mi(sual).com

Ka fapa VANLALRUATA CHONGTHU,

Vawiin hian kum 12 ram ri ilo thleng thinlung takin kan lo lawm a che. Kum pawi mawh tak a va’n ni em.. naupang leh puitling inkar NUN laklawh lai takah I chuang mekin thil tam tak atan chuan I upa tawk tawhin I hmaah hringnun kawng bum boh hmachhawn tur chuan I la tuai lu deuh si.

I nu nen a kan in neih tirh phat atang reng leh kan in neih chhan ber pakhat tithlawng tlingtu ni turin kan hual lawk chein kan beisei reng che a sin. Vawiin ang kum 12 kal ta khawvel eng I rawn hmuh chiah khan kan duhthusam tihlawh tlingtu I nih zia ti chiang turin mipa nausen – chum, hmel tha, ngo paw vang a ilo pian khan I chhunloh tur I pa chhunlovin chhun tur dik tak I nu I chhun tih hai rual ani nem le!!

I nu hnute tui I khan loh avanga I hmui hnuailam fawp chunga I muthilh I bansanna kha a la rei loh hle laiin san ve thuai thuai I chak avanga I smart shoe chhung lehkha khawng I hnawh thin te khan eng kim titheitu Khuannu lairil a fan ngei a ni tih rin hlelh ruallohvin a hnu lawkah hmuh theiha thangin I ai sang thin – chen ve I chak em em I thian te I chhuk en ta mai te hi ka lawmpui zia ch e he ni denchhen hian han thai lang hlek ila min haw lutuk lo van chu maw???

Zirna lam nise in classi a ti tha ber ni thinin- class Monitor Batch I rawn vuah haw va va thin te khan min ti lawmin nang pawh I lawm thin em kha. Monitor nih kha a nep hauh si lo va. Ilo thang lian zela I zirlai I hneh em avang khan inah zir ngai lo khawpa I thiam thin khan I u leh naute lehkha zir ngai a tip hawk leh thin zia hriain remchang takin Mystique School of Music Khatla-ah Guiter perh kan zirtir che a, I tlai school bang darkar 1 I zir thin kha tunah chuan ka tluk ta hauh lo mai che ka ti.

E tak a, ‘tu nge a hming kha aw’. Kha hman a MIZO IDOL an tih hmasak ber tuma top 10 a tling tlangval zaithiam – hmeltha bawk si kha…e e e ka hre chhuak Fredie-a mawle”. A mah nen in inane m avang khan miin Fredie tia an koh fiam thin che khan kan lo lawm thei teh thin kha.

I u chiah leh kan fa hming koh Lalramhluni (Nupuii) nise Upa ten, “Fa tir atan chuan hmeichhia hi an duhawm zawk ngai e, inchhungah an tangkai hma bik thin” an tih chu chang chawi niawm a mawiin hmeichhia Pathianin min han pe te kha kan va lawm em.

Vawiin ni ilo thlen theihna tura I hun liam tawh kan chhui kir hian nu leh pa, chhung te leh thenrual te lawm leh ti lawm tu I niin sawi selna tur che hi kan van hle a sin. Naute dawm thiam leh u te hlau thiam, nu leh pa, aia upate thuawih, zai leh lama tui em em reng mai, i hla hriat theih zia leh lam dan chi hrang hrang I thiam te hi kan tan leh I tan ngei pawh malsawmna a va’n ni teh reng em!!

I birthday present atan I awh ber mai leh a hma atang pawha lei min dil fo – I duh luat avang leh kan neih ve si loh avanga thenawm hnai te ta chul chul thin khan I birthday ah I thinlung a khat liam chuan tawng tir chein chu thil chu leisak I duh tih hre reng chung a kan tihhlawh tlinsak thei lo che hian I thinlung kan hliam palh ang tih kan hlauh luatna chuan nangmah hmangaih em em tu I nu leh Pa te hi min hliam a; ngun taka kan ngaihtuaha; mi in luaha khawsa leh chu tiang han kawlna chi kan awmna hi a nih loh avang te leh sum dinhmun te enin kan tlinloh thu kan sawi I kum phu lo leh titau awmrual inla nih reng laia pawh a LUNGAWI taka I awm te kha kan tan a hmuh nawmin sum leh pai te neiin kan awmna ten zir nise nei zawng zawng pawh seng a I duh ber “Alsasian Ui” ngei mai chu han lei sak che ila, i va’n hlimin I duh ber I nei lawmpuiin kan va’n lawm dawn em !! ‘Khaw nge a duh ber pawh kan tih sak thei silo, a ruk hian a lo na viau ang e’, ti a Tingtang perh/ zut zir mek I nih avangin,‘Tingtang (Guiter) pang ngai deuh lei sak tal ang’ ti a nangmah nen ngei pawha kan sawiho pawh chu kan ti sak thei lo che hi min dem suh ang che aw. I pa hian PEN hmawrin ei a zawng ve lova; a kut zung hmawr in ania ei a zawn. I pa site income neih dan lah hi a hahthlak phian a sin. En teh i Birthday vawi – 12-na hmuak thleng tur hian khailak awm miah lovin Inrinni zinglam atang khan vawiin dar 12 thleng (darkar 72 teh meuh 405 MW pe chhuak thei Power House ah a duty mek a sin. “Ti khawp a rim a thawk leh site income (midang indaihloh changa group dang a duty-in a inhlawh thin) nei si ka duh zawng pawh min lei sak theilo” ti zawng a vui lo leh I nu hova chhung inkhawm inneih naa a sawi te puilting lam pan I nih ang taka I hre thiam te kha kan chhuang che a sin.

