mi(sual).com

(He thuziak tlawm tak hi, August ni 10, 2012 a a pain a boralsan tak S.Malsawmtluanga tan ka hlan e).

A hmasa bera ka sawi duh chu, S.Malsawmtluanga chanchin ka ziak dawn lo a, S.Malsawmtluanga’n ka nun a khawih dan chanchin ka ziak dawn a ni. Mimal nun ziak tur ka nih avangin ‘KA’ tih thumal a tam lo thei lo a ni tih min hriatsak dawn nia.

Mizo mipa i nih chuan, engtikah emaw, tuemaw chuan ‘Mama’ tiin a ko tawh ngei ang che. Mizoram leh khawvel hmun hrang hranga Mizote zingah Mama tamtak kan awm a, Mama tamtak zinga a lar ber chu S.Malsawmtluanga hi a ni ngei ang le.

Football ngaina mi i nih chuan S.Malsawmtluanga hi tunge a nih hrilh i ngai lo ang. Mizo footballer, ram pum huapa ‘star’ ti a sawi theih hmasa ber a ni hial awm e. East Bengal-a a khelh lai kha Mizo mipuiten Mama chanchin kan ngaihven lai ber ti ila kan tisual tam lo ang. Khatih hunlai hi a ni, Mizo mipa naupang tamtak ang bawka Mama ka hmelhriat á¹­anna chu.

Beidawnna ruamah

Primary leh Middle hi sawrkar sikul, Mizo medium ah ka zo a. Thingtlanga piang leh seilian ka nih avangin English kan thlahthlam a, lehkha zir aia thingtuai put, tuikhuaha chen tih vel thlahlel zawk ka ni á¹­hin. Pawl 8 ah, nu leh pate á¹­hahnemngaihna avangin Mizorama private school á¹­ha ber pakhatah ka lût a, hostel-ah ka awm zui a. A hrehawm ka va han ti á¹­hin tak em.

Sapá¹­awng thiam hek lo i, mi nuih rualin ka nui thei lo a, class-ah a hnufual pawl ka nih phah lo thei lo a. English ka thiam loh avanga hrem ka tawh ngun zia te, zah leh chhawnchhaih ka tawrh ngun zia te, ka lunglen leh beidawn vanga ka mittui a tlak tam zia te kha tunhnua ka ngaihtuah lêt chang pawhin hrehawm ka la ti thei nia! Ṭhiante zingah kan zum zúih a, zirtirtute bulah kan á¹­i dui a. Sum leh pai, incheina, thiamna, hawiher…engkimah khan ka tla fai vek niin ka inhre á¹­hin. Mi bula awm ka hreh phah a, mahni insitna leh tling loa inhriatna ka nei chho a, hmasawn tura khawpui pan ni si kha a hnungtawlh zawngin ka kal ta.

Mama pawhin a thei asin…

Test kan nei chho a, ka fail chho ta tlauh tlauh mai a. Nu leh pa beng a thleng thuai a, ka pa mangangin hostel-ah min rawn tlawh ta nge nge a. Chumi ṭum chuan a ni, he footballer in ka nun min lehlinsak thawk tak chu ni.

Eng chanchinbu nge ka chiang ngam ta lo a, Lengzem ni ngei chuan ka hria. S. Malsawmtluanga’n Kolkata derby-a a pet goal zawha a á¹­awngá¹­ai lai thlalak awmna hi min rawn kensak a. Vanglaini leh chanchinbu danga Mama chanchin inziahna, uluk taka a chehthlak sa chu ka chhiar turin a rawn keng bawk.

Zanah chuan ka han chhiar a. Mama chanchin, Kolkata a awmtirha a mal zia te, Tata Football Academy-a a awm laia harsatna a tawh hnemzia te, East Bengal-a a khelh tawh hnuah pawh hnamdang kara survive tura a ‘fight’ nasat zia te chu a lo inziak nasa mai a. Ka tân chuan a ngaihnawm a ni mai lo a, a hlu ngawih ngawih a ni ber mai. Khatih laia ka rilru kha, inkhelh zawh hah hnép lai, tuihal huam huam laia tuisik thianghliam kan han in khawlh khawlh a, kan hahdam ta huai huai á¹­hin nen hian ka tehkhin fo á¹­hin.

Mama nena kan harsatna tawhte chu a inang hi ka ti khawp mai a. Ṭawng a thiam loh vanga nilenga a ngawih tawp á¹­hin thu ka chhiar laite chuan keimah ang chiah chiah ni mai hian ka hria a. Lungleng leh khawhara a awm lai pawha tumruhna leh huaisenna a hmachhuan tlat thei te chuan min hneh em em mai a, ka nei tih pawh ka hriat tawh loh, beiseina leh tumruhna thar ka nei… mai pawh a ni lo, beiseina leh tumruhnain min tuam hlup hlup a, a alh hluah hluah a ni ber mai. Khatiang reng reng khan chona hmachhawn turin ka la phûr ngai lo a, tun thlengin, ka beidawn dawn apiangin infuih nan ka la hmang fo á¹­hin zawk a ni.

