Mobile phone chu electronic device,cellular network hmanga mobile operator te nen. . .tih duah ka han tum laklawh a, ka han inngaihtuah buai lai tak chuan rimawi engemaw rawn ri chhuak riai riai tur, rawn inpuahchah vel, beng dar la thleng pha chiah si lo, a la ri chhuak ngei dawn ani, tih hriat bawk si chuan mi rawn zar buai thut mai a. Chu rimawi chu a ring tial tial a, ka hriat tawh hnu ni tlat hian ka hre lehnghal a. Ka’n ngaithla vang vang a, ka nalh tih zawng tak hi a lo ni lehnghal a. “Inlarna ka hmu dawn a ni mai awm mang e aw…”, tia ka lo inngaihtuah rilruk lai tak chuan – ka mal bawr vel chu a rawn khur der der ta mai a!
Ka lo inrin lawk lemloh vang chuan ka han phu deuh zawk a, ka mal vel chu ka han dap a, ka dap fuh hlei thei lova. “Rannung engemaw hi ka lo ak hlauh aniang a,” tiin ka ipte chu ka han zen leh chhin a, chutah ka dap fuh ngei hian ka inhria a. Ka han vuan a, ka kut te pawh chu a khur der der a. Rang em em maiin ka han phawrh a, ka han en chian chuan – Ka mobile phone hi alo nia. ‘1 missed call- Airtel’ tih leh ‘1 unread message’ tih hi a lo awm a. “A pawimawh viau ani awm mang e aw”, tiin ka han chhiar vat vat dawn a…
uy enteh lal,ne t a? Nai bn tp ce..mwahX3
tih hi alo inziak a. Han chhiar puat ka tum ngawt a, mahse Mizo tawng hi a lo ni tawp lo mai a. Ka han en vang vang thin a,”Tunge ni ang aw,” ka ti rilru a. A rawn thawntu number chu ka han en bawk a…
Oh! Nilo, hei chu ka hre leh si, tuemaw te te mawle. A message risk pah chuan ka rin thu in Mizo tawng chuan ka han let nghal zung zung a…
Ui ha! Zanin chu ka lung a va han leng tak em…
Enteh ka duhlai,
Tunah enge I tih mek ang le?
Ka ngai thei lutuk che a,
Fawp vawng vawng nang che…
tihna ni awm ta ber khan ka hria a. Chumi ring chung chuan ka han reply ve ngawt a:
Keipawhin ka ngai che alawm.
Mahse nichin lawk khan kan inhmu zo chiah bawk sia,
Midang I thawn tur mi rawn thawn palh hlauh chu a ni si lo maw?
tiin.
Ka thawn zo chiah a,”A thleng tawh ang em aw…”, tia ka lo ngaihtuah lai tak chuan,’1 unread message’ alo inti leh der tawh maia.”Tunge niang aw,” tih rilruk nak a laiin, tawng hriatloh bawk a ni leh ta a…
he2 vn cimwm reu tk.Indh emy mn nai l c… 
tih kha a nia.
A thawntu ngai tho a nih vangin ka han let leh a, a harsa riau mai a…
Fiamthu ah I ngai a ni maw?
I va han ngeiawm ti dawn ila,i duhawm tho bawksia,
Mahse mi biak that peihloh danah min ngai ve tak tak lo a ang ka ti e,
Nuam pawh ka ti tawhlo
tiin.
Ka han let zo chiah a, reply dan tur ngaihtuaha ka lo buai lai tak chuan ‘1 unread message’ tih bawk chu…hetiangin:
matre mu2 t tw meh? Rep thra peyhlou we…
Ka message thawn tur pawh chu ngaihtuah hman lovin ka han let risk leh pawp a:
Ka enchimloh par dawn tuai tirte,
Laikhum belh zai I rel hman tawh em maw?
Chhan zai reng mi rel tak loh le…
tiin.
Chutah, ka buai mup mup tawh, reply dan tur ka ngaihtuah lai tak chuan,’1 unread message’ bawk chu a lo awm leh hman a, Mizo tawng nilo, mahse tun tum chu tawng hriatloh dang ang kha chu a ni ta lemlova:
Roses r red,
Lilies r whyte and,
Violetz r blu…
…
I jst wnt 2 tell U dat I miss U..
Gunyte&TweetDrmz.
tih kha ania.
