Pu Darrr…..
Good Friday tuk zing dar li vel a nia; Home Mission field hmun pakhata ka zinnaa thil thleng a ni.
Nu Zuali chuan an pa (helai hmuna Headmaster) Aizawl lama ngaihzawng nei chu a rinhlelh rukna a rei tawh. Ringhlel deuh mai chauh a nih avang erawh chuan sawi chhuak lovin a tuar tlawk tlawk maia; tawrh chhuah mai a in beisei a ni. Ṭumkhat a inchhung tifel velin Aizawl lama an veng hmeichhia (nula nge nuthlawi a nih ka chiang tawh lo) lehkha an pa a thawnna a hmu ta nawk mai. Hetaṭang hian a lo rinhlelh ruk kha a tak ngei a ni tih a chiang ta.
He mi a chin chu sawi chhuak chiah lo mahse engemaw hlekah neuh neuh an nei ta fo mai. Hemi hma zan aṭang hian an nupa kara neuh neuh awm chuan zual lam a pan. Zing khawvar dawn ruaiah tharum nen a mipa zawkin chet a’n tum takah chuan nu Zuali chuan ka pute Dara (thawktute zinga upa ber) quarter chu a rawn pan ta vang vang a ni. An pa’n a rawn um zui miau avangin ṭhenawm khawvengte pawh zah zo lovin awrawl tawpin a rawn au ta mai a ni.
Kawng kik pangngai pawha kik lovin a rawn nang mai ang tih a hlauh em a vangin a sawiin a rawn sawi dawt dawt mai a; kan harh chiang khawp mai. Ka puteate nupa hi chuan thil awmzia an hriatthiam nghal avangin an luh tir nghal vat a; an pa pawh rei rial lovin a rawn thleng phei ve nghal.
Rawn luhkhung em chu a hreh deuh si avangin pawn aṭangin, “Zuali, I dam lovang. Mahse, ka rawn lut lovang,” a’n ti chher chher mai chu, kei la hre ngailo leh hetiang hmunah a thlen ring phalo tu tan chuan a rapawm lek lek zawk a ni.
Hun engemawchen bang dana an inkawm hnuah ka puteate chu chhuakin khawlum laia ṭhut khawmuanna bukteah chuan engemawchen an inkawm hnuin ṭawngṭaina nen an va inthlah fel thei ta hram a ni.
Good Friday tuk a niin chawhnu lamah hun neitu tur a ni bawk nen thusawi inbuatsaih chu a har fu ta ve ang, tualchhung mipui ho lahin an chanchin an hre fur bawk si. Duh berte neih theihloh zawng a na a niange, kei duh ber neia hian ka hrethiam phak lo.
Good Friday hi kan Lal Isua kan sualte tlan tura he khawvela a lokal chhan a hlenchhuah hriatrengna ni a nia; chuvangin a pawimawh em em a ni. Tunhma deuhte kha chuan, ‘Good Friday nia ram kal chu an hlawhtling duh’ te kan ti mai mai thin a nih kha. A zialo khawp mai. Good Friday pawimawhna te hrethar lehin misual hote mahni hrehawm pawisa lova nitin KROSS pua ṭang tlat thei turin I inbuatsaih ang u. Ka lawm e.
Similar Posts:
- An ti!
- Emotion leh Good Friday
- Hmanlai Mizoram Thilthleng Mak Part-2!
- YMA hnathawh that!
- Is it for real???
April 7th, 2012 at 6:01 am
Tho ru lem, chhiar ang u.
tren tren
Report this comment
April 7th, 2012 at 6:08 am
A tawp dan teh daih chu ka tum loh lam daih. Nia Good Friday hian keihfang kan lo thin, hnahthialin kan fun far thin.
tren tren
Report this comment
April 7th, 2012 at 6:50 am
A tawp dan teh daih chu le! Kei pawh ka chhiar a ka lawm e
Report this comment
April 7th, 2012 at 6:51 am
Chuan, an inrem leh ta a mi?….a tawp dan ta daih chu…
Report this comment
April 7th, 2012 at 7:55 am
nih teih tuih hi maw le
Report this comment
April 7th, 2012 at 8:08 am
A tawp dan chu(h)…tha hle mah se, a va intuha lo ang reng ve.
Ka lawm e.
