Matt 28 :1-7; “Tin, chawlhni tlai takah, ni sarih ni hmasa ber tura khua a var dawnin Mari Magdalini leh Mari dang chu thlan en turin an kal a.Tin, ngai teh, lir nasa takin a lo nghing a; Lalpa vantirhkoh van ata a lo chhuk a, lung chu a rawn lum sawn a, a chungah a thu ta a.A hmel awmzia chu kawlphe ang a ni a, a silhfen chu vur angin a var a; amah an hlauh avangin vengtute chu an khur a, mitthi ang maiin an lo awm ta a.Tin, vantirhkoh chuan hmeichhiate chu a bia a, an hnenah, “Nangni chuan hlau suh u. Isua, an khenbeha kha, in zawng tih ka hria e.Hetah a awm tawh lo ve; a sawi ang ngeiin a thawhleh tawh kha. A mutna hmun hi rawn en teh mah u.Tin, kal thuai ula, a zirtirte hnenah, ‘Mitthi zing ata a tho leh ta a ni; ngai teh u, Galili ramah in hmaah a kal e; chutah chuan amah chu in hmu ang,’ tiin hrilh rawh u. Ngai teh u, ka hrilh tawh che u hi’ a tia. ”
Isua hunlai hian – Sana leh Calender vel hi a la awm lo tih chu kan chiang tlang awm e. Tuna Zoram kilkhawr ber thlenga kan hman ber Calender, banga kan khai tlangpui, thenkhat in hriau thiah nan taka an hman lah hi, Pope Gregory XIII, a’n kum 1582 February ni 24 a, hman tura thu alo pek, a ma hming hial chawitir tak a ni chauh bawk si a. Pawmpui duh lova, ngawhngawl chhuah rei ber Russia lahin, 1918 khan alo nep zo ta bik lo a nih kha.
Exodus bung 12 a Pathianin, Ni leh Thla chhiar tan thu a pek Nisan(Abib) 17 lai vel hi chuan, ni chhiar dan pawh, “tlai lam atanga tlailam leh thleng in” (Ni tlak atanga Ni tlak leh thleng) ni khat. (Bible thu har hrilhfiahna ah khan, (Pathian lehkhabu Thianghlim phek 1238) Leviticus 23:32 iang in, Bible Calender ah khan “ Zanlai atanga zanlai leh thleng ni lovin, ni tlak atanga ni tlak leh thleng hi an ni chhiar dan a ni” tiin a in ziak a.
Tichuan, Mathaia Bung 28:1,”…chawlhni tlai takah, ni sarih ni hmasa ber tura khua a var dawnin..” (kan tunlai sana inchei nana ban veilam a kan bun tlangpui ang ah hi chuan, tlaiah khua a var ngailo chu a nih hi)…tlai ni tlak veleh Sabbath zovin, ni sarih ni hmasa ber alo in tan dawn a (Kei ni zing khawvar tur khawfing chat ni lovin).
Tlai alo ni a, nu thenkhat chu mawng a hawlh ang mai an ni ta, ni tlak liam pak nghak zo lovin, ni tlak hma hretin Mari Magdalini leh Mari dang chu thlan en turin an kal…..a lo tho tawh a nih kha le. Sabbath Lal (Marka 2:27-28) chu Sabbath ni ngeiin a tho ta a ni (Sunday zingah ni lovin).
Helai Mathaia bung 28 a khawvar tur a sawi hi, tlaiah a ni tlat a, ni tlak veleh ni thar alo intan dawn a ni zawk. Tichuan, khatih hun laia an ni chhiar dan leh, Tirhkoh Matthaia ziak bung 28 nguntaka han chhiar chuan, Lal Isua thlan atanga a thawh leh ni hi……Sabbath tlai a va nih hmel ta zawk si ve? Kan thawhleh tir hun, Sunday zing hi a dik em? Nge, Good Friday a thih tir kan tum avanga, thlana zan khat chauh riahtir kan hreh avangin, kan pu te ho khan Sunday a tho tur a her rem an lo tum vang le. (Chu pawh Jona chhinchhiahna nen ala inmil ta chuang lo). Misual ho zingah hian miril tak tak in awm a, han sawifiah teh u le. Hnam Sakhua pawh in thlahrung lo se….
April 8th, 2012 at 2:14 pm
Diktaka sawi chuan Pathianthu hi chu kan hne tlang ani e! :-S
April 8th, 2012 at 2:21 pm
😛
April 8th, 2012 at 2:33 pm
#1. I va farang thin ve aw ! 😀
April 8th, 2012 at 2:59 pm
First phawt ila, hun neih dan azirin chhiar ang.
April 8th, 2012 at 3:07 pm
tunlai chu ka Datawp, k chhiar peih thlawt lo ani.
April 8th, 2012 at 3:38 pm
zoho sawi chak zawng..kian ang..haha..
April 8th, 2012 at 4:40 pm
SABBATH tlaiah a tho chiang alom! Sunday ah a tho lo e! hemi kar hian Sabbath chi 2 a awm kha!! Chuan wednesday ah a thi a Saturday ah a tho e 🙂
April 8th, 2012 at 4:47 pm
#7. Soberboy, chutia ni mo? Tinge Good Wednesday pawh kan serh ve mai loh le?
April 8th, 2012 at 5:02 pm
A pianni, A thihni, A thawhni..hriatchian tum hi a ho! A pawimawh ber chu A lo kal leh ni ani mai!
In peih leh inhnial ula..ka peih ve lo!
April 8th, 2012 at 6:33 pm
Marka hi kan chhiar theuh a rinawm a, chanchintha bu ziaktu dangten an thu lakna ber a ni a, chnchintha bu pali zingah chuan ziak hmasak ber a ni nghe nghe a ni. Hetah hian nisarihni nihmasa ber khawvar hnuah an thleng tih a inziak a (Marka 16:1). Tin Luka ziak lo en leh ta ila, hetah pawh hian vartian(khaw en) hnu tiin a inziak bawk a ni ( Luka 24:1). Johana bu ah pawh hian Nisarihni hmasa ber tiin a sawi bakah zingah a ti a nih hi (Johana 20:1) Johana erawh hi chuan Zing khaw thim laiin a ti thung a, khua ala eng chiah lo a nih hmel. Zing a tih avang hian TLAILAM nen a han ngaihfin thu a awmlo. Matthaia erawh hi chuan tiang hian a ziak a, chawlhni tlai tak khua la var hma in a ti a nih hi. Han ngaihtuah hian a khawi hi nge pawmawm zawk tur tih chu inhai ka ring lo. Pathian kan rinna kawngah erawh min tibuai pha lo ang. Mi pakhat thu aiin Pathian thulam ah chuan pahnih thu chu pawmzawk tur a tih kan ni.
April 8th, 2012 at 7:19 pm
Zotawng Bible lehlin hluiah ‘chawlhni tlai takah’ tih a nih laiin, lehlin tharah chuan ‘Sabat ni a lo ral a, Pathianni zinga khua a var dawnin..’ tih a ni ve thung a.
Lehlih thar ang hian a fiah felfai zawka, chanchintha bu dang te nen pawh i inrem zawk a, Bible scholar tam zawkte pawmdan pawh a ni e.
April 8th, 2012 at 8:36 pm
Tunkar chho ah fb group 2 ah kan chaiho hrep tawh a, khi soberboy khian #7 ah khian a sawi tawh a, khi khi a dik e. In hriatfiah duh takzet chuan @chawnghilh in tawngtial nen a rawn dah mai ang chu maw.
