Pathian hnena tawngtaina han tih ve ngawt mai hi, ka tan a sawi a mawi em, tha em/tha lo em tih phei chu ka ngaihtuah thiam lem lova mahse kan ziak ve ngawt mai teh ang…
Mahni chanchin sawi hi thil nuam teh vak chu ni lo mahse, midang chanchin sawi a, a chhe lai a thu khar leh thin ngawt ai chuan ninawm deuh mahse tha zawk turah kan ngai nghal ngawt pek mai a, a fuh chiah em phei chu ka hre lem lo. Felna leh thatna lamah hi chuan han indah sang ngam chi ka ni lo tih hi ka chiang khawp a, mahse that vanga sawi tur ka ni hleinem mawle ti a inthiam chawp chungin kan thai ve ngawt a ni e. Tin, hemi ruala sawi loh theih loh ni a ka hriat a chu, Lehkha lampang hi ka ti mi ve vak lo nachungin ka thiam lohna chhan erawh dik ni a ka hriat chu lehkhabu (course) a zir mang si lo hian course pel pel hian an thiltih dang eng2 emaw, exam nan a tangkai lo fe fe hi ka buaipui ta zui chiam mai thin a, pass that chu a har ve thin khawp mai 
.
Ka sawi tum taka zawk chu Kum sawm 20 dawn lai liam ta a ka zan khat thil tawn a ni. ka tihtur hrelo pek hian, lehkhabu chhiar tur zawngin neih ve ang2 te ka hai chiam mai a, chutah hei hi a ngaihnawm ber ange tiin samkhya theory lehkhabu atanga ka Xerox chhawn leh chu ka la chhuak ta a. Dar 10 te a ri ta bawk a ti in chhiar tan tumin ka han in buatsaih a, meizialte kan tan te te a khumah thu mu awn ang deh dawh in kan in siam a, ka chhiar chho tan ta a, ka ngaihtuah zui zel bawk a, phek hnih vel kan chhiar zawh hnu chuan ngaihtuahna a kalthui thut nge ni, force leh element chi hrang hrang in siam theih dan tur ang chi te leh thildang tamtak mai hi thluak ah a rawn lut ta zut zut mai pek a.
Rinhlelhna te, chian lohna te,leh ngaihruatna chi hrang hrang nen a in pawlh ta nuaih mai . Awm ngaihna hriat hleih theih loh tur khawp hian ka ngaihtuahna chu a awm ta a, ka thluak a khat, nge a ruak pawh ka hre lo. A engamah chu ka ngaihtuah chhunzawm thei ta lo, ka bing ta mup2 a ni ber mai hian ka hria, ka hlauthawng in ka mangang nasa ta khawp mai a, mahse chuta ka rilru a lo lang viai2 chiang mang lova ka hriat chu tawngtai leh Bible chhiar chauh chu a ni ta mai, chutah chuan ka theih ang a rang chuan Bible chu ka han ban ta ringawt a, ka chhiar hma chuan kan tawngtai ve lem luam a, ka chham a ber pawh chu ka hre chuang lo.
Ka han keu phawk a phek veilam nita in ka hria Hebrai 11:1 a nia, ka han en chuan chiang deuh mai hian rinna chungchang hi a lo in ziak reng mai a. Chawp leh chilh hian mak deuh mai in ka veng ta uar mai a, thil te pawh ka ngaihtuah ve leh thei ta nghal mai bawka kan lawm nasa khawp. Chuan zunram thiar a mut kan tum meuh chuan dar 12 a lo ri tawh reng tih kan hre leh hnuhnawh a, ka’n ngaihtuah let leh a lehkha phek hnih chhiar chhung kha chu hriatthiam loh lai ngaihtuah zui zeuh2 nen darkar chanve pawh tling lovah dah ta ila,engmah ngaihtuah mang lo, hre mang lo leh buai taka ka awm lai kha reilote emaw ka tih lai khan darkar khat aia tam dawn lai chu a lo ral reng mai chu lo ni in. Engtin nge khatia ka awm maitheih dan kha? Tih hi mak tihna leh hriathiam lohna hian ka khat a ni deuh ber mai. Mihring hian at leh piansual leh thihna hi kan lo va hlat lo dawn tehlul em tih hi min ngaihtuah chhuah tir ta hlauh thung a. Khatiang khan bible kha chhiar lovin lo awm zui ta ila engmah hrelo khan ka mu reng dawn a lo ni reng mai tih kan ngaihtuah chhuah phei chuan, Pathian thiltih theihna mak zia leh a tak zia hi khami zan atang khan ka ringhlel leh ta ngai lo thung.
Kan sual viau lai leh Pathian kan hlat viau emaw kan tih lai leh, Pathian hi van thengreng hla lutuk leh kan solar system piah lam daih a awm tur a ngaihna lian deuh mai hi a awm run thin. Mahse second 1 pawh tling lo duh2 huna ban phakah mai hian a lo awm reng tih hi ka chiang leh zual, chuvang chuan engemaw tawn zawh loh tur ni a kan hriat leh dawh zawh loh khawp tur ni a kan hriatte kan chunga a thlen lai te, sual nasa tak ti ni a in hriatna kan neih chang te pawh a awm thin maithei mahse han tawngtai mai hi a a lo tha thin khawp mai.
Similar Posts:
- Why do men have nipples?
- 100% Kristian kan ni em?
- Zofa te leh kan kristianna
- Enge Pathian Thu?
- Pathian hi khawiah nge a awm ?
