Lalhnam sipai leh chhanchhuahnakhawpui – part-4

August 10th, 2012 1:32 pm by Rinzova Khawlhring Lalhnam

Chumi zawh chuan General-te atanga tanin Sipai inpêkna thuthlung chu lehkhaah kan thisenin hming kan nem hnan leh diat diat ta a ni. Hemi ni tak hian sipai hming ziak, thisena hming nem zawng chu 92 kan ni. Kan chênna hmun ram chu Thangchhuah ram tih a ni a, kan chênna khua pawh chu Chhanchhuahnakhawpui tih a ni ta bawk a. Tichuan, Chhanchhuahnakhawpui chuan Lalhnam Sipai kaihhruaina hnuaiah ke a pên ta a ni.

Hun hlimawm leh harsatna tamtak Lalhnam Sipai chuan a paltlang a, thihna tum hnih kan tawk a. Nl. Lalnunpuii chu ni 1, Thlazing thla, 1991-ah Sipai thuam famkim nen Darlawn bazar-ah thlah liam a ni a, Nl. Lallâwmkimi chu kum 1994-ah Chhanchhuahnakhawpuiah thlah liam a ni ve leh bawk a ni. Tin, Khuangchawi thla, 1991-ah kan generator chu tekin a rawn deng a, tlangval sawm rual zet chu an let phung mai a, Tv. C.V.Lalremruata chu nikhawhre loin a awm a, mahse vanneihthlak takin chhan hman a ni hlauh bawk a ni.

Awle, harsatna tamtak, sawi sên loh kan tawh lai te, khaw pakhatin min rawn chil an tum hunlaite awm bawk thin mah se, hlimna tamtakin min chênchilh reng a. Nupui pasal hmu zo mai lo turte pawhin nupui pasal kan nei ta nawk mai a, nupa tuak thar pawh sawm zet kan tling hman der a ni.

Tichuan, hun leh kum te a lo inher liam ve zel a, kum 1995 a lo thlen meuh chuan Chhanchhuahnakhawpui pawhin Village Council a lo neih ve tak hial avangin Lalhnam Sipai din zel a tulna pawh a tam tâk loh avang leh a hlutna leh a tangkaina pawh a tlâk hniam tâk zel avangin thiah(dissolve) pawh ni chuang loin ni 27, Pawltlak thla, 1995 chuan inthlahna hun hman a ni a. Inthlahna hun hma a nih hma hian Lalhnam Sipai awm ang angin Nl. Lalnunpuii leh Nl. Lallawmkimite thlan chu Chhanchhuahnakhawpui thlanmualah theih ang tawka mawi leh thain siam a ni.

Ni 27, Pawltlak thla, 1995 zîng ni a chhuah hmain Lalhna Sipai zing intlar whisle hnuhnung ber Pu Ramdinmawia’n muang fân raihin a hâm a, Lalhnam Sipai la awm ang ang leh kan nupui fanaute nen Sipai tual zawlah kalkhawmin kum nga zet tuktin pelhlo a kan sawi rualthin Lal malsawmna thuchhammi, ‘Malsawmna kim chang,’ tih kan han sawi rual chu sawi chhuah a har duh ngei mai, Vohbik duhsak inhlântawnin mittui nen hun kan hmang a, kan thuchham lai pawh sawi chhuak hleithei loin kan tap a, pachang takin kan parade leader in, ‘Asaplal’,(parade tawpna auhla) a ti a, kan bân kan dah thlak rualin kan bul hnai a mite chu kan inkuah nghal ngawih ngawih a, kan fate min tawiawm tute hrilh a hai ngei mai.

Nunna Kûtpui zawhte a ni bawk a, mittui nen kan inthen a, mahni vangkhaw hlui lam theuh pan turin kawtchhuahah kan in uai a, kan tap a, Chhanchhuahnakhawpui lam kan hawh vawng vawng a, mahse kan hun a tawp miau tawh si a le. Ka diary-ah pawh tiian ka lo ziak a,”Chhungkhat pa ber ni tawh mah ila, vawiin zet chu a chauh hian ka chau ngawih ngawih mai, Chhanchhuahna khawpui hi a reh hian a reh tlawk tlawk a, ka lung a va lêng tehlul em! ka thiante ka va ngai tehlul em!” tiin ka lo ziak a ni.