Ka thinlung ah hian thil tam tak a awm a:
Rose par mawitu chu rawng sen a ni a,
Lily par pawh chuan a var a mawipui ber a,
Violet par pawhin a pawl lo chu a mawipui bik chuang hlei lo’ng e…
Diktak chuan tunah hian ka ngai lutuk che asin…
Muttui mangtha ngawih ngawih le
tiin.
Chutiang thu chuan mi hneh ve riau a. Ka ngai ve ta riau hian ka in hre ve ringawt a. Mahse thil pahnih ka lo ngaituah zui mai mai a:
-A message ka dawn te kha Mizo tawnga lehlinna khawl te hi awm ve mai mai ta se tih leh,
-Mobile atang hian hmangaihna te tak te te hi hmuh tham silovin a lo inthawn theih anih dawn hi…
tiin
Similar Posts:
- Mizoramah Reliance hmangtute tan SMS Free
- Mobile-phone hman dan dukdak lo
- Mobile Phone ka nei ve a
- Rawtna – II (comment chungchang tho)
- misual.com fans/like 10,000 kan cross e!!!
November 30th, 2010 at 3:03 pm
Mobile phone chhas i nei ve em?
[Report abuse]
November 30th, 2010 at 3:07 pm
Nei lo!
Hei hi hre rawh….. Hmangaihna fiah nan kum 4 tal a ngai, chu pawh inneih hnuah ni rawh se!!!
[Report abuse]
November 30th, 2010 at 3:13 pm
tnly tleirwl msg hi ciar ahar tei reg acin
[Report abuse]
November 30th, 2010 at 3:14 pm
Hahahaha!!! Min va tihlim ve aw..! Khitiang a nih khi chuan sas i ngah lutuk palh ang..
[Report abuse]
November 30th, 2010 at 3:14 pm
hetiang hi a awmzia ngaihtuah ngaihtuah pawha hriatchhuah zawh tak loh ka dawng ve nual tawh mai.
[Report abuse]
November 30th, 2010 at 3:15 pm
mobile phone tum khata k biak rei ber chu 3:1/2 Hr mo le!
phone bill eroh hek duh thrin teh e… 
mhs lunglen erawh a hnem ka ti ve khawp mai!
[Report abuse]
November 30th, 2010 at 3:22 pm
ny got may tirw frost :mrgreen:
[Report abuse]
November 30th, 2010 at 3:28 pm
1st lo haih haih ngei mai maw,…..
A thupui chu dah mawi kher mai , chhiar phawt teh ang.
[Report abuse]
November 30th, 2010 at 3:29 pm
Roses are red, my love
Violets are blue
Sugar is sweet, my love
But not as sweet as you…
Keipawh heitiang SMS a tawi te te ziah hi ka kham lutuk tawh. Chhiar thiam ve hlei theilo thin.
[Report abuse]
November 30th, 2010 at 3:36 pm
badboy chuan balma msg chauh a dawng thin :mrgreen:
[Report abuse]
November 30th, 2010 at 3:37 pm
Generation gap an tih fo thin chu ani mai lo maw?
[Report abuse]
November 30th, 2010 at 3:38 pm
Ka nui huk mai,…. ziak lunglen thlak ru ang reng phian lehnghala,….
[Report abuse]
November 30th, 2010 at 3:39 pm
A tira i ngaihtuah a ropui dawn vei nen, a chhuak chu a ho ta ang reng hle mai.
Mahse chhiar anuam, thutak ren run lo in khamlo deuhin ka chhiar. :thumbs up:
Keipawh tunlai tleirawl ho msg hi mizo tawngin lo letling la min lo thawn leh teh ka ti fo mai. Buaithlak thei asin o
[Report abuse]
November 30th, 2010 at 3:43 pm
Puitling deuh leh thutak deuh in sms short cut ltk a an ziak hi a inhmeh lo
[Report abuse]
November 30th, 2010 at 3:43 pm
uy enteh lal,ne t a? Nai bn tp ce..mwahX3….haha…ril hmel khp mai
[Report abuse]
November 30th, 2010 at 3:45 pm
sms ah ka shortcut ve ngailo…ka boss ka thawn ho phei chu official letter ang thlap zel
[Report abuse]
November 30th, 2010 at 3:47 pm
E he post chu awm zia hle mai. Phone ka neih tan tirh khan kei pawh hian ka short cut thin a;mah se ka mi ngaihsan tak hian alo short cut ngai reng reng lo mai a. Kei pawh hian tun thleng in ka short cut ta ngai lo. Mizo tawng ziah dan in ka la ziak pap pap thin. A chang chuan mesage ka thawn ngai lo emaw an ti bial thin.
