1. Pawnchhia a hùm a, a fûn bung a ak bawk a, pâwr fé hian, “Khawvelte chu a chên thiam thiam..” a rawn ti phei lûng lûng.
2. Tlangval pakhat pawh hian tuai pakhat hi nula emaw tiin thimhlimah a sual ngawt mai; a tisual bawk a ni ang, tlaivar zakin a tlànchhia.
3. Pawl thum naupang pahnih pawh kha an zirtirtuin a hrem a, an hmingpum vawi 500 ziakchhuak turin a ti a. Minute nga hnu velah chuan naupang pakhat zâwk chuan tap pûr chungin, “Sir, a fair lo lutuk. Ani hmingpum chu Lala a nia, kei chu Vanlalkhawngaihnaropuidawngkima ka nia ‘sin..” a ti rãih mai.
4. Tlangval pakhat pawh khan a chhûngte hnênah pawisa a dîl a, an pe duh si lo va. Ani rui châk tawh thinrim tihngaihna hre lo chuan hnam a la a, “Ka inâwkhlum mai ang,” a ti ve ringawt a. In hnuaiah a chhukthla a, a zu ri ruk ruk a, a chhûngte’n engah mah an lo ngai si lo va. A hnu rei lo të-ah a lo chho leh a, a chhûngte bulah thinrim tâwkin, “Eng nge?’ te tal rawn ti ta che u,” a ti tawp!
5. Vêng pakhatah pawh hian lucky ticket an siam a, lâwmman pakhatna kha vaiin a man a, an vawr tha leh.
6. Make-up a hmang nasa lutuk a, a inchhuih palh a, a khu luih.
7. Mi pakhat inren deuh mai hi in chhâwng riatna atangin a tla a, a tlâk lai chuan a chhâwng thumnaa an nu chaw chhûm tur a hmu a, ring tâwkin, “Min chhumkêp suh awwwww…!” a ti thla liah liah.
8. Vai naupang pakhat pawh kha an exam-naah, ‘Sava hming pakhat ziak rawh,’ tih a lo chhuak a, ‘Zika’ tiin a chhâng.
9. City bus conductor pakhat pawh khan a passenger zînga mi nula pakhat a star a, fare khawn ngam lovin tlar hmasa berah a thu ngawi reng ringawt.
10. Pi Puii: Thiani, i fapa kha eng nge a hming?
Pi Sangi: Haleluia.
Pi Puii: Amen.
Bonus: A pasal neih tûkah bualinah a inkalhkhum a, a nui char char.
Similar Posts:
- 2012 February Fiamthu
- Fiamthu Panga
- A lerh dan chu high school level
- 2012 July Fiamthu
- In dam tlang em?
(Y)
July 8th, 2011 at 10:31 pm
Ka va nui hnem em! hei te hi ka lo thawh ve..
https://i51.tinypic.com/2z4l9mt.jpg
Report this comment
July 8th, 2011 at 10:54 pm
Pahnihna khian mhn tinui huk a, a tawp kharna Bonus khian min ti then sung bawk mai. Tsa nge nge, i tihlimawm thin.
Report this comment
July 9th, 2011 at 9:02 am
hahhahhah hu huihuihui a va han rapthlak em em ve le..ham ham ..rawn ti zel teh un//////
Report this comment
July 9th, 2011 at 11:27 am
Ka va nui hnem emmmm nuam lutuk
Report this comment
July 10th, 2011 at 12:15 am
A pasal neih tûkah bualinah a inkalhkhum a, a nui char char.
ROFLMFAO
Report this comment
July 13th, 2011 at 1:41 pm
Bonus: A pasal neih tûkah bualinah a inkalhkhum a, a nui char char.
hahahahaha ka nuih a ti za lutuuuuuuuuuuuk
Report this comment