Sahuai (Slow loris)

March 24th, 2012 4:32 pm by lushai_er

[Source: MUP Tlangau April 2011 Pu K.Malsawma ziak]

‘Pu Saitluanga Sailo’, Sialhawk lal fapa, pasaltha (kum 87 mi) sawi dan bawk!

Sahuai : hi Zawhte pachal tiat a ni a. A var, hmul nem thiap mai a ni a. A mit hi a bial kal mai a, a sen kai mai bawk a. Hmanlai Thlanrawkpa khuangchawi lai atang tawha Ni hmu duh hauh lo a ni. Sahuai deuh mai, a hming pu zo tak a ni. Tuma hmaah a zam ngai lo.

Makna riau a neih chu Hauhuk nau hi Hauhuk pakhat hlawhah a char thin a ni. Pu Huala, Hualtu khawchhuak, tuna College Venga mi sawi dan chuan – Pu Hualate chu Silai nen an ram vak a. An haw kawngah an chawl a. Hauhuk hualreu thawm an hria a, amah Pu HUala chu a kap turin a kal ta a.

Thingzara Sahuai thu hi a hmu ta a. Chutih lai chuan Hauhuk pakhat hi a lo kal a, Sahuai hmaah khan a kun a, Sahuai chuan a tukhumah a seh a, a thluak a hip ta vek mai a, ataksa chu a paihthla tawp mai a, chu chu Pu Huala chuan a char a, a keng a, a thiante ho chuan silai ri an hriat loh avangin hlawhchhamah an lo ruat a, mak an ti hle a ni.

(Aizawl Museum a mi)

Sahuai hi Pathianin a siam dan a danglam bikna chu a dakchhuak thei lo – nghawng a nei lo a ang hle. A khabe leh a awm hi a inzawm a ni mai thei a ni.

Khaw pakhatah pawh Sahuai hi khawchhungah a lo lut a, an lo man a, a kun chal mai a. Tlangval pakhat chuan a kun lai chu a kuai dak lui a. Hun a kal zel a, chu tlangval chuan nupui a nei a, fate a lo nei a, a fapa chu a kun thei lo va, a dak tlat ve thung an ti.

Sahuai hian ze nghet tak mai a nei a. A tih ngai chu a ti tlat, a luhlul hle a, a ngaihdan a thlak mai mai lo. Thing a vawn tawh chu a vuan nghet tlat mai a ni. Tawngkamah pawh “Sahuai thing vawn ang tlat mai” tih leh “Sahuai Ni do ang tlat maiin” tih te hian ngaihdan nghet tlat mai neih chungchanga kan tawng hman thin a ni.

Saptawnga Sahuai chanchin chhiar duh tan leh a lem nalh zawk hmu duh tan hei Link

30 Responses to “Sahuai (Slow loris)”

1
ahooma_ Says:
March 24th, 2012 at 4:35 pm
Huai hmel ve
Report this comment
2
Fonz Says:
March 24th, 2012 at 4:35 pm
Anti source. Nangmah ziah ngei rawn dah ve la? mi thil ziah hlir i post a hahhahahhahaah
Report this comment
3
Soberboy Says:
March 24th, 2012 at 4:39 pm
#2 hairehai
Report this comment
4
Fonz Says:
March 24th, 2012 at 4:44 pm
Ts-a hauh a tawrh hma in ka hau anih khi
Report this comment
5
ahooma_ Says:
March 24th, 2012 at 4:44 pm
Sahuai hi atak ah ka la hmu miah lo.

A lem chung zawk a mi leh hnuai zawk ami khi chi hrang a ang. A hnuai zawk ami khi ‘sa-muang’ kan tih tak mai ang chi hi a va ang reuh!
Report this comment
6
Ruata Pachuau Says:
March 24th, 2012 at 4:45 pm
Kei pawh a takah ka la hmuh pawh ka hre lo.
Report this comment
7
malsta27 Says:
March 24th, 2012 at 4:50 pm
A ngainatawm riau a ka hriat chu le,ka la hmu lo nang in
Report this comment
8
doc_lib Says:
March 24th, 2012 at 4:50 pm
Sahuaiin hauhuk pakhat hlawhah hauhuk nau a chhar thin tih hi ka awih lo hulhual kei chu. Tak tak ni se, discovery ah emaw animal planet ah emaw a chhar lai tak tak pawh an chhuah chuai chuai tawh ang. Sap ho hian rannug leh ransa chanchin chu an chhui peihin an veh peih emai..
Report this comment
9
PKfanai Says:
March 24th, 2012 at 4:58 pm
“Sahuai ni do ang” tih tawngkam avang hian kan naupan laiin mi Sahuai khawi ni entir tumin tlangval hovin an hawlh an hawlh peih nia maw le. Tunhnu hian “a lo atthlak mang e” ka ti ta.
Report this comment
10
abeey Says:
March 24th, 2012 at 5:00 pm
kum 4 kal vel ta kha ni in ka hria, sahuai hi kan kawm thlang thing kung ah awm a, ti chuan kan venga tlangval pa 1 chuan in ti ti thei deuh mai in man a han tum rigawt mai a leh..!! a han man ciah khan a kut aj a seh sak a…rei lo te ah luak leh luhai in a awm ta mai …!! damdoi in an pan pui nghal…!! upa ten thah thiang loh an ti hi tak2 ni maw?? nge tur chak tak a lo nei reng…le!!
Report this comment
11
Dr John Says:
March 24th, 2012 at 5:40 pm
Gud post. Post-tupa chu MUP Tlangau atanga i lak tih i ziak khi ka lo hmuh-hmaih char char a, tunah ka hmu chiah!

