Hnam tin hian ze hrang kan nei theuh a. Chung ze hrang hrangte chu a tha a awm rual  hian a tha lo pawh a awm ve tho. Keini Mizo zia thalo deuh mai pakhat chu midang kuhmum a parchhuah kan lo tum thin hi a ni. Hei hian midangte nena kan in laichinna thlengin a ti chhe thei a ni.
A chhan chu a chan tha apiang kan ti Mizo a, an chanchhiat hian kan ti Mizo duh leh thin si lo. Mi tu pawh kan ti Mizo dawn anih chuan an chan that lai chauh ni lovin an chan chhiat ber lai pawh in ti Mizo law law ila. A chang a tih Mizo a, a chang a tih Mizo leh si loh chu ze nghetlo, mi duh-am zia a ni. Chinlem nei lova duh-am hi zawng a tha ngai love.
Tuna kan kal phungah chuan a tha apiang Mizo ah seng luh kan tum a ang hle. Thil hming kan phuahdan atang pawh in kan rilru put hmang chu a hriat hle. Arsa tui deuh chu “Mizo Arâ€, vawksa tui deuh chu “Mizo Vawkâ€, buh tui deuh chu “Mizo Buhfai†etc. te kan han ti a.
Nakinah phei chuan “Mizo Kel†leh “Mizo Beram†te pawh a la awm lovang tih a sawi theih miah loh. Mi in hlawhtlinna an rawn nei dek dek a, eng eng emaw thuphuahchawp hmangin tih Mizo phet kan han tum a.Thawk khat lai phei chu John Cena te hial  Mizo nih tir kan han tum anih kha. A zahthlakin a nuihzatthlak ang reng hle.
Thu kan thehdarh dawn hian  fimkhur a tha. A tha tha tih mizo a a chhia apiang hnawl ringawt  kha ni ber lo. Mi tupawh, eng hnam pawh nise va tih Mizo ai in a hlawhtlinna kha lawmpui ta zawk ila. Infiamna lamah Mary Kom a rawn lar a, kan chanchinbu miten Mizo nula ti in Headline ah hial an ziak a ni.
Amaherawhchu amah vek hi a nun rawn inthlak danglam in Rangvamual velah zu zuar ta se Mizo ah kan claim duh ang em? Boxer Zoramthanga kan hre theuh ang awm e. Burma mi a ni, kan ti Mizo em em ringawt ! mahse, ama hnampui ngei midangho chu ‘nghapih ho’ kan ti leh lawi si. Hmar hnam zinga mi hlawhtling Pi Lal Rem Siem te kan tih mizo em em lai in a then chu kan en hrang leh si. Hei hian mizo hnahtlak dangte lungawi lohna a thlen thei a ni.
Midangte hlawhtlinna hi thikna tel lovin kan awt tur a ni. Midang awhna chang kan hriat loh chuan hma kan sawn thei ngai lovang. Amaherawh chu midang kuhmuma lo parchhuah tum ringawt lo khan anmahni anga kan hlawhtlin theih nan tan kan lak a pawimawh. Mi a hlawhtlin viau avanga tih mizo ngawt tum hi a naupanchhiat thlak. Anmahni lam zawk credit i pe zawk ang u.I rose par chawm thin midangin thliahsak daih ta se i lungnilo viau mai thei asin.
An tumruhna, an in pekna leh adangte avanga an hlawhtlinna ah hian an mahni community lam i fak ngam ang u. An hlawhtlinna Mizo hming tih that nana hman kher tum lo khan. Mi hlawhtlin anga kan hlawhtling duh anih chuan midang kuh mum a lo parchhuah tum ringawt lo khan an tumruhnate, an thawhrimnate i entawn zawk ang u. Midang tih theih chu engah nge keini pawhin kan tih theihloh bik ang le? Mizo kan ni kan hmel a tha kan tum a sang bawk si.
Similar Posts:
- Mizo tlangval telna an champion leh ta!!!!!!
- Hnam damna a pawimawh
- Thu Chu Tisa Ah
- Mizo hi hnam hming a ni lo
- Hlawhtlinna Kalkawng
August 11th, 2012 at 11:32 am
I 1o chhiar ang u
[Report abuse]
August 11th, 2012 at 11:37 am
Mizo vawk leh mizo ar te chu a awm sa ve rêng alawm. A tui vang pawh nilo in.
[Report abuse]
August 11th, 2012 at 11:37 am
Ni ngawt mai…
[Report abuse]
August 11th, 2012 at 11:38 am
Mary Kom kan tih-Mizo chungchang aá¹anga thupui rawn vai chhuak i nih hmel a.
