«
»

Ka Hlan Ngam Lo…

September 3rd, 2012 6:00 pm by Dr Mahminga Sailo

Chhass nei ve rawh!
Rawlthar tilpawr aw ka nei ve dawn chauh emaw ka tih laiin, mi ngaihah chuan tlangval ka lo ni ve reng tawh a ni awm e. :-P Chhass an tih ang hi neih tur mai an awm remchang mang si lo. Leng dang te lah chuan inthurualsa ni awm tak hian awlsam te hian an inkawp rem ang fir fer si. Kum tinin Valentines’ Day–a rosepar hlutna ka chhiar fova, hman tangkai erawh ka la nei lem lo. Rosepar han hlan tur nei ta lo chuan, mahni’n rose par ka hnim leh vung vung thin. :-)

Tin, laina hnai leh thian ngamtlak deuh te’n, nang hi chhass nei ve tawh teh an han ti ngawt zel thin a. Min duhtu tawng ve ni ila’ng chuan e, chhass nei tur rual zawng ka ni ve tawh alawm. Sawrkar lah chuan NLUP an sem chur chur a, kan tana NLUP (NuLa Upa Pawl) sem tih lah awm hlei lo. Sawrkar huna nula sem thei apiang ka vote ang tiin valrianga hi ka inhrosa ta fo mai. :-D

Ka vawng khawl thin
Chhass nei ngailo mah ila, hmeltha erawh ka hre thei fu si! A ruk tea duh leh star tak tak phei chu ka ngah mah mah. Amarawhchu, a tawp thlenpui erawh ka nei ngai lem lo thung tih mai a nia!

Khawvela thiltithei ber leh chak ber – rilru ngaihtuahna sengin, ka runlum nuthai tur ka’n hisap vel ve thin a. Biathu ka hlan tur zawng zawng ka ziak kawi nguai a. Tin, zankhua lo thlenin, mitthlaa lengi hmu reng chungin mutmu ka’n tuah a. Tawnmang mawl tala biathu hlan beiseiin beng sa vung vung hialin ngaihtuahna zawng zawng ka sawr bing a. Biathu ka hlan tur ka vawn lawksa thlap nen laikhum ka bel a.

Ngai teh, vanduaithlak takin tawnmang mawla ka tawn theih an ni tlat lo. Mumang bo thak khawpin ka mu tui leh thin si alawm! A tukah bek leh tukhum sam delh pheng nuaiin ka tho chhuak hlawl thin. Mumang neihna damdawi hi siamchhuak vat se ka ti mang e… :-D

Ka muttui vang phiangsena tawnmangah tal hun remchang ka neih theih tak si lovah chuan, a tak ngeia hmuh beiseiin, duhthu ka sam chhunzawm leh a. Biathu ka hlan tur ka ngaihtuah lawksa vek te, ka hmaa boruak chu ka hlan mawlh mawlh thin. Tin, heti ringawt a biahthu hlan tur phur a, ka phur rit nghahna tur ka hmuh tak mai loh bakah, thaikawi biahthu hlanna hun ni tawh bawk silo nen; phur chang changin kawlthluak nei hmaah thuin ka chhu chhuak mawlh mawlh mai chu a nih hi.

‘Bialnu i ngah thin’.., an ti
Primary sikul pawh ka kai hma hauhvin bialnu ka ngahzia ka chhung te’n min hrilh thin. Mahming, tunge I bialnu ? tia min zawt an awm chuan, kan venga nula tleirawl zawng zawng hming ka sawi vek thin ni awm e; Mupui veng atang Dam veng nula thlengin!

Tu maw I bialnu te chu in ti maw? An hming ka la hre kim thei em aw.., Khai mah aw, Tlankimi te, Achungi te, Dinsangi te, Elisianmawii te, Awmpuii te, Nunkimi te, Rinliani te, Vanlalsangi te, adt, tiin tawp mai te’ng. Ka thaw a chham tak ngial dawn! Vanduaithlak takin ka naupan laia ka bialnu te hian pasal min neihsan vek tawh a. An fanu te pawh ka rim rual an ni der tawh! :-D

Chuvangin,
Vala hi, chhass nei lovin ka leng zel mai dawn. Anpai tawng tialin, Single Bachelor’s life is the best life an ti emaw kha?. Thik tur nei lo, thiktu nei bawk si lo hian, min sawmtu apiang te inah chaw ei kual vel ila. Phur changin ngamtlak deuh nula biain khi ve vur vur ila, a nuam ber.
Duat, ne tih, Mu mi? Nai lo em em, muah muah.. adt tia sms thawn tur chhut mual mual reng ai chuan, single, ready to mingle an tih ang hian leng ziai ziai ila ni mai! :-D

A tawp nan
Daduhi Khiangte hi zaithiam ka ti a, he hla pawh hi ka ngaithla ve nasa thin.
Tuarthiam a har, dik ruk neih chu,
Hmangaih biahthu hrilh ngam si lo;
Thinlaiah a ruk te’n ka vawng khawl thin biahthu,
Mahse lung D tawnah ka hlan ngam lo che.

