhiar a, a tawp lamah nula chhelo deuh lak a tlawm diai duai angin ka chhiar leh a. A tawona phei chu ka chhiar political minister ta der mai hairehai
Report this comment
3
vlhauhnar Says:
March 7th, 2012 at 9:51 am
Rhyme i dah thiam khawp mai…
Report this comment
4
Jennifer Lo Says:
March 7th, 2012 at 9:54 am
rhyme i chime that em em laiin I CHE CHUKCHU LUTUK, chukchu nite theme song ni awm a ni
Report this comment
5
hiho Says:
March 7th, 2012 at 10:08 am
Ka va awt eeee!! ..
Report this comment
6
Mapuia Hmar BZy Says:
March 7th, 2012 at 10:15 am

Report this comment
7
saint sammoo Says:
March 7th, 2012 at 10:21 am
Chet chukchu thut hi awl ve deuh a nia.
Report this comment
8
kilung Says:
March 7th, 2012 at 10:30 am
A ril lutuka,kan hrethiam pha ve lo tep alawm… Pu momo
Report this comment
9
Jacka Pi Says:
March 7th, 2012 at 10:52 am

Report this comment
10
xotea Says:
March 7th, 2012 at 10:53 am
A tawi mah2 deuh, ka chhiartui dawn chauh a, a tawp daih chu le.
Report this comment
11
Dr John Says:
March 7th, 2012 at 11:03 am
Thiam khawp mai
Report this comment
12
Chhuaklinga Says:
March 7th, 2012 at 11:09 am
Hahaha…Mitam tak nihna a ni ngei ang le.

tren tren
Report this comment
13
ahooma_ Says:
March 7th, 2012 at 11:12 am
Chhunni min tumtawi tirtu
Pisa kai min nghahhlelh tirtu
Nupui fanau thlimin
Thim leh kawmkar belin

Mihring kan nih chhunga kan neih ngei ngei-awhna sual
Nupa tang min then tirtu- uirena sual
Ka nupui lo puan ang ka pawm
A tawpah chuan tui ang ka zawp!
Report this comment
14
Chhimphei val Says:
March 7th, 2012 at 11:33 am
Kan zoram nun i kher chhuak thiam khawp mai.
Report this comment
15
chawnghilh Says:
March 7th, 2012 at 11:55 am
Pen tui hring ngeiin … political poetry ka hriatah a la ropui ber mai awm e … Zoram kawr tin lui luang khuap ang aw!
Report this comment
16
Maya Says:
March 7th, 2012 at 4:01 pm
tha reng mai . . chukchu deuh a san zawng leh rih zawng te pawh teh sak tur a lawm . scoty te lei bawk la .
Report this comment
17
sheldon170 Says:
March 7th, 2012 at 5:01 pm
A tha. Tumah chet chukchu ve awihloh..haha
Report this comment