mi(sual).com

LPS leh ZONET chanchinthar ah chuan Mizo tlangval Indian Army a tang lai, Indonaa a Ram leh hnam tana a nun hlan ta Tv.Lalruatfela chungchang leh vawiin chhun a vui liam anih thu te an puang in, he tlangval huaisen zia te leh a nunna a a chan chhan pawh an captain a chhan na lamah anih thu te an puang bawk a. Zoram titi a tling in, Bazar ah te, School ah te, Office ah te he tlangval huaisen chanchin hian sawi a hlawh in mitin titi leh ngaihsan a ni. Ram pumin a chanchin an sawi luai luai a, Chief Minister pawhin a chhungte zangnadawmna an pek tur thu te puangin Mizoram ti hmingthatu he tlangval huaisen chhungte pawh an thlahthlam loh tur thu leh an chhung zinga mi sawrkar hna an pek tur thu te TV ah a sawi awl lova. Opposition lam lahin remchangah hmangin Ruatfela ruang lak chungchangah leh Aizawl lama phurh chhoh chungchangah Sawrkarin hma a la tawklo tiin thuchhuah an siam bawk a. Ngaihven lo tan pawh he rawngrut tlangval chanchin hi a hriatloh theih lohin a chanchinin Zoram khawvel pawh a chiah hneh hle a ni.

Kum tam alo vei ve ta, Krismas dawn a mipui an zik mur mur lai leh hlimlai, mitin mai ten Lalpian hun nghaka an nun an hman a hmalam hun atana an in buatsaih lai a ni in khualzin tamlai ani a. Mapuii pawh chuan pawl 12 exam an zo tawh bawk nen an chhungkaw eizawnna ber anih angin, an hotel lamah a hun tam zawk a hmang thinin khualzin an tam thei bawk nen a hah hle thin. December 21 tlai lam a ni in he ni hi zawng Mapuii tan chuan a hlu in a theihnghilh tawh ngai lo ang.

Dan ang te in MST bus Guwahati kal tur chu a rawn ding a, khualzin te chaw ei tur buaipui in an buai hle in mi chi hrang hrang duh inanglo tak tak te ei tur buaipui in Mapuii pawh chu a buai hle a. Nia, nidang aiin khualzin an tam in an dawra chawl pawh an tam lai ani a, hah hle mahse an tan hun tha ani si. Chutia, midang ina an ei ei tur duh an chah a, a then zun ram thiar a bathroom lam an in kal chawk sek lai chuan tukverh thlanglam bula tlangval hang lampang ear phone ngaithla chunga pawnlam hawi reng chu va bia in, enge a ei duh tiin a va zawt a.

Tleirawl hmeltha leh duhawm takin a rawn biak vang nge pawnlam a thildang a ngaihtuah vang zawk, chu tlangval chu a phu nasa hle a, a ear phone a dah hnu chuan rawn hawi chhuakin a zak ve bawk nen nuih pahin engmah a ei chak loh thu te a hrilh a. Chu tlangval hmelah chuan hlimlohna riau a awm avang leh midang in thil an ei vek laia a eilo bik chu enga tinge tiin maruati chuan a zawt a, Chu tlangval chuan a chhang lemlo, mahse a khawharna leh mangan rukna chu zep mahse nula tuaitir mah nise fing ve tak Mapuii chuan a hai loin, an buaizual a reh ta bawk nen a hma thutna ah chuan thu in a mah aia kum tam vaka la upa lo tur a hma a tlangval thu chu a be bawrh bawrh a.

Midang in an thil ei tur an ei khama Bus a an lawn tan tak ah chuan Chu tlangval pawh chu a thutna atanga tho in bus lam a pan ta a. A biak chhung zawng leh a tawng bawrh barwh laia eng thu vaka a chhan loh avang chuan Mapuii chuan mak a tiin chu tlangval chu mak ati hle a, mahse a kal dawna a thil sawi “ Dam te in kan la inhmu leh em ang chu, Mahse ka khua a har thin in thian ka nei lo bawk nen, bialpa i neih ring mah ila, i number minlo pe ta che “ nui chung dam thluam a, a tih te chu a hre reng in mak ati hle a. Nia, khami tum kha chuan a hamhaih in, thinrim nachang leh a hma a tlangval thu kha zaktheilo tih a, ngei nachang pawh a hrelo.

