Balhla chi hrang hrangte

April 27th, 2012 8:00 am by TuaiSialA

1. Banria: Hei hi Mizote’n balhla kan tih ber á¹­hin niin a lang. Tun hma lam kha chuan, kamrah mai maia ngaiin an chîng tam vak ngai lem lo va, a chîng chhunte pawhin huan sirah tlem azawng an vau lawi chauh va. Banria hi a kung a tlo va, enkawl lohva ramhnuai hnim zinga awm pawh rei tak tak a dam thei á¹­hin. Amaherawhchu, ramhnuaia enkawl lohva awm mai mai chuan mu a ngah duh deuh a ni. Balhla hi chu a tumbu hi chawhmeh atan a tui vak lo va, a tumbu-ah chuan a zu a awm a, chu chu tumbu ar leh kireuh te tan chaw tui tak a ni a, an hmui sei takin an dâwt á¹­hin.

2. Balhla kual: Mi á¹­henkhat chuan, ‘Banhla kual’ an ti a. Balhla kualah hian chi hnih a awm a; chumia a rah á¹­ha duh zawk chu, a rah, a thlar invuahna hnûn bulah hian a kawm deuh bik a, a tak chu a ngil deuh zát a; zunghrual a nei deuh bawk. Hetiang hi chu a kungah pawh a hriat hran theih a, a hnah tlang hi a sen deuh va, tin, a kawr tlang hriam pawh a sen deuh bik a ni. Hetiang chi hi a rah a lian duh deuh bik bawk. A chi khat leh chu, balhla kual tih takah a pum hi a kual raih a, amah pawh a  zunghrual nei lem lovin a mum tal a ni. A hnah tlangah leh a kawr tlang hriamah pawh a sen riai a awm ve lo. Kung khat rah thlar khatah 12 te a awm deuh ber a, a thlar hi kung khat rahah chuan a tam thei vak lo va, pum 50 te awmna chu balhla á¹­ha tak a ni. Thlawh faia ngun taka enkawl chuan kum 7 te chu á¹­ha takin a chhawr theih á¹­hin.

3. Lawng balhla: Hei hi balhla kung tawi a ni a, balhla kualte nen a rah chu inang tak a ni; a hmin erawh chu a eng ṭha ve lo deuh. A thlum erawh chu a na mah zawk a, a rah a tam duh thung a, bu khatah 230 laite pawh a awm thei a, pawisaa chantir chuan  kung khatah a thar tam thei zawk maha ngaih a ni ṭhin.

4. Banpawl: Hei hi rah lian pui pui a ni a, kung khat vuiah a tam lo hle á¹­hin. A hmel îtawm ngaihtuahin a tui lo, a lai a ruh rûn á¹­hin. A thlum vak lo bawk.

5. Banpui: Hei hi banpawl ang deuhva lian a ni a, a chhung erawh chu a ruh ve lo. A thlum vak lo va, banpawl ai chuan a ei tlak zawk a ni.

6. Balhla nauchaw: Hei hi chu Mizote’n kan chîng tam vak lo va, hmun tam takah chuan a awm ve a; mahse, tumahin chîn pun tlakah an ngai vak lo. A hmin pawh a thûr deuh her a, a thlum vak lo.

Thulakna: Zoram Mawitu by C. Lalbiaknema.

Similar Posts:

Recent Posts:

31 Responses to “Balhla chi hrang hrangte”

  1. 1
    Dr John Says:

    (Y) 1st ila…

    [Report abuse]

  2. 2
    Dr John Says:

    Balhla hi chu ka chaw ber a ni a, ka duh ve ngawt mai. Balhla a nih tawh phawt chuan engang chi pawh(Zo-Balhla, Ram-Balhla, Balhla-Hring, Balhla-Dum, Balhla-Var, Balhla-Sen, etc.) nise ka duh vek… :-P

    [Report abuse]

  3. 3
    ninja Says:

    Banria hi sazawin an tlan duh hle

    [Report abuse]

  4. 4
    Ruata Pachuau Says:

    #2 Zo-balhla ka lo zawnga a awm ve miah lo, Baria khi ni tak maw…… Vai-balhla pawh ka hmu lo bawk.

    [Report abuse]

  5. 5
    Dr Mahminga Sailo Says:

    (Y)

    Thingtlang kan awm laiin, kan huan mawngah Banria, hung hnih kan nei thin. Perek kan rah apiangin (ka rap zing ve malh malh em a :-) ) perek khenburna thingbung/thingphek kha Balhla kungah kan nem bei a. Ngaih a tha ve em em thin.

    Zawngte balhla ei hi a hmuhnawm ka ti :-D

    [Report abuse]

  6. 6
    M J Says:

    balhla tih bak engmah hriat ka nei leu, ka ei ve tawp mai thin, chumi khami tiin min han hrilh thin tak na a, ka bengkhawn lo zawng tak ani :-D
    post bengvarthlak tak ani (Y)

    [Report abuse]

  7. 7
    Angelus Bellus Says:

    Balhla hi chu tui ee… A chi dang deuha siam phei chuan atui lehzual.. Lo ei teuh teuh ru taksa tan atha ania… :)

    [Report abuse]

  8. 8
    Phivawk Says:

    Chi hrang a lova tam ve. Kei lah eng balhla nge tih ngaihtuah lem lovin ka lo ei hmiah hmiah mai thin si a. Bvt e (Y)

    [Report abuse]

  9. 9
    Lamji Says:

    Very BVTTT. (Y) Ka pa hi balhla leh tui ei a in reng mi ania,tui phei chu in tak ani in tak! A damloh hi vawi hnih emaw chauh ka la hre awm e a…!