Tih hla morning walk lai ngata ngaihthlain, uih zawn ang zia-zangin kal vawk vawk mai ang aw. ;-)

Similar Posts:

Recent Posts:

This entry was posted on Monday, September 3rd, 2012 at 6:00 pm and is filed under Lifestyle, Luangliam, More than words. You can follow any responses to this entry through the RSS 2.0 feed.

52 Responses to “Ka Hlan Ngam Lo…”

  1. 1
    Phivawk Says:
    September 3rd, 2012 at 6:06 pm

    Comment tan ila….

  2. 2
    drake Says:
    September 3rd, 2012 at 6:13 pm

    i tuai deuh ni lo maw, testosterone chi-al telh ei rawh akekekeke :-D I uipa in a pui DTR hi chilthli tla duah te hian ilo thlir ang e :-P :-D

  3. 3
    ɪ̣uɪ̣pnoɥ Says:
    September 3rd, 2012 at 6:34 pm

    Ha ha ha :-P

    A va ropui ṭhin êm, Dr Mahminga Sailo nge nge… (Y)

  4. 4
    Phivawk Says:
    September 3rd, 2012 at 6:40 pm

    Tuarthiam a har, dik di ruk neih chu.. (8)

  5. 5
    Phivawk Says:
    September 3rd, 2012 at 6:44 pm

    (Y)

  6. 6
    ahooma_ Says:
    September 3rd, 2012 at 6:56 pm

    Ngaihnawm leh ta (Y)

  7. 7
    Chhuaklinga Says:
    September 3rd, 2012 at 7:11 pm

    A ngaihnawm lehpek e. (Y)
    Aia u te’n ‘I zero mother ka hria’ an han ti a, hlauthawng deuhin rang takin ‘tu nge?’ kan han ti a. ‘Tu tih tham a nei ve tawh’ an han ti zui a(h). :D
    tren tren

  8. 8
    caribou Says:
    September 3rd, 2012 at 7:35 pm

    Chhim lam a thim khup mai. Mobile phone hum fer furin, internet lam dai ril eng ang mah ila, current-a kan intodelh loh miau chuan kan changkanna hi a khingbai reng dawn a lo nih hi.

  9. 9
    chhangteval Says:
    September 3rd, 2012 at 7:40 pm

    Chhiar a hahdam leh khawp mai (Y)

  10. 10
    drake Says:
    September 3rd, 2012 at 7:41 pm

    caribou sorkar in current hlan ngam lo ni lo in, hlan duh lo che u nih chu :-)

  11. 11
    Dr Mahminga Sailo Says:
    September 3rd, 2012 at 8:00 pm

    # 2… :-D
    @ drake.. Testosterone level chu a sang phian mai thei asin.. Hahaha…

  12. 12
    Mx Says:
    September 3rd, 2012 at 8:19 pm

    ‘Chuvangin’ tih thuhlawm khi (Y) :-D Keipawh ka ni ve ania tunlai chu, a nuam phian :-D

    Luck loh lutuk vang chu ani bik miahlo ania :-P

  13. 13
    PKfanai Says:
    September 3rd, 2012 at 8:50 pm

    Millennium tharah chuan, “Ka hlan ngam lo che” tih awih a ni tawh lo, hlan hmiah zel tur. :-P

  14. 14
    ɪ̣uɪ̣pnoɥ Says:
    September 3rd, 2012 at 8:59 pm

    Mizoram congress pawl (=NLUP) hi NuLa Upa Pawl ai mahin Nuai lem uanpui pawl an ti tawh em maw ka lo tia… :-P

  15. 15
    sheldon Says:
    September 3rd, 2012 at 9:01 pm

    Hahaha…Mahminga chu di ruk i nei ani maw?? Pu Pka advice ang khian hlan tawp zel rawh :-D