Isua kha Messia a ni nge a nilo tih Juda hruaitute khan chhinchhiahna an zawh/dil khan chhihchhiahna 1 chiah a pe a, chu chu ni 3 leh zan 3 chhinchhiahna hi a ni. Judaism hi an harhchhuah theih hrih loh nan(dispensation hi a awm thlap a) christiandom in a diklo tak a he chhinchhiahna kan kaihlek hi (a kailektu tak chu Setana a ni) phal a ni hrih ni maiin ka hria.
Nia, ni thenkhat lo ngaih pawimawh bik hi Pathian hian a phallo a, chutih lai a ni diklo GOOD FRIDAY leh EASTER SUNDAY kan lo serh(venerate?) hi chu bansan ngam a hun ka ti. A dik hriat hian va serh pawh hi Pathian in a phut chuanglo a nia. Lords supper hi a mah hriatreng nan erawh a ni a, a tawrh zan ngei mai a lo co-memorate chu a dik em em thung. NI bik serh a tullo titute hian Friday ah hian kawr dum nen a ‘tih deuh hnup’ leh Sunday ah hian kawr var nen a ‘nuih deuh sang’ hi an ching zaw mah ber lehnghal. (H)
Kumkhat chhung hian vawikhat chiah kar khat a Sabbath 2 awmna kar a awm a, chu kar ber kher chu he kar hi a ni a, chu chu Annual Sabbath( Aigupta atanga an chhuah niserh sabbath leh regular Weekly sabbath(Inrinni) kha, he mi hriatloh/hriatpawlh hi buaina intanna bul chu a ni e.
April 8th, 2012 at 8:40 pm
Kohhran a dan avang a hrilhfiahna danglam hi chu a awm tho mai a, amaherawh Bible pawm ngam hi a tha hle lo maw…….
April 8th, 2012 at 8:59 pm
Engpawh nise A tho leh ta!
April 8th, 2012 at 9:10 pm
Covenanter i sawi dik khawp mai (Y)
Isua thihni kha Nilaini a ni ti pawlte, ningani ti pawlte, zirtawpni ti pawlte an awm a, a thawhlehni pawh saturday tlai ni-a ngai leh sunday zing ni-a ngai an awm bawka. Heng ni tak ai hian lal Isua thihna leh thawhlehna kha Pathianin kan hriat atana a duh chu a ni. A ni hi ngaipawimawh viau ni se chiang takin min hrilh a rinawm.
Chuvangin heng ni thuah hian lo indem tehchiam a tul lem lo. Easter emaw, good friday emaw, x-mas emaw pawh nise, heng ni kan hmanchhan hi Lal Isua a ni a, thinlung buktu hian a la relfel mai ang. Sabat hi x-tian te serh turin min ti lo ang bawkin heng ni hi serh tur phei chuan min ti lem lo. Mahse Isua chawimawi nana kan phak anga heng ni te kan ngaihhlut hi khap kan ni hran lem lo bawk. Indem emaw pawldangte beih nana hman phei chu setana hmanrua a ni.
Hnamdang ho thufingin ‘darthlalang Ina chengte chuan lung vawm suhse’ tih hi hriatreng a tha khawp mai :-p
April 9th, 2012 at 7:21 am
A va bengvarthlak ve aw, karkhat a sabbath vawihnih awm tih khi ka awih zawng tak a ni. Tin, eng ni pawhnise, kan serh dawn a nih chuan a dik tak serh tluk a hlu chu a awm thei lovang(ka mimal ngaihdan).
@1 Aryan, kei chu ka hne lem lo mai ni lovin a theih ang a tam chhiar/ngaihthlak hi ka la tum cheu. 🙂
tren tren
April 9th, 2012 at 7:56 am
In comment a ngaihnawm hle mai a,’he luiral atang hian’ a kim lovin kan hria..tih ang deuh-in, hriatna hi a thawleng thin hle. Ama hnen kan thlen hun ah, a la chiang famkim uar dawn si a.
Ni e, a ni lam chu ni ber lovin,’a chhan’ Lal Isua, min hmangaih avanga ‘ kan tan a nun hlan a, thlan atanga tho leh ta’ kan rinna siam tu hi a pawimawh ber chu a ni.
Han sawi zel teh u a…
April 9th, 2012 at 8:48 am
Ni thum leh zan thum tih lai tak pawh hi Juda ho kum zabi pakhatna laia an tawngkam hmandan hriat a pawimawh. Nikhat an tih kha darkar 24 chiah chiah a ni kher lova, hun rei lo te chhunga thil thleng pawh kha nikhat angin an chhiar tho thin. Keini chuan ‘kar khat ka thang ang’ tiin emaw, ‘ni thum ka cham ang’ tiin kan sawi thin a, ni sarih leh zan sarih ka thang ang tiin kan sawi lem lo. Hebrew colloquialism hi ngaihtuah tel a ngai a ni. Chuvangin Ni thum leh zan thum tih hi ni thum anga pawm mai hi a dik lohna a awmin a lang lo – zirtawpni, Inrinni, Pathianni.
Chu lovah Lal Isua thusawi “Jona chu ni thum leh zan thum nghapui kawchhunga a awm ang khan, Mihring Fapa hi ni thum leh zan thum lei kawchhungah a awm bawk dawn a ni” tih hi a bawplawka laka thu kalpui vak tur a ni lo. Jona ang khan lei kaw chhungah a NUNG CHUNGIN Isua kha a awm lo tih kan hre vek. A sawi tum tak zawk chu Juda te tana chhinchhiahna tur chu a thi anga, a tholeh dawn tih kha a ni. A ni zata lo inhnial vak tur a ni lo e. Ngaihtuah peih te tan erawh a tha thova.
Hetia ka’n sawi avang hian kohhran dangte pawmdan hi kan hnawl a ni chuang lova, thil ni thei a ni tih pawh kan pha hran lo. Mahse zirtawpni-ah Isua kha a thi tih pawmtute pawm dan pawh hi Bible atanga kan bihchian chuan hnawl ngawt theih a ni bik lo. Chuvangin rilru zau deuh hemi kawngah hi chuan put a tha ber ang. ‘Ni dik lo serh’ ti zawnga inpuhmawh tur a ni lo ve. A puhtu zawk hi a diklo zawk anni ve thei tho tlat. A dik zawk chu a awm ngei dawn si a – nilai leh zirtawpa thih kawp thu awm hek lo.
April 9th, 2012 at 9:46 am
donald (Y)
Lal Isua thawhleh hun lai tak hi Bible in a sawi tlat lova, kan hre lo tih mai hi a tha berin ka ring. Thil chiang tak erawh chu Sunday zinga hmeichhe ho an va kal khan a lo tho daih tawh a ni. Sunday hma takah a tho ti ila kan sawi sual lovang – Sunday zing ti lovin. A chhan chu Juda ho ni chhiar dan chuan Sunday(?) chu Inrinni tlai ni tlak atangin a intan tlat a.
Bible hian sabbath vawihnih a awm thu a sawi lem lo. Min hrilh zawng chu Isua khenbeh a nih laia Sabat lo tla kha ‘ni ropui’ a nih thu a ni (Johana 19:31). NIV Bible chuan special Sabat a ti a, a chhan chu kha Sabat kha PASSOVER hun laia lo tla a nih vang a ni. Kalhlen kut hi Juda ho chuan ni 7/8 chhung an hmang thin. Kalhlen kut laia (weekly)Sabat lo tla chu a sipisial ve reng tur chu a ni a lawm. Sabat vawihnih tih lam ai chuan a pawmawm ka ti daih zawk mai.
April 9th, 2012 at 10:36 am
#18 DONALD a thil ziah zet chu(h) ! in Justify chawp na a va ang em CHAWNGHILH rawn kal se chuan a rawn thai chhe hneh viau ang le i thil ziah zet chu! Hawrawp mak tak tak nen a rawn á¹ial hrep thei ang 😀
April 9th, 2012 at 10:47 am
#19 Art-a Sabbath 2 a awm i awih lo maw??
