«
»

Mari Magdalini

April 27th, 2012 1:50 pm by Dr Mahminga Sailo

“Hmeichhia, engatinge I tah? Tunge I zawn?” (Chanchintha Johana 20:15)

Thihna hneha a thawh hnu lawka Isua’n, Mari Magdalini a zawhna a ni.

Hmeichhia fak leh mai ang hmiang! A hma thu te kan chhiar chuan Mari Magdalini hi Isua zirtir dangte nen vartian ah Isua thlan tlawh a kal an ni. Thlan an thleng a, thlan inhawng an hmuh chuan; Peter-a leh a thian te chuan thlan ko atangin an bik dek dek a, an tlankir leh nghal mai! (Petera hi chu tunlai tawng takin a confi-over ve ngawtin ka hria… :-) )

Mari Magdalini erawh, finfiahna hmu lo chuan kir mai a tum lo!

Ngaihtuah chiang teh. Nula si, zing kar kara, mahni chauhva thlan chhunga a awm ngam hi! Nula huaisen a a va ni tak em! Isua zirtir te ngei paw’n thlan enfiah lem lovin an tlan let nghal mai a; Mari Magdalini erawh chuan thudik hriat tumin, fiah a tum tlat a. Tap chungin, ngenngawl takin thlanah hian a nghak ta chawt mai a nih kha.

Khatia thlan va tlawh zingah rau rau khan, Isua thawhleh chungchang an sawi theuh kha, min hrilh ta diat diat se. Tu thusawi nge rintlak ber ang? Ele, Mari Magdalini thusawi ngei kha le, ani chuan Isua ngei hmuin a be tlat alawm.

A hnialkalh duh tan erawh, Isua’n Thoma a zilhna thu (Johana 20:20) hmangin in hnial thei ang. :-)

Hmeichhia te u, Mari Magdalini angin Pathian ringin, a thu ngaichang thin ula. In pasal-fanau, laina, thenrual leh khawtlang tan hian in va tangkai lehzual dawn em!

 

Similar Posts:

Recent Posts:

This entry was posted on Friday, April 27th, 2012 at 1:50 pm and is filed under Advice, Mizo Society & Culture, More than words, Opinion, Religion. You can follow any responses to this entry through the RSS 2.0 feed. You can leave a response, or trackback from your own site.

24 Responses to “Mari Magdalini”

  1. 1
    TuaiSialA Says:
    April 27th, 2012 at 1:52 pm

    A thu a ṭhat hmel bawk a, chhiar hmasa phawt teh ang.

    Report this comment

  2. 2
    Phivawk Says:
    April 27th, 2012 at 2:17 pm

    (Y)

    Report this comment

  3. 3
    James Bond Says:
    April 27th, 2012 at 2:28 pm

    Easter Sunday a post tur niawm tak, Ni 19 laiin a lang tlai alawm. April 8 aiah April 27 ah.

    Report this comment

  4. 4
    bucko Says:
    April 27th, 2012 at 2:34 pm

    (Y) Hetah hian Mari hi mi ti kher kher tak, A hmuh phawt loh chuan a tho leh tih ring duh lo tlat mai kha a ni a, (Thoma ang deuh khan)A tho leh ngei a ni tih fiahna hmuh a tum tlat a, hlau leh hlau lovin thlan bulah khan a awm ta reng a ni. Thlan kawngka bul lawk a lungpui lian vaklo chungah a thu a, a in dawm kun reng nghe nghe a lawm….. he he NOI

    Report this comment

  5. 5
    bucko Says:
    April 27th, 2012 at 2:36 pm

    Kan venga pa pakhat chuan Magdalin Mari a ti kher thin…

    Report this comment

  6. 6
    roseparvul Says:
    April 27th, 2012 at 2:45 pm

    Petera phawr phawr hi chu kawmchian a chakawm ngawt mai. Good paws

    Report this comment

  7. 7
    Dr Mahminga Sailo Says:
    April 27th, 2012 at 3:07 pm

    @ James Bond… Nia, ka che tlai deuh a ni. Note ka’n ziak tel ren rawn a, ka paih leh ta daih a… :-)

    Vartian lehnghala mahni chauhva thlanmuala chu kal ka ngam teuh lo… :-[ :-O

    Report this comment

  8. 8
    PKfanai Says:
    April 27th, 2012 at 3:29 pm

    Mari Magdalini kha chuan Lal Isua kha a Hmangaih takzetin ka hria. Engmah hlauh pawh a neilo a, A thih hnuah pawh khan a hmangaihna kha a chuai ve chuanglo tih kha a chiang khawpin ka hria. Tholeh Lal Isua pawh khan a thawhleh hnua mihring a biak hmasak ber aniin a lang bawk.

    Report this comment

  9. 9
    sheldon Says:
    April 27th, 2012 at 3:41 pm

    Post tupa (Y)

    Hmeichhia hi chu kan heti tlat alawm..hehe

    Report this comment

  10. 10
    Chemtatrawta Says:
    April 27th, 2012 at 3:48 pm

    Roseparvuli hmai hlai tha phek phawk ang tiat vel hian, sheldon-i ze zawi raih ang maia inhnit hlep hlep paha min han kuah chial tawh hi chuan, sandman anga inti pa ni mah ila, soberboy ang vela hnialkhan hre tan lo chuan, thinrim sa teh thin mah ila, dr mahminga sailo ang vel hian ka kur hniam leh diam diam thin..

