Oneness rindan:
1. Pathian pakhat a awm a, a hming chu Isua a ni.
2. Pa chu Fapa a ni a, Fapa pawh Pa a ni, chuan an pahnih hian Thlarau thianghlim an ni bawk tiin an sawi.
3. Thuthlung hlui ah chuan Pa angin a in hriattir a, a dawtah Fapa hun leh Thlarau thianghlim hun hran awmin an ngai.
4. Isua chu Fapa anga in lantirin, mihring leh Pathian famkim a nih avangin a mihrinna chuan a Pathianna hnenah a tawngtai thin a, Juda miten Lal a nihna an hiatthiam nan Pa nei anga tawng a tawngtai thin angin an sawi bawk.
Oness in an lak sual:
Lal Isuan Pathian a nih thu a sawi a, Pa emaw an ti.
Lal Isuan Pa nen pakhat a nih thu a sawi a, Pa emaw an ti.
Lal Isuan Jehova kha a nih thu a sawi a, Pa emaw an ti.
Lal Isuan “keimaha kal lo chu tumah Pa hnen an thleng lovang” a ti a, Pa emaw an ti.
Hetiang a Bible an hrilhfiah dawn anih chuan Isua tawngtainah Pa nen pakhat an nih ang bawka mihringte nen pakhat an nih theihnan a dil kha mihringte pawh Pa Pathian leh Fapa Pathian te angin Mihring-Pathian kan lo ni ve reng dawn nih chu…. (Thangfala pawl rindan a ni mai angem?)
Trinity zirtirna:
Lal Isuan Jehova kha a nih thu a puang a; Lal Isuan Pa nen pakhat an nih thu a puang a; Lal Isuan Pa nen ropuina an intawm thu a tawngtainaah a sawi a; Lal Isuan Pa nen pakhat an nih anga mihringte anmahni nen pakhat an lo nih theih nan a tawngtai a; Lal Isuan Pa nen Thlarau Thianghlim an tirh tur thu a sawi bawk.
Hengte avang hian Lal Isuan TRINITY min zirtir kan ti thei
1. Johana bung 1:1-3 A tirin thu(Krista) a awm tawh a, thu chu Pathian a nih thu leh thu(Krista) pawh chu Pathian a nih thu a tarlang. Thu(Krista) chu Pathian hnenah a awm bawk. Hei hian Fapa(Pathian) chu Pa(Pathian) hnenah chatuanin a awm tih a lantir.
2. Johana bung 1:8 Tumahin Pathian(Pa) chu an la hmu loh thu a sawi a, mahse Fapa chauhvin a kawm(having companionship) thin avangin a hriat thu leh a chanchin min hrilh vek thu a sawi.
3. Johana bung 17:5 Isua tawngtaina ah Pa hnenah ropuina a dil a, ropuina(glory) leilung din a nih hma a Pa nen an intrawm/Pa hnena a neih kha a dil a ni. 17:8 ah Pa hnena a tawngtai na ah zel, “khawvela min tirh angin heng mite hi khawvelah ka tir ve e” tiin a sawi nghe nghe.
4. Isua khan Pa in a hmangaih thu te, Pa nen “pakhat” an nih thu te, Pa nen “inpumkhat” an nih thu te a sawi a. Pathian Jehova kha a nih thu a puang bawk. Isua Krista chu Hebrai leh Phillipi ah khan Thilsiam zawng zawng awm hma a AWM a nih thu te, amah chu engkim siam tu a nih zia te a tarlang a, amah kaltlang a Pa in engkim a siam thu a sawi leh bawk.
Khing te avang khian Fapa(Pathian) chu awm tan ni nei nilovin Jehova ah pawh khan a famkim reng tawh a, chatuan mi Pa(Pathian) nen a awm rual thei a nih thu kan hmufiah awm e. Isua khan Pathian/Jehova an biak thin, mosia ten a chanchin an ziah a kha a nih thu a sawi a, Pa a nih thu a sawi ngai lo. Mihrinna leh Pathianna in a tawng ngai hauh lo, Fapa ang rengin a tawng thin. Mihrinna angin a trawng chiah em no.3 khi en teh.
Bible hi i ngaihdan chhiarluhna tur a ni lova, Bible atangin i ngaihdan tur i chhiar chhuahna zawk tur a ni, a fuh ber. Khawi BIBLE ah mah Pa ka ni tiin a sawi reng reng lo . Pa nen engkim siam hma in ropuina an intawm thin zawk a ni. Thlarau Thianghlim pawh Fapa leh Pa in an tirh thu kan hmu bawk a ni.
LAPAn malsawm rawh se.
Similar Posts:
- Tawngtai
- Isua hi Pathian a ni
- Chhandamna Thu
- I thinlung hawng la
- A ram leh a felna zawng hmasa la engkim a pe ang che.
in va lut...
June 12th, 2012 at 9:09 pm
Chhiar ang.