    [Report abuse]

  10. 10
    hiho Says:

    Balhla hi tui ka ti lo. USA ah chiah poh awm mahse pawi ka ti lo ang. :-P

    [Report abuse]

  11. 11
    sillyBoy Says:

    Balhla den hi a tui ka ti :D

    [Report abuse]

  12. 12
    CFL Says:

    @ A bengvarthlak e. Ka’n save keuh a nge. (Y)
    @ Huan mawngah te ei sen lohvin kan titawih mai mai kha a nia, tuna ka awmnaah lah hian a to em em sia, ka lei tha thum ngam lo chu a ni tak si a le. :-(

    [Report abuse]

  13. 13
    sheldon Says:

    Post BVT. Balhla hi a tha an ti viau na a tui ka ti lem lo. Post erawh a tui ka ti..hehe

    [Report abuse]

  14. 14
    M J Says:

    tunah tak hian balhla ka ei mek, a eng ber nge nih ti erawh chu hrelo tak ka ni. :-D

    [Report abuse]

  15. 15
    TuaiSialA Says:

    Post thlum tui tak a niin ka hria. :D

    [Report abuse]

  16. 16
    ^-||R@lT€||-^ Says:

    Balhla, tih bak a hming dang ka lo la hre ve reng2 hlei nem! :-O

    [Report abuse]

  17. 17
    Dr Mahminga Sailo Says:

    Thil chikmi an awm hi, a lawmawm ngawt mai.. (Y) Banria, tih loh hi chu, balhla kual leh balthla te chiah ka hria.. :-D

    Balhla hi, hla ni ve si; kan sa ngai miah lo… :-O Ban-hla te chu inkhawm apaingin kan sa thin si a… :-P (nawi tiah tiah..)

    [Report abuse]

  18. 18
    ^-||R@lT€||-^ Says:

    Eng balhla nge in duh ber? :-O :-P :-D

    [Report abuse]

  19. 19
    sheldon Says:

    Banthur pawh a awm Tuaite!!

    [Report abuse]

  20. 20
    TuaiSialA Says:

    Bankhur pawh a awm ve tho lawm.. :P

    [Report abuse]

  21. 21
    Dr Mahminga Sailo Says:

    Banchum hi a thlum tui an ti, Banria aiin a lian a, mu pawh a nei tlem bik a ni awm e … :-P
    #22.. Zo Balhla kan tih pum tawi deuh lian ve tak a then chuan mu pawh a nei thin a hmin chu eng paw deuh a nih thin kha… Banria khi a ni lo’m ni?

    [Report abuse]

  22. 22
    bucko Says:

    Khumtung Balhla kan tih mai, balhla kual pum lian pui pui leh Vai Balhla kan tih pum te takte te thlum deuh tak ho kha sawi lan a ni lo tlat mai, tin Zo Balhla kan tih pum tawi deuh lian ve tak a then chuan mu pawh a nei thin a hmin chu eng paw deuh a nih thin kha. Heng ka sawi balhla te hi enga tinge sawi lan anih loh le…. mizo in balhla kan neih zingah a tel ve tho siiii….

    [Report abuse]

  23. 23
    TuaiSialA Says:

    @bucko, Zo balhla kan tihte hi a hming dik tak a ni lo aniang.

    [Report abuse]

  24. 24
    houdini Says:

    A bengvàrthlâk e. Dilna la hmasa lovin Wikipidia thuziak pakhat-ah ka lo telh.

    [Report abuse]

  25. 25
    roseparvul Says:

    Fonzie te’n banria huan chu an neih kha mawle

    [Report abuse]

  26. 26
    mamboihi Says:

    Hmanah Balhla huan kan nei thin.. Kan ei nasa thei tet lai chuan, tunah chuan ka ei peih ta meuh lo e.. Post chu a tha ve pah reng! (Y)

    [Report abuse]

  27. 27
    H.Vangchhia Says:

    Avan tha ve (Y)

    Banria leh Lawng balhla chiah khi a hming hmerh chuan ka hria hairehai :-P

    [Report abuse]

  28. 28
    funnyâ„¢ Says:

    Kan neih hnu deuh vek. hehe. Balhla nauchaw hi ka la hre ngailo. Banpawl hi chu a thur deuh suk in ka hria, Balhla zu siam nan a tha aniang kan neih thin lai khan kan ei ngailo balhla zu siam nan kan hmang thin(dawidim tello in). ;-)

    [Report abuse]

  29. 29
    buh-duha Says:

    Changkel pawh hi a mu a tam viau naa a thlum thei ve thin khawp mai.

    [Report abuse]

  30. 30
    ZerO Says:

    banril hi a thlum ve em le?

    [Report abuse]

  31. 31
    aduhi Says:

    balhla hi chu a tui alawm.

    [Report abuse]

Leave a Reply

You must be logged in to post a comment.