Ka Thiannu

July 11th, 2012 11:57 am by Dr Mahminga Sailo

(Thu lawilo leh ningnel zet zet ka post ve chamchi a. Thian thenkhatte tih angin, Post 50-na a ni ve ta reng mai. Khawnge, uite chanchin ka ziak ta malh malh bawk a, tun tum chu a ‘cial deuh hlek, nula chanchin post te’ng… )

A ruh lang rawtin aw niang…
Khuanu venna leh a malsawmna zarah tlangval hun hmang mekin, phak ang tawkin mahni leh chhungte tan ka hun leh theihna ka hlan ve thin. Mi pangngaia piang chhuak ve ta chuan hmel duh deuh leh ngaihzawn ve deuh te ka nei nual (teuh) tawh a. Mahse, a taka kal tlangpui erawh ka la nei lem lo. Fiamthua an sawi ang deuhin, an hriat lohvin kan nihpui a, an hriat loh vekin kan duh hun hunah kan ban ve leh mai thin tih zawng zawng kha ka nunpui a ni ber e.

Aw Hmeltha
Tlangval a pumpa tan chuan, kalna apiangah hian hmeltha tih leh thlir zui vawng vawng tur tawk hi ka hmu zel a. Mizo nula zingah, hmeltha ka tih leh ka duh ve deuh te, an nungchang, mizia leh khawsakzia te ka hriatchhian hnuin; lungtlu lo deuhva kawm ai chuan tiin ka bansan leh mai thin. Kum a tam tial tiala, chu rilru chuan min hneh tial tial emaw tih mai turin; a chang phei chuan nupui hi ka nei lo tak ngial mai ang a tih chang te pawh ka nei ve thin (tlangval senior la ni miah si lovin.. ). Thian zawng ka nei teh meuh mai, thahnem tak an ni; mahse, bialnu tur ang erawh ka van em em a, ka tan hian an vang bik riauin ka hre thin.

Nungchangtha
Mak deuh mai chu nula ka kawm tam zawk te hi an hmel ka en lutuk lem lo (bialnu tura kawm ka nih loh vangin) Mahse, ka thian thenkhat erawh an nungchang avanga min hiptu an awm zauh zauh si! Kan inkawm a, rawngbawlin hna te kan han thawh hova, engkim kan inhrilh ngam hnu hian ka thian thenkhat te hi ka hmu tha tlat zel nia! Chuti a nih chuan hmel leh pianhmang ringawt hian nula/tlangval induhna hi a lo siam bik miah lo tihna a ni mai lo em ni ang le?. Tin heti hi a ni a, a ngai tein bialnu atan ka bem lo tluang zel..

Ka thiannu
Zep thu a awm lo. Ka thiannu zet hi zawng pianphung leh sakhmelah ka lung a dum em em a. Mahse maw, a hmelthatna ka duhna hi chu nep te a ni lawi si. A nungchang leh mizia hian min va thlemthlu chiang em! Kan inkawm tan hma atangin Pathian thuin min mangtha a, Pathian thu bawkin ni hmang turin min thlah thlap thin.

Tin heti hi a ni a. Rin phak lohvin kohhran leh khawtlang rawngbawlnaah te kan inkawm chho tan ta a. Tawngtai a ngaihpawimawh zia te, Pathiana a innghah thinzia te ka hre chiang tial tial a. Khawtlang thiltihnaah ni se; a kul a taiah tangin, mawhphurhna chi hrang hrang kan hnawn chamchi a. Sawi leh sel nei miah lovin a mawhphurhna puitling tak leh fel takin a hlenchhuak thin.

Hei mai a ni lo, a hnathawhna ah hlei hlei; Pathian malsawmna dawng turin a taima a. A hna tha tak leh hlawhtling taka a thawh thin chungchanga, Pathian hnena a lawmthu min hrilh tur a nei fo. Midangte tan a nun leh hun a inpein, thian leh midang thlarau nunkawng a veiin tanpui pawh a ngah tawh mai.