[Report abuse]
June 12th, 2012 at 9:28 pm
bible hi chu i hriat dan khan ring la a tha ber mai..
[Report abuse]
June 12th, 2012 at 9:33 pm
Trinity rindan i rawn sawi zawng zawng khi Pathian Pakhat a nihna (Oneness) sawifiah lehzual tu vek an ni zawk, nangmah leh nangmah i inhnial a ni ber alawm! trinity i sawifiaha i tan duh anih chuan trinity chungchang sawina khing aia entirna fiah zawk (ni awm tak tak) Bible ah a tam alawm.
[Report abuse]
June 12th, 2012 at 9:42 pm
Rin dan, thurin, pawl dik leh dik lo tih vel a buaina hian Vanram min hlat tir zawk mah lo maw..???, i pu atanga UPC (huat thu chang lo se) lo ni ta u la, oneness hi i tran viau ang. Mi rinna ti chak lo zawng a, an pawl rin dan sawi chhiat sak vak hian Pathian thu a kalh zawk. Mahni pawlah rinawm i la, Bible kan nei threuh a, chhiar i la, zawm tum hram hram i la a tawk mai. Tu man rindan dik ber kan sawi thei lo, i hre bik bawk lo, an hre bik bawk lo.
[Report abuse]
June 12th, 2012 at 9:50 pm
#4
Keimahniah kan chian hi a pawimawh ber, fb vel angah te inhnial nana an hmang tam ta lutuk hi ka kham hluah hluah..
[Report abuse]
June 12th, 2012 at 10:01 pm
Huiham, ngaihdan ka neih pawh ka hre lo
[Report abuse]
June 12th, 2012 at 10:14 pm
# 5…
[Report abuse]
June 12th, 2012 at 10:16 pm
Hetiangah hi chuan ka buai peihlo…
Oneness emaw Trinity emaw pawh nise Pathian ringa pianthar na nun neitu te chu Pathian ramah an lut dawn tho tho tih ah hian ka chiang
(daahh mai aa)
[Report abuse]
June 12th, 2012 at 10:23 pm
A ninawm, tumah kan in convince tak tak chuang lo ang…inhnialna tawp lo tur, Chhura thawnthu ang a ni e.
[Report abuse]
June 12th, 2012 at 10:32 pm
Thu mawlmang tak a ni e.
[Report abuse]
June 12th, 2012 at 10:42 pm
Inhnialna tawp thei lo tur a ni ngei mai.Mahse (ti ve re re teh ang) Oneness ring tute hian Pathianin mihring a siam dawn lai a “Hawh u keimahni ang takin mihring i siam ang u” a tih leh Babel insang an sak laia “An tawng i zuk tihdanglam sak ang u”
a tih khan tute nge a biak a, tute nge a rawn tih min han hrilhfiah teh se.(Bible thu ka tarlan te khi bible a inziak ang diak diak chuan a dik lo deuhmai thei a, mahse a sawi tum chu a dik thove)
[Report abuse]
June 12th, 2012 at 10:56 pm
A dik chu kan puang chhuak tur ani, mahse rin thu mai ni lovin, post tha tak ani.
[Report abuse]
June 12th, 2012 at 11:04 pm
Hei pui Pu Sandy bold an khar uluk lo a nia
tren tren
[Report abuse]
June 12th, 2012 at 11:21 pm
trinity is …not to define but to believe.
mihring rilru thua chhuak angin
Pa rilru a lang Krista-in
ka chian dan ber a ni (based on Heraclitus’ phylosophy of logos) Isua hi Pa Pathian biological son a ni lo Pathian rilru hmangaihna hlawm, mihringa lo channa(kenotic) a ni…mihringte ngaihdana inzawmna thuk ber pa hrin fapa dinhmun rawn luahin Pathian rilru chu kan hnenah a lo cheng ta a ni.
inhnial nan a hman a tul lo khawp mai…inhnial nana hmang zingah hriatna pangngai nei si lo hian pawtawk takin an inhnial chuta lo lang chu…oneness lamin an tanna an sawhngheh tum luatah belief of trinity is blasphemy ti hialin an sawi a, trinitarian lamin hyperreaction an nei a, an then hrang ta lutuk thin ‘upc chuan Isua hi Pathian an ti’ ti tawk an lo awm dahrawl nen…presbyterian pawn an ti. lakhran tum chiam hi boundary pela tlan theihna a ni…appolonarianism lo chhuahna pawh dik loa an ngaih an sawisel uar lutuk avanga dik lote an ni.
[Report abuse]
June 12th, 2012 at 11:36 pm
Pa chu Pathian a ni (Johana 6:27, Rom 1:7, 1 Petera 1:2)
Fapa chu Pathian a ni (Johana 1:1,14; Rom 9:5, Kolossa 2:9, Hebrai 1:8, 1 Johana 5:20)
Thlarau Thianghlim chu Pathian a ni ( Tirhkohte 5:3-4, 1 Korinth 3:16)
Khimite pathum khi Trinity tiin Kristian pangai/ziktluak chuan kan sawi.