  16. 16
    ɪ̣uɪ̣pnoɥ Says:
    September 3rd, 2012 at 9:07 pm

    #12 Mx-i’n a sawi tâkah chuan Chuvangin… tih hläwm khi chu ka pawm ve khawp mai… ka khawsak dan dik tak pawh a ni… :-P:-P

  17. 17
    whotalk Says:
    September 3rd, 2012 at 9:07 pm

    haha..kan in ang lo hle mai

  18. 18
    Ignatia (33-115 AD) Says:
    September 3rd, 2012 at 9:20 pm

    Kan bialnu neih ve thin lai min tihrechhuak lawm le! (Y)
    https://www.youtube.com/watch?v=N23vxx07f-w

  19. 19
    chhingdailova Says:
    September 3rd, 2012 at 9:21 pm

    E khai nang chauh i ni lo a nia aw, Keipawh vawiin thleng hian thanwthu hlui sawi tur ka nei v reng a sin, Mahse ka sawi ngam rih lo an chhui chhuak chak dawn si a hehehe

  20. 20
    Pakak Says:
    September 3rd, 2012 at 9:34 pm

    vakansi leh uaitinglis zawng zawng a ful vek laiin :-P

  21. 21
    dolly dollz Says:
    September 3rd, 2012 at 9:40 pm

    I hlan ngam loh khan “min hlan se aw….” tiin duhthu alo sam ve maithei asin ;-)

  22. 22
    aduhi Says:
    September 3rd, 2012 at 9:41 pm

    mahminga lah hi ti jeih jeih a, a nupui ruk thu hi kan hre thuai ang.

  23. 23
    CFL Says:
    September 3rd, 2012 at 10:51 pm

    Dr.Mahminga chu category khatah kan tla za a lo nih hi; mahse category inang-ah rau rau chuan hmelthat category-ah te awm tlang zawk ila tha tur a nia. :-D

  24. 24
    april Says:
    September 3rd, 2012 at 11:15 pm

    Keipawh sawrkhar sem hi ka lo beisei ru deuh thin a, mahse ka duh tawhlo. Khawi state emaw atang a chah luh, a ke na min sem ve palh ang :-P

  25. 25
    Chemtatrawta Says:
    September 3rd, 2012 at 11:33 pm

    Sandman-a i ngaihsan chhung hi chu i heti reng ang. ;-) Keini kan single chhan te chu, hmeichhe pakhat tana kan la in phal loh vang ania.. :-P Mi tihlawm leh tihhlim hi tha kan tih avangin a ruala nula tam tak nuih tir hi ‘humanity’ tana kan rawngbawlna ve pakhatah kan ngai ve hmiah mai asin. :-D

  26. 26
    Chhurbura Says:
    September 3rd, 2012 at 11:36 pm

    Huang khatah kan awm tlat mai ka ti….kumtin mai hi chass neih kumah ka puang a, a hunah hian ka tri leh duk thrin…

  27. 27
    Asteric™ Says:
    September 3rd, 2012 at 11:50 pm

    Nghia3…..hmabak ava la thim ve :-D

  28. 28
    Dr Mahminga Sailo Says:
    September 4th, 2012 at 12:05 am

    @ Ignatia… I lunglen ka chawk tho a ni maw? :-) Tluk loh rim i nam tlat mai a… :-)

    @ chhingdailova… Venthawn tur neih tawh hi chuan, thil tih vel hi a harsa deuh thin a nia… :-D

    @ pakak… Mi(sual).com quota-in min lo sem then ve teh.. (H)

    @ aduhi… Ruk tur zawn mai a ngai tak tak dawnin ka hria.. :-P

    @ CFL… Kategawri khata awm e ti lo hian, i insum thei bik riau… :-D

    @ April… Naupai sa te hi an lo ni reu reu ang a ti raw… :-P

    @ CHemtatrawta… Pu te ber tiin ka ngaissang ve laklawh tawh si alawm le… (H)

  29. 29
    Charice_mizo Says:
    September 4th, 2012 at 12:08 am

    Mahming, chhas te chu i neih reng kha aw (H)

  30. 30
    Dr Mahminga Sailo Says:
    September 4th, 2012 at 12:14 am

    @ Chhurbura… 2nd year BVSc & AH atangin kumtin ka chang ru ve ziah a. PG ka’n chhunzawm ngat phei kha chuan beisei tur an awm hlawl lo. Tun thlengin, Valentine’s Day hian balance a hek lo kum tin mai… (H)

    @ Asteric™… Arkhawthim dai tak tak a la ni e… :-$

    @ Charice… A tak tak emaw an ti palh ang e.. :-D

  31. 31
    Lamji Says:
    September 4th, 2012 at 12:51 am

    A ti leh ta. :) An ten hma che hian ti vat vat rawh. Free advice. :D Zei bu te kha archive ah khan han hai chhuak teh. :)

  32. 32
    covenanter Says:
    September 4th, 2012 at 1:39 am

    @ Ignatia chu aw, september ni khat atang khan tim miah lovin ka ngaithla tan ve tawh e….

