Tuemaw Aizawl khua atangin Vairengte khuaah a zuk kal dawn a, highway robber te a tawk hlauh va, chu mite chuan an ambush a, a car an nam liam a, an sawp hrep a. A credit card, PAN card, ATM card leh pawisa fai Rs. 28,565 an laksak a, a silhfen an hlihsak vek a, thi lek lekin an kalsan ta a.
Tin, Presbyterian tualchung upa leh Pathian thu sawia vak kual thin mihlim tu emaw chu mi kawngah chuan an zuk kal kher a, an hmuh veleh kawng sir lehlamah an hel ta mai a.
Tin, chutiang bawkin MCS Officer (1st class magistrate) pakhat pawh chu mi hmun chu a lo thleng a, a hmuh veleh kawngsir lehlamah a hel ve ta mai a.
Amaherawhchu Bru (Tuikuk) pa nitin inhlawhfa a zin kalin a awmna chu a lo thleng a, a hmuh veleh a khawngaih em em a.
A hnenah a va kal a, a pem ahte chuan anti-septic cream a hnawih a, bandage in a tuam a, pain killer a ei tir a, ama Baja scooter chungah a chuantir a, Kolasib khua hotelah a kalpui a, a enkawl ta a.
Tin, atukah chuan Rs.600 a phawrh a, hotel manager hnenah a pe a, ‘Lo enkawl la, he mi baka i sen zawng chu ka lo kir leh hunah ka rawn rul leh ang che,’ a ti a.
Mizo zingah he basic zirtirna pawimawh zia hrelo kan awm takin. Kristian tan chuan hman hnufual, mi hausa leh rethei, illiterate, unemployed en hran tur ani lo. Kristian inti si, Bru leh Myanmar/Bangladesh ho hmuhsit a, vun var European ngaihsan vut hi Isua zirtirna anih hmel loh. Hman tin hian thatna an nei a, chak lohna an nei vek. Racial/ethnic issue a kan bias chuan anni kan hriat chian tawk loh vang ani. Vai hovin tlawmngaihna an nei lo, ti te pawh hi an zinga an chen loh vang ani. An tlawmngaih dan style a danglam chhauh ani.
Similar Posts:
- Aizawl District-ah Job card diklo 763 hmuchhuak
- JOB Card enfiah
- Zin kawng rei,thui silo
- Enge in ngaih ve dan le?
- MLTP Act hi
April 25th, 2012 at 3:06 pm
Ka van lawm tak em post tu pa
Ngaihtuah zui theih tak thil a nih hi
Report this comment
April 25th, 2012 at 3:18 pm
Christian-te hian ‘Contextualization & Incarnation model’ hi kan tlachham tlat thin a lawm, min fuih-thartu tha tak a nih ngei ka beisei.
Report this comment
April 25th, 2012 at 3:24 pm
i ngaihtuah thiam hle mai a
Report this comment
April 25th, 2012 at 3:50 pm
I ziak tha khawp mai. Isua tehkhin thu pawh tunlai contex milin i rawn tarlang niin ka hria.
Samari zawng zawng hi an fel kher lo mai thei. Samari ‘mi tha’ a ni miau a! Mizo, Sap, Hindu adt ah pawh mi tha an awm tho ang.
Samari hi Juda-ho chuan an ngai sang lo khawp a,an hnuaichhiah hle a, chumi nen chuan i rawn tehkhin a ni thei em?
Report this comment
April 25th, 2012 at 3:56 pm
A tha hle mai…
Ni, a pawng-a-puia ngaihdan siam leh sawi duak duak hi a fuh ber lo reng a ni. Mizoramah tlawmngaihna a vul tiin kan chhuang em em a, mi tlawmngai an tam em em na ramah eiruk a hluar em em a; thil/bungraw manin mu leh mal a nei chuang si lo…
Sawi vak chuan ka OT dawn tlat.
Kan nitin nundan hi Pathian thu nen kan inenlet a tul reng a ni…
Report this comment
April 25th, 2012 at 4:22 pm
E khai ka insum thei lo tlat. Lo dah thla leh nghek mai ang aw. A sei ti deuh in awm paw’n min lo hrethiam a niang chu, post hi tha ka ti em a ni!
Luka 10:25-36 chho kha kan en chuan dan hretu tuemaw-in chatuanna nunna a chan theihna tur kan Lalpa Isua Krista a zawt a nih kha. Thupek ropui zawm tawh nia in ngai dan hretu hian VENGTE(thenawmte) concept a lo man lo nasa mai! “Ka vengte chu tute nge?” tiin Isua kha a zawt let ngat a nih kha.