HETAH hian chhiar mah teh !
April 9th, 2012 at 10:58 am
Chawnghilha server a muanga alo lut thei lawk lo, a rawn lang tep ang.
Lo vawn thin dan tih diknana suangtuahna han remkhawmte pawh hi a tha tho. Pathian thu hausakzia lo lan na a ni awm e.
Thlirna hrang hrang leh hriat dan hrang hrang han thawh khawm hi a bengvar thlak a, ngahdan erawh chu mahni ngaihdan dan nise.
Tan fung nghet tak kan nei fur tawh si a, ngaihdan in sawhsawn tir pawh a har ang le. 😀
April 9th, 2012 at 10:59 am
Khatih laia Jews Communities panga —Sadukai, Pharisai, Herodians, Zealots, Essenes leh Therapeutae kha an luhlul khawp hlawm. Sadukai leh Pharisai-te inlulin hun lai a ni.
Puithiam lalte lah an chimawm bawk. Yeshua kha MESSIA a nih ngei leh nih ngei loh finfiah chu an duh bawk. Finfiah tumna tawp ber atan CHHINCHHIAHNA a ngiat ta a.
Yeshua Messia chuan “NI 3 leh zan 3 leikawchhunga a awm tur thu; chumi hnua kaihthawh a nih leh ngei tur thu” a sawi ta a ni.
Thlan chhunga ni thum leh zan thum zalh a nih fel chiahin (emtombment for 3 days and 3 nights) … chhinchhiah chiang ve rawh u.
Half day, a fragment of day engmah sawi a awm lo. Complete 3 days and 3 nights a ni tawp mai. Tlaia phum chu tlaiah vek a tho lo thei lo.
Tin, chawlhni tlai takah tih hi “Sabbath tlai tak” sawina a ni a, OPSE hmanna hi thimin a la nang pha lo. Mr Duhlova POST ang hian thil kalhmang tam tak a inphum ru zawk.
TOWARD TO DAWN tih hi INTAN DAWNIN tihna a ni, zing khawvar dawn vartian emaw sawina a ni lo. TO DAWN hi noun anga hman a ni lo va, VERB a ni thung. Grik lamah chuan EPIPHOUSKO (epephousken) tih a ni a; HUN THAR INTAN DAWN sawina “NI LEK LEK TAWH A” tihna a ni. Reckoning time element lamah Zanlai atanga zanlai a ni ve lo —Jews hun chhiar danah.
Matthaia 28:1 leh Luka 23:54-ah “thumal thuhmun” hman a nih laiin, Mizo Bible-ah chuan “tura khua a var dawnin (Matt 28:1)” tih hi “a lo ni lek lek tawh si a (Luka 23:54)” tia dah a ni leh thung, Grik tawng thumal inang rau rau.
Hriat hmasak atana ka duh em em chu —Ni 3 leh zan 3 hi MESSIA a nih ngeizia CHHINCHHIAHNA awm chhun a ni, a dang zawng tihdam rawngbawlna te Jews hovin an pawisa tawh lo. … JONA CHHINCHHIAH CHAUH LO CHU tih a nih tak ber kher kha! ONLY ONE SIGN, NOTHING MORE AT ALL!
FIAHNA TUR chiangkuang a tiam CHHUN chu, a thawh leh ngei tur lam ni ngawt lovin, THLANA ZALH A NIH HUN CHHUNG REI LAM (length of time) ber kha a ni.
Nausen ni 40-a upa a niha Puithiam Sumeona’n “A CHHINCHHIAHNA HNIAL TUR NEN” (Luka 2:34) a lo tihlawk diam tawh pawh kha ringtu inti zingah pawh a lo ni nasa ta mai a nih hi!vengtu
Marka, Luka, Johana record-ah te hian Zing khawvar, a la thim lai tiin thlan an tlawh thu ziak hlawm mah se, WAS RISEN hman a ni daih tawh a, Past Perfect Tense hai rual kan ni lo hlawm awm e. Tin, a thawh leh hun lai chiah an record lo hlawm a, THLAN RUAK an hmuh thu a ni chauh hlawm vek.
Sunday zinga thawhtir tur hian thlan vengtu sipaite khan BRIBED an ni diam tawh a, Pilata ho hovin sum an lo inhlan tawh bakah, “Zanah kan mutthilh hlanin a zirtirte an lo kal a, a ruang an ru bo,” tih a nih kha, chu thu chu Chanchin ziak a nih hun lai thleng AD 38 chhovah pawh intihder nana an la hman zui thu pawh ziakin a la awm zui. Zana a ruang bo tawha an sawi —Sunday zinga tho ang chauhva sawi hi chu vengtu sipaite khan tunlai ringtute hi min deusawh thei khawp ang.
Tin, sawi rik ka ngam em em chu “Ni sarih ni hmasa ber” tih hi lehlin dik lo baksak tak a ni, SUNDAY tih sawina ber emaw kan la ti ta dah. Grik-ah chuan MIAN SABBATON tih leh PROTON SABBATON hi FIRST OF THE WEEK tihna a ni thung a, chu chu CHAWLHKAR HMASA BER tihna a ni. CHAWLHKAR HMASA BER a hman nachhan hi Kalhlen leh Chhangdawidimtelhloh Kut hun laia Sunday rawn awm kauh hi THENTHILHLAN TUK a ni a, chumi atang chuan CHAWLHKAR PASARIH + ONE DAY chhiar chhohva PENTECOST Ni chhut chhuah tur a nih thin vang a ni zawk e.
King James Version leh a dangah te hian FIRST OF THE WEEK ti ta mai lova, FIRST day OF THE WEEK tia thumal pakhat DAY an lo belh (supplied) vangin SUNDAY sawina emaw tih phah a awl khawp mai. Mizo tawngah phei phei chuan NI SARIHNA HMASA BER tiin kan nei a, saptawngin i letling let leh teh ang, FIRST DAY OF SEVEN DAYS tih a ngai ta daih a nih hi!!
I Korinth 5:7 Dawidim tel lo in ni ang bawkin chhang hlawm thar in lo nih theih nan dawidim hlui chu thianfai rawh u. Kan Kalhlen Kutna tur pawh an talh tawh si a, Krista ngei chu;
5:8 chuvangin i kut ang u, dawidim hluia kut lovin, nunchhiat leh sualna dawidima kut hek lovin takna leh dikna chhang, dawidim telh lohvin i kut zawk ang u.
Yeshua Messia kha chawlhkar sabbath nang hman lo chiah tura rawn thi tura rawn kal a ni lo va, Kalhlen Kut hma chiaha thi tura rawn kal a nih zawkzia leh Beram talh ni chu Abib 14 chawhnu tlai lam a nih thinzia TORAH-ah a inziak chiang hle (Exodus 12 & Leviticus 23 etc.,)
Tichuan,
AD 30 kum khan Abib 14 chu NILAINI-ah a thleng a,
AD 31-ah THAWHLEHNI-ah a thleng a,
AD 32-ah chuan THAWHTANNI-ah,
AD 33-ah ZIRTAWPNI-ah,
AD 34-ah THAWHTANNI-ah,
AD 35-ah THAWHTANNI-ah,
AD 36-ah ZIRTAWPNI-ah
Thenthilhlan tuk Abib 18-a Pa hmaa buhphal thar hmasa (firstfruits from the dead) a nih inhlanna hun a hman hman a ngai a … Pa-in Amah Tholeh Yeshua a lo pawm nan leh, Ama thisen kenga van biakbuka a theh thlen chiahin ACCEPTABLE a nih a ngai a, kan aiawh PUITHIAM LALBER leh min leina YESHUA THISEN ngei chu … ACCEPT a lo nihna azarah MESSIA zuitute hi ACCEPT-in kan awm tih hriat chian hi a nihlawhthlak hle a ni.
