Chhiar tur: Tirh 2: 1 – 41
Kum thum leh a chanve lai an inzui hnuah pawh Petera chuan a Lalpa chu a phatsan a. A tum thumnaah phei chuan, “Chu mihring in sawi chu ka hre lo†tiin a pha ta hial a ni. (Mk 14:71).
Chawlhkar sarih lek liam taa, “Kraws-ah khengbet rawh†tia autu mipuite chu Amah Lal Isua lo phatsan tawhtu Petera sermon atangin mi sangthum (3000) laiin baptisma an lo chanbelh ta a. A va ropui em! Lal Isua ngeiin a lo tiam tawh angin Thlarau Thianghlim chu pekin an awm ta a ni.
Aw le, tun tumah hian Thlarau Thianghlim hnathawh rah chhuah, Thlarau Thianghlim baptisma chang tura tih tur leh a chan dan kawngte tlem a zawng ilo zir ho teh ang u.
1. Pentecost ni-a Thlarau thianghlim hnathawh rahchhuah:
[i] Isua Krista lo phatsan tawhtu leh tuna Thlarau hruaia awm mek Petera chuan huaisen takin Pathian thu a lo sawi ngam ta a; mi sangthum laiin baptisma an lo chan phah ta a ni. ( Tirh 2:4 ).
(ii) Thlarau Thianghlim hnathawh kal zelah Petera leh Johana te chuan piantirh ata kebai chu Krista Isua hmingin an tidam a. An thiltih leh thusawi atangin mi tam takin chhandamna an lo chan phah bawk a, patling hlir pawh sangnga lai an tling a ni. ( Tirh 3:1-10; 4: 4 ).
(iii) Mi zingah Pathianin Tirhkohte kutin chhinchhiahna leh thilmak tam tak a ti a. ( Tirh 5:12 ). Ring tharho hmeichhia leh mipa tam takin Lalpa hnenah chuan an rawn belhchhah lehzual thin a. ( v. 14 ).
(iv) Stephana chu ngilneihna leh thiltihtheihnain a khat a, mi zingah thilmak leh chhinchhiahna ropui tak a ti thin a. ( Tirh 6:8 ).
(v) Thlarau Thianghlima chhûn khah Philipa ( Tirh 6:5 ) chuan Samari khuaah thilmak tam tak tiin, ramhuaite a hnawtchhuak a, mi tam tak Krista ke bulah a thlen a ni. ( Tirh 8: 5-14 ).
(vi) Thlarau Thianghlim baptisma changtu Petera chuan taksa zeng Ainia chu a tidam a; khawpui pahniha mipui zawng zawngin Krista Isua an lo rin phah ta bawk a. ( Tirh 9:34-35 ).
(vii) Petera vêk hian mitthi Dorki chu a kaitho a; mipuite chuan chhandamna an lo chan phah bawk a. (Tirh 9:40-42).
(viii) Tirhkohte Thiltih Bu pumpuiah hian Thlarau Thianghlim hruaia awm thu te, thilmak nasa tak tih leh mi tam tak Krista hnena hruaia an awm thute kan hmu a ni.
(ix) Lal Isua’n a lo tiam tawh ang ngeiin Thlarau Thianghlim a lo thleng ta tih kan hria a. Lal Isua thusawi a thlendik thinzia kan hre thei a ni. ( Tirh 1: 8 ).
2. Thlarau Thianghlim Baptisma chang turin engnge kan tih tur?
[i] A hmasa berah chuan, “ I tan leh ka tan, mi zawng zawng tan a ni,†tih kan pawm tur a ni. (Tirh 2:39).
(ii) Inchhir leh simna thinlung neih a tul. “ Sim ula, in sual ngaihdam nan Isua Krista hmingin baptisma chang theuh rawh u; tichuan Thlarau Thianghlim pek hi in hmu angâ€. ( Tirh 2:38 ).