  33. 33
    Chhuaklinga Says:
    September 4th, 2012 at 5:03 am

    ‘Lalpa zankhuain kan deng a, kan man lo’ tih ang deuh kha nih hi a, post pawh. :P
    Chutiang zelin, ‘Zankhuain post thar a chhuak lo’ :(

    Khai a, zing atang a vui hmui kan put dawn chu le, ahaha :D

    tren tren

  34. 34
    Dr Mahminga Sailo Says:
    September 4th, 2012 at 8:58 am

    @ Lamji… Theory hi chuan ka thiam tawh asin maw le.. :-P

    @ Chhuaklinga… Post thar an hlan ngam lo a niang :-D

    Hetia min fuihpawrh reng hlawm chuan, tleirawl no tak tak hi ka’n vai tan teh ang… :-$ (H)

  35. 35
    evergreen Says:
    September 4th, 2012 at 10:28 am

    Kan va in ang love.
    Keini chuan ‘Tuar thiam a har Di ruk(6) neih chu..’ kan ti veng veng mai a sin! :-D ;-)

  36. 36
    Sihtea Says:
    September 4th, 2012 at 12:47 pm

    Dr Mahminga ang in, kei pawh kum sawm sul teh meuh mai, ka pa rawl
    ve tawh a nih kha. Mah ni chauh va awm hi chu, kawng tam tak chuan,
    awl sam in nuam viau thin mah se, nun khaw har ruk na riau hi,
    tu ma hriat pui si lo hian kan nei thin a.
    A hreh awm in, a khaw har thlak thin khawp mai.
    Tum khat pawh, kan kohhran u pa bial fang hi, a rawn chuang kai hlawl mai a, tawng tai na ka han nei ang e aw a ti a.
    Ti chuan a tawng tai na ah chuan, ka nu pui tur a han dil mauh mai
    a nih chu maw le, a zah thlak duh khawp mai.
    Han huat dawn in huat na tur chhan lah, ka hre mai si lo va.
    Lak lo lu tuk ah min ngai ni a ka hriat na kha, ka huat na chhan chu a ni
    teuh ber awm e. Chu ti fa ko va kan u pa in, nu pui tur
    min han dil sak tak ah chuan, kei pawh in tum lo deuh vin, ka hriat ngai
    mi pawh ni lem lo kha, ka ru ve thuai mai a nih kha.
    Hei kum sawm pa khat lai mai kan in nei tawh a, fa pawh pa thum lai kan nei tawh. Pa thian zar ah vawi te khat mah, kan nu nen kan la
    in then riho chu a nih hi.

  37. 37
    Dr Mahminga Sailo Says:
    September 4th, 2012 at 1:01 pm

    @ Sihtea… Kohhran Upa tawngtaina i chhawr tangkai a ni maw. Ka lawmpui a che… (Y)

    UESI (student evagelical union)-a ka tel ve lai khan (kum 3 kalta) ka nupui tur min dilsak fo asin! Ka thla a muang ve em em tawp. Nang ang khian, Pathianin a hun takah min pek ka ring tlat… (Y)

  38. 38
    badboy Says:
    September 4th, 2012 at 1:08 pm

    Ka thianpa bialnu nau vawikhat len chhuahpui na ah hai muai tawh hnu ah ka hmangaihche kan ti ve ngawt kha chu a awihlo ngang a niang itla chawp emai min ti daih :-P

  39. 39
    Dr Mahminga Sailo Says:
    September 4th, 2012 at 1:55 pm

    @ badboy chu leeeh.. :-D Hmangaihna tlachawp i hlan a, tlachawp bawkin a hnial che a ni maw? :-P

    sms-a ka hmangaih che tih hi a awlsam an ti em kha?! (H)

  40. 40
    lushai_er Says:
    September 4th, 2012 at 2:13 pm

    Vawkpui pawh a vah a vah chuan ek thing a tawng nge nge an ti a, nuthlawi leng leh an lar bawk a, antam leng leh mah a tui chuan i la tih ngei ka beisei tlat ;-)

  41. 41
    lrpa Says:
    September 4th, 2012 at 2:40 pm

    eee..Mahming, lungngai mah ta che..nang aia luck zawk kei pawn tumah ka la hmuh zawh chuan loh hi :-D .