MUP Tlangau hi kum 4/5 vel atang khan la lo thei lova min siam takah chuan ka la ve ta char char a, a man-hla khawp mai. Thufingin “Old is gold an lo ti hmathlawn lovin, kum pawhin a delh tawh, expe ngah tak tak ten an tawn-hriat ngei an han sawi chu a chiang thei khawp mai.

MUP magazine mai piah lama hetia chhawp-chhuah sak hi an phu a, Zofate tan pawh a hlu hle-in ka hria.
Report this comment
12
lrpa Says:
March 24th, 2012 at 5:51 pm
Misualah hian tunge sahuai ang ber ang aw?
Report this comment
13
H.Vangchhia Says:
March 24th, 2012 at 5:59 pm
lrp, ZerO hian sahuai a ang ber maithei hairehai
Report this comment
14
lrpa Says:
March 24th, 2012 at 6:02 pm
Pu HV, , a hming hrim hrim ah hi chuan ka ang ber mai thei ani
Report this comment
15
H.Vangchhia Says:
March 24th, 2012 at 6:03 pm
#14 nang chu nghathu i ang hairehai
Report this comment
16
lrpa Says:
March 24th, 2012 at 6:07 pm
15..Haha..nimin madrid kalkawng ah nangmah ang deuh deuh hi an lo ching nasa mai tih ka hmu!!
Report this comment
17
sheldon170 Says:
March 24th, 2012 at 6:17 pm
Sahuai chungchanga thil thleng dik deuh ka hriat ve – Amah kha thing lawn thei deuh a nia, a nupui in nau a pai mek laiin sahuai a man a, ni en luihtir tumin a kuai dak lui a. A nupui in fa mi anglo a hring a, a kun reng a, a chang changin a dak chhuak a, a dah chhuah apiangin a ban in a mit a hliah ziah (true story)
Report this comment
18
saint sammoo Says:
March 24th, 2012 at 6:22 pm
sahuai hi an huai tak tak em le
Report this comment
19
malsta27 Says:
March 24th, 2012 at 6:25 pm
E hiau…………. Sheldon chuh a va malsawm awm lo ve .

Lrpa leh Pu HV a kha in Hairehai nih mai chu Hahahahahaha……
Report this comment
20
H.Vangchhia Says:
March 24th, 2012 at 6:31 pm
Pu Shailendra quarter-ah laptop dinglam a mi hian music kan ngaithla….a chaurau ve tawk hairehai https://i44.tinypic.com/fpcjlt.jpg
Report this comment
21
Ignatia (33-115 AD) Says:
March 24th, 2012 at 7:12 pm
Rannung leh ramsa tih nawmnah hi hmuingil lohna tih hi Sahuai atang hian ka chiang leh zual. Ka pian hma leh ka pian hnu-ah Sahuai tihnawmnah avanga harsatna tawk sawi fak fak tur ka nei teuh.

I post tha thuai thuai khawp mai.
Report this comment
22
lrpa Says:
March 24th, 2012 at 8:10 pm
Tlem a rannung chung a nunrawng uchuak deuh ho hi ‘genetic’ lam a normal lo deuh an ni a nianga! kan ngaihbel theih awm ang hi chuan thil a thleng ve tlat bawk si. Directly chuan a in link dan tur chu chhut thiam a har khawp mai.
Report this comment
23
superpinqponq Says:
March 24th, 2012 at 8:18 pm
A va duhawm e….. khawi a chakawm
A tak ah ka la hmu ve miahlo
Report this comment
24
Virgo Says:
March 24th, 2012 at 8:44 pm
Ka hre ve vak lo na a, Tun a University(NEHU)ah sawn hmanah kan hmu a, kan vawn vak vak a, atla thei lo reng reng a, eng Ramsa nge tih pawh kan hre chuag lova, Mau tlawnin kan hawlh leh vak vak a, kan hawlh tla thei hram a, engtin mah chu bak chuan kan ti na chuang lo. …. In-ah kan hawn a, kan chhungte’n SAHUAI a nih kha an lo ti a, hre ve chauh… Ka rawn sawi ve chhan tak chu tunah Pathian zarah fapa 2 ka nei ve tawh a, kha tih hun lai khan in sawi ang khian lo ti ve ta ila chuan FA mi ang lo ka nei dawn a lo ni reng mai… Rannung chunga ngilneih hi alo tha ber mai… Chutiang bawkin mahni mihring puite chungah pawh….. mahni thil tih vek hi mahni chungah bawk a tla leh thin an tih kha mawwwwwwww……..!!!!
Report this comment
25
vakul Says:
March 24th, 2012 at 11:06 pm
Sahuai hi ka awk tawh, Sahdal thangah. Ka phunasa kher mai, Ramparva emaw ka va ti tlat pek a. A chetmuan hmel na a, a tukhum lamah man tum ila a ka kan zen that mai.

Hauhuk Daktawr tih hi thenkhatin awih lo mahse, ka awih ve tlat-no proof, awih loh pawh no proof.
Report this comment
26
Maya Says:
March 24th, 2012 at 11:10 pm
ngaihnawm khawp mai .
Report this comment
27
Zonuna Khiangte Says:
March 25th, 2012 at 3:37 am
A hnung zawk ami khi chu Samuang an tih hi a ang khawp mai. Sahuai hi chi hnih a awm em? Sahuai leh Sahuai ni do, ka chiang lo tlat
Report this comment
28
Benny Says:
March 25th, 2012 at 5:07 am
A bengvarthlak hle mai
Report this comment
29
ZerO Says:
March 25th, 2012 at 9:04 am
Post tha tak nih hi. H. Vangchhia Champhai zin chho thawveng lutuk hi a chimawm tlat!
Report this comment
30
littlerascal Says:
March 25th, 2012 at 7:55 pm
Koala a van ang ve
Report this comment