Mi tam tak nen kan in mesage tawh a. Ka mi ngaih san a nen chiah chuan kanla short cut loin ka hria. In lo awm ve mial em?
[Report abuse]
November 30th, 2010 at 3:47 pm
A ziah ziah dan pawh an thiam zawk mange
[Report abuse]
November 30th, 2010 at 3:48 pm
@ eskol read 16
[Report abuse]
November 30th, 2010 at 3:49 pm
kycu k mi siat te hn an shrt cut ty khupz my…..
[Report abuse]
November 30th, 2010 at 3:53 pm
@Zualbonez welcome to the preservation of Mizo Alphabet character we are three now….
I tih tak tak chuan ka lawm leh zual ang. Thenkhat tive lek lek hi an awm a. Mahse mi dang an mesage na ah lo shortcut leh zeuh a. keimah min mesage na ah chuan an short cut meuh lo.
‘Aw’ leh ‘o’ i hman pawlh lo ang chu maw?
[Report abuse]
November 30th, 2010 at 3:54 pm
Hahaha hlimawm angreng. keipawh ka hman tirhin, Inkhawm kan bang chiah tih hi ka chhiar ka chhiar a ka hre thiam nganglo.,ka dawn dan chu “kn inkhm a,kn bag ciah” tiin. Thildang chu ka hre ve maia “bag” tih chuan min bo thui tir khawp.
[Report abuse]
November 30th, 2010 at 3:54 pm
ka hman polh ngailo :mrgreen:
sap tawng emaw mizo tawng emaw ka short cut ngailo hrim2
[Report abuse]
November 30th, 2010 at 3:55 pm
uyha he post cu mn va t hlim m m ka nuih te poh ja dn lm le xiak thym hle mai :mrgreen: :mrgreen:
SMS hi ka thawn tha peih vak lo mahse ka thawn ve chang chuan shortcut ngai lo thung, 140 characters aia a tam pawn a lampum a ziah hram hram hi a tha, chuti em emin i phone bill a san phah lo ang.
[Report abuse]
November 30th, 2010 at 3:56 pm
Mizorama hetiang short cut ler deuh (slang) hmang hi chu BSNL (9436…) ni lovin Airtel/Aircel hmang an ni duh an ti..
[Report abuse]
November 30th, 2010 at 3:56 pm
Pu PL Liandinga hian a short cut lo an ti a tak tak ni maw. Hre chiang in awm mial em?
[Report abuse]
November 30th, 2010 at 4:00 pm
Kan han sawi chuan tumah lah chuan kan short cut ngai lo a niang. Pu HV-a hian a lo ’short cut’ ru riau ang a
[Report abuse]
November 30th, 2010 at 4:04 pm
Eskol pu PL-a chu han SMS chhin la, a number erawh ka hre lo
[Report abuse]
November 30th, 2010 at 4:07 pm
@Aduh ilo short cut ve lo ni maw. Lawmawm hle mai. Neih ka tum thin a ka nei thei meuh lo a.
[Report abuse]
November 30th, 2010 at 4:11 pm
remchang ah la in thil dang sawi nan hmang teks teng: Kan sawi zing viau tawh tho a, misual ah hian a theih chuan hetiang SMS tawngkam kaihtawi lutuk hi hman loh hram ni se, comment ah thlengin. “In hrethiam tho” tih emaw “Mobile atangin ka online a, type a harsa” ti lo hram ang u. Post ah hetiang tawngkam ziaka rawn thehlut phei chu chhuah pawh a chhuak kher lo mai thei, a chhan chu edit a peihawm loh.
[Report abuse]
November 30th, 2010 at 4:16 pm
@DirtY_PuppeT
I nick han en mai chuan sms short cut i hrat hmel. Mahse sms short cut i lehna han hmuh chuan Pu chawnghilh tawngkam ni thei tur khawp a mawi a ni si. Post chhiar nuam tak a ni e.
