LALRAMA MIHRINGTE PATHIAN KAN NIHNA

August 16th, 2012 6:01 am by Rinzova Khawlhring Lalhnam

Tun tumah hian ‘Pathian kan nihna’ a hma lama ka lo post tawh kha sawi zauhna i lo nei dawn teh ang. Hei hi a duh tan en lêt leh theih a ni e:Pathian kan nihna

Pathian chu Pathian a lo nihna hmunah, a nihna ze kim tarlanna te, mihring chu a hringchan tisa leiah lêng mah sela, Nunna Lalram chhunga a nihna tak i lo sawi dawn teh ang.

Kan tisa mihring chu he leia a len vel lai reng hian kan hringnun hriatnaah Lal thu hriattirna a lo thleng a. Chuta Lal inpuannaah chuan, Nunna Lalram chhunga chatuan taksa famkima kan dinnaah chuan mihring ni tawhloin Pathian kan ni tih kan lo hre ta a. Chu chu,”Mihring nihna hlip thlaa Pathianah min siam ta,” angin a rawn sawi a, hei hi tawngkam dang a hman avangin ngaihthiam loh tur leh hriat thiam loh tur a awm lo a ni. Tichuan, Pathian nih thu chu he thuhriltu hian a han puang chhuak ta a ni. Lal mi nihna taka dingte chu chatuan taksa leilunga kan dinnaah chuan mihring ni loin, Pathian kan ni vek a ni. Chu thu chu Lal chuan thuhriltu hringnun hriatnaah a rawn puang ta a. Chu thu chu a han hriat phat chuan Lal chu a fak ta nghal a ni.

“Pathiante dinnaah chuan Pathian chu Lalah a thu e,
Mihringin Lalram a luah thei si lo.”

“Pathian,” a han tih hian, mihringte chu kan sawi tàk ang khan Lalram chhûngah chuan Pathian kan ni a, chu kan nihna tak chuan, “Pathiante,” tiin a han lam a ni. Chu Pathiante zingah chuan Pathian chu Lalah a â–¶hu niin a han sawi ta a ni. Hei hi a dik hle mai. Kan nihna niin kan hre ve hlawm em aw? “Pathiante,” tia vuah kan nih hi.

Hmanlai kan pi leh pute chuan mihring awm khawmna chu, ‘Khua’ an lo ti thin a nih kha. Lungdâr khuaa awmte chu, Lungdâr khua an ni a, “Lungdâr Pathian,” an ni. Khua chu ‘Khua’ a lo nih theihna chhan chu, ui emaw vawk emaw a awm vang a ni lo a; thing leh lung te a awm vang emaw a ni hek lo. Tui a awm avanga Pathian a ni lo. Khua chu mihringte an awm avanga ‘Khua’ ni chauh a ni zawk e. Pi Houdini chu Chhiahtlang(?) khua niin; Aizawlah a lo zina. “Pi Houdini hi Chhiahtlang khua a nih hi,” kan tih chuan, ” Pi Houdini chu Chhiahtlang Pathian a ni,” tihna a ni. A hringchan tisa kha Pathian a ni e, ka ti lo a; Nunna Lalrama a hming tak zawkin ka lam/sawi a nih chu.

Kan pi leh pute chu an awmna khua apiangah an Pathian KHUA chuan a chenchilh a, an Pathian tãn chuan anni chu a khua leh tuite an nih tlat avangin an Pathian khua chuan a chhinchhiah tlat a; chu chu, “Khuavang chhinchhiah,” an tih chu a ni. Tunlai â–¶halai hoin, hmai leh taksa peng dang vuna thil dum awm chu ,”Khuavang,” an ti thin a, a ni lo. Khuavang chu Pathian a nih avangin a hmuh theih loh a, “Khuavang chhinchhiah,” a ni zawk e.