Tichuan, Johana 17:5 ah khan Isua’n A Pa van ami hnenah an khenbeh hma zan khan , “Aw ka Pa, khawvêl awm hmaa i hnêna mawina ka neih khân, tûnah nangma hnên ngeiah mi chawimawi rawh.” tiin a tawngtai.
[Report abuse]
June 12th, 2012 at 11:51 pm
Pathian pakhat a minung pathum tih hi thingpui ang deuh a ni. Thingpui pawh hi bawnghnute, tui leh chini inchawhpawlh in a siam a ni a, Bawnghnute emaw, tui ringawt emaw kha lak hranin thingpui an tling tawhlo a, Thingpui ni tur chuan Pakhat-a an awm reng angai.
[Report abuse]
June 13th, 2012 at 12:32 am
Mutmawh hnarmawh a ni ve miau si a leh!
[Report abuse]
June 13th, 2012 at 9:13 am
Mak ang reng tak chu, mi lehkhathiam leh hawiher zau pui pui thenkhat hian unitarian thurin an vuan nghet ve thei viau mai hi a ni.
Pi leh pu atanga an awmna denominationah rinawm taka an awm hi an demawm hauh loh. Mahse, mahnia Bible han zir a, han chhiar keuh keuh a lang chiang em em mai, Trinity thurin an hnial ve tlat thin hi, thil mak ang reng tak a ni. Vanram kaina leh kai lohna chu thuhran nise.
[Report abuse]
June 13th, 2012 at 9:18 am
#18 Unitarian ringtu zingah lehkhathiam leh hawiher zau awm hek lo…
(a HOT lo em mai… 
)
[Report abuse]
June 13th, 2012 at 9:30 am
# 19, hehe…tam a lawm…
[Report abuse]
June 13th, 2012 at 10:19 am
Trinity chungchang hi chu vakul#14 sawi ang khian hrilhfiah aiin rin fiah a awl zawk.
[Report abuse]
June 13th, 2012 at 10:22 am
Ka internet a tha leh mang si love, in lo chhiar a a lawmawm tak tak. Mumallo takin mizo bible pawh keu hman lovin “tih thu a sawi” tiin ka rawn dah ta hlawm vek a. A enga pawh chu nise ka vei a ka rawn ziak a ni ve mai e. Krista min tlanna ringtu apiang Pathian Fa a vuahin kan awm tih ka ring e.
[Report abuse]
June 13th, 2012 at 10:42 am
A va ho em hei chu, proton- electron- neutron, thesis-synthesis-antithesis, adt adt te ho ang hian hriatthiam tum i la fuh ber……….
[Report abuse]
June 13th, 2012 at 1:40 pm
Cotdarz hi ‘Kan Pa, Vana mi,………ram te, thiltihtheihna te, ropui(=glorious..!!!) te, chatuanin i ta a ni si a, Amen….ti nulh nulh ho zingah hian tel ve tak ang maw?!! Kei chuan,” …..ram te, thiltihtheihna te, ropuina(=the Glory) te….” tiin ka sawi thin. Kan mi hmasate lehlin dik loh ni tak ang maw?!!
[Report abuse]
June 13th, 2012 at 1:47 pm
A Lungphum atangin a chiri nuaih mai He Sakhua hi!! Rin dan hrang, Pawl hrang tam em em dan takte hi aw…he ram ui hum tiat lekah pawh Kohhran leh Pawl mak sak Bulawk tak tak tam ziate hian Mumal Sakhua emaw Sakhaw lak dan dik lo a va entir chiang em. Sum ngainat hi sual tin reng bul a ni ti siin kan Kohhran lian ber lah chu Sum Ngaina ber leh Sum Siamna Khawl Lian ber a ni lawi si a nih hi!!!
[Report abuse]
June 13th, 2012 at 1:48 pm
Trinity emaw a greek/hebrew emaw a tlukpui awm ang khawi laiah nge Bible ah hian a inziah? Heng hi term thar (oneness pawh) ani tho, inti Bible zir thiam ho chhuahchawp chhoh tak mai mai ani. Isua Krista ah khan khawvel/universe hi a inher ani tih hi pawm hmiah ila a tawk!
[Report abuse]
June 13th, 2012 at 1:49 pm
A Lungphum atangin a chiri nuaih mai He Sakhua hi!! Rin dan hrang, Pawl hrang tam em em dan takte hi aw…he ram ui hum tiat lekah pawh Kohhran leh Pawl mak sak Bulawk tak tak tam ziate hian Mumal lo Sakhua emaw Sakhaw lak dan dik lo a va entir chiang em! Sum ngainat hi sual tin reng bul a ni ti siin kan Kohhran lian ber lah chu Sum Ngaina ber leh Sum Siamna Khawl Lian ber a ni lawi si a nih hi!!!
[Report abuse]
June 13th, 2012 at 3:49 pm
# 24 kan sawidan a in ang anih chu.
[Report abuse]