An chan chhiatlaiin kan timizo lo chuang em ni? An là r hluai lai lo chuan mi chanchin hi ngaihven reng hi a har kan ti ve em em a, kan ngaihven lo chung pawh hian kan timizo reng asin!
Kan timizo ni lovin, an arpa chan lai leh an chanin maian chan pawh a tluk loh lai pawhin Mizo an ni reng. Kan tihmizo vê, khaw ê, bà l ê lam a ni lo.
An kuhmuma parchhuah kan tum lo, kan hnam hmingá¹hatna ëng kan lo là wm ve mai zâwk a ni.
Ka lawm e
[Report abuse]
August 11th, 2012 at 11:43 am
Mary kom mizo a ni leh lo, hahaha..
[Report abuse]
August 11th, 2012 at 12:06 pm
he paws chu ka va han dawlh teh reng em!! Ka lem duak duak mai. englekhawle, lele khawle hetah hi chuan media mi te an pawimawh lutuk. Mizo ti kher loin zo hnahthlak, kan unau etc ect tia sawi pawh a chi daih zawk. a chang chuan keini hian han ti unau ve viau thin mah ila anmahni (hmar, paihte etc etc) te hi an inla hrang daih ve thin bawk a ni.
[Report abuse]
August 11th, 2012 at 12:23 pm
Mary Kom mizo anih leh nih loh ah ka buai lo!!!a post tu hian kan rilru sukthlek a pawimawh zia tih rawn sawi a tum ni zawkin ka hria…
mizo hnahthlak hnam hrang2 state danga awmmte hi kan sawi duh dan leh hming (nick name/slang) kan pek danah hian fimkhur theuh ang u tih ka’n belh ve hram ang e… chutiang bawkin, nupui/pasal inneihpawlh chungchang te pawh hi ngaihtuah chiang teh ang u…vai nei kan kawh rawn luai2 anih chuan sap nei, fb ah hial pic post, mizoramah ngei a nei ngam pawh kan kawh rawn ve mai tur a ni lovem ni!!! hmanni group pakhat a mizo hmeichhe sap pasal nei thlalak an rawn post khan kan mizo mipa inti hnam humhalh ho khan an rawn kawh rawn ve luai2 dawn emaw tih laiin an ngawi hmaks!!!ka ngaisang lo phir… i lum chuan lum la, i vawh chuan vawt mai rawh…mizo hnahthlak an nih chuan an fel emaw an sual emaw an nihna ang khan pawm mai rawh… kan northeast pui/vai/sap etc an neih chuan hnamdang pasal nei an ni mai…ka va duhthawh ve..heh 
[Report abuse]
August 11th, 2012 at 1:31 pm
Post-tupa sawi hi ngai reng rawh u…..
Vanramah phei chuan inthliarna a awm tawh dawn lo an tih kha….!
Mary Kom laina te paw’n lo welcome nan “Mizoram House Conference Hall,” Vasant Vihar hman an dil kha…..I-day mah nise Mizo takin thuneitute’n lo phal sak se…..
[Report abuse]
August 11th, 2012 at 1:37 pm
Mary Kom-in Olympic-a boxing a khelh dawn khan, mizo hnahthlak tih kha ka tim viau mai a, a chhan chu tuna a posttu ngaihdan anga ngai hi an tam tih ka hria a. Amaherawhchu, a chanchin sawi a ngaih tak siah chuan mizo hnahthlak dik tak ni na na na, mizo hnahthlak anih sawi lan ngam loh kha a dikin ka hre bawk si lo. Kanni theuh mai, anni pawh, mizoramah rawn khawsa dawn sela chuan, mizo annihna lam kha an rawn vawrhchhuak ve thovin a rinawm a, State danga an awm chuan an inti mizo duh lemlo khawp mai, Kuki intih an duhtawk tlangpui.
Kan thudang a lai chuan, a hnehlohnu champion ta, Nicola Adams kha a khelh dan kha ka en chik a, Mary Kom leh Chinese nu a finalpuite coach khan lo study ngun deuh sela chuan, an hneh theih ka ring khawp mai. upper cut leh hook a hmang manglo reng reng a, jab(straight) 1,2-1,2,3,4, ang chi hlir a hmang a, a hnek tlang thei deuh tlat zel a, point a score tha ta tlat a nih kha. a rawn jab thin kha, kun leh thlek emaw, an glove hmang khan lo paih kiang thin ta sela chuan, chance an nei tha dawn a sin maw le.
