He kan vawiin Zoramah hian thupui sawi hlawh/ inhnialna, issue tam ber chu Zu khap burna dan (Total prohibition),Condom chungchang, Lammual phul phah football khelh nan chauh a hmanloh chungchang, NLUP, Road tax kum 15 chhung tla tur tum khat a pek etc.. te hi niin an lang.
Heng thil te hi chu sawi teh chiam ka tum lem lo, Zoram hian issue lian tak a neih sawi hlawh em em si lo, sawi sawi pawh a sawt hleithei lo ‘MI RETHEI LEH MI HAUSA†te inkar kak zau ta lutuk hi engtinnge kan tih zel dawn le tih hi ngaihtuah tlan angai ta hle mai.
Sawrkar hnathawk hausa tawntaw awmkhawmna kan Zoramah hian, heng kan Sawrkar hnathawk ho te hian engzat tehrengnge pawisa hi an hlawh a, Bank hmang hian loan te hi vawi engzat tehrengnge an lak tih te hi hriat a chakawm khawp mai. Mi thiam aia hmelhriat nei tha an inluling ta lutuk te hi tu mawh nge?
Sawi bawl mai teh ang, SAWRKAR SUM EIRUK TUN TUN AVANGA, A THA THEI ANG BER A FATE SIKUL KAL TIR, A NUAM THEI ANG BER A ENKAWL FA HO TE HIAN LEHKHA HI RAWN THIAM HLE MAHSE, SIKUL MAHNI DUHNA HMUN PAWH A KAL VE THEI LO MIRETHEI FATE HIAN CHUNG MI HAUSA FA TE CHU AN VAN THIAM THEI EM KAN TI LIAM ZEL IN KAN ZAH ZEL ZAWK DAWN TIHNA EM NI?.
Heng thil kan sawi vang hian mihausa zawng zawng te hi kan dem ta a ni lo, taihmakna avang liau liau a mahni thawhchhuah ngei a hausa te phei chu an ngaisan awmin an zahawm em em zawk a ni. Chutih lai chuan Corruption avanga millionaire tluk hial a hausa Pathian thu sawi duah thei kan nei tam ta lutuk hi chuan mirethei leh mi hausa te inkar hi chu a ti kak zau ta zel zawng a nih hi. Thenkhat ten Sawrkar Police turin an awmpui te thleng thleng a an thun theihna Zoramah hian, kawl a nichhuak chhiar a, taima tak a bei thin ten beidawnna bak an hlawh chhuak zo lo thin te hi chu a na a ni.
Hawhteh u, he issue kan zoram eiral mek tu, thalai tam tak te beidawng a siam a, rethei te leh thil tithei hmelhriat nei ve lo te beidawng a siam mek tu hi i buaipui ila i ngaihven thar leh teh ang u. Sawi mai lovin keini chuan hma la ila, mifing, Pathian tih mi, sual huatna leh dona avanga tuar ngam, mi huat hlauh vang ngawt a sual, ho te ang a lang pawh pawm zam mai mai mi ni lo, nih i tum teh ang u. Chuti lo zawng Zoram hian kawng engkimah zuih lam alo pan tial tial hlauh dah a nge.
Similar Posts:
- Zoram siamtha tur pawl thar i din ang u hmiang
- Hotel Management chungchang
- Mizo hminga sumdawng Vai ho
- Kan in sawm khawm thei angem……
- Bike Khalh Training Pe Dawn!
hairehai
March 18th, 2012 at 2:54 pm
inequality hi chu eco-problem pui ber pakhat chu a tling ani. Eiru fate ngaisang lo thei lo tur in kan dinhmun hi a hnia ta ani mai lo’ng maw?
[Report abuse]
March 18th, 2012 at 2:56 pm
Post tha e
A sawi a sawi, a ziah a ziah tal lamah hian thahnemngai ila. Sawi tam leh ziah tam hian kawngro a la su ve mahna.
[Report abuse]
March 18th, 2012 at 3:01 pm
Nia, Nu leh Pa chawm sawrkar hnathawk fa te, Phai (a then phei chu phoren a awm) a awm ho hi, in nu leh pa te hlawh hi a tlemtham ve sia (dik tak a sawi chuan) engtin nge thlakhatah budget Rs 10000 pawh in neih theih zawk a?
In nu leh pa te hian an eiru (Mizo mipui te Pawisa an ru) tih in hre ve reng awm sia, engtin nge rilru nuam a lehkha pawh in zir theih le te ka ti mai mai a kei mifelchungchuangdikfamkim hian. 