Mihring hian, tlinlohna leh duapkaina zawng kan nei teh meuh mai, phat rual a ni lo. Amarawhchu, Mizo nula ka kawm ve tawh zingah erawh, ka thiannu tluka fel leh hmantlak hi ka tawng tam lo khawp mai, ka hre/kawm tlem pawh a ni mahna.

Ka thiannu pasal hi chu, pasal vannei tak a ni ngei ang. Tin, pasal fel tak nei turin ka duhsak em em bawk a ni. …

Note: Ka thiannu chanchin ka ziahlan bak, thudang inzawh belh awih loh…

75 Responses to “Ka Thiannu”

1
Awmtea Khiangte Says:
July 11th, 2012 at 12:11 pm
Golden post chu tha hle mai a (Y)
2
century child Says:
July 11th, 2012 at 12:37 pm
I post halt Century ( Child )na ka lawmpui a che. (Y)
Bem mai raaahh, i chet hun a lo nghak ru khiau maithei asin, kan thianpa 1 ang deuhin a pasal neih dawn niah ui deuhin ‘a mal vel a var nalh asin mawleeee’ iti tham ve tuak mai tur ania 😛 ;-).
3
Mx Says:
July 11th, 2012 at 1:11 pm
Kei chu ka duh zawng tak (nula) ka hmuh hi chuan a rang arang a rik nghal thruai thruai hi ka duh mai :p
4
Awmtea Khiangte Says:
July 11th, 2012 at 1:12 pm
Taliban Love Triangle (execution rapthlak) video chu hei
http://www.youtube.com/watch?v=_IHpGmQbfck&feature=player_embedded#!
5
ɪ̣uɪ̣pnoɥ Says:
July 11th, 2012 at 1:20 pm
Va ngaihnawm lehpek êm; tin, ziaktupa Dr. Mahminga Sailo nen hian inanna kan ngah khawp mai. Kan inanna lai chu ka sawi deuh lëuh…

Thil pakhat, a tlipna kutziak äwna i ziaha duapkaina tih khi i hman dàn a dik lo niin ka lo hre ve mai mai a. Aia upa te zah thiamin tih hläa hman a nih dàn te kha han ngaihtuah chhûak ta mai mai la… 🙂

I tum phei chu ka hrethiam tho va…
6
Dr Mahminga Sailo Says:
July 11th, 2012 at 1:32 pm
@ Awmtea & Century child.. Ka lawm e. Ka bem ngam lo alawm… 😀

@ Mx… Ka tluklo hle mai che a… (Y) 😀

@ houdini… Comment hlu tak min pe a, ka lawm e. Nia, duapkaina ka’n hman chhan chu, nep bikna, tlinlohna, felhlelhna, adt huap turin ka hmang mai asin.
Ka hre chiang chuang lo, rual u leh hre deuh te’n min pui teh se…
7
Jacka Pi Says:
July 11th, 2012 at 2:16 pm
Akekekekekekek!!!!! (H)
8
PKfanai Says:
July 11th, 2012 at 2:37 pm
Congrats (Y)
9
Dr Mahminga Sailo Says:
July 11th, 2012 at 2:42 pm
Pu Pk-a, ka lawm e… 🙂