    Report this comment

  11. 11
    Dr John Says:
    April 27th, 2012 at 3:54 pm

    (Y) Gud post. A Ngaidam tam apiangin an Hmangaih tam thin! Mihring reng reng hian, kan felloh viau pawh-a min hrethiam hram thin-tu leh kan fellohna-te min khuh-mawi sak thiam thin-tu apiang kan ngaina thin. Mari Magdalini (Magdala khua Mari) pawh hi hei chiah hi a dinhmun a ni. “Hmangaihna-in sual tam tak a khuh thin” tih a nih kha. Mizo hlaa ‘A chul nel peih peih’ tih nen erawh a tum a dang mai thei :-P

    Report this comment

  12. 12
    roseparvul Says:
    April 27th, 2012 at 4:14 pm

    Chemtatrawt hmeichhia angin i rawn intehkhin tihna em ni? :-[ :-[

    Report this comment

  13. 13
    Dr Mahminga Sailo Says:
    April 27th, 2012 at 4:20 pm

    Nia, Mari Magdalini hi chuan, Isua kha a ngaina zual bik ngawtin ka hria, a zirtirte zinga tel ve si lovah chuan.

    #10… :-D

    Thaibawih min tihna a ni em aw? ti ngawt ila, thai ka la nei bawk si lo.. :-P

    Report this comment

  14. 14
    sillyBoy Says:
    April 27th, 2012 at 4:23 pm

    Hmeichhiate hi chuan mipa aiin an thil tih hi an la serious thei zawk a, tih tak takin an ti bik. A that chang a awm a, a fuh loh chang lah a tam. An rilru zawng zawngin an ti thin ni berin ka hria.

    Report this comment

  15. 15
    Chemtatrawta Says:
    April 27th, 2012 at 4:40 pm

    roseparvul… i hmel a ropui lutuk tihna zawk..hmai tlang tha zeih zawihin min han tah khum a han tih ngawt ai anih khi.. :-)

    Report this comment

  16. 16
    Art-a Says:
    April 27th, 2012 at 5:38 pm

    Mari Magdalini fak kan tum lutukna lamah Bible sawidan niloin kan helnuai deuh a va ang ve. Hawhteh u, Pathian thu hi kan sawi dawn a nih chuan ngun deuh zawk hian i bihchiang teh ang u. Post kan siam thei a nih chuan thil harsa vak a ni lo a nia. Pathian thu hi basa ngam lutuk tur a ni lo e. Dik taka sawi turin Pathian pawhin min phut a ni.

    1) Petera leh a thianpa khan Thlan ko atanga bih dek dekin an tlan kir nghal mai lo. Petera kha thlan a rawn thlen khan a chhungah a lut nghal, tlankir leh lovin (Jh 20:6). Diktak chuan Mari zawk kha thlan a va thlen khan lung lumsawna awm a hmuh khan lut lovin a tlankir nghal a, Petera te a va pun a ni (Jh 20:1,2).

    2) Mari kha amah chauhin thlan chhungah a awm lo. Thlan pawnah a tap a, thlan chhung a zuk bih dek dek zawk a ni (Jh 20:11). Marka chuan Mari leh hmeichhe dangte thlan chhunga an luh thu chu a ziaka, mahse ani pawh hian Magdalini amah chauhva thlan chhunga a awm thu a sawi lo.

    Conclusion erawh khi chu a tha khawp mai.

    Report this comment

  17. 17
    Dr Mahminga Sailo Says:
    April 27th, 2012 at 5:54 pm

    # 16… Art-a, Ka va’n lawm em! Hetiang comment hi a hlu tak zet… (Y)

    Tlang takin sawi ila, he thu hi Pathian thu hril pakhat sawi ka hriat a ni a. A sawi thiam em avangin min hneh phian a, ka’n thar thawh ve leh a ni. Comment hmasa lama ka sawi tawh angin, Note tawite ka ziak zet a, ka paih leh ta a ni. Behchhan tarlang thlapin i sawifiah a, a chiang e… (Y)

    Nia, ka tarlan duh ber erawh, tlipna khi a ni e.

    Report this comment

  18. 18
    mamboihi Says:
    April 27th, 2012 at 6:57 pm

    Nia, Mahminga thu hi awih tum teh ang u… :-) Pathian hian hmeichhia hi lo siam tel ta lo se, mipa ho chuah hi chu a rapthlak ngawt ang! :-P

    Report this comment

  19. 19
    ^-||R@lT€||-^ Says:
    April 27th, 2012 at 7:10 pm

    Last para (Y)

    Report this comment

  20. 20
    buh-duha Says:
    April 27th, 2012 at 7:46 pm

    FRIDAY PUAL tih ve mai atan a van tha ve (Y)

    Report this comment

  21. 21
    zawlpala Says:
    April 28th, 2012 at 12:12 am

    (Y)

    Report this comment

  22. 22
    zoho Says:
    April 28th, 2012 at 12:15 am

    He mi zawh ah hian Evi rawn post leh chiah la, kan hmeichheho chu kan meng hnuai leh raih mai ang. :-P

    Hriat zau nan mai mai, defamation case a hlauawm tawhlo tur ah ngai in:
    Mari magdalini hi Isuan hmeichhe uire an man an denhlum tum a chhanchhah tak te, a kawchhung a ramhuai 7 a hnawhchhuah sak te leh Isua ke sahriak rimtui sawh keh a chulhtu kha a mah vek hi a nih hmel bawk.

    Report this comment

  23. 23
    Dr Mahminga Sailo Says:
    April 28th, 2012 at 12:45 am

    K’u mamboihi chu thu i awih sain ka hria, ka scooty i nuihzat deuh tih mai loh chu… :-D

    @zoho… Nia ti raw. Hmeichhe duai lo tak chu a ni ve hrim hrimin ka hria… (Y)

    Report this comment

  24. 24
    lrpa Says:
    April 28th, 2012 at 3:14 pm

    Good post (Y)

    Report this comment

Leave a Reply

You must be logged in to post a comment.