A tawi zawngin, Tirhkoh Paula chuan heti hian a remarked —
I Korinth 15:3 A hmasa berin ka hmuh ve bawk chu ka hrilh chhawn che u kha; khatia, Krista chu Pathian Lehkha thu ang zela kan sualte avanga a thih a,
15:4 an phum a, Pathian Lehkha Thu ang zela ni thum nia kaihthawha a awm a …
ACCORDING TO THE SCRIPTURE thlarh thlarhin Messia kha kan sualte avangin a thi a, an phum a, Pathian Lehkhathu ang zela ni thum nia kaihthawh a nih thu a ni.
Bible-ah hian A THAWHLEH TUK (Resurrection Morning) tih hi vawi khat mah a inziak ngai lo.
TAWK RIH TEH SE, ziah tur a va kur nasa deuh ve. EASTER SUNDAY hi According to Scripture a nihna pakhatmah a awm lo, a lar ta zawk si!
April 9th, 2012 at 11:01 am
Friday ah char char kan lo ngai fo mahse Chawnghilh lehkhabu ziah ka chhiar leh ka google a ka chhiar atang hian ka fiah ta kuarh asin 😉
April 9th, 2012 at 11:14 am
Grik tawnga SABBATON hi plural number-a ziak a ni tlat, SABBATISMOS tih chi chawlhkar sabbath sawina tak chu a ni.
Leviticus 23-ah sabbath tam tak kan hmu … Ezekiela 20:20-ah pawh sabbaths (plural) hman a ni. Kut nite hi sabbaths vek an ni.
Hebrai-ho hian Kut nite hi SHABBATHON an ti deuh kher a, chawlhkar tin sabbath erawh hi chu HA SHABAT an ti thung.
Passion Week khan Passover Sabbath leh Weekly Sabbath a awm kawp.
April 9th, 2012 at 11:25 am
23
chawnghilh # Ngaihnawm hle mai…Dr. Chawnghilha nge nge, (Dr lo pe ve ngawt mai ang aw).
Sunday zingah thawh tir thin te khan bulfuk fiah fel deuh a sawi tur tan fung kan la nei em aw…nge kan in hlan dial mai dawn le… :-O
April 9th, 2012 at 11:45 am
Sunday a thawh tir phet tum vanga Scriptures Twist vak vak hi chu a dik lo ang 😛
April 9th, 2012 at 11:51 am
Soberboy #20 Lolzzz 😛
In justify ka mamawh hran hleinem. Ka thuziak khi i man lo a nih hmel e. Kei chuan Isua thihni hi KA HRE LO tiin ka’n sawi fak ang e. Hriat loh-ah na na na tu nge in justify tum ang? Ka sawi duh chu heng ni chungchangah hian Bible hian duh aiin a sawi chiang lova, rinthu tlem belh a ngaih avang hian ngaihdan inan loh avanga insawichhiat a that loh thu a ni mai e.
Bible hi a ambiguous a ni tih chu Matthaia 28:1-a Grik tawng hman dan (syntax) hian a tichiang. Grik Opse Sabbaton epephousken hi kawng hnihin a interpret theih tlat a ni. Pakhatna-ah chuan ‘Inrinni tlai tak, ni thar (i.e Sunday) a lo her chhuah dawnin’ tihna a ni thei a. Tin, ‘Sabat a lo zawh/ral a, khua a lo var chuan’ tihna pawh a ni thei tho. Thumal ringawt ni lo hian word order hian a meaning a kai danglam dawrh thei. Bible version hrang hrang pawn an render dan a inang ta lo reng a nih hi.
Isua thawhleh hun erawh hi chu Inrinni tlai leh Sunday zing inkar-ah ka khung ngam thung.
April 9th, 2012 at 12:10 pm
Typo ka lo nei zauh zauh a nih khi … chhiar dan tawk in thiam mai a niang chu … power tha lo, network tha bawk si lo … BARABI hi an khuap dawn tawh em?
April 9th, 2012 at 12:10 pm
Mizote hian Pathianthu hi kan lo va kher ril em…a ropui ka ti.
Han sawi han sawi chuan, a tawpah kan tan ho theih mai pawh ka ring rum rum, Mizo te hi, a dik zawnchhuah leh a dik zawk tan tlat chingte kan ni fur awm e. Pathianthu ah phei chuan, kan thlarau mi-na a ti lang khawp.
Pu Donald te, Pu Zoho te, Pu Art a te, Pu Pka te, Soberboy khan han tuihnih zel ula maw le. :-O
April 9th, 2012 at 12:23 pm
Yeshua thih ni kha hriat loh theih chi a ni lo, TYPE kan hriat chuan ANTITYPE nen a inbukthuah ngei ngei …
Paula’n ACCORDING TO THE SCRIPTURE-in a thi a, ACCORDING TO THE SCRIPTURE-in kaihthawh a ni leh a … a ti ve thei chiah reng a ni. TANAKH hriat chian a ngai hle a ni.
Thuthlung Hlui hriat chian loh chuan, a Thar hriat chian ngaihna a awm lo.
ZOHO-a rawn comment ang khian, JEWS-te chawlawlna pawtseitu chu Kristian-ten a dik ni chuang si lova Gospel kan sawi thin hi a ni.
April 9th, 2012 at 12:23 pm
#27 Soberboy
Isua kha Sunday-a a thawh loh chuan engtik niah chiah maw a thawh a? Inrinni-ah tihna maw? Chuti a nih chuan ni thum thlan-ah a awm pumhlum lo tihna a va ni awm ve!
‘Scriptures Twist vak vak’ ti zawnga inpuh vak vak hi a tha lem lo a nia. Bible translator-te hian an twist a ni lo, a dik nia an hriat angin an letling mai a ni. NIV Bible te phei hi chu khawvela Grik leh Hebrai tawng lama mithiam rual tena an siam a ni a sin. A dik lo zawk hi a tawnghuai huai-ah a tan ve theih bawk a nia. Tumah dik/diklo ka tihna lam nilovin, a thuphungin kan sawi a nih chu 🙂
April 9th, 2012 at 12:30 pm
Ouch!! sawi ve tawh dawn lo! 🙂 ka ngawi ker dawn Friday a thih tir a Sunday a thawh tir hian ZAN 3 thlanah a mu hman si lo! Hairehai ka bang 😉
April 9th, 2012 at 12:35 pm
Khawnge Old Testament expert vakul hi ?
Ani khan han sawi sela a thang ang. Isua thih ni hi a hriat loh theih khawp chu a nih ber hi. Chiang sela kan sawi kan sawi nang 😛 Pawlkhat ngaihdan avanga chiang chi a ni lem lo a nih hi maw. Kei chu KA CHIANG LO a ni e (@)
Pathian lehkha thu angin A thi tih hi chu a chiang mai a, a tholeh tih pawh. Kan sawidan a hrang lem lo tlat. Nge a thi tak tak lo ti pawl te leh a tholeh lo ti pawlte pawh hi kan lo awm reng tawh zawk 😛
April 9th, 2012 at 12:40 pm
#32 donald : AD 30 kum khan Preparation day for Passover (Abib 14) —hmasang hun atanga Kalhlen beram no an talh hun champhaphak kha NILAINI-ah a thleng alawm.
Concerning AD 30 and the Passion Week —
Abib 14 night = zan 1-na (Wednesday night)
Abib 15 daylight = Ni 1-na (Thursday, this is an High Day Sabbath —a day & a statute in a memory of Exodus)
Abib 15 night = zan 2-na (Thursday night, watchmen detailed and the tomb was sealed)
Abib 16 daylight = ni 2-na (Friday, already the corpse was entombed, ointments were prepared to embalm the corpse)
Abib 16 night = zan 3-na (weekly sabbath ushering in)
Abib 17 daylight – ni 3-na (sabbath rest, and late in the evening just as the time of entombment He was raised)
Sabbath evening of AD 30, Abib 17 marked a VICTORY of our LORD OF THE SABBATH, who conquered DEATH … Hallelu Yah!