Thupek ROPUI- a zawng zawnga Pathian kan hmangaih mai bâkah, mahni kan inhmangaih angin kan vêngte kan hmangaih tûr a ni—tih hi sawifiah nan tehkhin thu, kan tana tangkai tur min hlui leh ta. Chu chu Samari mi tha lo sawi lan chhan pawh a ni!
‘Vêngte’ (neighbours) tih hian, kan bul hnaia awm, kan kawmchhak emaw kawmthlangte emaw rilruah a lang fo. A nih loh pawhin, kan chipui leh hnampui, kan Râlte-pui, kan Sâilo-pui, kan Chawngthu-pui, kan Mizo-pui te hi emaw kan ti mai thei.
Isua tehkhin thua suamhmang tâwk hi Jerusalem khuaa chêng niin a lang a, Juda a ni ngei ang. He tehkhin thua puithiam leh Levia chi mi nên hian hnam khat, Juda vek, Jerusalema chêng vek an nih hmêl. Mahse, an hmuh veleh kawng dangah an hêl daih. Hnam khat, khaw khat leh vêng khat an ni chungin kawng dangah an hêl tlat!.
Amah tanpuitu leh khawngaihtu(VENGTE) chu hnam dang leh khaw dang, Samari mi a ni. Hnam khat, vêng khat, inkawmchhak-kawmthlang nih kher hi chhûngril lama ‘vêng khat’ (neighbor) nihna a ni lova, inlaichinna siamtu pawh a ni ber lo; hnam hrang daih, khaw hrang daiha chêng pawh ni ila, in mamawh huna kan inphatsan loh hian vêng khat dik tak kan lo ni reng zâwk—tih hi Isuan min zirtir a tum niin a lang.
Vêng khat, thlah khat, chhûl khat chhuak kan nih avâng ringawta bial zîm têa inngaihsak tel tel ringawt lovin, hnam dang daih, vêng dang leh khaw dang daiha chêng pawh ni se, vânduaina leh harsatna an tawh avânga tanpui ngâi an nih phawt chuan, kawng danga hêl mai lovin kan tanpui ang a, a tûl ang zêlin kan sum leh pâi pawh kan insêngso tûr a ni—tih hi Samari tehkhin thu atanga Isuan min zirtir a tum pawimawh tak niin a lang bawk.
Mahni mihringpui tanpui ngai ngawih ngawihte peh hel phahna khawp tur rawngbâwlna pawimawh a awm lo tih hi Isuan min zirtir a tum pawimawh tak a ni bawk. Kan mihringpuite pumpelh zawng leh pehhel zâwng leh nek zawnga Pathian rawng kan bawl a nih chuan a dik tawh lo. Pathian rawngbâwltu dik tak chuan a hnampui ni kher lo pawh, a mihringpuite chu panin a thutchilh a, an pemah te hriak leh uain hnawihin an tân a tul anga insenso a huam thin a lo ni.
James Bond i ziak tha khawp mai. Isua sawi tum tak pawh i phawrhchhuak hneh hlein ka hria. Mahni Juda pui chauh emaw mahni mizo pui chauh emaw tanpui emaw khawngaih emaw lainat emaw duhsak emaw hi Isua Krista zirtirna leh Thupek ropui zawh famkimna a ni hauh lo a ni e!
Tin, Isua hian eng vangin nge SAMARI MI hi a hman kher tih hi ka ngaihtuah fo thin. II Lalte 17:24 lama inziak dan chuan Assuria leh Juda inthlah pawlh niin Samari ho hi a ngaih theih. Thuthlung hlui hun laia Judate ten em em leh hmusitte kha an ni. A chhan pawh hnamdang nena innei pawlha Pathian thu awih lo an ni miau a. Amah Isua ngeiin Samari hmeichhia a titi pui tum pawh khan an innel vak lohzia chu a hriat reng mai. An inbe lai a zirtirte lamin an lo hmuh pawh khan an hawi PHAWK hra a nih awm kha maw(John 4:1-33). Judate duhloh ber leh ten ber kha KHAWNGAIH TUR leh HMANGAIH TUR a nihzia Isua khan sawi lan a tum chiang alawm!
I thuziakah pawh hian Highway robber tawktu pawh hi MIZO a nih hmel khawp mai. Presbyterian tualchung upa leh Pathian thu sawia vak kual thin mihlim tu emaw i tihte pawh khi MIZO an ni hrim hrim bawk ang. MCS pawh hi Mizoram lama Cicil Service chhuan tawlawl an ni a Sailo emaw Pachuau emaw Khiangte emaw aaa engemaw ber chu a ni khawp ang. A puitu erawh eng khaw khaa kan ngaih loh BRU a ni daih a nih khi maw… “TU BER NGE A VENGTE CHU” tiin Bible hian min zawt let a lawm. A KHAWNGAIHTU hi lawm HIGHWAY ROBBER tawktu vengte chu…. Tin, BRU pawh hian suamhmang tawktu hi a VENG mi diktak a ni bawk e!
