…Kum 18 liam taa mi kha March 18, 2012, Sunday-ah…
March 18, 2012 (Sunday) Chawhnu inkhawmah, Thuchah sawitu hnen ațangin tui ti takin thu ka ngaihthlak laiin, mak tak maiin ka thinlungah Thlarau Thanghlimin, kum 18 liam taa ka thu hriat hmangin thu a rawn sawi ta tlat mai! Ka hun kal tawh leh ka rawngbawlna ho te-te ka chhui kir a.
Lalpa hnathawh dan hi a lo va mak țhin em aw!? Kum 18 liam taa ka thu hriat kha ka tan a lo ni reng a ni tih ka hrechhuak a! Rilru-a hlim ru tak siin, pawnlam lang thei-ah erawhchuan awm ngaihna reng reng ka hre ta lo, ka taksa zawng zawng chu a sa up-up hian ka hria a. Biak in chhungah chuan, Pathianin min hruaina lamtluang chhui letin, lawm avanga bianga mittui luang chungin ka țhu ta reng mai a ni.
…Kum 1994 June 30-ah Ka Hre Daih Tawh…
Kum 1994 June 30 khan, Pathian thu zir turin Union Biblical Seminary, Pune-ah ka kal a. Ka thlen thlak hnu reilote-ah, kan Professor zinga pakhat London aÈ›anga lo kal hian Chapel-ah thu a sawi a. “Ringtute hian rawngbawlnaah hian a nuam leh a hahdam lam ringawt zawng lova, tuar huam leh chan huam leh mualpho huama Lal Isua kan zui a ngai a ni†tiin, Africa rama kum 40 zet missionary-a awm tawh Henry Morrison chungchang chu tehkhin nan a rawn sawi chhuak a.
A sawi lai hian a ropui ka tiin, pawimawh ka ti ve em em tho naa, ka rilru-ah a lut em em lem lo. He thu ngei hmang hian kum 18 zet a liam hnu-ah, March 18, 2012-ah chuan, Thlarau Thianghlim-in na em em-in min rawn khawih ta a ni!
…Missionary Henry Morrison Leh US President Roosevelt…
Henry C. Morrison chu Africa-ah missionary-a kum 40 zet a awm hnu-ah, a haw dawn ta a. A chhungte leh kohhran chu, a hawn tur thu leh a thlen ni turn en lamin ‘thirhrui’ a thawn thlap a, New York Lawngchawlhna (harbor)-ah hmuak turin an inhrilh a. A hun takah Morrison chuanna pawh chuan New York lawngchawlhna chu a thleng a. Kum 40 chhung zet ram pilril a, harsatna tinreng kara a rawngbawlna-te a ngaihtuah let a, a chhungte leh kohhran miten an lo hmuak ang a, an hlim tur zia te, an ngaihsan tur zia te a ngaihtuah a, a thinlung a hlim em em a ni.
Amaherawhchu, a rinloh tak maiin, Lawng aÈ›ang a han chhuak chu, hmuaktu hmel reng reng an lang ta lova, tumahin an lo hmuak ta lo a nih chu! Lawng aÈ›ang chuan a han thlir a, mipui tam em em hian mi an hmuak lai hi a va hmu a. Lawnga hnathawk pakhat chu a zawt ta chawt a. Chupa chuan, “Ekhai, i lawng chuanna-ah tho hian US President, Theodore Roosevelt kha a chuang ve alawm, President hmuaktute an nih saw. I chhungte leh kohhran member-te pawhin US President an hmuahna-ah sawn an tel ve vek a ni ang†tiin a hrilh ta a ni.
Chu thu a hriat chuan Morrison thinlung chu chhun angin a lo na ta a. Pathian hnenah nasa takin a vui ta a ni. Hetiang hian Pathian hnenah a È›awngÈ›ai ta hial a, “Lalpa, Roosevelt hi ka class-mate a ni a, ka aia lehkhathiam thei lo zawk a ni. Kei chuan kan class-ah khan 1st position zel ka hauh laiin, Roosevelt-a hi chuan 3rd position bak a hauh pha ngai lo tih i hriat kha. Tunah hian, ka aia lehkha thiam thei lo zawk leh i rawngbawlna aia politics ngaisang zawk chu, mi zawng zawngin an ngaisang a, an lo hmuak a ni. Kei erawhchuan, ka hlawkna tur leh ka ropuina tur zawng zawngte ka kalsan a, I thu hnial ngam lovin, nangmah avangin Africa ram pilril-ah ka kal a, kum 40 chhung hrehawm takin i rawng ka bawl a. Tunah hian chawl hahdam tura ka lo hawn ve chhunah pawh, hmuaktu pawh nei lovin ka awm a, kum 40 chhung teh meuh rinawm taka I rawng ka bawl chung pawh-a chawimawina pakhat mah ka dawng lo hi, ka rilru a na a, I chungah ka vui tak zet zet a niâ€Â tiin, a thawmhnaw È›henkhat leh a thir-thingrem lian tak chu put pawh pu zo lovin, hruia thlungin, thlantui leh mittui nen, rilru na em em-in a hnuk È›aih È›aih a.