Morrow after the sabbath, a Sunday morning within Feast of Unleavened-Bread is a WAVE OFFERING … from which point one needed to count seven full weeks + One day for PENTECOST.
April 9th, 2012 at 12:40 pm
@Pu Duhlova, mithiam tak tak chin hi chu (k)an in respect tawn tlat a. Hahaha 😀 Tin, thil chiang fak lo a awm bawk. Lal Isua kha Sabbath kha a chawl a, Sabbath zawh ni tir te, khawvar hmain a tho leh tih hi ka chian chin chu a ni mai. Pu chawnghilha sawi hi a diklohna em em pawh sawi tur ka hre chuang lo va, Isua kha Sabbath ni hma chiahah Sandhedrin mi ngei Nikodema leh Josefa ten phalna lain an la thla a, an phum fel thlap tih hi ka chiang leh a. Tuna kan hman lai hi urhsun tak leh tìh tak zeta hman zui zel hi ka iai lo ve.
April 9th, 2012 at 12:51 pm
chawnghilh,
A calender i rawn tarlan hi ka ringhlel hauh lo. A chhuilet theih vek avangin nang meuh chuan a dik tak i rawn tarlan ka ring a ni. Mahse zawhna awm leh thei chu AD 30 kha Isua thih kum a ni chiah em?
Daniela 9 prophecy atanga chhutin BC 457 kha in chhut tanna a nih chuan AD 26/27 kha Isua baptisma, AD 30 a thih kum. Mahse hei hi chhutdan dik ber a ni em? BC 445 atanga chhut pawh an awm tho va, AD 33 kha Isua thih kum-ah an pawm ve bawk si a. Dual sabbath pawh kha AD 30-ah hian a thleng ni chuan a pawm theih ang chu. Heti zawnga kan chhut chuan Isua pianni tak pawh hi a chiang meuh em ka ti deuh a ni!!
April 9th, 2012 at 12:59 pm
Dr PC Muanthanga te pawhin 1970s hun lai khan Wednesday Crucifixion & Sabbath evening Resurrection chanchin hi chu MAKEDONIA an chhuah thin lai khan an rawn tichhuak tawh, han bih kir mai tur ka khualkhua atang hian ka nei lo hlauh.
Tin, Finis Jenning Dake te, Donald Grey Barnhouse, R A Torrey, W L Pettingill te pawhin an lo ziak nasa ve tho mai!
Milembe Babulon ISHTAR (Easter) hian a luahlan hliahkhuh hneh ta em a nih ber hi!
Jews-ho literature kan khawih a, an sabbath neih zozai leh Kalhlen vuakvet hriat chiansak hmasak a ngai a ni ber e. Ralkhata mi tawnga lo tawng ve chu, a hmunah kan awphawi a dang a, an tawng an hrethiam duh chuang lo khawp mai!
A neitute ta anga kan chhehsak a ngai ziah thin, chutiang bawkin an CALENDAR kan hman a ngai.
Matthaia, Marka leh Luka te hian Jewish Calendar changchawiin an ziak a; tlaikhawhnua ziak Johana erawh hi chuan Roman time hmangin a rawn ziak thung. Chung thil zozai chu kan Mizo tawng atang kan hre pha tawh lo, 3rd hour, 9th hour etc., an hman precise em em laiin keinin “fehrehsan, behliang mun hun” kan ti kikawi duah tawh a … original rendering a hlutna a ni thin ngai e.
Tunlai Bible lehlin thar leh original rendering chu a inpersan tawh hle asin!
Easter Egg kan ti ve lehzel a … HALLOWEEN pawh kan ching leh thuai mai lo’ng maw?
April 9th, 2012 at 1:08 pm
Mizo tawng Bible pawh a changtlun ve zel a lawm le. Lehlin tharah phei chuan A DAR ZAT nen lam a nih hi kan neih tawh 😀 Tha ka ti viau asin kei.
April 9th, 2012 at 1:08 pm
457 atanga 33 han tawngpawng belh hian 490 a ni a. Daniela Hapta kha kum 490 tlukpui (7×70) a ni.
457 BC kha Xerxes-a thupek chhuah kum, Jerusalem tungding leh sa tha tura thupek a chhuah kha a ni.
A tawi zawngin, AD 33 atanga kum 7 chhut kirin AD 27 a ni. A nihna takah chuan AD 26 favang a ni ber a. AD 34 thal chho tlem han hrawm telin.
AD 26 favang atanga AD 27 thal chho kha kum ½ a ni a, kum thum dang kan belh kai lehin AD 30 a ni a, Passover kha NILAINI-a thleng a ni.
AD 31-a sawi thi pawl an awm a, AD 31 khan Passover kha TUESDAY a ni vuh mai a, ni thum leh zan thum leh Sunday zing tinzawn dawn chuan duh aiin ni leh zan a tam dawn lutuk deuh va …
Tin, AD 26 favang atanga Isua kum 30 mi baptisma chang kha i chhut letin 4 BC a han hawl pha chiah bawk.
April 9th, 2012 at 1:19 pm
4 BC chu Isua pian kum-ah i pawm tihna em ni? Zep lovah chuan keipawh AD 30, BC 4 hi ISua thih kum leh pian kumah ka lo pawm thin, mahse tunhnai deuh atang khan secular history leh 4 BC hi a in rem thei lo tlata hriatna ka nei thar a, ka chiang lo leh ta a ni 😛
A chhan chu Kurini-a Suria governor/ram awptu a nih hun lai kha BC 6/7 vel a nih hmel tlat (Luka 2.2). Chulai chu Isua pian hunlai a ni bawk si a, BC 4 kha chuan Rome lamah koh leh a ni tawh bawk si. Date setting hi chu ka chem kalna lam a ni dawn lo a nih hi (&)
April 9th, 2012 at 1:28 pm
hlawkthlak ve chhiar nuam e! ti zel r’u
April 9th, 2012 at 2:02 pm
6 BC an vawrh lar deuh tih chu ka hria; mahse Baptisma a chan lai khan kum 30 mi VEL tiin Dr Luka khan a ziak a, kum 30 a khum var var lo tih ka ring. AD 33-a thihtir pawh hi 6 BC atanga chhiarin a tam lutuk deuh. 445 BC-a Governor Nehemia hova kulh hung kha chhiar tan nan Dispensationalists (Futurusts)-ten an hmang a, Hap 7 + 62 chhung khungah Isua an thihtir lo thei lo va, hapta 70-na an vahvaihtir a.
Daniela 9-ah khan hapta 7 kha chu liam tawh ni se, “hapta 62 HNUAH chuan …” a ti leh kher a, ziaka hmuh ngei tur a awm kha! Hapta 1 la bang laihawla thi tur kha a ni tlat si a. AD 33 kha a thih kuma ruat a remchang tawh lo, hapta 7+62 chhungkhunga thihtir kha a dik lo hulhual tawh zawk. Hapta 1 la vahvaihtir dawn leh lekphei chuan.
Hapta 70-na (hapta hnuhnung ber, hapta khat kha Kalvary ngaihdamna hun a nih vei nen, ANTICHRIST han papek phei chu Messia pawi kan sawi khawp ang le.