[Report abuse]
March 18th, 2012 at 3:04 pm
Aryan
[Report abuse]
March 18th, 2012 at 3:05 pm
Aryan chu sawi dik khawp mai.
[Report abuse]
March 18th, 2012 at 3:07 pm
Aryan @3
I sawi dik lutuk.
[Report abuse]
March 18th, 2012 at 3:26 pm
Kei pawh a sawi dik ka ti tho mai!
[Report abuse]
March 18th, 2012 at 3:35 pm
Mipui chanai eirukna
[Report abuse]
March 18th, 2012 at 3:44 pm
Post tha e, engtin nge hma kan lak ang, a hmalak ber mai hi a ni buaithlak thin chu ni.
[Report abuse]
March 18th, 2012 at 3:44 pm
Eirute leh an fate hi chu alang hian hmusit ngam ila. Aryan chu sawi tha viau dawn emaw ka tia, para 2 na khi ka zo lo….
[Report abuse]
March 18th, 2012 at 3:44 pm
Good Post!
[Report abuse]
March 18th, 2012 at 3:53 pm
international school a fate pa 1 mai poh nilo anvai a dah kim biai thei te an awm hmel a sin,international school fee hi pa 1 tan session khatah nuai3 aiin a tlem ka ring lo
[Report abuse]
March 18th, 2012 at 4:09 pm
Eiru thei te’n an eiru tun tun a, diklo takin sum an la lut a, eiru thei leh theilo kar a zau tulh tulh anih hi. Chutih laiin mi hausa zawng zawng eiru leh diklo taka sum la lut anga kan sawina a ni lo ania. Hausa tak tak, taima leh dik taka sum la lut an awm tho si.
filliz @10 sawi ang khian eiru leh an fate hi a lang in hmusit ngam ila, ngaisang lo ila. Hruaitu dik nei bawk ila, officer dik nei bawk ila, nu leh pa eiru duhlo nei bawk ila, …ila ila ila… hlir a ni mai
[Report abuse]
March 18th, 2012 at 4:16 pm
A kal dan phung angah hi chuan elite group an awm thuai dawn a. Eirukna te pawh phoro an tum ngial a, he group vang hian engmah an ti thei lo. An in zawm kual vek a, hemi level ah hi chuan political party in awmzia a awm lo a,above politic ani.
An lifestyle hlauh chuang lo a survival an khelh a ngai a, inhriatthiam tawnna vekin thil a kal zel a, hei hian new word- group corruption a rawn hring tan dawn ani.
Enge lo thleng zel ang le??
[Report abuse]
March 18th, 2012 at 4:18 pm
Post thupui Rethei te kan rethei zual zel dawn!!!A thupui han chhiar khian keini ang tan chuan a hlauhawm rem rem e!! Han retheih zual zel dawn chuh
[Report abuse]
March 18th, 2012 at 4:26 pm
Ka sawi tawh thin a, kan sawi leh ange..
Mi corrupt leh mi tenawm te hi engvangin nge kan society ah hian an survive?? A chhanna pakhat chiah a awm a..chu chu kan Kristian DAN hi ani. Heng mite neihsum hian midang a chaldelh a, kohhran ah a kulatai NIAWM tak in an active peih a. Kei hi HMAIKAWR ani, mahse kan sakhua dan chuan kan pawm tlat si a. Kan Kristian DAN avang hian an lang mawi a, an lang fel a, an lang thinghlim mai mai ani. An HMAIKAWR zawk kha kan pawm anih hi!!
[Report abuse]
March 18th, 2012 at 4:30 pm
–^-Irpa, kei chu chutiangmi thusawi leh hun anchan dawn te hian ka inkhawm duhlo daih zel
Next chu REVOLUTION a ni mai..
[Report abuse]
March 18th, 2012 at 4:33 pm
hmmmmm
[Report abuse]
March 18th, 2012 at 4:42 pm
lrpa @16
Kohhran tan hian a buaithlak ve bawk ani. Mi corrupt te hian an sualna khuhnan Kohhran hi an han bel ngei a, Kohhran lahin pawisa thawhtam thei chu an lo ngaipawimawh ngei a, reilote ah Kohhran ah nihna an chelh thuai zel. Hengte avang hian mi tamtak Biakin pan duhlo an awm phah tawh chiang lutuk.
Driver pakhat chuan a pu chungchang a sawi, Kohhran ah Puitling Zirtirtu a ni. ‘Ka pu hi vanram a kal chuan a mak ngawt ang!’ tih chiah a sawi a, ngaihtuah a ti thui khawp mai.
[Report abuse]
March 18th, 2012 at 4:55 pm
Aryan, mifelchungchuangdikfamkim pa, i sawi dik leh pek lutuk!