June 3rd, 2012 at 8:33 am
tren tren
Report this comment
June 3rd, 2012 at 8:40 am
Report this comment
June 3rd, 2012 at 8:41 am
Tawngtai dan min zirtir dawn emaw ka tia
. ‘duh2′ ti lo khian ‘duh duh’ tih ni zawk ta se… 
tren tern
Report this comment
June 3rd, 2012 at 8:42 am
Report this comment
June 3rd, 2012 at 8:57 am
Report this comment
June 3rd, 2012 at 10:22 am
Kan tawngtai min ngaihthlaksak tih hriat tluka nuam a awm lo
Good post
Report this comment
June 3rd, 2012 at 12:52 pm
(Chhiar hma)
Vawikhat chu ka ngaihtuah ngai mang miah loh, “Engvangin nge kan ṭawngṭai?” tih sermon hi vai pastor pakhat hian a neia, ka la fuh rem rem hle a ni. Thuthlunghlui aṭanga vawiin ni thlenga ṭawngṭai kher kher a Pathian biak ngaih chhan te nen. Chhiar zawh ah comment chhunZawm leh tur a nih hi.
Report this comment
June 3rd, 2012 at 1:08 pm
I thil chhiar ah chuan i cheng nasa hle ni maw…lehkhabu te, movies te en a thil dang ngaihtuah lek lova tih deuh ngut ngut hi chuan Illusion neih te hi awl a sin. Mumang ngaihtuah ringawt avang te, en ngai reng en ngut ngut te pawh hian. A bik in rilru chak vak lo, a ruala thil pa 2 emaw a aia tam emaw concentrate thei lo ah te hian a awm duh….en ngai en char char, biak hre miah lo, enge an en pawh hre chuang miah lo te an awm ṭhin hi.
Bible chhiar tam te, ṭawngṭai tam te hi alo ṭhatna chu hetiang hunah hian tlanchhuahna kawng alo in hawng thuai mai zel a ni.
Report this comment
June 3rd, 2012 at 1:13 pm
Report this comment
June 3rd, 2012 at 1:18 pm
Ekhai!! Finna ward va hnai ther ther ve
Post awmze nei tak anih hi le 
Report this comment
June 3rd, 2012 at 2:10 pm
Kum sawm 20 ??.. Kum 20 liam ta a, xerox chhawn nei tawh lai khi..
Report this comment
June 3rd, 2012 at 5:28 pm
@Astea#8: nia ni khop mai rilru sawrbing tak2 lai hi a awm ve thin a nia. Illusion hi chu ka la hmu lem lo chuan ka hria.
@Lrpa#`10: hnaih ther2 tak ani mahse Pathian hmangaihna vang ah ka ngai lo thei lo……
@11#stifler: Xerox ni nang…………… thanks. Cyclo style ang chi ngei mai kha mawle, kan tawngkam hman pawh a lo changkang ve ta deuh ni e…..
Report this comment
June 3rd, 2012 at 7:58 pm
A tha khawp mai. Gov’t High school a ka thawh lai hian kan zirlai naupang 1 a ä ta tlat mai a, kan zuk tlawh a, Mathematics formula turu lutuk hmuchhuak hian a inhre tlat mai a, a han sawi vel chu a awmangin a pui hmel khawp mai. Nangpawh ilo ni ve tep anih dawn hi.
Report this comment
June 3rd, 2012 at 8:51 pm
@Pkfanai#13: Nia mawle,nang pawn ka a emaw i ti hman hial lo maw?
……mahse tawngtaina thiltih theihna hi a turu a nia………….amah rinna hi kalsan chi a ni lo reng ni bur mai ni.
Report this comment
June 3rd, 2012 at 11:16 pm
a tha e, post tha tak fuihtu tha tak a ni.
Report this comment
June 4th, 2012 at 1:06 am
Tawngtaina chungchang post, a tha hle mai, Kei pawh ka’n inpuang ve teh ang. kum 17 kaltaa tawngtai chhanna chawp leh chilha ka dawn kha thildang tam tak zingah ka theihnghilh theilo. KG II lek ka zirlai kha ani a, tumkhat ka sikul bang chu tumah hruaitu ka nei lova, ruah ala sur buan buan zuia. Nihliap ka nei silo, chuan le nu leh paten ruah do an phalloh hre kar chungin mi garage ah ka tawm ta a. Rei fe ka tan hnu chuan ka rilru kha a hrehawm ve reuh tawh khawp maia. Nu leh paten tawngtai pawimawh zia min lo hrilh fo thin chu ka ngaihtuah chhuaka, ka rilruin puitling min hruaitu tur lo kal tir turin Pathian chu ka dil ta tawp mai a ni.
Chumi hnu reiloteah chuan Lunglei Bazar veng nula zaithiam Lalramfawni hi nihliap khumin alo kal ta a, ‘Mami lo kalrawh ka hruai ang che’ tiin a hriat ngai mi pawh ni lo naupang chu kan in thleng min thlah ta ringawt mai a ni. Amah kha zaithiam lar ve angreng tak anih vangin ka nu ten an lo hriaa, kei pawn ka hriat zui phah ta a ni. Ani phei chuan min hre zui kher lo ang. Mahse tun thlengin ka theihnghilh thei ta lo chu a nih hi. Amah ringtute tawngtaina chu Pathianin a chhang thin.
Report this comment
June 5th, 2012 at 1:04 am
Hei pawh Tawngtai hlut zia min hriat thar tir.. Chawp leh chilh a ka tawngtaina Pathian in min ngaihthlak sak a min tih hlawhtlin sak ka nei ve nual tawh a, Pathian hnenah lawmthu ka sawi a ni.
Report this comment