Tu Pi emaw ni khian min nuihzat chiang… (H)
10
Charice_mizo Says:
July 11th, 2012 at 3:04 pm
I thiannu ang hi alawm thianpa atan ka duh ve em em LOL nupui tlak an ti tiang hi chu 🙂
11
Jacka Pi Says:
July 11th, 2012 at 3:08 pm
In nuihzat lam pawh a ni lo. I chhuah leh tho awm sia tih ka lo ngaihtuah a! 😉
12
Kher Kher Says:
July 11th, 2012 at 3:12 pm
Sex lam a harsatna a neih lem lo bawk chuan nupui atan a that khawp dawn chu. (T)
13
LaMea CâcTùs FLh Says:
July 11th, 2012 at 3:16 pm
I ler
14
malsta27 Says:
July 11th, 2012 at 3:21 pm
NIh pui daih rawh tiang hi a tha duh an ti…….. (Y) 🙂
15
Awmtea Khiangte Says:
July 11th, 2012 at 3:27 pm
#Dr Mahminga Sailo, ‘Hrilh mai rawh’ tih ka rawn ziah ang deuh khan hrilh tawp mai rawh. A lawm dawn em asin. Anih loh vek leh min lo biak teh a.. haha
16
vakul Says:
July 11th, 2012 at 3:38 pm
I rilru a ling tih a hriat reng a, amah pawh a ling tawh ang Thir chu a lin laiin chhut mai tur, a lin loh hnu chuan chhu chhu mahila a sawi mawh tawh em mai.

Nula tlangval fel naran deuh chu sawi tur an tam a, i hre fur ang i rawn sawi bik danah lo chhiar ve se i ti a ni deuhin ka hria a, ri pawp mai rawh. Chuan, nauek i su ve dawn nia-kei ang hian.

An nulat laia fela han sawi hlup hlup tur ni lem lote pawh hi an fel duh phian a nia; nupui neih chuan an pasal nih ai chuan kan nupui ni se a tha a ni mai.
17
Awmtea Khiangte Says:
July 11th, 2012 at 3:48 pm
Vakul comment hi like thuai thuai e
18
Dr Mahminga Sailo Says:
July 11th, 2012 at 3:53 pm
@ Jacka Pi chu leee(h).. 😀

@ LaMea… Ler deuh hian, midang ler turah an ngai deuh zel nia… 😀

@ malsta… Min duh lo… 🙂

@ Awmtea.., i inla zei thar riau mai, *-tu i neih vang maiin… 😀
19
T2 Says:
July 11th, 2012 at 3:55 pm
(Y)
hmelthatna lama i duhzawng ngei, thil dang zawngah i thiannu ang ngei hi tawng la ka tihpui che. Mahse, chutiang i nghahna lamah chuan khua i tlai zo vang tih erawh ka hlauh pui lawi si che.. 🙂
i tlai hmain i thiannu hi kumtluang atana thiannu atan sawi rempui mai rawh.. I inchhir hauhvin ka ring lo…
20
ɪ̣uɪ̣pnoɥ Says:
July 11th, 2012 at 4:07 pm
Keima’n ka’n hrilhsak mai ang che: Dr Mahminga Sailo ṭhian nu! I ṭhianpa’n arûkin a englo che! Lo lâk thutaksak rawh! 😛
21
Dr Mahminga Sailo Says:
July 11th, 2012 at 4:12 pm
# 16 & 19 … (Y)

# 20… 😀

Thahnem min ngaihpuiin, min duhsak a, ka va’n lawm em. Mahse, inkawprem tur te te hi kan awm vek a nia… 😉
22
Charice_mizo Says:
July 11th, 2012 at 4:20 pm
Thiante arsi hi hrehawm duh eeee ka tia huiham
23
ɪ̣uɪ̣pnoɥ Says:
July 11th, 2012 at 4:22 pm
Charice_mizo hian dangdaiah tal min han arsi se ka va’n ti tak êm,… vawng vawng mai a… 😛
24
chhiartu Says:
July 11th, 2012 at 4:37 pm
Chhiar nuam thin hle mai…..
25
Kher Kher Says:
July 11th, 2012 at 4:38 pm
Nakinah ‘Ka lo ti lo a awwww!!’ i tih loh nan kawng in hawn lai hian ti vat rawh. Vat!!
26
Charice_mizo Says:
July 11th, 2012 at 4:41 pm
Houdini, a dangdai a zawng chuan..LOL
27
ɪ̣uɪ̣pnoɥ Says:
July 11th, 2012 at 4:44 pm
#26 Charice_mizo, dangdai lo pawhin (F) 😛
28
Dr Mahminga Sailo Says:
July 11th, 2012 at 4:49 pm
@ Kher Kher… Bawhhuk policy-in ka ti vei rawk ang a, ka bawh sual ang tih ka hlau ve tho va… 😀

