Ram leh, hnam leh sakhua hi inkawp tlat a ni a, then hran theih miah loh a ni.
Hnam siamtu chungkhuanu leh, hnam leh chenna ram chu inkawp tlat a ni a, hnamte chuan an siamtu leh an chenna ram petu Pathian, Chungkhuanu chu an chenna ram leilung leh a chhunga thil tinreng hmangin an biain an chawimawi ngei tur a ni.
Kan ram, Zoram hi Zofate chenna tura Khuanu ruat leh duan a ni a, a chungah hian hausakna chitin reng a dah sa vek a, neitu nihna leh thuneitu nihna min pe nghal vek a. A ram venghim turte, cheibawl turte in mawhphurhna zawng zawng chu Zofate kut a ni si a.
Kan ram tana nun petu chu
A siamtu tan a nun pe a ni.
Kan hnam tana nun petu chu
A siamtu Pathian tan a nun pe a ni.
Ram pawi khawihtu chuan
Pathian pawi a khawih a ni.
Hnam pawi khawihtu chuan
Pathian pawi a khawih a ni.
Kan ram leh hnam kalkhum a Pathian biakna leh fakna reng reng chu thawnthu chauh a Pathian bia leh fak an ni si a.
Kan zotlang ram nuam hi chhawrpial run i iang e,
Hallo ten lungrual dar ang kan lenna;
Perkhuang tingtang zai a kan chawilai i mawi e,
Aw, i mawi chuang mang e kan lenna Zotlang ram nuam.
Tih hla kan sak a, ram min petu Pathian Khuanu kan fakin kan chawimawi a ni tih kan hriat si loh chuan hnam chuan sakhuaah kawng a la bo reng a ni.
Kan chenna khua leh kan pianna khua chu kan tan Khuanu ruat a ni a, kan ram leilung leh, lui luang leh, boruak thiang leh thlifim thlengin kan hringnun enkawl tura Khuanu ruat a ni si a. Kan ram leh, hnam leh a chhunga thilte hi chatuan Lal kutchhuak a ni a, a tana rinawm a dik bawk chu Siamtu Pathian tan rinawmna leh dikna a ni si a.
Kan ram leh hnam atanga piang chhuak ni lo hnam dang leh ram dang atanga kan lakluh chawp sakhua reng reng chu kan sakhaw tak a ni reng reng lo. Hnam dang sakhua kan pawmpui ve a ni mai zawk.
RAM: Zofate luah chin ram zawng zawng hi kan ram, kan ta dik tak, Khuanu min pek, min dahna a ni a, tumahin min thendarh thiang lo. Min dahdarhtu chuan Pathian pawi a khawih a ni.
HNAM: Zo hnahthlak zawng zawng hi thlahkhat, hnamkhat Khuanu siam kan ni a, chi peng hrang hrang kan awmna chhan hi inthlahchhawng kal zelah thlahtu hmingte kha hnam hmingah hman te a nih tak hlawm avangin hnam peng hrang hrang kan awm thluahna chhan hi a ni. Kan zain Zo hnam vek kan ni a, kan luah chin pawh Zoram a ni.
SAKHUA: Sakhua reng reng chu a siamtu leh a siamte inkawp tlatna kha sakhua chu a ni a. Sakhuana erawh chu a siamtu ruat leh duan anga a lo lanchhuahna hi sakhuana a ni thung.
Hnam kha Pathianin min siam a, chenna tur ram min pe a, nunphung leh awmdan tur min pe tel nghal vek a, kan ram Pathian duhdan thlapa kan luah hian chu chu Sakhuana chu a ni. Ram dang, hnam dang chanchin sawi emaw, an tihdan zir emaw hi sakhua ni reng reng lo. Nangmah a nangmah siamtu Khuanu duhdan a awm kha i ram leh khawvel a i lanchhuah tir khan sakhuana i hmang dik a ni.
Sakhua chu sawiah a awm lova, hla sakah a awm lova, tawngtaiah aawm hek lo. A taka nun chhuahpuiah leh thiltihtheihnaah chauh a awm a ni.
CHATUAN NUNNA: Tisa damlai leh thih hnu pawha chatuan a min siamtu Pathian hnena kan awm theihna tur chuan Pathian, Chungklhuanu kha Chatuan chu a ni a. A nunna min pek kha chatuan nun kan neih chu a ni. Pathian nunna kan chan chauh lo kha chu chatuan nun dang reng reng kan nei lo. Chu nunna chu tu emaw vanga kan chan a ni reng reng lo. A duh taka a siam leh din kan nih avanga pek kan ni mai zawk. Chatuan nun nei tur hian min siamtu Kan Pathian, Chungkhuanu bak midang rin tel emaw, pawm tel emaw a ngai reng reng lo.