[Report abuse]
November 30th, 2010 at 4:19 pm
@30, nia i soi dik ka t ltk, ka siatiam pui khp my ce :mrgreen:
[Report abuse]
November 30th, 2010 at 4:20 pm
Keichu khitiangin sms pawh ka type ngai la. K gai ce pawh tidawn ila, ”tin, ngaiteh, he ka thinlung baihvai tak hian nang kawlvalenchham a awm kha ngai che in thing leh mau ang in a kur diam diam e” ka t thlaps thrn.. :roll:
[Report abuse]
November 30th, 2010 at 4:22 pm
@bAkcheH
K gai ce pawh tidawn ila, ”tin, ngaiteh, he ka thinlung baihvai tak hian nang kawlvalenchham a awm kha ngai che in thing leh mau ang in a kur diam diam e” ka t thlaps thrn..
t thlaps thrn : hei hian i ziah dan thin a tichiang khawp mai. :mrgreen: :mrgreen:
:fiamthu:
[Report abuse]
November 30th, 2010 at 4:23 pm
Tak tak ni maw?:
Napoleon-a leh a bialnu Josephine-i te kha Mobile hmang lo pawhin sms an lo inthawn daih tawh an ti- hetiang hian:
Napoleon: ?
Josephine: !
Inthawn tawi ve a sin!
[Report abuse]
November 30th, 2010 at 4:25 pm
@bakcheh pawh hi a sms chu a chep tawi thei khawp mai. :mrgreen:
[Report abuse]
November 30th, 2010 at 4:26 pm
@midfielder, oops! :roll: :mrgreen: :oops:
[Report abuse]
November 30th, 2010 at 4:30 pm
ka message dawn ho hi ka ning thei lutuk. a ho thei si.
Q: Where is qutub minar?
A) Delhi
B) kerela
Q: who landed the moon?
A) Neil Armstrong
B) Sonia Gandhi
Q: Taj Mahal is in?
A) India
B) UK
pawisa hlawh theih an ti ziah lehnghal.
[Report abuse]
November 30th, 2010 at 4:32 pm
Heng abbrv. common deuh2 te hi a full in hria em?
ALNTC
KMT
IHANC
IMEANC :mrgreen:
@ralte, i nick khi barakhaih thut ila, a thlawh daih duh hmel!
[Report abuse]
November 30th, 2010 at 4:38 pm
@rempuii..alntc=a lo nih tak chu
:idea:
kmt=ka mu tawh
ihanc=i hmel a nih chu
imeanc=i mawl em a nih chu……..
dik em aw :!: :!: :!:
[Report abuse]
November 30th, 2010 at 4:40 pm
BV-55666 atang hian message ka dawng zing khawp mai. Ringtone leh wallpaper download tur chungchang a ni thin tlangpui. A ninawm asin.
SMS dawng lovin call dawng thin ila a zia. SMS chu chhanlet a ngaihin pawisa sen ve zel a ngai.
[Report abuse]
November 30th, 2010 at 4:40 pm
Msg short cut deuh2 a type ching ho hi- bill an ren vang leh an hmanhmawh vang a ni chuang lo. INTIHTUNLAI nan an hman vang!
[Report abuse]
November 30th, 2010 at 4:43 pm
@pinkstarz, 100% right!! :mrgreen:
ka chunga mi hian a shortcut hneh lutuk a, a dawngtu tan mittui tlak zawih2 na khawp pawh word 1 ah a chhuah thei, an ti!
[Report abuse]
November 30th, 2010 at 4:43 pm
Hawrawp kim lo hi chu ka ningna a rei tawh khawp mai, tunlai tleirawl thenkhatte phei chuan intihtunlai nan an zir hial asin :x
[Report abuse]
November 30th, 2010 at 4:43 pm
bbrrhts = badboy rawn rui haw tawh suh.
A chhungte thawn thin dan anih hi :mrgreen:
[Report abuse]
November 30th, 2010 at 4:44 pm
@pinkstarz, one mistake! KMT= KAL MAI TEH! :mrgreen:
[Report abuse]
November 30th, 2010 at 4:45 pm
#45
clap..! Bbrrhts! 
[Report abuse]
November 30th, 2010 at 4:49 pm
Ka Mizo tawng thiam loh ang angin short cut tel hauh lo-in message ka ziak ve thin…’international’ message ni khatah 10 emaw vel ka thawn tlangpui a, bill chu a sang duh deuh awm e. Ka sim duh chuang hlei law.