April 9th, 2012 at 2:03 pm
6 BC an vawrh lar deuh tih chu ka hria; mahse Baptisma a chan lai khan kum 30 mi VEL tiin Dr Luka khan a ziak a, kum 30 a khum var var lo tih ka ring. AD 33-a thihtir pawh hi 6 BC atanga chhiarin a tam lutuk deuh. 445 BC-a Governor Nehemia hova kulh hung kha chhiar tan nan Dispensationalists (Futurists)-ten an hmang a, Hap 7 + 62 chhung khungah Isua an thihtir lo thei lo va, hapta 70-na an vahvaihtir a.
Daniela 9-ah khan hapta 7 kha chu liam tawh ni se, “hapta 62 HNUAH chuan …” a ti leh kher a, ziaka hmuh ngei tur a awm kha! Hapta 1 la bang laihawla thi tur kha a ni tlat si a. AD 33 kha a thih kuma ruat a remchang tawh lo, hapta 7+62 chhungkhunga thihtir kha a dik lo hulhual tawh zawk. Hapta 1 la vahvaihtir dawn leh lekphei chuan.
Hapta 70-na (hapta hnuhnung ber, hapta khat kha Kalvary ngaihdamna hun a nih vei nen, ANTICHRIST han papek phei chu Messia pawi kan sawi khawp ang le.
April 9th, 2012 at 3:26 pm
Maipawl put aiin a tih chi e.Ngaihnawm biah biah thin ve aw,
Lal Isua hi a laimu a ni miau mai si a.Hnam sakhua chu a bo map map tawh ang chu, 😀
khawnge Vakul (changhlawi lo zawk) hi a awm le…rawn thawh ve se maw le ! 😀
April 9th, 2012 at 3:34 pm
Current a awm loh daih chu 😀
Chhunzawm ang ….
Hapta khat hi dispentationalist ten a reserve a ni mai a, reformed theologian ten chuan an vahvaih tir ve lem lo a sin. Traditional Messianic interpretation chuan Hapta 70 hi symbolic number-ah an ngai a, segment 2-ah an then a. Jerusalem tundin leh Messia lo lan thleng. Hemi hnu hian Messia chu tihhlum a ni anga, Temple tihchhiat a ni bawk ang. Messia thihna chuan Judate inthawina hapta 70-na chanve-ah a titawp ang a, harsatna leh buaina chuan hun tawp thleng a awh ang tiin a sawifiah mai a ni. Date chhut vak vak angai lo a, pawm a hahdam phian maithei a ni.
BC 457 kha Daniela hapta chhiar tan nana pawm harsa ka tihna chhan:
Daniela hnenah khan “Chuvângin, Jerusalem tung ding leh sa tha tûra thupêk a chhuah atanga hriakthiha, lal a lo awm thlengin hapta sarih a ni ang, tih hre fiah thiam ang che.. (Dan 9.25)” tia hrilh a ni a. Mahse Lal Artezerzia khan BC 457-ah Pathian In din tûr leh a chhe hnu chei leh tûr khan Ezra kha a phalsak a ni chauh va (Ezra 9.9). Jerusalem tung ding leh sa tha tûra thupêk chu niin a lang lo.
Nehemia zawk khan BC 445 khan Lal hnenah “Lal remtihzâwng a nih a, i chhiahhlawh hian i mit ka lo thlun thin chuan, Judai ramah mi thlahtute thlan awmna khuaah mi kaltir la, khua chu ka va din leh ang e [Nehemia 2.5]” tiin Jerusalem tundin leh a dil a, phalsak a ni ta a. Chuvang chuan Daniela hapta chu 457 ni lovin 445 BC zawk kha a chhiar tana tur chu ni awm tak a ni zawk.
AD 33 khan high day (ni ropui/special day) leh weekly Sabbath kha a inrual tih a ni a, hei hi la zirchian tur a ni.
April 9th, 2012 at 4:13 pm
A tawp nan Sabbath vawihnih chungchang khi kan sawi leh hram ang e. Art-a rawn sawiah kan khek deuh a, a reh daih sia lo sawi khalh mai teh ang.
Mathaia 28.1-a Sabat tih khi Grik in plural a ni tih phat tur a awm lo – a dik a ni. Mahse plural a nih vangin Sabat vawihnih tihna a ni kher lo tih hriat a tha. Thuthlung Thar-ah hian weekly Sabat sawinan hian plural hi hman a ni fo mai. Entirnan:
1) “Tin, a sei lenna khua Nazaret chu a lo thleng a; tin, Chawlhnia (sabbaton/plural) a tih dan pangngaiin inkhawmna inah a lut a, chhiar turin a ding a” (Luka 4.16)
2) “tin, Chawlhniin ((sabbaton/plural) inkhawmna inah an lut a, an thu a.” (TT 13:14)
3) “Tin, Chawlhniin (sabbaton) kulh kawngkhar pawn lamah lui kamah tawngtaina hmun nia kan rinah chuankan kal a” (TT 16.13)
April 9th, 2012 at 4:18 pm
Pathian thu hi in chhiar liam mai mai lo tih a hriat hle, in hriatna rilzia ka ngaihtuah a, in zah-awm ka ti ngawt mai. Hei hi chu thlarau lam thil pek liau liau a ni. Eng pawl(kohhran denomination) pawh ni ila, hetiang tak a, Pathian thu bel chiang hi chu – in thlarau mi hrim hrim e.
Mitdel Sai dek an sawi thin. Pakhat in a ke a khawih, pakhatin a beng, pakhat in a pum, pakhatin a mei, an han sawi ho ta a, Sai an hriat dan a hrang ta theuh mai a. Mahse, Sai theuh chu an khawih a ni si…Bible pawh hi thlir dan hrang hrang atangin, kan sawi ho va, hriat dan alo in anglo thei viau, mahse Bible chhung thu zel chu a ni hlawm si, tumah in dem leh in hmusit thei kan ni lo ve,
sawiho zel ila, Pathian thu thukzia, sanzia, seizia…kan hriatbelhna tur zel zawk a nia…Pathian ropuinan zel ni rawh se.
Bible letlingtu te hi, an fak awm em em a, an zahawm hle bawk. Mahse thlarau lam thil a nih avangin, an lehlin lai hian an thlarau a muthlu ve fo a nih ka ring thin.
Chuvang chuan, Pu Donald a sawi ang khian, lehlin tharlam hi chuan a thu tum leh kalhmang phawk chhuak zel turin, kan tawngtaipui a ngai hle.
Nepali te, Tibetan etc. Bible letling hmasa tute khan, a letlingtu (hming lan)nih an duh avangin, chuh-helh takin(tisa takin)an lo bei a. A kimlo nuaih te a awm thin. Mahse lehlin thar alo chhuak ve zel a, a zia-awm ta hret hret. Bible lehlin hi, thlarau hruai na a ngai hle.
Vawikhat chu, WM Press, Indiana (US), kan tlawh tumin, tawng hrang Bible karah, hmanlai Mizo Bible lehlin hmasak ho kha alo awm ve ngat….rilru a khawih phian. Mizo Bible, 1964 a The British and Foreign Bible Dociety in Rangoon atanga an siam, Britain a an print kha ka la kawltha ve ran a.. Tamtak chu, tunlai an lehlin tamtak ai chuan a chiang felfai zawk in ka hre thin
April 9th, 2012 at 6:00 pm
Commnet kal zelte chu an va ngaihnawm hmel hlawm ve aw, zanlam ah hmandeuh hun ah ka la chhiar ang e. Isua thih kar ah khan sabbath 2 a awm tih chu pawm hram teh u khai. A ni kan serh duh vang pawh a ni chuanglo a, Paula ni leh thla leh kum serh lam chu uar a tul tawhloh zia kan chhiar vek tho alawm, thudik zawn chhuah hi a tha ber zel a nia. Hun hnuhnung a ni chho tawh a, a ngaihna hria te an insufai chho zel a, a ngaihna hrelo te an hawi a tual tual chho zel dawn a, mi te hi an fing tawh a, pawmdan diklo pawikhawih hian mizo kristiante hi min la rawn chim pha lutuk hrihlo mai pawh a,nakin ah chuan khawthlang ram ang khu kan la ni dawn a, a dik chiah chiah zel zawnchhuah hi uar zel teh ang u khai.
