mi(sual).com

“ Mahni pianna ram ngei a awm, bialnu/bialpa nei ten hemi zan hi engtin nge an lo hman ve ka hre lo. Mahse kei ve thung erawh chu hemi zan ah ngei hian ani hmagaihna hian mi alo tih buai theihzia leh rilru a lo tih hah theihzia ka hriat thar ni. Hmun danga lehkha zira awm leh exam nei mek lai ni chung siin ka tan chuan lehkha zir ai chuan ka DUATI khan ka rilru a luahkhat hneh zawk si a. Ka lehkhabu leh pen la ta lo chuan ka phone nung ve tawk tawk chuan ka DUATI chu ti hian sms ka han thawn a, “ Ka duat,enge i tih a, keichu i awm loh vang nge ka ni huih mai, lehkha zir rilru ah po lang thei lo” tiin.

A sms reply nghak chung chuan ka room mate, tumah han duata, biak tur nei ve em em lo pa nen chuan kan titi mawlh mawlh a. Ka Duati sms min reply tur mit sir lehlama ven reng chung chuan ka thianpa tui tak maia a han titi bawrh bawrh chu mit khap leh che miah lo a ngaithlak chu har ve tak zawng chu ani. Mahse a chhan ka hre lo, ka duati chuan min reply tlat lo!!!. Nidang ah chuan ka sms tur hi a hrelawk emaw tih mai tur hian a in deliver rual rualin min rawn chhang let leh nghal thin kha ani si a, mahse zanin chu a ni tlat tawh lo!!. Zan dang chu nise ka hrethiam thei mai ang, mahse zanin kher kher ah,Mizoram ah phei chuan an hmang uar bik emaw tih mai tur anih vang nge ngaih chu a ngam har tan ta khawp mai. Chutah ka call ta, ala pick up thei bawk si lo.

Ka room mate nen 24 zan pa taka lo hman ve bawk nen chuan ngaituahna ani lo pui pui in a ron lut chho tan ta. Rilru ah ani lo zawngin setana thlemna nge po hriat ni lo,a ron lut zung zung bawk nen chuan awm hle hle a har tan ta khawp mai, kan tui in lah a hna a rawn thawk tan bawk nen. Bialpa thar a neih vanga reply leh pick up duh lo ani thei ang em? Mahse chutianga kei min kalsana midang tang nema a bei tur kha ka ngaituah zawng ringawt po hian in that nghal mai ka duh, a chhan chu ka lo Hmangaih tawh em vang ani. A pick up leh reply theih loh na chhan min rawn hrilh bawk si lo nen rilru hi chu avan hah tak em.

Exam nei mek lai pawh ni ila lehkha zir ai chuan ka Duati khan ka rilru a luah khat hneh zawk si a. Ka call zin leh sms ka thawn tam pauh leh ka rilru hah a zual zel si. Chutah a u te ka call a, a u te chuan “Naktuk ami hla an rem tur kohhran zaipawlin an zir a, a rawn haw tep tawh ang” tiin min rawn chhang a, tlem chuan boruak hip dan pawh a zia deu. Mahse kan thil tui in in hna a rawn thawk leh tan ta, chutianga hla zir tur te chu tinge sms tal pawn mi rawn hrilh loh tiin ka room mate bulah ka sawi a, ka room mate lah a lo thawk ve tawh bawk nen, “ A u nen an tangrual anga, an bum mai mai che niang, hla an zir awm lo emai. An zir dawn chuan a hma daihin a zir thin alawm, a bialpa nen an awm dun aniang” a ron ti ve chiah bawk nen, hlimna zawng zawng kha thawk leh khatah thinrimna ah a chang nghal.

Ka rilru a hah chho leh tan ta, zan lah a rei tawh bawk si, a sms ka hmu thei bawk si lo, chutah exam mek e ti lo chuan lehkha zir chu vana rah ang vah ani tawh. Ka awm mai mai lai te hi ka lu chung ah hian chhum dum chhah pui mai hian min hual hian ka hria a, chu ta kara trek phe zuai mai chuan ka thinlung tak mai hi a rawn chhun na vek mai hian ka hria a. Mipa inti ve dawhtheih loh hun a rawn thleng ta, hmangaih ringot mah ila, min hmangaih ve si loh chuan ka tan engmah a sawt lo, ui tak chungin then angai dawn anih hi, ava rapthlak em. Hetiang ringawt chang tur chuan tinge Khuanu hian he khawvelah hian min lo dah ve ni, awm lo law law ila ka tan chuan a hahdam zawk dawn si a. Ti chuan ka room mate nen chuan chutia rilru ka siam zawh chuan a lawm nan tiin tui no khat chu kan han tlak ta pap a.