A È›awngÈ›ai zawh veleh chuan Lal Isua a rawn inlar a, “Henry, i mittui a tla elo? I È›ap elo? Lei leh Van Lal meuh ni mahila, ka tuarna leh ka kalkawng kha i theihnghilh ta emni? Engah nge i vui? Roosevelt chu he khawvel mi a ni a, khawvel hi a in a ni a, khawvel ta a ni. Khawvelin a chawimawi tur a ni a, khawvela nuam zawng zawng hi a neih a thiang alawm! Nang erawhchu, i in leh i khua chu Vanram a ni alawm! He khawvel hi i khualzinna leh i mikhualna ram mai a ni. Nakinah, i in-a i lo hawn hunah chuan, Vantirhkoh chhiar sen loh ten chawimawina famkim nen, ropui takin an lo hmuak ve dawn che a ni. Henry, nang chuan i in i la thleng lo asin!†(Henry, you are not home yet) tiin, Morrison-a thinlungah chuan thu a rawn sawi ta a ni. Morrison chu a harh chhuak nghal zawk mai a, a hrehawmna leh a tuarna-te avanga vui tawh lovin, hlim tak leh hlawhtling takin a hun a hmang chho thei ta a ni.
…Khawvelah Hian Mikhual Leh Khualzin Kan Ni…
Bible-in, “leiah hian mikhual leh khualzin mai an ni tih an inhriattir tawh†(Heb.11:13) a tih hi ringtuten kan thinlung pheka ziaka, a taka kan hman a pawimawh hle. Mikhual tih hi Grk. Zenos, “ama ram (khua) dik tak chhuahsan a, ramdanga reilote atana zin zawk†tihna a ni a. Khualzin tih hi Grk. Parepidemos, “khaw hmun nghet nei lo†tihna a ni. He È›awngkam pawimawh tak hi Abraham (Gen.23:4), Jokoba (Gen.47:9), Davida (Ps.39:12), etc. ten an lo hmang nual tawh.
Mikhual kan nih avangin, khawvel thilte hi i ngaina lutuk lovang u. Khawvel thilte hmangin i in la-muk lutuk suh ang u. Khawvel thilah hian i duham lutuk lovang u. Kan hmangaih takte min È›hentu Thihna avanga Lungngaihna leh harsatna, elrelna leh sawichhiatna, dawta sual tinrenga hekna-te kan tawh chang pawhin, “lei hrehawmah leng mahila, he lei ram mi kan ni lo, kan ramhlun tur chu Vanram a ni†tih hi a Thunawn atan i hmang fo ang u. Lawmna leh malsawmna kan tawn chang pawhin, midangte mit ti-khamtu leh ti-lungngaitu ni lovin, midangte chawikan nan i hmang ang u. “He lei ram mi kan ni lo, mikhual kan ni, kan in kan la thleng loâ€
–+Bawngkawn Pastor Bial Kohhran Zaipawl hian Sermon hi Chhunzawm Sela+-
Similar Posts:
- Chemtatrawta baltin mawng a pawp
- Ngai teh kumhlui..
- Delhi ah Mizo accident
- Nangmah mahni hmunah! Kei ka hmunah!
- MTKP Khawmpui chungchanga ka thil ngaimawh
March 25th, 2012 at 6:43 am
Tha hle mai. Mikhual kan nih hi theihnghilh palh mai a awl thin khawp mai. I post hian mih fuih thar leh e. Ka lawm e.
[Report abuse]
March 25th, 2012 at 7:05 am
Ringtu te tan fuihna (chaw) tha tak a ni.
[Report abuse]
March 25th, 2012 at 7:08 am
tha hle mai Good Post!
[Report abuse]
March 25th, 2012 at 7:49 am
I post chuan ka nâkah mi zen zawk mai. A ngaihnawmin mi hneh khawp mai. Min fuih thar hle bawk.
[Report abuse]
March 25th, 2012 at 7:54 am
Good post
Kan khualzinna kawnga ringtute min tihnawktu leh uairittu hi rin ai hian a lo te thei khawp mai. Khawvel mi leh tisa mi-te tana hnawk ni pha lem lo hi ringtu tan chuan rumpui vawng vawng tham a ni fo thin. Diktak chuan pawnlam atang ai mah hian keimahni chhung atang ngei hian alo irhchhuak thin.