‘MAHNI I INHMANGAIH ANGIN I VENGTE HMANGAIH RAWH’ tih hi thupek tha mi kan zawm tur a va ni chiang em!
Report this comment
April 25th, 2012 at 4:31 pm
Tunlaiin Bru raltlante laklet mek a nia an thlavang lo hauh nan “Tuikuk ho hi a hnam anga han hnualsuat puk chi chu an ni bik love, an zingah hian mitha tak tak pawh an awm ve tho. Keini ringtu leh rawngbawltu te leh kan mi pawimawhho zingah pawh hian felna kawngah chuan tluk loh kan nei ve tho”. i tihna a ni mai em? Nge “mizote hi tumah rinawm kan awm lo, kan ngaihnep berte pawh kan tluk lo” i tihna?
Report this comment
April 25th, 2012 at 4:39 pm
Dik lutuk
Report this comment
April 25th, 2012 at 4:48 pm
Ignatia (33-115 AD) i hre ril, ka pawm zawng tak a ni. Samari hi Sal hruai bang leh a awptu ram te nena inthlah pawlh hnam an ni tiin ka lo hre thin a. Bru nen a rawn tehkhin danah hian a post tu hian sawi tum a nei niin ka hria. Mahse, hei hi Tehkhin thu a ni e.
Report this comment
April 25th, 2012 at 5:17 pm
Tuikuk ni tina inhlawhfa ‘bajaj nei’, a dangdai hle mai.
I sawi tum chu a chiangin a tha khawp mai, mahse tehkhin nana i hmante hi kan society kalphung nen chuan a inhmeh ka ti mawlh lo. Khitiang lo zawng khian tehkhinthu tho hmangin chhawp chhuak thei la, a hun laia Isua tehkkhinthu hman chhan nen pawh a inmil zawk deuhin ka ring.Mahse ’2012′ edition kha a ni miauva, inhmeh lo pawh a awm thei tawh lo a ni mahna…
Report this comment
April 25th, 2012 at 5:19 pm
Bru (Tuikuk) khi chhui chiang se, Tuemaw-a suam tute zing ah khian a tel ve hrim hrim.
tlan chhe nghal.
Report this comment
April 25th, 2012 at 5:31 pm
Post tha dap dap khawp mai
#6 pawh post tluk zet a ni…..
Hmanah mizo hovin fundraising atan blanket kan su a, kan thianpa pakhat hian hnam dang thianpa hnenah hian pawlin fund kan mamawhna leh kan hman dan te thiam tak in a sawi a, Tanpui ngaite tanpui nana sum kan hman nasat zia te leh Tlawmngaihna awmzia te thlengin uar takin a sawi vei hlarh hlarh a……….Chu hnamdang pa lah chuan “Tlawmngaihna te chu nangmahni mizo community chhung atan chauh a lawm in hman” alo tih sak keuh………..ngaihtuah a ti thui ang reng.
Report this comment
April 25th, 2012 at 5:33 pm
‘hman’ tih te mai khi.
Report this comment
April 25th, 2012 at 8:14 pm
NIV nilovin JBV(James Bond Version) ami ani maw hei hi chuh!!
very good post
Report this comment
April 25th, 2012 at 8:45 pm
A tir lam ka chhiar a,(pawisa zat vel thlap thlap khi)breaking news emaw kan tih dawn pek chu a…
Tute nge lo suam reng reng? vairengte thlang Karimganj vaingalsin muslim hote khu kan vengte an ni ve tho em le?
A tha lutuk, Setana, Mihring leh Isua ang pawh in a ngaihbel theih asin.
Report this comment
April 25th, 2012 at 9:36 pm
Naupang pual.com vela post âwm tawk lek a nih hi a.
Report this comment
April 26th, 2012 at 10:42 am
Tuemaw sawp hreptu te khi Bru an nih duh hmel zawk e
:pil:
Report this comment
April 26th, 2012 at 11:05 am
Thi lek lekin an vawhlum elo?
@ Ruata Pachuau… Ngaihtuah a ti thui tak hle mai. Tlawmngaihna hi kan khawtlang/hnam/mimal a zirin a danglam hlek hlek niin ka hria. Mizo tlawmgaihna kan tih tam zawk pawh, tunlai kan nun leh khawsak dan nena inmil lohna chen a awm ta bawk (sawi vak lo mai ang, post hrang emaw in ti palh ang
)
Report this comment