Isua pianni lam ah pawh in lo hre tawh tho maithei a,mi tamtak chhut sual kan tarlang ve leh bawk. BC/AD inkar ah hian 0 hi a awm theilo a(in hre vek in ka ring), chu mai a ni lo a, BC 1 leh AD 1 hi kum hnih nilovin, kumkhat tho a ni tih hi hre bawk ila, chumi awmzia chu Isua hi Sept/Oct(Tishri) ah a piang a, kei chuan Oct 2 hi ka tinzawn a, he kum hi Julian leh gregorian calendar ang a Jan-Dec ang a chhut a ni lo a, Hebrew Civil calendar(luni-solar Calendar) ang a chhut pawh in March/April(Nisan) atanga a pianhma kha chu BC 1 a ni a, a piang ta chiah a, chu kum chu a piankum a nih avangin engtikawng mahin BC a ni thei tawhlo a, automatic in a pian darkar atangin AD 1 a ni nghal daih, chutichuan BC 1 leh AD 1 hi kum thuhmun, hming pakhat a koh theih ve ve anni bawk tih hi hriat bawk tur.
April 9th, 2012 at 6:32 pm
LoL..
Chuan Isua chu Oct 2, BC 1 AD 1 ah maw a pian? :-p
Half century kan siam ve reng reng teh ang, a hlimawm em mai.
April 9th, 2012 at 6:41 pm
April 9th, 2012 at 7:21 pm
He tah hian lo sawi ve teh un!!
April 9th, 2012 at 11:04 pm
Donald, ka hre bak lo, a fact zawng in ka rawn sawi lo a, a calculation chiah ka rawn sawi, he kum hi a ni e tih zawng chuan ka Hebrew background in a tlin ve lo, bak ah chuti takin ka la chik em em ngailo(a chhan a awm a). Ka chhep sual ang in a lang lo theilo,engkum ber emaw a chahna atan eg, ka pek a ngai si a, tuna kan kum chhiardan system base a sawi ka ni lo, chumi kum chu lo ni ta se, chumi kum chu BC 1/AD 1 a split a ni e ka tihna a ni e. I man thiam tawh ang chu maw? Isua pian kum ka hrelo, tuna BC/AD kan hman mek hi chu a diklo a, chuvang chuan Roman in 6BC anti a, Protestant nawlpui in 4BC an ti a, pawl dang thenkhat in 2BC an ti bawk a, dik ber ka hrelo, engpawh ni se, eng ni ber, eng thla ber, engkum ber ah emaw a piang a, chu kum chu BC1 leh AD 1 anni e ka tihna a ni zawk.Chutichuan tunkum hi AD 2012 ah ka pawm bur lo tihna a nih chu.
Sawi tawh ang khan, ka hre rillo, ka chiklo bawk, i chhut dan/pawm dan layout chu ka hrechak khawp mai.
April 9th, 2012 at 11:30 pm
Ok zoho, ka’n fiam mai mai che a nih kha. Chhut dan em em ka nei hran lo.. #41 a ka sawi ang khi a ni mai..tiang lam hi chu ka bangbo khawp. Nia, i sawi ang hian kan calendar hi chu Dionysius Exiguus-a calculate sual vangah ka puh ve deuh tawp mai.
Mahse kan hmanlai ang hi chuan Isua kha BC 8-6 inkara piang a nih ka ring deuh – rinthu mai mai. A chhan chu secular history-a a lan dan hian Kuruni-a Suria governor a nih laia chhiarpui Luka’n a sawi kha hetih hunlai vel hi niin record a awm tlat a. Pahnihnaah chuan Josephus khan Heroda kha BC 4 vela thi niin a sawi a, nausen kum 2 hnuailam suat nena hmehbelin Isua pian kha BC 6 vel tho hi a tin zawnin ka hre deuh a ni.
April 10th, 2012 at 12:05 am
Van mak dawn ve, kei chu Gregorian Solar calendar based chuan BCE 2,3,4 hi a nih ka lo ring ve deuh ngawt asin. ka la chhut tak tak ngailo na a. Hebrew pawh hian Lunisolar calendar 2( civil & ecclesiastical, Nisan & Tishri kumthar based) an nei hrang a, chumi based a thil sawi leh record Julian leh Gregorian Calender hmanga zuk chhut chu a diklo duh thin ngawt mai. Kurini leh Luka account pawh hi chumi problem tahchhuah tho chu a ni theilo maw? Julian calendar based secular document, Luni Calendar based Luka account a sawina?
April 10th, 2012 at 12:31 am
Ka hrethiam bik lo .. LoL
Ka hriatthiam dan chuan Luka account narrate kha gregorian calendar base chuan BC 6 vel ni turah ka ngai ngawt mai.
April 10th, 2012 at 9:02 am
@soberboy 21
Passion week kha eng kum nge tih i hrechiang meuh maw? A kum a zirin sabbath kha vawihnih a awmin a awm lo thei a sin. Sabbath vawihnih theory vawrhlar tumte thuziak hi ka chhiar hne tawh tlat, i link pawh khi ka chhiar lo mai.. Sorry.
Sabbaton plural chungchang chu Pu donalda’n a rawn sawi chiang tawh a, sawi ve tawh lo mai ang. Sabbaton tih a nih vanga sabbath vawihnih a awm tihna anga interpret hi chu a nuihzat thlak hial zawk .. A intu lo lulai lutuk. Mifinglote bumnan chuan a tha phian maithei!
April 10th, 2012 at 9:56 am
‘Bet, a-yin, hay’ Art-a pawh lo lang ve hlawl…
April 10th, 2012 at 10:50 am
Post tupa hi a chiang lo ve hmel hle mai.KJV Bible ah chuan,`In the end of the sabbath,as it began to dawn toward the first day of the week’a ti. Ni tlak dawn thu kan Bible hian a sawi love.Juda ho ni chhiar danah chuan, Ni tlak atanga Ni tlak inkar hi nikhat an tih chu a ni a,an sabbath hi ni sarih chhunga ni hnuhnung berah an hmang thin. Kan Bible in a sawi hi,`ni sarih ni hmasaber tura khua a var dawnin’ tih a nih te hi lo enchian hmasak ve awm tak niin ka hria.
April 10th, 2012 at 11:23 am
59
gopalla a chu chiang awm bik nulh nulh hle mai a…Gopalla kha i ni miau mai a, thlarau mi hmel hle mai.
Bible lak chhawn dan..
Original Manuscripts
Most ancient Copies
Ancient Copies
Ancient versions
Vulgate
Wycliff
Tyndale
Coverdale
Matthews
Great
Geneva
Bishops
King James
Revised version
American Standard Version
Original atang hi chuan, King James te hi chu a hla mah mah tawh a, Mizo tawng te phei hi chu a hla tawh fu, mahse anla let tha viau tho ve, Original lamah chuan e, “Now late on the Sabbath, as it was dawning towards of the first day of the week,..” a ti hnap mai. Mizo tawng hian a la let fuh zawk hial nghe nghe “Tin, chawlhni tlai takah, ni sarih ni hmasa ber tura khua a var dawnin…”.
A nihna tak hriat chak tan chuan, King James version te chauh hi chu a ler deuha, lung a dum lemlo ve. Misual a mi-hrang ho thu-in chuh khi a bangvarc thlak khawp e.