A dangdai emaw ‘dailo emaw pawn, Charice & houdini… 😀 Ka post hi ka tan tangkai lo mah se, hmang tangkaitu lo awm teh u… (Y) 😀
29
Awmtea Khiangte Says:
July 11th, 2012 at 5:12 pm
Kei chu i ṭhiannu hi hmelhriat theih dan awm se ka ti e 😛 (chutiang lam pawh ni chuang lovin) 😉
30
mamboihi Says:
July 11th, 2012 at 5:59 pm
Mahminga chu “Tu pu mah” ni lovin i tar mai dawn mi? haha… I Scooty lah a hnung a thlawn in i nawt fai rei tawh bawk si…

Ka nuih a za!!! Sailo tlangval pakhat ka hriat pawh a hmel tha in a pian te pawh a tha, mahse a zei lo nge an thian ho zingah a luck lo berah a tang zel hahaha….
31
ɪ̣uɪ̣pnoɥ Says:
July 11th, 2012 at 6:02 pm
#30 mamboihi (*) a chibing zawngin thil rawn kalpui suh (N) boruak i tichhia 😛

Hmeichhia a lo lût sia, i bawr leh deuh luih luih ang u 😛
32
Kher Kher Says:
July 11th, 2012 at 6:03 pm
#30, Hahaha…. Sawi chhan nei va ang deuh ve. 😀
33
Dr Mahminga Sailo Says:
July 11th, 2012 at 6:04 pm
@ Mamboih… Ka nuih kur kur chu le… 😀 I va’n vang reng reng ve a? 🙂

Awmtea lah hian, ka thiannu hi inchawhrualpui te a lo tum vel. Zei awm lo deuhin a insawi a, a zei ru phianin ka hria… 😛
34
ɪ̣uɪ̣pnoɥ Says:
July 11th, 2012 at 6:04 pm
ha ha ha
35
mamboihi Says:
July 11th, 2012 at 6:05 pm
@31 & 32… Ka sawi ve thiam dan a nih hi lo la vung vak su…. (Y)
36
ZerO Says:
July 11th, 2012 at 6:05 pm
Nakinah tap pur chungin a thiannu inneihnaah sa a sem ve mai ang ah……. 😛 (U)
37
sheldon Says:
July 11th, 2012 at 6:06 pm
Chhiar a nuam, a kal zaih mai. Sailo ho hi chu Sailo tih takah an sapui chet ruih mai a, an khawtlai zo vek zel 😀
38
Lamji Says:
July 11th, 2012 at 6:08 pm
La tlangval ila aw tha tur,ka kawm chi tak I nih dawn hi(thian hmeichhia toih deuh deuh I ngah hmel tlat. 😉 )
39
mamboihi Says:
July 11th, 2012 at 6:10 pm
Sheldie a nih duh hmel! 😀

Mahming nia… ka van laiin i lo luangliam nasa ani ang, hei hi i half century post anih chuan. Misual ber award dawng tlak i ni.. 🙂
40
Dr Mahminga Sailo Says:
July 11th, 2012 at 6:10 pm
Nia, K’u mamboihi hi hau s’u, thahnem min ngaihpui a nia… 😀

@ mamboihi.. Ka lawm e. Nia, tunlai chu, a chang leh ka bauh, a chang leh ka miau thul. Misual hi ka hmang tangkai ta ber a nih awm hi… 😀