Kan hringnun tisa erawh hi chu pialral a thawn kai tel tur a ni lova, he kan chenna leilung luah tura Chatuan Lal ruatsa a ni. Kan ram leh hnamah hian rinawm tak leh, dik tak leh tlawmngai taka kan nun a, kan taimak bawk chuan hmuingilna leh vanneihna chu kan hmaah a awm sa vek a, kan chenna ram Zoram chu ram nuamah a chang ngei ang. Chu chu lei vanram chu a ni si a. Khawvela hnam tinte hian mahni ram leh hnam nun zawn theuh a siamtu kan biak leh kan fak theuh hi Pathian thu a ni mai si a.
Kan ram leh hnam hi Chatuan Pathian thu a ni a, mi ram changthlan bang tawhin kan Zoram hi lo changthlan tawh rawh u. chu chu Zo hnamte Pathian thu chu a ni si a.
KAN RAM LEH, KAN HNAM LEH MIN SIAMTU KAN PATHIAN INKAWP TLATAH HIAN KAN SAKHUA CHU A FAMKIM VEK ANI.
Similar Posts:
- HNAM ROLUNG
- Zo Sakhaw Zepui
- Zo Sakhaw Zepui (chhunzawmna)
- Kristian sakhua leh Mizo hnam sakhua danglamna
- Ti hian ka ngaihtuah thin
May 5th, 2012 at 8:34 pm
Chhiar phawt ang.
tren tren
[Report abuse]
May 5th, 2012 at 8:35 pm
..
[Report abuse]
May 5th, 2012 at 9:10 pm
A hahthlak emmmmmmmmmmmmmmm mai.
[Report abuse]
May 5th, 2012 at 9:11 pm
Tunlai in Zoram pumah GAS a harsa hle
[Report abuse]
May 5th, 2012 at 9:58 pm
pawm zawng leh vei zawng hi a va in anglo thei tak em aw..pawmpuitu nei miah lo a a rawn post tluk tluk peih hi chu a taima ve khawp mai, a peih na hrim hrim hi chu kan thil tihna kawngah i entawn sak teh ang u…
[Report abuse]
May 5th, 2012 at 10:06 pm
[Report abuse]
May 5th, 2012 at 10:36 pm
Hnam sakhua chu i reh vang vang hlë mai. Mizoram leilunga philosophy tualá¹o awm chhun hringa enkawltu langsà r awm chhun in ni e.
In rinna lo á¹hang lian zëla lo lian deuh deuh tùrin Chungkhuanu’n malsà wmnain vûr che u rawh se.
Mîin min bengkhawnpui loh pawhin rinna dik nei nìa inngai chin chu i hnüal lo vang u, tiin ka fuih duh che
a ni.
[Report abuse]
May 5th, 2012 at 10:53 pm
che tih leh a ni tih inkara thil phÃr á¹Ã«ih te khi ka lo tih palh ngê, engtia lo lût ta nge ka hre lo. Tihsual a ni e.
[Report abuse]
May 6th, 2012 at 12:30 am
Zoram tang fan fan…..
[Report abuse]
May 6th, 2012 at 12:41 am
A pui riap riap hle mai!!!
[Report abuse]
May 6th, 2012 at 2:47 pm
Hey Mizo inti Kristian ho, in hai e lua e in chang thlan hi. Hnamdang changthlan tawhloin kan ram Zoram hi changthlan zawk tawh teh u. Kristianna hian kan ram a vawchhe zo tep tawh anih hi.
Hnam Sakhua KZP.
[Report abuse]
May 6th, 2012 at 3:04 pm
Pui bem bem ve le! extremist view deuh hlekin a lang naa pawmpuina chen ka nei thui hle. ‘Zo’ tih leh ‘Thing’ tih synnonym anga kan ngaih chhung chuan kan parchhuak ngai lovang tih ringtu zing ami ka ni.
Ram hruaitu tha kan mamawh laiin keini pawh kan that a ngai. Kan duhthusam ang, kan iak kan iak pui Hruaitu hi nei ta ila tun dinhmunah chuan Mizo mipuite hian kan la zo loin ka ring.
[Report abuse]
May 6th, 2012 at 4:03 pm
Hnam Sakhua leh bok, i reh bok a hei angai te te in
[Report abuse]
May 6th, 2012 at 6:42 pm
Nia, ka net a muang thei lutuka, thu pakhat post tur pawn a beih a beih fet a ngai zel a, tunah hei tlemin a zia deuh a nih hi.