[Report abuse]
November 30th, 2010 at 4:54 pm
Nangmah ngai em em tu che khan nalh takin a ruh lang rawt lo deuh si a a ngaihzia che biahthu di hlan che a duh avangin leh tawi bawk si a ziah a duh vang tih chu a hriat mai a, a maherawh chu mi duh ril mi te chuan hetiang sms hian nakin lawkah kan thil ziah dan kalphung hi a la thlak danglam thuai dawn niin an hriaa, chuvang chuan engtiangin nge hetianga kan thu ziak dan kal phung danglam mai thei dinhmuna ding mek hi kan ven him ang tih ngaihtuah a va hun ta em…………tiin ka lo inngaihtuah ve mai mai a
[Report abuse]
November 30th, 2010 at 4:56 pm
@jakepoi, dik reng. ”ka ngai che” va tih kulh ai chuan nai ce/gai c tihte hi a ngamawm ve deuh thrin…..
[Report abuse]
November 30th, 2010 at 5:02 pm
Bible hi short-cut version awm ta se a bu a pan sawt ang a, lek vel pawh a zangkhai viau tak ang a!! Attempt peih awm se ka support ngawtin ka ring.
[Report abuse]
November 30th, 2010 at 5:10 pm
hetiang ka hriat thiam loh dan leh hetiang ka hriat thiam loh dan a inang reng:
https://www.youtube.com/watch?v.....re=related
[Report abuse]
November 30th, 2010 at 5:14 pm
@Hlatekhua: Bible lehlin tawi ber kha i la hre ve lo em ni aw? ” A tir an thu an puang a, amen!”. Fiamthu.
Tak tak a bible short cut version pakhat chu a awm kha. “Ryan’s Bible”. I duh chuan lo chhiar ve chhin rawh. Bible Society of India in an publish in ka hria.
…khrum
[Report abuse]
November 30th, 2010 at 5:17 pm
@khumchikthei, Australian-ho pawhin an tun lai tawngin Bible chu an let a, a ngaihnawm danglam khawp asin. I sawi khi chu ka la hmu lo a nih ka ring.
[Report abuse]
November 30th, 2010 at 5:17 pm
‘Ka hmangaih che’ tih type ai hian ‘i love you ‘tih hi type a awl zawk an ti!
[Report abuse]
November 30th, 2010 at 5:22 pm
Keipawh tum loh deuhin Farkawn atangin call ka hmu. “Hna ka thawk laklawh a, nakin ah kan in be mai dawn em ni…” tih pawn, “Ih maw…” la ti char2 zui mawle :mrgreen:
English a LOVE hi a hmandan a zirin a pawnlawi viau thei. Mizo ten “ka hmangaih che,” kan han tih hi chuan a ril bik raih mai asin, zawmthaw deuha sawi ve chi ngawt a ni tlat lo.
[Report abuse]
November 30th, 2010 at 5:26 pm
@Lalrempui (short cut lo)
“ka ngai che” tih ka la duh tawk lo “ka ngai ber che” a dawng tu tan nuam lutuk.
“nai ce/gai c”.. a lem e…
[Report abuse]
November 30th, 2010 at 5:29 pm
@56 zawmthaw deuh a sawi ve chi a nih loh vang lawm mizo tam takin “i love you” awlsam deuh a an tih liam puat thin ni……..
[Report abuse]
November 30th, 2010 at 5:40 pm
Lak thutak vak theih si loh, thin tirim ve thei si hi indawng ve ngai em? A expert chin chuan kut pahnihin rang lutukin en lovin an type dik thlap thei . Tun thlengin ka thian nu pakhat nen kan inbiak that tawh loh phah, a thin a rim tlat a. SMS hi ka tan chuan awmlo mahse a pawi vak pawhin ka ringlo, @a postupa dawn ang deuh khi chu atam mai, nuihliam mai mai tur. Blnce neih loh changa Zualko atan a tha ka ti tawk chauh.