@ Zero… A thleng tak tak mai ang aaa(h), inpuahchah lawk a ngai a ni… 😛

@ sheldon… Zawnlai ni ve siin, zawngtu hmu zo hek lo i… 😉
41
Kher Kher Says:
July 11th, 2012 at 6:12 pm
@Dr Mahming, i thiannu te inneihni chuan mopa thianpa a tanna chance i ngah tawh teh a nia. 😛 😛
42
sheldon Says:
July 11th, 2012 at 6:15 pm
Duh si, sawi lang ngam silo vel thu leh hla ani chiang mai. He a thiannu hnenah hian ‘Misual.com ah thu ho te ka post a, lo chhiar ve mai mai la…’ a ti ngei ngei ang…haha!
43
saint sammoo Says:
July 11th, 2012 at 6:18 pm
doc. Hi a in sawi ang hi a ni lo… A lerh latakk… A h** tel deuh bawk… By, a awmna a mi mizo pakhat.
Le le le le…. (fiamthu)
44
mamboihi Says:
July 11th, 2012 at 6:20 pm
Sheldie haha, a ni ngei ngei ang! Mahminga hi chu heti anih vang a heti anih hi hahaha…
45
Charice_mizo Says:
July 11th, 2012 at 6:21 pm
Uiha doc chu ka van zak..PS: ka zak leh lo (H)
46
century child Says:
July 11th, 2012 at 6:30 pm
Nghak fan fan rawh, a bem thut maithei che asin 😛
Nih loh paw’n inneih rawt direct a ni mai alawm :-O
Nih loh paw’n mo neitu thianpa ah emaw, fatu ah emaw ila awm thei cheu, lungngaihthlak loh.
Kan la single tlang dial dial ang chu maw le 😀
47
lr hlonchhing Says:
July 11th, 2012 at 6:38 pm
(Y)
48
sheldon Says:
July 11th, 2012 at 6:41 pm
@mamboihi, i vang lutuk.

Fiamthu pakhat, nula a rim tlut tlut a, a tawpah a nula rim leh midang inneihna ah thahnemngai tawkin fatu leader ah a tang an tih ang kha Mahminga hi chu a ni miah lovang 😛
49
Maisek Says:
July 11th, 2012 at 7:01 pm
(Y)
50
mamboihi Says:
July 11th, 2012 at 7:18 pm
Half century!!
51
ZerO Says:
July 11th, 2012 at 7:19 pm
Phek thar ka hawng e…ka thiannu
52
Dr Mahminga Sailo Says:
July 11th, 2012 at 7:19 pm
a hlimawm ta phian mai. Luck loh hre lek lovin nui leh kur kur mai ang aw.,
@ saint.. Lol. Ka insum deuh a ngai dawn ta a nih hi..
@ sheldon.. Tap deuh pur, intithu phian si hiam ka nileng ve ngawt ang tih ka hlauhlel love a..
53
mamboihi Says:
July 11th, 2012 at 7:20 pm
Mahminga half century post ah hian a lawmnan phek thar hawng ang Misual ber Award dawng rawh se!
54
doc_lib Says:
July 11th, 2012 at 7:56 pm
Kan OT tawk. Tunlai chu eng site pawh hi boring ka ti vek mai. Detective thluak han ti che pha post hi a ava awm thei lo ve
55
sheldon Says:
July 11th, 2012 at 8:03 pm
Mahminga thiannu chuan kan comment te hi a chhiar ang a a nui kur kur ang chu
56
mamboihi Says:
July 11th, 2012 at 8:06 pm
Doc pawh hi bialnu tha deuh a mamawh ve anih hi haha…
57
covenanter Says:
July 11th, 2012 at 8:27 pm
@Dr Mahmingtea i thiannu hi neih tum ve mai la, midang tan a duhsak ngawt ai hi chuan a fuh zawk lovang maw ka ti ve deuh.
58
covenanter Says:
July 11th, 2012 at 8:28 pm
@Dr Mahmingtea i thiannu hi neih tum ve mai la, midang tan a duhsak ngawt ai hi chuan a fuh zawk lovang maw ka ti ve deuh…..
59
Awmtea Khiangte Says:
July 11th, 2012 at 8:53 pm
@Dr Mahming, i thiannu chu……………..
60
Atom c Says:
July 11th, 2012 at 8:53 pm
Ka chhiar peihlo deuh a, han chhiar takah chuan a khamawm leh lawi silo… Part 2 ah pasal fel deuh chu nei vat teh se, a changlo mai palh ang e….
61
Dr Mahminga Sailo Says:
July 11th, 2012 at 9:03 pm
@ sheldon.. Ka thiani hian min hmusit phah ang tih ka hlauh ve deuh rualin, chutiang rilru pu tur a ni lo tih ka chiang a, ka rawn luangliam tawp mai..
@ Awmtea… In inhnaih viau mai thei a nia.. Ehh.. Bak chu sawi chhunzawm chi loh..
@ convenanter… A thian tha tak nih hi ka tan a tawk rih tlat a ni…
62
drake Says:
July 11th, 2012 at 9:07 pm
Ehhh! ka lai deuh, in chhangchhe pic post zo chiah a, bialnu tur hmuh loh thu sai kual leh daih si Dr.labrador mahminga chu leh!!!
63
sheldon Says:
July 11th, 2012 at 9:36 pm
Kha…ka tih reng kha. Mahminga hian a bialnu bem nan he site hi a hmang chiang latuk A comment #61 ah khian a chiangkuang ngang mai
64
Dr Mahminga Sailo Says:
July 11th, 2012 at 9:52 pm
# 62… Dr.labrador mahminga…