Inthlahna hun hman hma hian Sipai rorêlah chuan hetiang hian thu kan rêl a:
1). Dam leh tlang khatah, thih leh ruam khatah ti a, thisena hming nem tawh kan nih avangin tumah inthlahthlam lo a, chhiatni thatniah intawiawm zel nise.
2) Sipai rosum pawlin a chhawm theih ang chu chhawm se, a theih loh chu insem tlan nise.
3) Kan hmun leh hma hi Chhanchhuahnakhawpuia awm tur ang angte hian lo chhawm zel se.
4) Lalhnam Sikul chungchangah hian Lalhnam sikul Managing Committee chu a lu a hai hle mai a.

Chhan hrang hrang avangin Sikul chu enkawl thei dinhmuna dinga a inhriat tak loh avangin, “Lalhnam sipaiten in enkawl thdi lawm ni?” ti a ngenna a rawn siam chu ngun taka kan ngaihtuah hnuah kan enkawl theih tur thua chhân nise kan ti a. Tichuan Lalhna sipai zingah kal theitur kan inzawng nghal a. Pu V.L. Hmunluahpuia, Pi C. Lalbiakliani leh Tv. C.V.Lalremruata te chu kal thei tura ruat an ni ta a, an kutah ruahmanna engkim pawh dah a ni a, tichuan, Lalhnam Sikul pawh chu Lalhnam Sipai hmalâknaah kan pawm ta bawk a ni.¤

Similar Posts:

Recent Posts:

32 Responses to “Lalhnam sipai leh chhanchhuahnakhawpui – part-4”

  1. 1
    ulawng Says:

    Nupui pasal hmu zo mai lo turte pawhin nupui pasal kan nei ta nawk mai a……………….. :-O

    [Report abuse]

  2. 2
    Chemtatrawta Says:

    Sandman a first

    [Report abuse]

  3. 3
    PKfanai Says:

    ‘Dap taw raw’ hi a tha dawn riauvin ka hria. Nula tlangval (nuthlawi leh pathlawi pawh telin), zat leh zatin khung khawm ila, “Dap taw raw” tih veleh, mei ti thimin, han in dap luai luai mai se la, an dapfuh apiang kha, an kawppui(nupui/pasal) tur anih nghal phei chuan, lengtul ho chuan an bawh hum hum mai lovang maw? :-P

    [Report abuse]

  4. 4
    ulawng Says:

    3rd em aw….? :-S

    [Report abuse]

  5. 5
    ɪ̣uɪ̣pnoɥ Says:

    Zahmawh làwm zual deuh deuhhovin daptawraw an rawn zâwt sup sup ang.

    A ngaihnawm hlë mai (Y)

    [Report abuse]

  6. 6
    ulawng Says:

    5th em aw :-)

    [Report abuse]

  7. 7
    ulawng Says:

    va dik thei lo ve :-( 7th em aw :-D

    [Report abuse]

  8. 8
    ulawng Says:

    Dik ta :-P

    [Report abuse]

  9. 9
    ulawng Says:

    Post DTR tak a ni.

    [Report abuse]

  10. 10
    Chemtatrawta Says:

    Daptawraw hian rai phah te an awm angem? Hmeichhe thi nei lai anih chuan a buaithlak duh awm ve aw?? Mipa zunthlum chang hmeichhiate an vanduai deuh angem?? :-)

    Lo ziak zel teh..ngaihnawm tlat. (Y)

    [Report abuse]

  11. 11
    hehe Says:

    thra hle mai

    [Report abuse]

  12. 12
    ulawng Says:

    A dawrdap lampang rawn phawrh vat vat rawh ;-)

    [Report abuse]

  13. 13
    ulawng Says:

    I post hi ka lo nghakhlel thei lutuk a nia, thildang reng reng ka chhiar peih lo, i post chauh lo hi chu. Hei ai hian lo post zing deuh teh. :-$

    [Report abuse]

  14. 14
    Rinzova Khawlhring Lalhnam Says:

    Pi houdini te inkhengkhawng lai vel kha a ngaihawm khawp mai.

    [Report abuse]

  15. 15
    vakul Says:

    houdini chu a lo inkhengkhawng ve tawh ngei a maw.

    daptawrawah pawh a tel tawh ngei ang le. chutiangte chu DTR movies te pawh han siam ula a tha tur a nia.

    houdini chu lalhnam sipaiah pawh sazai a hmu hnem an tia lawm…

    Rinzo…DTR hi ngatinge in chhan duh loh va..a ni lo a nih chuan a nih loh zia pawh maw le.