Kristiante chuan an Pathian chu Isua a ni a, an lam zing deuh ber a ni. Mahse mihring a ni a, he mihring Isua hi Pathian ni leh â–¶hin, mihring ni leh â–¶hin anga an inzirtir hi a dik lo. PATHIAN chu mihringah a cheng ngai lo a, mihring pawh Pathianah a cheng ngai hek lo. Mihring thlah chu mihring niin Pathian thlah chu Pathian a ni. Mihring chuan Pathian anna pawh a nei lo a, Nunna Lalramah chiah chuan Pathian kan ang thei a ni. Amaherawhchu, chutah chuan Pathian kan ang a ni mai tawh lo a, a nihna tak zawkah chuan Pathian tak kan ni zawk. Pathian kan an chuan, Pathian kan la ni lo tihna a ni.

>>>>MI NUNG NIHNA<<<< ka la rawn post leh ang.

Similar Posts:

Recent Posts:

28 Responses to “LALRAMA MIHRINGTE PATHIAN KAN NIHNA”

  1. 1
    VaiVa Says:

    Nihna pawh chu kan lo va ngah ve.. :P Tukchhuak nuam vek u le (C)(C)(C)(C)(C)

    [Report abuse]

  2. 2
    PKfanai Says:

    Nangmah avang hian Pluralism an tih ve fo hi ka ngaihnep phah lehzual. YHWH nen hian rank khatah ka dah thei ngang lo che a ni e. Lucifer-a tluk chhìat chhan kha, YHWH tluk, a aia sang zawk mah nìh a duh vang a nia(Pu Zoho leh lta te chuan an helh deuh mai thei). Kan thlahtu bul te bawhchhiatna chhan bul tak pawh kha chu bawk chu a ni(amah in lo ang dawn tih Pathianin a hria a, in ei a phal lo anih zawk chu tih kha a ni) . Hetia Pathian tlukpui nih chak a iak iak pawh hi Belzibub-a atanga chhuak bawk anih hmel e.(a, ani ngei ngei ang)

    [Report abuse]

  3. 3
    bucko Says:

    comment off, off leh lo… hi hiii a in awm tak viau. chuan comment off leh tawh se ka ti e

    [Report abuse]

  4. 4
    ruatruatapa Says:

    Comment an Off hmain kan comment hram teh ang.

    Mizo hi kan lo pui tawh ka ti deuh. Ngaihdan hrang hrang nei an lo kat ta nuaih a. Hengte pawh hi chhiar zel ila, chhiar hnem chu finna an ti alawm le :-D

    [Report abuse]

  5. 5
    H.Vangchhia Says:

    #4 hairehai :-D

    [Report abuse]

  6. 6
    bk Says:

    “Pi Houdini hi
    Chhiahtlang khua a nih hi,” kan tih chuan, ”
    Pi Houdini chu Chhiahtlang Pathian a ni,”
    tihna a ni. (H)

    Khawpui= Pathianpui,
    Khawte= Pathiante (I) :-$

    [Report abuse]

  7. 7
    Art-a Says:

    Pathian chu PAKHAT chauh a awm a, a hming chu YHWH (YAHWEH) a ni. ANI chu lei mihringte sualna tlan turin mihring angin a lo piang a, a hming Isua a ni.

    Isua chu Pathian Yahweh a ni tih hi Kristian thurin leh inghahna a ni a, Oneness leh Trinitarian te pawh hian hei hi kan pawm vek. Isua Pathianna pawm lotute chuan Pathian an hre lo a ni- Isua Krista pawh an hrechiang lo tihna a ni.

    [Report abuse]

  8. 8
    thachianga Says:

    Pathian kan nih dan hi chhui tawp mai lo la, i chhui thui deuh chuan Pathian ni phak chiah lo, Vantirhkoh te pawh kan lo awm nawk lo maw? :-D

    [Report abuse]

  9. 9
    Ignatia (33-115 AD) Says:

    On a light note : Awm ang deuh hlek hian thurin chhawpchhuah tum thin ula tha ang mawle. A nuihzatthlak mah mah thin – belhchian hi a dawllo thei lutuk a. Mi thiam ve deuh hleka in ngaih – Houdini hi in hmachhuan ve deuh hlek a, in lam tel vei deuh ziah bawk a. Ani lah hi engmah sawipui theih tak tak lah va ni suh. A hriatlai deuh hi a sawi uar vak vak a ni mai.