K’u sheldon chu(h), ti khan i ti daih a.. Nulain min bem hma chuan bialnu ka nei dawn lo hrim hrim…
65
Candelas Says:
July 11th, 2012 at 10:22 pm
Nula lampang post hi chu comment a tam viau zel.

Dr Mahminga Sailo hi Mizo tlangval luck anih ka chiang, hrechiang duh chuan min lo zawt mai teh u
66
mamboihi Says:
July 11th, 2012 at 10:26 pm
A luck hi a hmang thiam si lo lai hi a buaithlak!!
67
Dr Mahminga Sailo Says:
July 11th, 2012 at 10:39 pm
@ Candelas… Kuhva ka’n lei lawk te’ng…

@ mamboihi… Luck lo lutuk, tlangau post a nih hi…

Khi le, politics a rawn lang e. Sawi leh ngheng mai ang aw…
68
Candelas Says:
July 11th, 2012 at 10:48 pm
He post hi a thiannu hian a lo chhiar ang a, a hmang fuh chiah ang.
69
bk Says:
July 11th, 2012 at 10:58 pm
Luangliam te te a midang han duhsak leh daih te chu a….

Be a man, wear Marco Polo ti ve thruai…
70
Mx Says:
July 12th, 2012 at 1:35 am
Keipawh post tupa hi a luck phian ang ka ring Zeiloh lutuk vanga zei an tih ang chi hi anih duh hmel ka ti tlat
71
Awmtea Khiangte Says:
July 12th, 2012 at 6:24 am
Post-tupa Dr Mahminga hi kei chu a zei riau hi ka ring asin

Chu i thiannu pawh chu kan inhnaih viau maithei maw? Eng tin nge ni dawn aw… I keipui sa hauh hlur tih chu hre tho mah ila, han hmelhriat ve hrim hrim chu ka van duh eeeeee
72
Dr Mahminga Sailo Says:
July 12th, 2012 at 8:58 am
@ Candelas… mi(sual) a ni ve lo, mi(tha) a ni thung a…
@ bk… Be a man, wear Marco Polo…

@ Mx… Zei loh lutuk vanga zei lo zawk ka ni zawkalawm… Vawiin atangin nula ka rim nghal dawn…

@ Awmtea Khiangte… A ziaktu’n dan ka bawhchhe hman tep mai aw. Note-ah khian ka ziah tawh khi…
73
Lersia Says:
July 12th, 2012 at 11:26 am
a ngaihnawm hle mai …
74
The Biz Says:
July 12th, 2012 at 11:30 am
Hm.. Vanglaini..kan va la ngai dawn m……
75
lalpeace Says:
July 13th, 2012 at 1:46 pm
Nei vat rawh khai..