[Report abuse]
May 6th, 2012 at 6:48 pm
Kan ram leh hnam hi Pathian thu a ni. Engvangin nge Kan ram a mi ni miah lo,a chhawr pawh kan chhawr tangkai miah loh, a tam zawkin a hmel pawh kan la hmuh loh Jordan lui hi, kan ram lui kan chhawr tangkai em em Tlawng lui te aia kan ngaihsan theih le.Jordan lui ai chuan Tlawng lui te hi keini Mizoram tan chuan a Pathian thu fe zawk a ni. Aizawl chengte tan phei lek chuan.
[Report abuse]
May 6th, 2012 at 6:53 pm
Va tha ve……chhut zel rawh, mahse mi thenkhat in Pathian tih hi thawnthu emaw, epic emaw, mythology emaw ti a, atheist a chhuak ta daih an awm teuh a nia, i bo ve daih a nge aw?
Hemi hi a ni pakhat an tia sin, American hovin IN GOD WE TRUST an tih thin na chhan…..
[Report abuse]
May 6th, 2012 at 8:02 pm
Zanin hi thla en ber zan, kumin atan ani dawn e.
[Report abuse]
May 6th, 2012 at 8:25 pm
Rihdil theology hi zawng in hringnun zawhna pawimawh pakhatmah hi a chhang thei si lo a ni e. Setana meuh pawh in New World Order tia hnam hrang dai danna bang a thiah leh tawh lai a hnam bil sakhaw lo zawrh ve phet chu a, 1878 a nih tawh lo hi…
[Report abuse]
May 6th, 2012 at 11:12 pm
Kristian lo rau rauah mizo sakhua ai chuan Buddhist hi ka la thlang tal ang. min thlantir dawn se.
[Report abuse]
May 7th, 2012 at 8:21 am
Vakul i hming pawh kha thlak daih rawh Mizo suak i nih kha, Hnam Sakhua hi a lo par vul leh mek e
[Report abuse]
May 7th, 2012 at 8:31 am
Vakul i hming pawh kha thlak daih rawh Mizo suak i nih kha, Hnam Sakhua hi a lo par vul leh mek e.
[Report abuse]
May 7th, 2012 at 8:37 am
Hnam sakhua hian harh chhuah hun a nei mawlh dawn lo ve…Tuikuk chauh hi emaw Pathian siam theihloh ka lo ti a,….:-D
Chaltlai ve phian leh nghal a…hui ha..
[Report abuse]
May 7th, 2012 at 9:14 am
Hmangaih Pathian hian a hun takah missionary te hmangin min rawn zawngchhuak lo sela chuan, mizotawng te hi bengali tawngin a pawlhsawp zo tawh anga, bengali medium in kan zir ang a, kan common language ah bengali kan hmang ang a, Assamese/bengali chief minister hnuaiah Autonomous District council sualin kan hel ve tak tak amaw ani vel chauh awm si a. Kan hnam dinchhuahna hi kan hnam hmelma amaw tiin kan la do/bei ve tak tang tang a. Hahthlak thin e.
[Report abuse]
May 7th, 2012 at 7:55 pm
Hman deuhah khan AIR-ah missionary pakhat an kawm ka ngaihthlakah chuan Chanchintha min rawn hrilhtu te ramah chuan Kristian an tlem zel thu ka ngai thla tawh a, chu loah pawh Makedonia chanchinbuah pawh ka chhiar tawh bawk.Engvangin nge an tlem zel ni ang le?
[Report abuse]
May 7th, 2012 at 7:58 pm
Hman deuhah khan AIR-ah missionary pakhat an kawm ka ngaihthlakah chuan Chanchintha min rawn hrilhtu te ramah chuan Kristian an tlem zel thu ka ngai thla tawh a, chu loah pawh Makedonia chanchinbuah pawh ka chhiar tawh bawk.Engvangin nge an tlem zel ni ang le? Hmangaihte Pathian duhdan a ni lo a niang a.
[Report abuse]
May 7th, 2012 at 8:19 pm
An tlem zel ka ring hran lova, amaherawhchu, mahni ngeia Pathian hriatchianna nei lem lo, nu leh pa te sakhua anih avanga kristian ni ve ringawt(christian by birth) an tam tawh a, an nu leh pa te pawh dal tawh tak Pathian ngaihsak em em chuanglo an lo ni bawk si. “Boralna kawng chu a zauva, inkhuahkhirhna a awm lova, kal pawh an tam; Chatuan nunna kawng erawh chu a zim a, tih leh tih loh turte a lo tam a, kal peih pawh an tlem a ni ber mai e.”
[Report abuse]
May 7th, 2012 at 10:55 pm
20. mizote sakhua, mizo sakhua chu mizoten kan biak mek hi a ni mawl lai sakhua kha zawng a thuk lo teh mai a nia. sakhua pawh a ni pawn ka hre hlei nem. inkhualtelem mai mai a lawm.
[Report abuse]