[Report abuse]
March 18th, 2012 at 4:57 pm
Kan heti mai reng ang. Eiru thei te an hausa tual tual mai dawn ani..Chuan dikna duh tia in sawi pang pang ho pawh hian, an ham thatna turah chuan an dikna sawi ber hi an kalsan leh hlauh zel bawk. Chu chu a taka tawngtu ka nih a vangin kei chu ka sawi peih tawh lo. Chuvangin dikni a ka hriat chin thil ka tia nga, Mizoram mipui sum erawh hi chu ka ei ru ngai lo vang.
[Report abuse]
March 18th, 2012 at 5:01 pm
post tha khawp mai…
[Report abuse]
March 18th, 2012 at 5:16 pm
Mi fel tak ni a kan ngaih te pawh eiru thei dinhmun a an han din chuan an lo ti ve leh mai thin tho mai. . .
Good post. . .
[Report abuse]
March 18th, 2012 at 6:16 pm
Hausa leh Rethei inkar zau sawt lutuk hi a vei awm tak zet zet a ni. Hetiang renga kan than chhoh chuan Vai hnam inthliar ang chiah hian kan la awm lo ang tih a sawi theih miah loh. Chutiang hun kan thlen meuh chuan siam that theih a ni tawh ngai lo ang.
Engtin nge hma kan lak tan ang? tih erawh zawhna chhan buaithlak ve tak chu a nih ka ring. Helaia so ho ringawt hian eng vak mah kan su kaw leh chuang pawn ka ring lo e
[Report abuse]
March 18th, 2012 at 6:28 pm
A dik tak chuan in tluk tlang deuh dial dial tur hi chu kan ni asin mawle..
Sawrkar hnaah hian hausakna a awm lo tih kan hre vek sia..corruption hi a do a kan do bur angai anih ber hi! Hei hi retheite dah rethei lehzual tu ber chu anih hmel.
[Report abuse]
March 18th, 2012 at 6:40 pm
Eiru fate ho hiii zahna chang an hre chuang lo,thiante zingah pawh nei ber angin alawm le an khawsak thin le..
[Report abuse]
March 18th, 2012 at 6:53 pm
Tawngkam, awh, mizo tawng ziah dan chu i thiam lem lo na a(inthlahrung), i post tha thlawt e.
I lamah ka tang e. 
tren tren
[Report abuse]
March 18th, 2012 at 6:55 pm
Tlai twk ah
[Report abuse]
March 18th, 2012 at 7:38 pm
“Mizoram chu Kristian ram ani”, “Kan officer te an officient, politician ten ram an hangaih, adt” tia dak zuah zuah ho hian ka luak an tichhuak thin kawp mai. Kristian ram kan ni lova, kan officer te an efficient lova, kan plitician ten ram a hmanhaih thlawt hek lo.
Mizoram a hausa leh midang 99% kan inthlauh em em chhan pakhat chu MLA zawng zawng hi Aizawl pa annih loh vek pawn rei lo teah Aizawl pa, anni thin ani. MLA Eletric Venga a awm chuan a bial Saitual aiin Eletric vang issue a ngai pawmawh fovang. Hei vanga awmlsam zawng vote an zawn thin. Aizawla thi, thingtlanga an ruang thawn nana sorkar sum an ngiat thin hi (Hlawh tam an duh chhan). Saitualah awm deuh reng sela (session lai tiam lovin), vote zawn nan ruang phurna motor a mamawh lovang. Saitual dawmdawiin a that nan a tang zawk ang.
Thingtlang leh khawpui lama mi rethei te hian chance an nei tlem riau.
Corruption vang ni lova hausa kan tih pawh hian midang aia connection neih that vang tala hausa anni fo. Hasa fa in hausa fa an nei a. An inkar connection a inzawm zel. Tlangval thatchhe tak, private company tana rawih tlak thlawt loh, pate officer nih vanga sorkar hna hmu ta nulh te an tam lutuk. Fair competition vanga tlingte chu an awm nual ang. Mahse an tlem lutuk.
Sorkar hian hlawh leh leiba ruhna atan sum an seng hnem lutuk. Chu vang chiah chian NLUP hi fair vek lo mahse ka tan ta tlat. Thingtlang lama tlem tal an lo chan ve theihna awm chhun ani. NLUP aia tha, loneitute thar chhuah man tha tawka lei sak dan ngaihtuah te, Mizorama thil man kan pek tam luat bik vangin MRP rate a hralh thehna tur ngaihtuah, thingtlang kawng tih that, fuel pawlh dal tute hrem, adt. Sorkar efficient, sum renchem thiam kan mamawh. Tlem tlem chuan hma kan sawn ve hret hret. Mahse kan sawn muang ka ti thin.