Tirhkohin ‘mahni kan inenfiah (judge) fo chuan Pathian rorelsakna kan pumpelh ang’ a tih ang khan nitin mahni chhungril nun leh ngaituahna te hi fiah fo a tul a – kan yardstick (tehfawng) tur chu Bible hi a ni. Kan tehfawng tur ber Bible hi kan bel viau loh chuan a buaithlak thei hle dawn tih lah a chiang reng mai.
[Report abuse]
March 25th, 2012 at 7:57 am
Pathian ringtu nih ringot pawh hi thil hahthlak tak ani viau a sin,harsatna a tam duh khawp mai ka tawn ve chinah chuan. Mualpho,elrel,tih chhiat tumna a tam duh khawp a nia, a zui tu nih phei chu harsa tur tak a ni……………
[Report abuse]
March 25th, 2012 at 2:42 pm
He ka khualzinna ramah hian Lalpa min hruaiin min awmpui zel ang che aw, ka kal thiam lo I tello chuan ka mikhualna ram a ni si a.
Post tha tak a ni, ka nun min tithar leh thin, misual chuah hi Sunday a ka Inkhawmna a ni si a.
[Report abuse]
March 25th, 2012 at 2:42 pm
He ka khualzinna ramah hian Lalpa min hruaiin min awmpui zel ang che aw, ka kal thiam lo I tello chuan ka mikhualna ram a ni si a.
Post tha tak a ni, ka nun min tithar leh thin, misual chauh hi Sunday a ka Inkhawmna a ni si a.
[Report abuse]
March 25th, 2012 at 3:22 pm
Sunday a chhiar atan duhthusam a ni. Good post
[Report abuse]
March 25th, 2012 at 3:47 pm
A ni khawp mai. Kan mikhualna ramah hian kan tlangnelin leh ngampa leh lutuk. A then lah chu kan inchhek-arbawm nen. 90’s chawhma lama Lalhmuaka’n
“Aw mi a, zaninah ngei,
I thlarau an laksak che;
I rosum i khawlkhawm zawng hi,
Tu tan nge ni ta ang le?”
tia thiam taka a sak te kha min ti hrechhuak rum rum mai alawm le. Good post, keep it up.
[Report abuse]
March 25th, 2012 at 5:55 pm
zanah duah deuhin ka la comment zawk ang.
[Report abuse]
March 25th, 2012 at 7:13 pm
good post
[Report abuse]
March 25th, 2012 at 8:05 pm
Good post.Ngaihnawm dap dap hle mai, mase heti zawng hian ka rilru ah a rawn lut tlat:-
Mizo kristiante pawh hian he lei hi kan mikhualna ram a nih zia kan sawi uarin hla ah pawh kan sak nasat pawl tak a ni hial awm e. Heti zawnga kan inzirtir vang hi nge mawni kan ram nungcha leh ramgaw reng reng hi kan hlutsak tak loh mai ni.
Heti zawng hian inzirtir ta zawk ila :- ‘He kan ram hi Pathianin kan chenna atana min pek, kan tanna a lo ruat a ni a, chuvangchuan kan duatin kan hmangaih tur a ni. A chhunga cheng nungchate leh thing leh maute pawh hi kan hmangaihin kan humhalh tlat tur a ni’
Mahni mikhualna ram tunge hmangaih em em awm ngai?
[Report abuse]
March 25th, 2012 at 9:46 pm
I sermon chu ngaihtuahna a ti thui hle mai. Pi Teii, PC Girls School hmuchhuaktu pawh kha tarchawmna in atangin an vui liammai mai..mi tlemte chauhin an la thlah zui a…tukhaw hriatloh khan a zu thi ta mai mai a, mizoram zawng nise, vuitu kanhan tam dawn teh lul nen. Hei mai bakah hian Zosapthara chungchangte, Para Church lama kan missionary chhuanawm tak tak hriat hlawh chuang si lote thlengin ka rilru ah alo lang zut zut mai…
[Report abuse]
March 25th, 2012 at 10:00 pm
#13 triplestar, Mahni mikhualna ram tunge hmangaih em em awm ngai? i ti a maw? “Cham rih rawh kan vangkhua-ah hian” tih hla mawi i ti pha ve lo tihna a nih chu. Mahni vengchhungah chauh kawppui tur zawng ta ila, kan hawizim tlang hle tihna te pawh ang thei zawk lo maw?? Khualkhuaah ngaihzawng nei la, i mikhualna ram i hmangaih thiam mai ang. Thenawm te arbawm chhia ai chuan veng hla zawk leh khualkhuaa ka bialnute arbawm chhia hi mawi ka la ti fe zawk kei chuan, TLAT MAI A!!