April 10th, 2012 at 1:55 pm
Mr.Duhlova,i chiang fahran lo a ni ang.I post ah khian ni tlak dawna hmeichhe thenkhat thlan kal thu te i rawn ziak vak ringawta,i thu lakna Bible a that thet thawt nen i hai chhiava a ni e. Sapin `dawn’ an tih hi mizoten `vartian’ kan ti, tlai lam sawinan kan hmang ve leu.
April 10th, 2012 at 3:51 pm
61
gopalla # I hriat hmel hle mai a, mahse, i han sawizau deuh dawn teh ang aw.
‘Noun’ ah chuan,’ the time of day when light first appears’ atan an hmang ber a, eg. they start work at dawn. Chuvangin tamtak chuan noun behchhanin, zing vartian lam zawk hi an hawitir a ni thei awm e.
Mahse,’Verb lam thlir chuan, ‘a period of time to begin’ atan an hmang ve leh tho va, eg. ‘a new technological age had dawned’.
Bible in Lal Isua thawh hun sawi a tumdan hi, a hun thu leh Isua hunlai a, sana leh calender (tuna kan hman ber) ala awm si loh avangin, an Ni chhiardan zulzui a, Sabbath zawh hun ‘tlai ni tlak’ hi ni thar (first day of the week) intan na a nih zawk miau avangin…helam hi kan han hawitir a ni e.
I pawite ka lo sawipalh a nih chuan ‘thupha ka chawi e’
April 10th, 2012 at 4:19 pm
Ka’n lo bih ve chhin…
Matthaia ziakah hian a hun sawi dan chiah hi hriat a har deuh a, ni sarih ni hmasa ber thlen dawn i.e. Inrinni khaw thim dawn leh Pathianni khawvar hma a kawhtir theih ve ve tlat… Johana ziak lam kan en chuan (20:1) ‘zingah, khua a la thim laiin,’ tih a ni a, he ta ‘zingah’ tiha Gk. ‘proi’ hi Judate’n zan ven lina an sawina tawngkam a ni a, chu chu zing lam dar 3-6 inkar vel a ni awm e.
Ka bang nghal
Thli a thaw vuk vuk mai a….
April 10th, 2012 at 4:51 pm
Rome sipai duty ho kha lo zawt chiang deuh sela an hria angem le. hehe
April 10th, 2012 at 5:15 pm
Ni e, Mathaia ziak hi chanchin tha bu dang kan en tel chuan a render dan tur awm chu a chiang mai. Marka chuan ‘zing takah, ni chhuah hnuin’ a ti a; Luka paw’n ‘vartianah’ rimtui kengin thlana an kal thu a sawi bawka. Emmau kawnga thiandun kalte pawh khan hmeichhe ho kha Isua thlanah zingah an kal tih an sawi bawk.
Biblical accounts atang hi chuan hmeichhiate thlan kal hun kha zingkar a nih hmel khawp mai. Mahse zingkarah a tho tih erawh a kawk chuang lo. Zingkara thawh tir tum tlat hi a dik lo kan ti a nih chuan, Sabbath ni-a thawh tir phet tum hi a dik bih hauh lo. Diktak chuan Bible a kalh hmel riau zawk. Bible-a inziak dan pawm mai hi a him ber.
Kan phak ang tawka kan zir hnua alo dik loh palh a nih chuan kan mawhphurhna a sang em em lo vang. Khawngaihtu Pathian kan nei a alawm le. A inziak sa ring duh lova, rin dan hran kan nei a nih a, a lo dik silo a nih thung chuan a pawi khawp ang.
April 10th, 2012 at 5:47 pm
64
funny # Ni e maw, lo zawt chiang felfai sela a tha tur, mahse Rom sipai lo va zawh duk duk kha.. a ralmuan thlak loh deuh nge ni dawn ni…
Tlaikhaw hnu..a lo kal leh dawn tawh lamah misual hovin a lo sawi ho ve laih laih pawh a tha tho ve…a mah kan la zawt chiang dawn nia. Amah ngeiin a hre ber ang.
April 10th, 2012 at 5:54 pm
Eng ni pawh chu lo ni se, no prob!
April 10th, 2012 at 6:16 pm
67 dik chiah. A ni hi buaina tur a ni lo. Engni ah pawh kan Lalpa kha lo tho se, a tholeh tih hringfate hriattir kan nih NI chu Sabat ni nilovin, Sunday a ni miauva, Easter hman hi a diklohna pakhatmah a awm lo. Kan hmang zel bawk ang.
April 10th, 2012 at 8:35 pm
Ni e, a ni ah chhandamna a awm lo, Isua thi a tho leh ta ah khan a ni e.
” Chutichuan, ei thu-ah emaw, in thu-ah emaw, kut ni thu-ah emaw, thla thar thu-ah emaw, chawlhni thu-ah emaw, tuman sawisel che u suh se;chung chu thil lo thleng turte hlim a ni, a tak erawh chu Krista ta a ni.” (Kol 2:16) a tih kha.
April 10th, 2012 at 8:45 pm
@69mr.Duhlova
Ka AMEN thlap e.
April 10th, 2012 at 9:41 pm
mr.Duhlova,ka pawi i sawi love, hetianga ngaihdan han chawhpawlh rap rap hi a nuam alawm le..
April 10th, 2012 at 9:43 pm
@61mr.Duhlova,ka pawi i sawi love, hetianga ngaihdan han chawhpawlh rap rap hi a nuam alawm le..
April 11th, 2012 at 7:34 am
70
Art-a #
71
gopalla # Praise God, Helleluyah !
April 11th, 2012 at 10:15 am
In lova inhnial nasa ve a.
Thurin pawm danah hian pawl hran hran hian chak bikna kan nei theuh a. Baptisma chungchang pawh hian Baptist lam hi an tawh a khirh duh thin khawp mai. He topic-ah pawh hian Chawnghilha hi a che tha lek lek mahse Donald leh Art-a te ngaihdan hian ringtu nun a veng tha khawpin ka hria.
Islamic Foundation Course buatsaihin Dr Zakir Naik, Muslim lam thehchhuah leh Pastor Rooknudin kha mipui hmaah an inhnial a. Zakir Naik-a hian Jona Sangha pumchhunga awm rei zawng leh Thlana Isua awm hun chhung inang lo zawngin a lo bei chiam a. Mahse kan pastor hian duh angin a counter tha lo khawp mai. Debate thlir mai chuan a tho leh lo a nih hi tih mai theih tur a ni.
He hla thu hian ngaihdan zial fel mai ang u aw. Comment leh post a ngaihnawm hle mai!
I serve a risen Saviour,
He’s in the world today;
I know that He is living,
Whatever men may say;
I see His hand of mercy,
I hear His voice of cheer,
And just the time I need Him
He’s always near…
April 11th, 2012 at 10:27 am
October 2 a Isua apian chuan Mahatma Gandhi nen an birthday an share anih chu.
April 11th, 2012 at 12:46 pm
Rom sipaite zawh chi anni nang, an khenbeh bak chu engmah hriat leh tih an nei ve lo. Isua thlan vengtute chu Juda tiangkengtute, pharisaite pulit, Temple guard, Isua a dam lai a man tum a veh veh tu, getsemani huan a mantute tho kha a thlan vengtute chu anni zawk e. An DAWT PHUAHCHAWP atang pawh hian Isua thlan hi inrinni zan ah khan a ruak daih tawh tih hi a chiang tawk e.
“Zan ah, kan muthilh hlan in a zirtirten an rawn ru chhuak” an tih zawt zawt hi, pet pawt hlawm a.
Rom sipaiten thlan chu veng ni se la, a thawh leh khan pilat-a hnen ah zawk FIR an thehlut ang a, pharisaiten dawt hmangin an thup thei miahlo ang.
April 11th, 2012 at 4:22 pm
75
zoho # I hi zoho a rawn lang leh tlat mai..