(iii) Thlarau Thianghlim hruaina mamawh leh tuihal ngawih ngawih nih a tul. Thlaraua khata awm tur kan ni si a.
(Eph 5:18 ).
(iv) Thlarau Thianghlim baptisma hi Isua Krista atanga chhuak a ni tih hi kan hrechiang tur a ni. Chanchin tha Bu pali-ah hian Isua chu thlarau-a baptistu a nih thu kan hmu vek a ni. ( Mt 3:16; Mk 1:8; Lk 3:16; Joh 1:33 ).
3. Thlarau Thianghlim baptisma chan dan hrang hrang te:
Pathian hmaa kan inbunruah a tul tih kan hriat reng a tha awm e. Tirhkohte Thiltih Bu atanga kan hmuh dan atangin lo thlir ila:
[i] Pentecost hmasa bera Thlarau thianghlim changtute chu tawngtaina nena inpawlkhawmte an ni. ( Tirh 1:14; 2:1 ). Heta tang hian ringtu inpawlkhawm zingah Pathian hian Thlarau thianghlim hi zalen taka lentir a duh thin tih kan hre awm e.
(ii) Kornelia in chhungah Patera sermon atangin Thlarau thianghlim a lo thleng tih kan hria. (Tirh 10:44). Chhungkuaah hian Thlarau Thianghlim hian chen a duh thin a ni.
(iii) Ephesi khuaah zirtirte chungah Paula’n kut a nghat a, Thlarau thianghlim a lo thleng tih kan hria.
(Tirh 19:6). Kan Lalpa hian mi zawng zawng hi chhandamna changah leh a thuhretu atan min duh vek a ni tih a chiang hle mai.
(iv) Mahni chauhva kan awmnaah emaw, Biak In chhungah a ni emaw, khawi hmunah pawh hian Thlarau thianghlim baptisma hi chan theih a ni a; nimahsela rilru inbunruah leh Pathian hmaah chuan engmah kan ni lo tih kan inhriatchian reng a tul awm e.
Jerusalem, Ephesi khua leh Kornelia in chhunga Thlarau Thianghlim a lo thleng ang khan vawiin ni pawh hian Thlarau Thianghlim chuan kan zingah tlangnel taka chen ve reng a la duh a. A lo dawngsawngtu tur keimahni lam ngaichangin a awm reng zawk a ni. Thlarau Thianghlim baptisma hi mi zawng zawng, a duh apiangte tan a ni si a.
Lalpa’n malsawm rawh se.
Amen.
Similar Posts:
- Pentecost pualin
- Thlarau Thianghlim (Pentecost Pual)
- Pathian Chhandamna Ropui Hi
- Tu hminga Baptis tur nge?
- Tunlai ka mutmawh hnarmawh.
hairehai
May 27th, 2012 at 7:31 am
Pentecost ni ah ka first e. Comment closed hi pending emaw scheduled tawh hnu a author in an rawn edit leh vang a ni tlang pui
Chhuaklinga sorry 
[Report abuse]
May 27th, 2012 at 7:39 am
Lal VaiVa first duh vang hian comment hi i close ve ziah mai.
Aw Thlarau Thianghlim lokal la, kan tha ti chak ang che.
Good Post
tren tren
[Report abuse]
May 27th, 2012 at 8:41 am
Pentecost Ni – inkhawm vek ang u aw
[Report abuse]
May 27th, 2012 at 9:43 am
sangthum tih hi a chiang tawk viau. A figure a dah leh kher hi ka sawisel thin.
