Nimin zing post – “Tripura chuan Halam mite tawng atana Mizo tawng a tih chu a sût” tih kha kawmen chauh a ngaihtuah zawng han sawichhuah chu uihawm deuhin ka hria a paws thar hlak in a hmun hnai a awm ka nih na ang takin ka ngaihdan leh thil awmdan tlem kan lo tarlang ve zuai ange. A duh tan zawhna a zawh theih bawk ang.
Nikum Krismas kha Kuki khua ‘Lungchhir’ an tih ah khuan Pastor Samuel-a nen kan zuk hmang ve a, chuta ka thil hmuh chuan ka rilru a khawih kher mai.. Kuki nisi Mizo tawng a mik-a-mak pawh hrelo an tam khop mai. Kristian an ni a, an Kristianna erawh ala rei lutuk lo. Anmahni tawng in ‘hla bu’ tak ngail pawh anla nei lova, Bible lah nise Mizo tawng chauhvin an nei a, “Mizo tawng thiam tha lo te tan chuan Kalvari ngaih ava har dawn emmm!!” kan ti vawng vawng a ni. Demna tamtak pawh kan nei mai thei, mahse, Mizoram-ah an awm ve lova, Mizo chhenna hmunpui- Zampui Tlang hnaih ah pawh an awm silo, vai khaw tamtak karah an in phum ve a, Mizo zia hian a chiah pha ve meuh lo a ni ber mai. Pathian thusawi te, Fakna hla te pawh han hlan bawk mah ila awmzia tak tak a nei thei meuh lo a ni..
Kan pahnih (Rev.Samuel-a nen) a kan ngaih ve dan mai mai ah chuan Mizo Missionary te hian hawrawp/alfabet siam sak ve ila, anmahni tawngin hla te phuah ve in hla bu leh Bible te pawh lehlin sak ve ila an thlarau nun pawh hi hei ai hian a sang daih zawk ang kan ti a ni. Chuti a nih loh pawn Synod emaw BCM hian an khua ah quarter din se, Pathian thu mai piah lam ah Mizo nunzia leh khawsak dan hrim hrim zirtir se a tha ngawt in ka ring. Tripura ah hian anni chauh pawh nilo Chhinlungchhuak hnam tamtak te chu ‘Borok’ hnam ah an lut tawh a ni… Mizo tlangval lai hi a na ngawih2 asin….
Nu leh Pa, Mizorama cheng te hian hma an lak loh chuan keinin tih dan vak kan hre silo, hnam hmangaih tu tak tak te tan chuan chet chhuah a hunlai tak a ni e. State dang a ni a anmahni laklet tum ngawr ngawr a tawng pawng beih chu a chi chiah bawk si lo, a kohhran lam hawi zawng in emaw a beih hi a finthlak ber in kei chuan ka ngai. MAHNI MIZO PUI ‘STATE’ DANGA AWM HMUHSIT LEH NGAINEP A, TAWNG MAWILO TAK TAK A SAWISEL THIN TE HI MIZO HNAM HMELMA TE CHU AN NI kan ti teh ang.. Darlong te Molsom hnam tamtak te chuan Mizo nih an zah phah tawh a ni!! Kan hnam kan chhuang a, a tha in a duhawm khop mai, mahse, Zohnahthlak hnam thenkhat te lakah erawh tawngkam I hmang fimkhur hret tawh ila a duhawm ngawt in ka ring.
A tawp ber ah chuan heng Kuki-Halam hnam tehi an dem awm rual rual in an harsatna hi Political matters emaw Economic matters ai mah chuan Religious matters vang a nih kei chuan ka ring mah zawk. An hnam an hausa ve tulh tulh tawh a, kaihhruaina tha an mamawh nasa em em a ni. Pu L.Keivoma tawngkam tak in Phai luipui an luan fin ve a, mahse an la chak tawk lo a ni e. Tawngdan (Borok/Bengali..etc) a hla bu leh Bible an neih hma ngei hian Mizo fa kan lehkha thiam ten hma kan lak vat vat a ngai a ni.
Similar Posts:
- NGO te hian dan/law siam thei turin thu an nei reng em ?
- Chhungkaw khat a tawng chi hnih hmang!!
- Tute hi nge Mizo? Mizotawng hi enge?
- Luseiho chauh hi em ni Mizo?
- Pui thei in awm em?
March 16th, 2012 at 9:16 am
Chhiar phawt ang..
Report this comment
March 16th, 2012 at 9:32 am
GOOD MORNING EVERYONE!CHHIAR ANG!!!
Report this comment
March 16th, 2012 at 9:51 am
Kuki tawng chu Mizotawng tho alawm..anmahni tawng an thiam chuan mizotawng thiam anni tho lo maw ka ti..
Report this comment
March 16th, 2012 at 9:59 am
Report this comment
March 16th, 2012 at 10:26 am
@hnarliana, Mizo tawng kan tih ‘Lusei tawng’ hi an thiam ve lova (a thiam ho pawn an pai khop mai)anmahni’n chibil tawng (like Mara,Lai,Hmar,etc..)an nei hran a ni..
Report this comment
March 16th, 2012 at 10:40 am
I rawtna te khi atha hle mai.
Report this comment
March 16th, 2012 at 11:06 am
Kuki in tawngbil an nei emawni le, Thadou Chitepeng tawng hi an hmang mai alawm. Thadou, Haokip, Khuangsai, Vaiphei etc etc hi Kuki ah an chhunglut ani mai e. Tin, Kuki i tih ringawt hi a diklo maithei bawk. Old Kuki ho kha Mizoram atanga chhuak hmasate an ni a, New Kuki ah hian Mizo inti tamtakte an leng leh bawk ang. Kuki = Bengali tawnga ‘Hnam Vakvai‘ tih hian a huamzau nek. Hmanlaia kan Pu te sipai intlar pawhin ‘Lushai-Kuki‘ an in tih mai thin kha.
Report this comment
March 16th, 2012 at 11:21 am
@chhangte, nia i thusawi chu a dik ang reng khop mai..an History han chhui dawn pawhin a harsa ang reng toh khop maia, mahse, engtik niah emaw chuan kan la hriat theih ngei inbeisei teh ang.. Mahse, An thil ei duh zawng te, zaikhawm an ngainat dan ah te, tlawmngaihna an ngaihzia ah te, aia upa an zah zia te, etc etc hian Mizo hnahthlak an nihzia chu a ti lang ve chuan ka hria…
Report this comment
March 16th, 2012 at 11:31 am
An va khawngaihthlak tak ve mawle. Tute hian nge mumal taka tanpui thei ang aw? Mizoram sorkar chu beisei chi anni lo phawt a. A chhan chu state danga Mizo aiin state chhunga mi, a zo a vaiin an mawhphurhna ani si a.
Kohhran nise state chhung ngeiah berambo an tam lulai si. Mizo tawng leh culture promote tur hian pawl mumal a awm lo, ti ila kan daw tam vakin ka ring lo.
Report this comment
March 16th, 2012 at 12:58 pm
A lo nih tak chu mawle. Hmalak dan tur duan vat a ngai a nih chu a.
Report this comment