    Hun leh nite an liam zel anga in chanchin hi ka lo ngaihven zel ang. DTR lampang in tharthawh leh hun chuan in misual duh tawh lo em ang chu maw… :-P

    [Report abuse]

  10. 10
    Chemtatrawta Says:

    DTR lai chuan pathian leh pathian(hawrawpte) in inchibai luih luih zel dawn a ni maw..?? ;-)

    [Report abuse]

  11. 11
    Rinzova Khawlhring Lalhnam Says:

    Huizz karen kan nei tha lova post pawh ka rawn vil hmanlo a ni e.

    [Report abuse]

  12. 12
    Ignatia (33-115 AD) Says:

    Rinzo: Post hi i vil ngai reng reng em ni?

    [Report abuse]

  13. 13
    Rinzova Khawlhring Lalhnam Says:

    Vil ngai e, vil tih hian kawmen ve kher tur tihna em ni?

    [Report abuse]

  14. 14
    nastycool Says:

    Hei chu heretic post, blasphemy!! Dr Hrekima hnen a refer chi a ni lo maw :-P

    [Report abuse]

  15. 15
    thachianga Says:

    #14 (Y) Ka sawi ngam chiah loh.

    [Report abuse]

  16. 16
    Rinzova Khawlhring Lalhnam Says:

    Nangmahni kha in-reffer zawk mai teh u

    [Report abuse]

  17. 17
    Chemtatrawta Says:

    Lucifer 2.0 anih ber tawh mai hi aa..

    [Report abuse]

  18. 18
    Rinzova Khawlhring Lalhnam Says:

    17# kaikuãng

    [Report abuse]

  19. 19
    Art-a Says:

    Rinzo i va ngeiawm ve a..

    [Report abuse]

  20. 20
    Rinzova Khawlhring Lalhnam Says:

    19# eng vangin?

    [Report abuse]

  21. 21
    ɪ̣uɪ̣pnoɥ Says:

    Ṭha deuh chu ‘ni :-) (Y)

    [Report abuse]

  22. 22
    Art-a Says:

    #20,

    DTR kha lalhnam nen inzawmna a nei awzawng lo tiraw..? ‘nge i sawi that mai loh le? Khuangtuaha te hunlai thil vel daih niin a hria ten an sawi tlat. Kum 1935 chho vela harhna tum li-na lo thlen tuma mihlim kalsual ho an tih-elna an ti tlat. In hun hma daih a ni :-S

    [Report abuse]

  23. 23
    Art-a Says:

    nge a siper in lo chang ve hman zuai zawk ? :-[

    [Report abuse]

  24. 24
    ɪ̣uɪ̣pnoɥ Says:

    Art-a tih takah ât tak takin i ä :-D:-D:fth:

    [Report abuse]

  25. 25
    Rinzova Khawlhring Lalhnam Says:

    22# (Y)
    23# (N)

    [Report abuse]

  26. 26
    Art-a Says:

    âta tihna a ni mai mai lo, Ar tee-a tihna sin .. aleee :-P

    [Report abuse]

  27. 27
    Art-a Says:

    #25 Rinzova Khawlhring chu kutzungpui exer te a rawn la ta vel mai mai a (@)

    [Report abuse]

  28. 28
    ɪ̣uɪ̣pnoɥ Says:

    # Ha ha ha, ka chung hnäi lawka rinzova thiltih chu… ka va nuihza har har ve… :-D

    [Report abuse]

Leave a Reply

You must be logged in to post a comment.