Tute Nge Kan Nih!? Part 5

July 18th, 2012 12:46 pm by Rinzova Khawlhring Lalhnam

Previous posts:

…Kan Mizo nunze dik tak chu kan pi leh pute hunah khan a lang chiang a, tlawmngaÃ¬na nun duhawm takin a khuah leh a phuar khawm heng huaisenna te, chhelna te, taimakna te, rinawmna te, dikna te, hawihawmna te, ngilneihna te, dawhtheihna te hi Mizo hmeichhiate nunah te, ‘pasaltha’ an tihho nunah te a ding reng a ni. Naupang leh tleirawl zawk te pawhin an aia upate an zahin an hlau thiam em en a ni. Kristian zirtirna hnuaia hmangaihna kan chawi vul ai hian an tlawmngaihna nun kha a ropui zawk hlein a lang. Tuna ‘Hmangaihna’ kan tih fo hi chuan hmangaih let ve a phut tlat a, ‘Tlawmngaihna’ nun hi chuan phut let a nei lo. Tuna kan khawtlang nun hi han bih chiang ila, tleirawlte leh naupangte nunah hian aia upa mai chu sawi loh, mahni hringtu nu leh pate pawh zah lo a sualpui duh mai an tam ta. Kan khawtlang nun reng reng, nu leh pa thleng hian a lepchiah ta hle mai; hnam dangte hmuhah kan zahpuiawm ta hle a ni. Nu leh pa, nula leh tlangval, mipa leh hmeichhe inkawm dan hrim hrim hi a dik tawh lo a, Mizo hnam nun dan pangngai kan kalpel daih a, eng hnam nun dan mah a ni lo. Hnam dang kan kianga awm te erawh chuan Mizo hmam nun dan ve reng emaw an ti tawh a, Mizo min hmusit a, kan hmeichhiate an zuam phah reng a, hnam dangin Mizo nula an pawngsual pawh kan hre fo ta mai. Heng ang zawng zawng hi engvang nge? Kan sakhaw biak a dik lo a ni lo maw? Kan inenfiah a tul hle ang. Chutih laiin mahni nihna lo pui inbel kan la tum lui tak deuh deuh lehnghal vei nen. Esopa thawnthua choak arawn chang tawn te pawh kan ang ve mai awm e.

“Chanchin thain kan ramah ramhuai a umbo ta,” kan tih mek lai hian Isua tehkhin thu sawi ang khan a aia sual zawk ramhuai dang NUAIHSARIH hi an lo lut ta zawk a ni mai lo maw? Eiruk tur kan zawng huai huai mai te pawh hi a ang zo ta! Thatchhe chawheh kan tam tawh hmel tlat. Lekha thiamsang hmasa lahin sawrkar hna ngawt an inchuh tawh mai bawk si. A buaithlak teh e.

15 Responses to “Tute Nge Kan Nih!? Part 5”

1
VaiVa Says:
July 18th, 2012 at 1:01 pm
Part 5 na ah chuan kan pakhatna ve thei ta tawk e…ka chiang thawkhat a niang a?

[Report abuse]
2
Jacka Pi Says:
July 18th, 2012 at 1:10 pm
Tute nge kan nih chu hrilh thei in awm lo emaw ni le,vawi nga ngawt a rawn zawt nawn tawh a nia

[Report abuse]
3
Awmtea Khiangte Says:
July 18th, 2012 at 1:11 pm
min lo khalh hman ka ti

[Report abuse]
4
lrpa Says:
July 18th, 2012 at 1:16 pm
Ziak muk hle mai. A tha e
Enge maw kawng zawngah chuan kan pi leh pu te kha kan tluk lo khawp mai! mahse an nun a simple a, mi zawng zawng hnathawh a in ang vek a. Pawisa an nei lo a..mi an tlem bawk a, an rinawmin an rilru pawh a tluang ngei ang…pawisa kan hmang a..rinawmna a tla hniam nghal rawih rawih a. Khawvel kal phung ani hrim hrim a heihi chu. Mi ramah chuan helai a thil kal dik lo thei kha an ‘veng’ hmiah a, a veng nasa sa an changkang mai anih hi! Keini pawn kan ti thei reng a mahse kan ram hruaitute leh officer te’n rinawmna aia ani lo lam an thlan vang a ‘hetiang’ dinhmun hi thleng kan ni reng ani!

[Report abuse]
5
houdini Says:
July 18th, 2012 at 3:38 pm
Ziak tha viau ve

lrpa #4 sawi pawh a dik viau tho mai.

[Report abuse]
6
saint sammoo Says:
July 18th, 2012 at 5:26 pm
ka chhiar ve ngei a ni tih hriat nan komen ve ngei ka duh sia,,
engtin nge ka komen ang le…??haha..

[Report abuse]
7
saint sammoo Says:
July 18th, 2012 at 5:45 pm
in ngeiawm em mai.. hrilh tha ve mai u la…haha..

[Report abuse]
8
Jacka Pi Says:
July 18th, 2012 at 5:52 pm
Saint part 5 na thleng han chhiar chuan kan in chhiar bo ti tih deuh thaw mai alawm le

[Report abuse]
9
drake Says:
July 18th, 2012 at 5:53 pm
a then mizoram mi, USA, australia, bharat, juda adt. kan ni nawk hlawm.. chhang dik tawh em aw

[Report abuse]
10
saint sammoo Says:
July 18th, 2012 at 5:58 pm
kei chu saint sammoo ka la ni reng.haha..

[Report abuse]
11
Dr Mahminga Sailo Says:
July 18th, 2012 at 6:01 pm
Post-tupa, i taima hle mai…

Mahse, Ui leh zawhte chungchang ringawta inhambuai, a changa nula tihbuai zeuh zeuh tan zawng; kan chhiar thui poh leh kan bo tual tual a ni awm e..

Zawhna: Tute nge kan nih?

Chhanna: Kan ni lo!…

[Report abuse]
12
Mx Says:
July 18th, 2012 at 7:07 pm
Hei chu a sei vak tawhlo anih hi
Ka’n chhiar ve chhin te’ng
#11,

[Report abuse]
13
bk Says:
July 18th, 2012 at 10:04 pm
Tute nge kan nih?
= Hnam Sakhua te nen pawl khat in ni

[Report abuse]
14
Hope Says:
July 19th, 2012 at 11:52 am
Mizo kan ni, kan hmel a tha……chhe deuh pawh an awm tho…..

[Report abuse]
15
ma-a Says:
July 19th, 2012 at 8:14 pm
Tute nge kan nih ?
keimahni ngei ,tribal kephah hlai, ui sa duh,kan ni e,rinhlelh tur a awm lo.

[Report abuse]