[Report abuse]
March 18th, 2012 at 8:33 pm
mi hausa kan tih ho hi a lawm rilru a rethei chu, nuai khat an neih chuan crore khat an duh a crore khat an neih chuan crore sawm chutiang zel in tawp in tai a nei leu.An fate pawh sawrkar hna ah te thun mah se ngawlvei chung chuan an thawk tha peih tak tak leu.An thih hun ah an in hmun lo ram te an faten tlawm te te in an hralh fai leh vek zel.chuan an generation a tawp a ni der mai awh awm lo lutuk hlawm em mai
[Report abuse]
March 18th, 2012 at 9:48 pm
Hausak hi chu kei ni sawrkar zem zen tan a theih loh. Housing loan rs 2o lac ka la a, nakt ah slab chhun kan tum . Bye u.
[Report abuse]
March 18th, 2012 at 9:54 pm
A dik angreng fu mai he post chu
Eiruk vanga inla hausa ho hi chu ka’n ngainep hlawm khawp a(h)
Biak chu sawiloh, melh pawh ka melh peih hlawm lo… awhna chhete pawh ka nei eih hlawmlo bawk..
Nitin hian newspaper/media ah te hian eiru thin ho hmuhsitna lampang thu ziak hi awm ziah se nia ka tih ni…
chutihrualin kawng lehlamah chuan, vairam a mi hausa leh mi rethei inkar hlat zia ngaihtuah erawh chuan mizoram chu kan la zia khawp mai… India ram state thenkhat a vai retheiho te hi chu rethei tak an ni ringawt, ve lehchhawng a… mi hausa te nena an inkar hi a hla ngawih ngawih! in leh lo neilo, zanah pawh khawlai/mi in kawt ah emaw kawng sir a mu mai, khawlum hunah lah mi hausa te AC a nuam em em a an awm laiin mi rethei FAN takngial pawh nei zo ve lo, thlasik ah lah chutiang tho, intih lum na pawh nei ve lo….adt,,, an tam zia han ngaihtuah chuan kan la zia phian
[Report abuse]
March 18th, 2012 at 10:10 pm
Post tha tak a ni
Comment ho pawh
Thlaithar leina tur budget kan dah ang tih ai kan sawrkar tuk ah nuai 1 kan sem ang tih mipui ah a tlak nat zawk dan atang hian kan moral a dik tawh lo tih a chiang reng. Hausakna dik chu tum mumal tak neih a, beka thlan tui luang zawih zawih a, taima taka thawh in a lo thleng thin. Hausak ve i duh chuan i goal ah chiang la,chumi um chuan i theih tawk bak tlem nen.
[Report abuse]
March 18th, 2012 at 10:16 pm
Lrpa: Beaurocrats zinga thil fuh tawh lo a awm hi chuan siam hi a har tawh thin a niang, khawvel dang buaina chhan ber pawh hi tiang hi a ni deuh zel. Mahse a tih that dan chu a la awm ka ring tho, rual awh/hmasial luat (ti teh ang) avanga an thil lo tih tawh te sima an lo tihfuh loh tawh teh an mahni ngei in a siam that an tum hian kawng chu a awm in ka ring………
Mizoram sorkar hi a in din tirh atang khan budget hmanral tawh zawng2 hi a nihdan tur angin kal ta se, khitah kan awm thei mai a ngem? ngaihtuah chu thui duh ang reng. Eng pawh nise a la tha chho zel turah ngai phawt mai teh ang, lo ti ve ngawt mai ila tha mai, awm hmun atang hian
.
Hausa leh rethei inkar zau tih hi chu ka hre ve vak pek lo,mi hausa emaw keini aia harsa ve leh chhawng han ti ve leh chhawng ila, tute bulah pawh awm i la ka danglam teh vak pawh ka hre lo, ngaihtuah loh lam zawng te pawh ni ve mahna le.
[Report abuse]
March 18th, 2012 at 10:36 pm
eirukna duhlo misual pawl indin mai ang u hmiang…
[Report abuse]
March 18th, 2012 at 10:53 pm
Member ah min lo ziak nghal teh @jemi
[Report abuse]
March 18th, 2012 at 11:08 pm
Pawngsual duhlo ho hi chuan pawngsualtu hi an rek chat chat zel a, eiruk duhlo ho hi chuan eiru ho an reh chat chat hi vang tak a ni, heta tang ringawt pawh hian……………
[Report abuse]
March 18th, 2012 at 11:15 pm
@ sheldon kan in ziak tan nghal mai dawn a mi
@ Saitawk chuvang tak reng chuan a ni, kan ngaihtuah tlan chu a ngaih ni, nge ni a ngawi reng in kan en liam zel dawn zawk
[Report abuse]
March 18th, 2012 at 11:20 pm
Misual hi kan chikim teh ania. A khat tawk a nileng a komen thin te, regular taka zan rei hnu chauha rawn lut te kan awm bawk…haha. Kei chu ka hman apiang in ka lut a.