Report this comment
April 7th, 2012 at 8:55 am
A topic leh a tawp dan inkawlkalh tak kaihrem i tum dan hi hriatthiam a har hle mai !
Report this comment
April 7th, 2012 at 8:59 am
Ngaihnawm chhumbung
Report this comment
April 7th, 2012 at 9:03 am
Kan Mizo thuziak leh lemchan tamtak hi a tawpa pianthartir emaw, rem leh rem lo a Pathian thua kaihluh kan tum talh thin hian a hlut tur angin a tihlu lo.
Fiction nise ziahzawm i la
Report this comment
April 7th, 2012 at 9:44 am
Ngaihnawm tho e,a hmehbel theih tho alawm,Lal Isua’n a duh ber te min neih ni/kan tana a in hlanna ni a tih theih tho alawm. Hmehbel tum ve ta cheih chuih hlawm che u engvang in nge tul lova thawnthu a ziah hmasak ringawt ang le. …ti raw posttupa??
(ka chhan zel dawn 
)
Report this comment
April 7th, 2012 at 10:03 am
Bei twist hle mai.
Report this comment
April 7th, 2012 at 11:02 am
Huh??? Last para khi tel lo law law ta zawk se..chuan Zuali chu a dam ta lo em ni?
Report this comment
April 7th, 2012 at 11:44 am
Lo dam rawh se ngatinge ni
Report this comment
April 7th, 2012 at 12:38 pm
Phuahchawp anih si loh chuan a va mak awm ve le!
Report this comment
April 7th, 2012 at 12:48 pm
mahse a ngaihnawm
Report this comment
April 7th, 2012 at 12:54 pm
14
RenghangMan@ phuahchawp a ni lo. An hming tarlan loh a that ka rin vangin ka tarlang ta lo mai. Good Friday boruak a rawn inmun hnaih atang khan hemi pualah tiin ka’n ziakchhuak ve pawp mai a nih hi. Mi tamtakin ho in ti, ka demlo a che u, ka thu thiamloh luatah a nawi a nih hi. Ka lo tang deuh deuh ange.
An inrem viau tawha, tunah chuan hmundangah (Zoram pawn) an awm ta.
Report this comment
April 7th, 2012 at 2:51 pm
An inrem leh chu a that nasat chu.Inneih tawh hnuah hi chuan lerh viau leh Inthen tih vel hi a tha lo e.
Report this comment
April 7th, 2012 at 4:15 pm
16
chhana #
Last two para..ah khian…..
” An inrem viau tawha, tunah chuan hmundangah (Zoram pawn) an awm ta. ”
tih khi han telh la chu aw….KZP CHL a ni mai tur.
Report this comment
April 7th, 2012 at 6:01 pm
Ngainawm reuh e…. Ka phuahbelh nang a
Report this comment
April 7th, 2012 at 7:22 pm
Good Friday-a thlai chi thlak hi a tiak tha bik !
Good friday-a nupui tlan koh chu an haw hma bik tihna em ni
Report this comment
April 8th, 2012 at 12:10 am
An inrem leh ta chu a lawmawm e, an inrem loh lai tak kha tarlan i duh a nih hmel riauin a lang a lawm. I pu chu pu dara missionary pension ta, bawngkawn a mi, a fanu pawh missionary nurse kha a ni mial em ?
Report this comment
April 8th, 2012 at 9:17 am
Chhana post-ah hi chuan ka first lo thei lo.
Report this comment
April 8th, 2012 at 12:57 pm
TSa hi chuan kan pafa hian min ngaisang ve hrim!
Report this comment
April 8th, 2012 at 12:59 pm
Hrim2
Report this comment
April 8th, 2012 at 11:59 pm
21
Benny@ a ni lo aniang, ka pu chu a la pension lo.
Nia, an inrem loh lai hi tarlan ka tum bera chu a ni. A chhan chu kan rawngbawltute pawh hian harsatna chi hrang hrang an tawk ve theia; pawng dem ngawt chi an nilovin, ṭawngṭai pui an ngai nasa a ni tih hi a ni. Chubakah, ka telh zuai kawppui ṭha neih hi a hlu in duh ber neihloh chu anmahni kher lo pawh ka hre nual, khawngaihthlakawm tak anni. Good Friday thuchah zeh hram ka duh vang a ni bawk. Ka lawm e.
Report this comment