Ani taka, Hotel nei tih takah tet te atangin khualzin hrang hrang a hmu tamin, a tleirawl hnu phei chuan, an hotel a chaw ei khualzin, amah fiam bawrh bawrh tu te, a number dil tu te leh nupui a an neih duh thu lo hrilh tawk khualzin leh driver te pawh a tawng nual tawh a, mahse he tlangval anga dam thlap leh ti tak hmel pu a, a phone number diltu a la tawng ngai lo. A hmel ah tihtakna a lang in, anun kha sawilo mahse a khawhar hmel a, vei anei niin a lang bawk, Ngaihzawng nei rual ni tawh mahse, mipa lam ngaihtuah vak ngailo Mapuii pawh in kha tlangval nungchang leh tawngka kha mak atiin, a ngaihzawn vang leh hmeltha a tih vang ni miah loin a ngaihtuah zui ta reng a. Tu mipa nge anih a hreloin, khawi lam mi nge tih leh enge a tih pawh a hre lemlo, a hming chu Ruatfela anih thu a sawiin, a hna avanga Phai lam kal tur leh Krismass Mizorama a hman tur thu bak a sawi lemloh avangin chu bak chanchin hre lemlo.

Krismass te a liamin kumhlui thlah zan te alo thleng dawn ta reng mai a, nula leh tlangval rualte chun hmannawm loh bik hlauin tan an lain ar kan tur, party na tur leh a sehhmeh tur chgungchang te buaipuiin an hmanhlel hle hlawm a. Mapuii pawh a thanten sawm nasa mahse a nu in hunpuiah hi chuan inkhawm a, chhungkua a hmanho a thupui thin avang leh amah pawhin a chakloh avangin a kal lemlo. Inkhawm an ban a lengkhawm an tin hnu chuan zanlai alo thgleng a, hla play ri leh halmawi chi hrang hrang hal ri nen a ri leih luai a. Inchung lama halmawi en tura a naute ho a chhohpui lai chuan a phone a rawn ri chu chhangin a number hriat zawng a ni lova. A han pick up chu an hotela chawl Ruata kha lo niin kumthar chibai a rawn buk ani aw3m e. A tirah hamhaih deuh mahse an titi ta luamin a awmna chanchin pakistan ramri hrul chungchang te sawiin rei tak an inbia a. Maruatan a rawn phone nawlh chu Mapuiii pawhin mak ti mahse a rilrua alo beisei ruk vang nge a hlimin mak hle a. Nia, amah beisei tu tam tak awmmahse an hotela chaw ei ve satliah, a hmelhriat pawh nilo atanga call a lo beisei ru ve ngawt kha enge a chhan amah pawhin a hre biklo.

Hun a liam a, kum a thar a Mapuii leh Ruata pawh chu inbe zing tial tialin mihring dang ang bawkin inbe hnem na na na chu an inkarah ngainatna a rawn piang vat a. Hetia ruata laka rilru a pu hi Mapuii pawhin mak ti thin mahse tlangval dam tak, a naupan aia rilru puitling tak leh rintlak hmel tak anihna chuan a hip nite hian ain hria thin. A hma vawi hnih khat inbia, December 31 zan atanga phone atanga inbe tan kha Ruata chhuti la August thlaa a rawn haw kha chuan an in ngaina tawhin an inkara hmangaihna kuhmun rawn to pawh chuan parmawi a chhuah dawn hnai tawh a. Ruata rawn haw pawh an khaw lamah haw tlang lovin an sipai tanpui Kolosip khua Lawma te inah innghatin ni 3 lai a cham nghe nghe a, mahse a hmangaih tan anih avangin tunge dem thei lem ang le.

Kolosip a ni 3 a cham hnu chuan an khaw lamah ruata pawh chu a haw tlang ta a. Hun hian tumah a nghak silo, chawlh a rei loh nak alaiin khaw hran lehngal anih avangin chu Nula leh Tlangval la naupang tak hmangaihna in a phuar dun te tan zawng lunglenna in ro a rel ani e. An chawlh a zawh tawh avangin Kolasib lamah a di Mapuii thlah a duh nen ni 2 a cham thla a. An inkar ah awm a awm hnu pawhin hun tam hmang dun thei lo mahse an inthlahlel a, an inngai a, tawng lo mahse an inhmel an inen ringawt pawh chuan thu tam an sawi dunin anin hrethiam dun si. A kal dawn zan te kha,

“Mapui, ka hmangaih che.”

“U Ruat kei pawhin ka hmangaih che asin.”
Mapui, rinawm takin minlo nghak rawh aw

“Ka lo nghak em em ang che, awm dunlo mah ila ka thinlung, tumah la hmangaih ngai lotu hi i tan ka hlan tawh asin.”

“Mapui, kan awmna khu a ralmuang lova, kan chhuk hnu ah phei chuan hel tamna lamah kan insawn dawn ani a, ka chungah engpawh lo thleng se, ka hmangaih che tih hria ang che.”

“Chutiang sawi suh, ka lo tawngtaipui dawn che alawm.”