OT loh nan – eiruk do pawl member ni vek ang u.
[Report abuse]
March 18th, 2012 at 11:37 pm
Ni chiah, kan chikim ngawt mai, ka kawmen hun a lo nghak ve trang trang emaw tih tur khawp a ka rilru ang pu mi te hi an lo awm zel a!
[Report abuse]
March 18th, 2012 at 11:40 pm
Hm, a dik, mahse ringtute hi kan rethei reng dawn lo ve, Bible-ah hian retheite tan Pathian hnaihna chance a sang tih a lang thei…mahse poverty is not a virtue.
[Report abuse]
March 18th, 2012 at 11:43 pm
He post hi a that tehlul nen komen thenkhat, mizotawng ni ngei si ah tr hmang kan awm pek ani maw!! Hihi
[Report abuse]
March 18th, 2012 at 11:45 pm
Nia din ila #35
[Report abuse]
March 18th, 2012 at 11:58 pm
Ṭ hmanna tur ah tr hmang an lo awm leh trah trah anih pek hi @Shel
[Report abuse]
March 19th, 2012 at 12:06 am
Naktuk monday hian Digha (Beach)-ah kan picnic/kal mai mai dawn a, zanhnih riakin; kan naute kal tura ngaih mi 7 an kal thei dawn lo va, an room tur leh an train fare engkim tihfel vek a ni tawh a, a kal duh in awm chuan (a bikin Kolkata Misual mi dang chu a hla dawn si a) rawn kal ve tawp ula, ka lo free vek ang che u. i duh chuan lrp.pachuau.j@gmail.com-ah min rawn hrilh dawn nia–Keimah Thingtlangpa te kha?
[Report abuse]
March 19th, 2012 at 12:10 am
#45 hmanni lawk khan kan kal a, thosi a tam khawp mai, hahahha
[Report abuse]
March 19th, 2012 at 12:14 am
#46 Thosi a tam aa? a va zia awm lo va, mahse kan khu hlut hlut ang a, eng i lo coil vel khan; thosi tel lo se, paschimbongo a ni nang.
[Report abuse]
March 19th, 2012 at 2:52 am
#16, AMEN.
Guerilla form duh leh tum hi kan college kal laia atang khan thiante an awm tan tawh ania. Kum 10 nghah thlen a ngaih ka ring tawh lo kan hetih reng chuan.
A post thu ken hi a tha khawp mai. A tih a tih a ngai tawh takzet,hmanni pawh khan post pakhat a awm em kha(h)…
[Report abuse]
March 19th, 2012 at 11:31 am
“Sawi bawl mai teh ang, SAWRKAR SUM EIRUK TUN TUN AVANGA, A THA THEI ANG BER A FATE SIKUL KAL TIR, A NUAM THEI ANG BER A ENKAWL FA HO TE HIAN LEHKHA HI RAWN THIAM HLE MAHSE, SIKUL MAHNI DUHNA HMUN PAWH A KAL VE THEI LO MIRETHEI FATE HIAN CHUNG MI HAUSA FA TE CHU AN VAN THIAM THEI EM KAN TI LIAM ZEL IN KAN ZAH ZEL ZAWK DAWN TIHNA EM NI?.”
Thil lang thei ruai ruai nia ka hriat chu:-
1). Sorkar sum duh tawka eirukna a awm,
2). Eiruk hmangin Fate Sikul tha-ah an dah,
3). Lehkha an lo thiam ta hle a, an result a tha,
4). Result tha nei te hian, Zir sang ve thei lo te (result tha ve lo, rethei-te) a luahlan zel?
5). Mirethei-te hian Mihausa-te an sawisel ngam lo?
6). MIRETHEI LEH HAUSA KAR A PUAK-KEH TA! (Civil war/revolution) ENGTIK NGE?
[Report abuse]
March 19th, 2012 at 11:19 pm
Pathian thu hi awi em em lem lo hlawm mah ila, Kristian society kan nihna hian (civil war/revolution) hi chu ala dang ve hram hram chuan ka ring a, mahse mirethei te hi Kristian society nihna avang ngawt chuan, engmah ti lovin an ngawi tluan thei chuan ka ring lo
[Report abuse]