[Report abuse]
November 30th, 2010 at 5:51 pm
Keipawh sms ah hian shortcut hi ka hmang ngailo tluk a ni, shortcut over leh slang over ltk hi chu chhiar pawh ka chhiar peih lo, tuna post tupa han sawi sms short cut ang chi te leh comment a shortcut threnkhat te hi chu a ngaihna awm lo, chhiar rin loh phei chuan awmzia pawh ka hrelo fur mai, ka ngaina lo khawp mai slang over ltk sms hi chu
[Report abuse]
November 30th, 2010 at 6:03 pm
Eden huanah Evi khan: Damte, nai ce ne th a? nai v c lo. Huan laia tei lwh sk th. tuy v alm. egtkge hmn ag? nai twh ce…
[Report abuse]
November 30th, 2010 at 6:04 pm
Short msg a ni na-in ka type kim vek thin tlat.
[Report abuse]
November 30th, 2010 at 6:08 pm
Tlema U-a-ma hmang hnem deuh tawh tan zawng a buaithlak duh thin hle. Facebook lamte hi an tlawh ve ila an inbiakna tam tak hi kei pawh mizo tawng a nih leh nih loh ka hrelo fo mai.Mahse tunlai khawvel, abikin tleirawl tan chuan a nuam phian aniang, khap ngawt theih a ni silo.
Abikin hmeichhe/nula lam hian an short cut thiam hle.. a thawntu zirin a ninawmin a ninawmlo thei…
[Report abuse]
November 30th, 2010 at 6:39 pm
type kim thlap peih ho hi an zahawm…ka peih der lo…
[Report abuse]
November 30th, 2010 at 7:09 pm
#64 chhak-chhuak, i type kim thin ngai si lo, i zahawm lo tihna em ni? i short cut nasat theih hi le!
[Report abuse]
November 30th, 2010 at 7:54 pm
Bank atnagin ka open acount neih zat kartin tum 2 ka dawng thin .Tin super market lian ka in registerna atangin thil discount an neih changin an neih thu min msm thin bakah TV company in movie tha chhuak tur min rawn hrilh thin .
[Report abuse]
November 30th, 2010 at 8:15 pm
#66 hmingtea, a van ninawm duh awm ve aw…kei chu ka titawp hmak zel.
[Report abuse]
November 30th, 2010 at 11:12 pm
mizo tawng short cut /sms slang avang hian mizo tawng hi tih chingpen palh a hlauhawm mang e,kan naute pawh a sipel diklo niah thin. U-a-ma hman hnem vang pawh noloin mizotawng hum duh vangin ka kaitawi ngai lo tluk a ni e. XD
[Report abuse]
November 30th, 2010 at 11:28 pm
Rosie..oh rose like…i van soi tha ve ! He thil hian kan tawng hi a tikholo zo vek ang tih a hlauhawm khop mai…english ah poh chuti tho chu ani..black ho hian an uar zual nghe2 em… :mrgreen:
[Report abuse]
November 30th, 2010 at 11:49 pm
@eskol 26 aw,Ka hriat chian chinah pu PL-a,rammawia ngente author rinteii zunleng ‘boy’,jeffrey-a pa,zara (bihchianna) aitea (lelte) thuamte khawlhrring te hian short cut an hmang ngai lo,keimah tiam tepin
@post tupa Oi! ni loin Awi! Niin ka hria mizo tawngah chuan ;););)
@loneeagle-thnax.like bawn. Tuemawni chuan i nick hi a en vang vang a ‘lâwnigul’ a ti.mahse ka zep tlat dawn chu chu
Balance khawtawm lam pang pawisa ren tawh chinah chuan ka ti zeuh thin tih ka inpuang e
[Report abuse]
November 30th, 2010 at 11:52 pm
#70~Rose___________
[Report abuse]
November 30th, 2010 at 11:55 pm
mt cuak tw tk,misual h xog2 in vy in mt tui wek u,nktk ah kn inkm l dyl2 dn ny,mh ni in lm hwi theuh ah,kumthr ciby wek u
[Report abuse]
December 1st, 2010 at 1:06 pm
@rose:
Oi! nilovin Ui!..Ui ha! an lo ti mai thin emaw ka tia..Awi! tih pawh chu a awmzia ka hre chiah lo na a,kei ai i hmang ngun hmel thova..A ni thei lutuk ang. .
Ok..Ram hnukkhawih thil an sawi mur mur laia hetiang thila lo buai ve hi a nuam danglam ve hrim hrim e.
..C ya ol @ wkend. . Oh! See you all at weekend,ka tihna. .
[Report abuse]