    [Report abuse]

  16. 16
    ulawng Says:

    CTR- Chhang taw raw……… ;-)

    [Report abuse]

  17. 17
    Awmtea Khiangte Says:

    Val to lo, nupui tur phang deuh tan chuan a chi viau tak ang a? kan hmu ve nawlh nawlh mai ang chu.. hehe

    [Report abuse]

  18. 18
    Charice hahaha_mizo Says:

    Ideology dik loin mihring rilru a kaihhruai sual theih zia chu Mohhamedan terrorists ho leh India rama Maoists hel ho atang hian a hriat theih awm e, lalhnam sipai ho tiavai ta chu thil lawmawm tak anih chu mawle, mahse a hunlaia in rilru hrehawm ve turzia ngaihtuah khi chuan in khawngaihthlak ve tho mai.

    PS: Chhanchhuahnakhawpui in tih khian Punjab history-a kan zir thin hmanlai an lal pakhat khawpui din Kartarpur Rakuba (God’s city) an tih mai te pawh min hriatchhuahtir rum rum mai, hehe an lawm ang chu aw! (H)

    [Report abuse]

  19. 19
    Chhurbura Says:

    1st em aw?haha..kei chu ngaihnawm ka ti tran tlats….suangtuahna in ka’n mitthla a, patlingpui in phuahchawp ltk a Sipai lem an han chang tur chu!! pathian theuh2 kha athen General, athen alu bwk….an sipai thuam famkim nen an ce lai vel ka hmu chak ltk..an la urhsun ve dawn ropui sia..a ngaihnawm e!

    [Report abuse]

  20. 20
    Eve Says:

    A eng chu nge in tuipui em em aw…!! daptawraw chu em ni .. ;-) a posttupa lah hi thil sawi fiah duh mang si lo… a inla starring tan tlat tawh… :-$

    [Report abuse]

  21. 21
    ɪ̣uɪ̣pnoɥ Says:

    #15 vakul :-P:-P:-P

    [Report abuse]

  22. 22
    CFL Says:

    Hur rim a nam hiam a ka’n hriat chu le.

    [Report abuse]

  23. 23
    ɪ̣uɪ̣pnoɥ Says:

    #22 CFL :-P

    [Report abuse]

  24. 24
    Saitawk Says:

    deptawraw! (Y)

    [Report abuse]

  25. 25
    mik3s Chongthu Says:

    No Comment

    [Report abuse]

  26. 26
    mik3s Chongthu Says:

    #24

    [Report abuse]

  27. 27
    Atom c Says:

    ” Lalhnam sipai” aia hlimawm leh nuam zawk ‘pawl’ kan la nei leh em em turah ngai ang !!! Entertainment ah chuan kan sang tulh tulh dawn a lawm leee. :-O ;)

    [Report abuse]

  28. 28
    doc_lib Says:

    Hehe mawl dan ngai te te in maw..In van ram lah chu a changin in awm khawm a, a changin harsatna in tawk a, in awm darh leh anih hmel a.. lolzzzz Tuna in van ram aia nuam zawk khan ka awm mekin ka hria..( huat awih loh ) mahse kei chuan Isua Krista min tiam ram chu panin ka tlan mek ani :)

    [Report abuse]

  29. 29
    Sihtea Says:

    Daptawraw program chu, tun laihian an la tizeltho angemle? awm leh tase, (misualmember) nupui pasal la hmu zolo hovin, an bawh humhum, duh maiang a.

    [Report abuse]

  30. 30
    ulawng Says:

    Zentawraw………..

    [Report abuse]

  31. 31
    filliz Says:

    Ti zel teh, a ngaihnawm riau mai.

    [Report abuse]

  32. 32
    puipuia pa Says:

    the end justify the means an tih ang te a nih ngai chuan in va tawp ang rih si ve.. Mahse Kan Nu te thawhna College 2009-10 magazine ka thlir a , tun zan chu .. LALHNAM Comp School ah WorkCamp an rawn nei tlat mai… He khawvel thil nen chuan in in hran thei chuang lo a nih hmel hi maw…?

    [Report abuse]

Leave a Reply

You must be logged in to post a comment.