[Report abuse]
March 25th, 2012 at 10:48 pm
A va ngaihnawm ve aw, a thawnthu hian min hneh thin khawp mai.
Kan awmna Lei In hi thiaht mahse vanah kuta sak loh chantuana innghet kan nei a, chu chu kan eternal Home chu a ni. Khawvel en hian duh aia thui thlir a awl viau, zawlnei Mika khan khawvel lama mite an tluk ruih ruih lai khan, “Kei erawh chuan Lalpa lam ka en ang” a ti tlat mai a, a hlu ka ti.
Isaia huna Babulon pathian marduk leh Jehovah an khaikhin lai khan Pathian chu chak lo zawk, thiltithei lo zawkah an dah a, Israel fate an tlu bo teuh a, mahse Isaia chuan “Lalpa nghaktute chuan an chakna chu an siam thar leh ang a” a ti.
Kan la haw ve lo va, khawvel ropuina ramah kan la awm si a, mahse khawvel ta kan ni lo, Dual citizenship nei kan ni zawk, Rome ram hneh theih loh anga an chhal, hnam mawl Hans hovin an hal chhiat vek lai khan Kristian tam tak an tlu a, “kha leh chen kha Rome pathian kan bia a, kan ram tuman an hneh ngai lo, Kristiante Pathian kan biak hian hnam mawl hovin min hneh ta zawk a ni, kristiante Pathian hi a lo tha lo” an ti a, Augustine-a chuan a lehkhabu “city of God” ah chuan Kristiante hi Lalram in luhthelh karah kan khawsa a, Kristiante chu beiseina leh rinnain an nung tur a ni” a ti a, kan rinna hian chunglamah hmun a khuar tlat tur a ni.
#13 Triplestar sawi khi a dikna chen a awm tho mai; theologically phei chuan neo-orthodoxy an duh loh chhan kha a ni reng a; Lei nun mausam a, van lam tih tuah hum mai reng khan lei lam nun a tifimkhur lo an ti hial a, Philosophy lamah Existentialism a lo chhuah phah hial a ni. Lei nun hi kan van nun min siamtu tur a ni zawk “mitin an thiltih anga relsak tur kan ni”
Amaherawhchu, chung lama thil awmahte hian rilru kan nghah loh vaih chuan kan dinna min sawih hunah kan tlu mai dawn a, ringtu chuan van lamah zung a kaih tur a ni.
[Report abuse]
March 26th, 2012 at 8:30 am
Comment-ho te ka va hlawkpui em! In rilru leh tawn-hriat rawn share-tu zawng zawngte chungah thinlung chhungril ber atangin LAWMTHU ka sawi e. Ka post ning-nel tak a rawn chhuak a, Post pawh vil hman lovin, Sunday a nih avangin ka tul nileng a. Han Misual ka’n tum ve chhunah lah NET a lo tha leh lova, ka lut leh thei si lo!
Abik takin, Pu Vakula chungah ka lawm lehzual. Conclusion min rawn siam sak ah ka ngai nghal e.
[Report abuse]
March 26th, 2012 at 10:35 am
He thu hi evangelist/Pastor ten Sermona an sawi ka hre tawh thin a, a tha ka ti tak zet. Tin, hetia chiang kuang taka chhiar tur leh dahthat theih tura i rawn post hi ka ngaihlu khawp mai. Mahse, mizoram angah chuan rawngbawltve hian ngaìhpawimawh leh chawimawi kan hlawh ta mah mah alo maw aw? Ka ti ta deuh. Kan hlawh te lah hi sawi zahthlak khawpin a tam tawh hlawmin ka hria.
[Report abuse]
March 26th, 2012 at 11:39 am
Niminah khan net a muang chher chhawr lutuk a, ka chhiar mumal thei lo a, tukin zingah ka chhiar ve chhap..a va han ngaihnawm em!
[Report abuse]
March 26th, 2012 at 6:32 pm
he true story hian ka thinlung a khawih ngawt mai. ringtuten heleiah hian kan beisei angin lawmman hmu phakve lo mah ila vanramah chuan lawmman hlutak leh chawimawina kanla hmu dawn ani tih a chiang hle ani.
[Report abuse]
March 26th, 2012 at 6:36 pm
he true story hian ka rilru a khawih thin khawp mai,heleiah ringtute hian kan beisei angin lawmman hmu lo mahila vanramah chawimawina lallukhum kanla khum dawn ani.
[Report abuse]
March 31st, 2012 at 12:02 pm
[Report abuse]