[Report abuse]
August 11th, 2012 at 2:25 pm
He post hi ka pawm zawng tak a ni a, comment te pawh khi ka rilrem zawng tak zuk ni tlat bawk a! A vaiin =
[Report abuse]
August 11th, 2012 at 3:37 pm
pk chu.. Ti mi hmel ve… Tlangval lai han nise, inhnek pui chak awm hle mai..haha..
[Report abuse]
August 11th, 2012 at 4:27 pm
Mizoram chhung ngei a piang, seilian leh khawsate, Mizoram ai-awh/tana feh chhuak ngei-te hi ” Mizo Nula/Tlangval” tia koh an phu hliah hliah a. A pawnlam (Manipur/Burma) a piang leh seilian te hi chu ” Kan Unau te ” tih mai hi a nalhin a awlsam zawkin ka hria. ” Mizo Nula/Tlangval ” tia han chhal em hi chu a zialo ka ti ve khawp mai. ” ZOMI/ZOHNAHTHLAK ” tih erawh chuan a huam vek thung ang.
(N.O.I)
[Report abuse]
August 11th, 2012 at 4:29 pm
Pu Saate, tunah chuan a theory chiah a lawm. Round 1 pawh ka thaw hlum lo chauh tawh ang. In k.O. tum lem loh a, a point ringawt zawn ralah chuan, ka la tihtlak fu mai thei.
[Report abuse]
August 11th, 2012 at 5:04 pm
## Keini Mizo zia thalo deuh mai pakhat chu midang kuhmum a parchhuah kan lo tum thin hi a ni##
Helai thu kher hi…naw naw naw….
zoar te,zo vawk te,zo buh te hi a tui bik,
[Report abuse]
August 11th, 2012 at 5:15 pm
A topic khi a dikhlel deuh!
Mi thenkhat (Mary Kom chungchang bikah), Mizo nula a chhuah an awm a, hengte hian Mizo tak takah an ngai a..kuhmum dang chu ani thei chiah lo a, chung mite tan chuan..
Mi thenkhat, kei ang te..Mizo a ngai miah lo an awm leh a, a topic khi a dik lo leh zual!
Hnahthlak tih hi ka hne ta..hnahchho ti tawh ang u ..haha
[Report abuse]
August 11th, 2012 at 5:50 pm
A thu a tha viau na in Mizo zia a ka duh loh ber thin zawk a chu kan kuh mum a midang kan par tir thin hi a ni! Credit lak kan hreh lutuk hian kan thawh that aiah te, kan thiam aiah te hian midang hian par an chhuang fo ka ti zawk tlat mai kei chuan!
[Report abuse]
August 11th, 2012 at 5:51 pm
Mizo Ar, Mizo vawk, Mizo buh; heng ho hi pi leh pu atangin kan nei daih tawh. Tun hnaia kan tih chawp a ni lo. Vai len hnuah erawh chuan a ni ang. Sap leh vai hovin ar, vawk, buh leh thlai chi dang dang an rawn keng lut a, kan lo neih sa kha Mizo tih telin kan sawi ta mai niin a lang.
Hnam chungchangah erawh chuan Naga kan tluk lo hle. Anni chu hnam chi hrang hrang, tawng pawh hrang theuhvin an awm a, Naga nihnaah an lungrual mai. Keini chu hnam hrang hrangte hian kan tawng chawilar kan tum bik theuh a, Mizo nihnaah kan lungrual thei hlek lo.
[Report abuse]
August 11th, 2012 at 5:56 pm
Kan ti ve hluai tak a, Broiler, layer, farm vawk SRI buhfai leh Punjab buhfai chauh hmu phak tawh tan chuan a bo theih dawn hle tak mai.
[Report abuse]
August 11th, 2012 at 6:09 pm
zo vawk dik tak pawh tuikuk vawk, khawchhak vawk… Kan ti duh a nia.h.
[Report abuse]
August 11th, 2012 at 6:47 pm
He video hi uluk takin en ula chhiar ve teh u khai
https://www.youtube.com/watch?v=0YBjaEgx_8I
[Report abuse]
August 11th, 2012 at 6:48 pm
mizo vawk sa
[Report abuse]
August 11th, 2012 at 10:36 pm
He post hi 100% in ka thlawp e.
[Report abuse]
August 12th, 2012 at 3:07 pm
200% in a dik e
[Report abuse]
August 13th, 2012 at 12:43 pm
[Report abuse]