Guitar chu kuah zuiin ka rilru atangin ka hnawt bo tawh tih entir nan kan han Hey Tonight chho tan a. Chutia kan Pahnih te leka kan zai dun lai chuan chan loh khan atang hian ka sms tone hi a rawn ri a, beisei nei tak chungin ka en, ka va han lawm tak em, amah ngei ani, ka Hmagaihi ngei ani., “ Hla kan zir a, ka hah lutuk, a dawn hnaih ah a ti leh vak zel a, ka mu dawn, min lo hrethiam mai o, plz..muah2” pawh rawn ti mahse ka tan chuan naktuk zing kha kum sang khat ang ani dawn, ka thinrimna leh ka rilru hahna zawng zawng sawm khawm phei chuan nghak thei dinhmun ah ka ding tawh lo.

Balance en miah lovin leh tu dang ngaihtuah lo in ka call nghal, a lo pick up ta! A aw chu damlo tawngthei lo pawn ngaithla se, “ Angel em ni i nih” ti thei nghal hial khawp a mawi leh nalh ani asin. A aw kha lo record a engtik lai mai pawh a ngaithlak ka chak thin asin. Tlaivar thaka biak kha mi zan kha chu ka va han chak tak em!! Mahse hun hman dan a in ang si lo. Hla zir chau pawh hre chang lek tawh lo a a mah kha LUMEN mai ka chak asin(hahaha). “ Ti nge i hla zir tur thu te sms tal pawn mi rawn hrilh lova”, thinrim mahse lawm tak chung si hian ka han tia.

Ani chuan “Ka u in ka phone kha a keng daih a, i sms rawn thawn po kha a hmu a. A u in hei chu a rawn haw hunah hrilh mai rawh se alo tia. Keiman phone hman tur ka neih lo phah a, chuvang anih kha, ka tihpalh lutuk aw” a rawn tih phei kha chuan ka zawr thlep hnawk hian ka in hria a. Chutah kei chuan a beng ka ti ngawng ang tih hlau ni awm tak hian “ Ka Duat, tun chin ah chuan i chanchin hi min hrilh zel tawh rawh aw. Voi khat phone i keng lo a, min reply theih lo vanga ka tuar nasat zia te hi, engmah ka ti thei hlei nem. Thil nilo zawng hlirin ka lo thlir hman tawh a. Bialpa dang i nei anga, a hmuh lain min ron be ngam lo tur ah char char ka lo ngai tawh hman asin. Ka hrilh ang che duat, ka Hmangaihna mit atang chuan i bula mipa tawh phawt chu ka hmelma an ni asin, mahse hei chu ka thiam loh anilo, nangmah ani. A chhan chu nang ang em ema Hmangaih ka la neih loh vang ani” ka tih zawh chiaha min chhan na khan ka Hmangaih theihna sang ber, a ler ah tak min han vawrh chho hian ka hria a. Ti hian min rawn chhang a, “ Ahhh…i ti mak e, bialpa dang chu soi suh, teuh lo lutuk. Nang tluka ka tana tha leh fel hi he khawvel ah leh, khawvel dang ah po an awm tawh lo ang. Keipon ka Hmangaih che lawm” tiin.

Hetih lai hian ka room mate hian kan inbiak dan zawng zawng hi alo hreve vek nge po ka hre lo, Ka Hmangaihna zawng zawng baka min hmangaih tir leh a tum nge ka hre lo, a aw thum leh nalh tak mai, hollow guitar ngei nen a “Forever Ever, Amen” ti a min han chawm chhunzawm kha chu ka tan chuan ka Dec 24 zan kha theihngilh chi ani tawh lo. Chutia ka room mate tui tak maia a zai lai chuan keini pawh in mangtha lam kan hnaih ta a. Chuan ka mangtha pah chuan ka theih ang tawka aw mawi leh tham hniam raih, a ek po ti chhuak nghal vang vang thei tur khawpa mawi tur chuan Ka Duati ngei hnen ah chuan “ KA HMANGAIH CHE” tiin kan in mangtha ta a. Ava han nuam tak em” tiin ka room mate chuan min hrilh mawlh mawlh a.

Similar Posts:

• Nangmah nge Keimah
• Mobile phone leh hmangaihna
• Mipa leh Hmeichhia
• Sometimes when we touch
• Ka thian tha ber

Recent Posts:

• Ka chhun mumang…………..
• Skin cell atangin lungphu!
• Kan nun hlui
• Ti fuh lemlo angreng!!
• India ramah Kakuk tih ngona an zuar

This entry was posted on Monday, April 9th, 2012 at 10:00 am and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.