Inthlahlel taka inkuaha, infawh leh rinawmna intiam dun bak chu tih theih dand a awm silo. Ani taka, a chawlh chhung pawhin khaw hran anni nen an awmdun hnem thei lova, kar lovah a kal alo hun dawn si. Kar hla a awm satliah tur ani loh mai bakah ral hmuna awm tur ani nen chumi te pahnih hmangaihna in a phuarte chan chu a nawm rualin a hahthlak si.

Chawlhni zing ani a, mapuii pa chuan radio ah thlirvelna puang mekin Mapuii pawh a tho hlim insil fai a zawh hnu chuan an choka lamah a phei a. News puang tuin a thil puan te chu thingpuiin paha ngaithlain a Nu in a rawn kohna a chhan dwn laitak chuan, “Nizan khan Jammu and Kashmir ah india sipai te leh hel pawl te anin kapin India sipai 4 an thi a, vanduaina tawk zingah hian Mizo tlangval Lalruatfela chhiahtlang pawh a tel ve niin thu kan dawng.”

Thingpui no kenlai a thlauh a, a pik mup a, tah pawh a tap theilo. A mitthla in second tinah an nunhlui tlemte a rawn lang a, awm ngaihna a hre mawllh silo. Awihlo han tih dawn leh radio thupuan chu a dik a rinawm si. Zirtawp zan mai khan district pakhata patrol a an kal tur tu leh a phone a ken dawnloh thu a rawn hrilh in a chanchin alo ngaihven reng a.

“Mate, hei kan let chiah, ngai lutuk che “ tih SMS beisei ru reng chunga thu thin deng lutuk a han hre thut chu tawrh ngaihna pawh a tirah chuan a hrte meuhlo.

Karkhat lai a liam ta Ruata thih thu a hriat kha, khami hnu khan Mizoram pumin a hma a an hriatloh Chhiahtlang tlangval chanchin chu an hriain an titi ber ani a. A ruang rawn thlenni te khan sing chuangin lo hmuakin an khaw thlanga zuitu motor ringawt pawh 369 lai ani. Miropui thlaha thlah liamin Mizoram sawrkar hruaitu leh milar tello reng an awmloa. Tum hriat ngailoh Lalruatfela kha tunah zawng huaisenna tehfung aniin, Mizo nunmawi tarlangtu ani a, khawi hmun maiah pawh an titi berah a chang ta a. Mahse Zoram mipui te chuan he Indian Army a tang Mizo tlangval huaisen, he rawngrut tlangval ina a hmangaih leh he tlangval a ruma leh mangan changa chawmdawla fuih thintu leh bang lova atan tawngtai sak thintu leh hmangaihtu kolosip nula Mapuii, Zonunpari chu tuman an hre lon an bengkhawn silo..

Travelin’ Soldier (Dixie chicks)

Two days past eighteen
He was waiting for the bus in his army greens
Sat down in a booth in a cafe there
Gave his order to a girl with a bow in her hair
He’s a little shy so she gives him a smile
And he said would you mind sittin’ down for a while
And talking to me, I’m feeling a little low
She said I’m off in an hour and I know where we can go

So they went down and they sat on the pier
He said I bet you got a boyfriend but I don’t care
I got no one to send a letter to
Would you mind if I sent one back here to you

I cried, never gonna hold the hand of another guy
Too young for him they told her
Waitin’ for the love of a travelin’ soldier
Our love will never endWaitin’ for the soldier to come back again
Never more to be alone when the letter said
A soldier’s coming home

So the letters came from an army camp
In California then Vietnam
And he told her of his heart
It might be love and all of the things he was so scared of
He said when it’s getting kinda rough over hereI think of that day sittin’ down at the pier
And I close my eyes and see your pretty smile
Don’t worry but I won’t be able to write for awhile

One Friday night at a football game
The Lord’s prayer said and the Anthem sang
A man said folks would you bow your heads
For a list of local Vietnam dead
Crying all alone under the stands
Was a piccolo player in the marching band
And one name read and nobody really cared
But a pretty little girl with a bow in her hair

Similar Posts:

• Ramhuai Liamkawn Lungphun
• Mizoram Miin Burmaah Mi A Suam
• A ngai em em che a sin
• Phone thar ka lei ve a
• Kan mipa te hi boycott ang u!

Recent Posts:

• JUSTICE for Sarah
• Mampui
• TUKTIN PAR
• Zabula Champhai Ramhuai hmuh dan
• Thianpa Sawmtea Hriatrengnan

This entry was posted on Monday, April 16th, 2012 at 10:37 am and is filed under Fiction. You can follow any responses to this entry through the RSS 2.0 feed. You can leave a response, or trackback from your own site.