[Report abuse]
May 27th, 2012 at 10:32 am
A chiang kek kawk viauvin ka hria. Post a thain chhiar a nuam khawp mai. GP
[Report abuse]
May 27th, 2012 at 11:12 am
A va tha kher em. Lalpa’n Malsawm mawlh rawh se
[Report abuse]
May 27th, 2012 at 11:12 am
הללויה ×מן
[Report abuse]
May 27th, 2012 at 11:30 am
[Report abuse]
May 27th, 2012 at 11:59 am
Post á¹ha hle mai, Pentecost ni a ni tih pawh ka lo hre reng ren hlei nem mawle
[Report abuse]
May 27th, 2012 at 12:43 pm
Pentecost nia Thlarau Thianghlim lo thlengah khan ho te si pawimawh ve taka ka hriat chu “an zaa an pungkhawm” kha a ni. Dawngsawng turin anmahni lam an inpeih khawp mai, Kohhran ho pawh hi member zawng zawng hi pungkhawm ta thin ila, Pathian Thlarau pawlna chu kan dawng ve ngei-tun aia nasain.
Thlarau Thianghlim hriakthih tih hi chan nawn mawlh mawlh tur lam aiin vawikhat chana cham hlen tur chi a ni a, a ziahna Grammer pawh chutiang chu a ni. Thlarauva khat erawh hi chu khah pung reng lam min thlukpui a tumna lam aiin, thlarau pawlna dawng thei tura inpekna lam a kawk mah. Thu kan sawi dawna a special taka Pathian pawlna pawh kan ngai a, kha huna Thlarauva khat thei tur chuan thawkkhata auh eih mai chi a ni lem lo, au eih thei tura a hma lam kan nun kan hlan reng lam kha a ni awm e.
Thlarau Thianghlim chang tur hian hriat belh lam a kawk ngai lo va, sim then lam zel a ni zawk. Mizote hian Thlarau pawlna kan chan theih nan tu emaw kan ruai vak zel a, a tha tho ve-kan hriat belha kan chan aiin kan sima kan chan hi a nghet zawk.” chutin an sual chhun ang hriain..” sual an ngah vak lo mathei..an sual chhun ang..
Pentecost ni kha khawngaihna puanchuahna tak tak anga sawi an awm bawk a, a dik hmel fu. Mosia huna dan puanchhuahnaah khan mi 3000 an thi a, thuthlung thara khawngaihna puan niah mi 3000 an nung hlauh thung.
“Thil dang kim hmu mah ilangin, hei hi kan la chakkhai, sual entirnan min pui turin, Thlarau chauh a tangkai”
Kohhrante hi chhepchher tha pui pui leh properties tunlai tak tak nen inawi mahila, a tangkai lai kan theihnghilh ang tih a hlauhawm ngei mai. Rawngbawlna dah pawimawh em em ila, kan nun hian Thlarau zai a lo ngai lo ang tih a hlauhawm em em…
Pathian Thlarau hian min awmpui vek, mahse a hruai theih tura inpete chauh Pathian fate an ni…Aw Tharau Thianghlim lo kal la kan tha tichak ang che.
[Report abuse]
May 27th, 2012 at 1:10 pm
Vakul….Mosia dan puan chhuah ni khan mi 30 a ni zawk lo maw tih hlum kha. ‘Dan avangin mi 30 tihhlumin an awm a, khawngaihna ah chuan mi 3000 thiam changin an awm’ tih sermon te pawh kha a awm á¹hin a ka hriat chu.
[Report abuse]
May 27th, 2012 at 1:29 pm
#11…Eng nen amawni ka confused zawk a ni e. Ngaidam ngaidam
[Report abuse]
May 27th, 2012 at 1:44 pm
Aste..nia i confuse palh Exo.32:28 bawr vel kha maw le…a tha vek e confuse hi awl tak a ni
[Report abuse]
May 27th, 2012 at 1:50 pm
A va tha em. Post pakhata sei lutuk dah hi a tha ber si lova, Ka Post nen pawh a in compliment tha khawp mai. Pu Vakula sawi khi ka thlawp hle mai bawk.
[Report abuse]
May 27th, 2012 at 8:01 pm
[Report abuse]
May 27th, 2012 at 9:36 pm
Comment-tu zawng zawngte in tilawmawm diat diat e.
[Report abuse]