  42. 42
    Dr Mahminga Sailo Says:
    September 4th, 2012 at 2:54 pm

    #40.. Antam lengleh, han tlak ngei mai tuizia tak kha aw… Hma hun hi a sawi theih miah loh.. :-D

    #41… Antam kan sawi ta sa sa, Feren nula an awm loh paw’n, Feren lengleh tal rawn hawn mai la, ka ti mang e.. (H)

  43. 43
    lrpa Says:
    September 4th, 2012 at 3:13 pm

    Nia, tunlai khua a lum tan a, teu teu teu…! en lo awm deuh a men dan zir angai dawn leh tan tlat mai! :)

  44. 44
    Sihtea Says:
    September 4th, 2012 at 3:26 pm

    @ Mahminga nang mah chauh va i awm lai in, in koh hran
    u pa in i nu pui tur, dil sak kurh kurh che se lang chuan,
    sawi mai ai in a zah thlak zia i hre ve chauhvang.
    Nuih a za lo khawp a sin, dan khat na a in nei na zawng ai in,
    rin ai in kan tlo phian phian leh nghalh a.
    I kawp pui tur chu i la hmu em em ang.
    Kum sawm thum pawh i la tling em dawn em ni?
    Kum sawm thum ka nih na ah, nu pui ka nei bik bik.

  45. 45
    Dr Mahminga Sailo Says:
    September 4th, 2012 at 4:04 pm

    @ lrpa… Teu teu ho lah hi, an zak mang zi lo, hmutu nih hi a zahthlak zawk mahin ka hria.. (H)

    @ Sihtea… A dikin ka hria. Mahni tawkah hna leh mawhphurhnaah buai ve viau mah ila, mahnia awm chuan khawhar leh lunglenna hi a awm hma khawp a lo ni. Min duhsaknaah ka lawm e.

    I nupui neih kuma ka neih dawn chuan, kum 3 leh tlem hun ka la nei e. Ka hmanhmawh lutuk lo te’ng.. :-D

  46. 46
    saint sammoo Says:
    September 4th, 2012 at 5:02 pm

    sihtea komen hi a ‘style’ thei e…

  47. 47
    sheldon Says:
    September 4th, 2012 at 5:08 pm

    Sihtea comment hi sawisel suh u, a ma style liau liau ania…hahaha

  48. 48
    thachianga Says:
    September 4th, 2012 at 5:13 pm

    #47: Sihtea comment hi, sawisel suh u, a ma style, liau liau ania,
    tih zawk tur a ni lo maw… heheh

  49. 49
    Dr Mahminga Sailo Says:
    September 4th, 2012 at 5:15 pm

    # 46, 47,& 48… (Y) :-P

    Pu Sihtea hian, ka hma ngai takin, fuihna thu tha tak tak min sihchhuah sak a nia, gramatical-takin lo sik lo hram teh u.. :-D

  50. 50
    mamboihi Says:
    September 4th, 2012 at 7:04 pm

    Mahminga chu a la single tluang zel a ni maw?!!
    “Leng tar law law ang” tih hla kha i phuah a mi Mahming haha? :-P

  51. 51
    ɪ̣uɪ̣pnoɥ Says:
    September 4th, 2012 at 7:29 pm

    #36 Sihtea (Y)(Y)(Y) ha ha ha

    I ziak chhiar a nuam zŵk daih mai ti khan… (Y)
    I thusawi khi a ṭha lutuk bawk :-D
    Ehe…! Ka beisei phâk hauh lohvin phêk tharah pakhatna ka la ni zui nia… :-)
    Ṭah te pawh a chhûak e… ;-( :-P

  52. 52
    Dr Mahminga Sailo Says:
    September 5th, 2012 at 9:09 am

    @ K’u mamboih, a ngai te tein ka la himpial e… :-P Siamthangi Hauhnar hla sak hi a nalh riau tak asin…. :-D

Comments are closed

This is an archived copy of mi(sual).com — new comments can no longer be posted.