Tho la, ding ta che

Mama chanchin ka chhiar hian hma ka sawn ta thut a ni lo a, hmasawn turin ka pên ngam chauh zawk a ni. Hostel-ah khan khum chhawngah, a chung zawkah ka mu á¹­hin a. Ka khum bul bangah Mama á¹­awngá¹­ai lai thlalak ka târ a, class kal dawn te, lehkha zirna room kan pan dawn te, zan mut dawnah te ka en á¹­hin a, chu chuan a hma aia nasa-a á¹­ang thei turin min pui á¹­hin. Sapá¹­awng ka la thiam lo reng a, test ah pawh ka la fail tho a, hrem pawh ka la tâwk tho. Mahse tunah chuan ka mal beih tawh lo a, ka mutna bulah ngawirengin Mama’n min á¹­awngá¹­aisak á¹­hin a, a dilna tihlawhtling turin theihtawp ka chhuah tur a ni tiin ka infuih sauh sauh á¹­hin.

Pawl 10 kan pass a, Vanapa Hall-ah Mizo Zirlai Pawl (MZP) buatsaihin function a awm a, khuallianah Mama an sawm a. Kan sikul pawh kan kal ve dawn tih ka hriat chuan ka phur ngei mai. Zirlaite fuihna thu tawite a sawi a, chu chu a taka Mama ka hmuhna hmasa ber leh a awmchhun chu a ni ta. Mama ka ngaihsanzia min hriatpuitu kan Sir bulah thlalakpui ve ngei ka duh thu ka hrilh a, milian leh a pawimawh deuh chinin an lakpui hnuah chuan midang rualin ka lakpui ve ta a.  A thlalak copy min siamkep loh avangin, tun thlengin Mama nena kan thlalak dun kawl tur ka nei ta lo.

Pawl 11 chu sikul hranah ka kal ta a, hostel-a Vanglaini chanchinbu kan lak aṭangin Mama chanchin chu kan lo ralkhat hriat ve riai ruai ta chauh a. LPS (?) in ama puala live phone call an buatsaihte khan phone tlang ve thei lo pawlah ka ṭang a, nupui a neih te khan ralkhat aṭangin ka lo lawmpui ve hle a nih kha. Salgaocar, Mohun Bagan, Chirag United tih vela a khelh kual duah hnute chuan Mizo footballer dang engemawzat phaiah khelin, Robert-a, Vanlalrova, Jerry, Malsawma te an rawn lar chho tawh a. Mama boruak pawh a dai ta deuh a tih theih awm e.

Tunhnu-ah, duh ang tawka mahni TV ngei kan en theih tak hnu hian Mama khel lai en fuh tumin I-League fixture ka kawl a, a theih hram chuan en ngei ka tum á¹­hin. An inkhelh lai hi hnathawhna hmuna kan awm lai a nih fo avangin duh ang chuan ka en tam thei lo a, season hmasa-a Prayag United tâna a pet goal, goal ban a tauh avanga a inhliamna match kha TV-a Mama inkhel ka hmuh hnuhnun ber a ni ta rih a ni.

Mama hi Mizo footballer zinga thiam ber chu a ni lo maithei a, a hlawh tam ber emaw, a lâr ber emaw pawh a ni lo maithei. Mahse Mizo footballer zinga ngainat hlawh ber, a insumtheih leh taimak vanga ngaisangtu leh entawntu ngah ber chu a ni ngei ang le. Keimah ang bawk hian Mizo mipui tamtak thinlungah thu a sawi ang tih ka ring a, a hriat miah lohin naupang pakhat beidawg mai tur chu beiseina thar siamsakin, a thinlung a lo hneh tawh a. He thinlung hi S.Malsawmtluanga chungah a lawm kumkhua tawh ang.

source: zofooty.com

Similar Posts:

• ZoFooty website thar launch a ni ta!
• Mama mia!
• Mama’n nupui nei
• Malsawmtluanga Shylo an phuar!
• Close encounter of Mama and Pinky

Recent Posts:

• Tawng tih hausak a pawimawh!
• MIZO HNAM SAKHAW DIK PHOCHHUAHNA – IIby. Rorelliana
• MIZO HNAM SAKHAW DIK PHOCHHUAHNA ~ Iby- Rorelliana
• Ngaihtuahna
• ‘Remna’ Palai Bâwngte

This entry was posted on Friday, August 10th, 2012 at 7:00 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.