Chung Khuanu hual himna azarah lo seilianin hring nun I hmachhawn zelna tur ah hian zum leh hriam, in chhuihna tur leh tluka thawh leh mai theihna te, tluk hlenna te, thawh hlenna te, a awm a ni tih hriain hmahmawh lovin fimkhur takin I pheilai vawr thin la. Thlarau nun kawng te, zirna kawngah te, khawtlang nunah te, nulat tlang val inngaihzawnna ah te hma chhawn tur tam tak a awm dawn tih hriain rilru fim takin inngaihtuah la. SUAL ti lui LO turin fimkhur ang che. A bik takin hmeichhiat mipatna kawngah kan ram leh hnam a tlu chhe mek a ani tih hriain nupui I neih hma chuan hmeichhia mutpui HAUHLO turin tuna tang khan inbuatsaih ang la.

Pathian chaknain I tithlawh tling ngei ang tih k aring bawk a. Hei chet sualna ngei mai hi Setana’n hmanruaah a hmang nasain tunlai kan thalai te inngai zawng hian ‘inngaihzawnna hi inngaih TUR tihna emaw an tita em ni’ tih mai turin naupang te te tuna I kum rualpui te pawh an him LO nasa a ni tih hriaiin leh Pathian pawhin a huat em em a ni tih hriain he kawng dikLO hi rawn zawh hauh suh ang che aw. An sawi thin – Mipa tan chuan a pawina em em pawh a awmlo zawk; a hmeichhe tan hian a pawi em a ni..’ tiin.

Mahse, I tan hian a pawi em em dawn a ni, ‘Eng tin maw a pawi dan tur?’ i ti rilru ngei ang a.Entirnan, hmeichhe (I bialnu pawh nise) a duhloh chung hun fal hmuin chet sualpui i tum a, ahmangaih vang chein leh a tana a pawi thui tur zia dawn pha lovin a ui em em a neih chhun pasal a neih zan atana a pasal tana a khek ve ngar ngar – a THIANGHLIMNA chu a hlan atang chiah che khan hlim leh nuam tih chu sawiloh mahni in tenna, inkil tawihna, mi dang bula awm chaklohna; mahni intenna leh thih hial duhna rilru neiin, hetiang hun harsa a dinga a vanduaina chu insiam thatnan a (siamthat theih tak tak ni TAWHLO mahse) nan inchhir a inlam leha Pathian hnena tluk luh aia sual khur thuk zawk – hmeichhiat mipatna lama buan chaklona te, beidawn vanga ruihhlo leh zu lama tlan zuiin, natna tha lo tak tak vei zui ta a, THIANGHLIM taka awma pasal tha tak nei tur khan phuloh hlir a tawn tak a avangin damchhung khawsakna lamah pawh a tawng hniam ta ngei a.

Chutiangin Sawn pai zet a titla site, sex hmang reng a naupai duh si lo te hi eng nge a bul kan tih chuan, ahun hma a sex an hman vang tih hi phat rual a ni lo. Pasal pawh lo nei se, thinlung taka inthiamlohna a neih tawh avangin a pasl lakah a inthla hrung hma bikin nupa nun hlimna tur tam tak a ti chhhiain chhungkaw KEHCHHIA kan tih tam ber pawh hi a hun hma a SEX hmanna rah a ni ang tih hi phat rual a ni lo.

Tin, SEX hi mipa tan pawh vawi khat lo tem tawh chuan zawng chhang awl em em ani tih hre reng la, rawn ti lui hauh suh ang che. Eng tin nge mi a lo suala thin a, a rilru, taksa thlarau hial tan pawh a tha lo – zuk leh hmuam, ruihtheih thil, hmeichhiah mipat hman khawlohna an sim thiehloh kna tih chuan an tih chin atangin a ni tih hria la, Thchhin LOH rawn ching ang che aw.

Sawihmaih atana pamhmai em em chu CORRUPTION (Eirukna) kan tih hi a ni. Khawvel awm tirh ata twah he zia mihring hmasa Ev-I leh Adam-a te meuh pawh khan an dan gzo lo a ni kha. An mahni siamtu Pathianin Ei sen loh an tan Eden huanah khan a siam reng laiin huamlaia a thei – ei hauh loh tur a tih, ei chu thih ngei ngeina a ni tih hre reng chung khan an ei lui a, Pathian lak atang khan mitthi an loh phah ta kha a ni a. Kei ni hnam tlem te zingah pawh hei Eirukna zung hian Thil zawng zawng a chhelai let der, Pawnchhe (puanchhe) hnang-khai (hmeichhe thi neiin an mualpho loh nan a an hman hnu-thil tenawm ber – a hmang tu pawhin a ten, thil dang a hmanna tur reng reng awmlo tluka Pathianin a sawi kan thinlungah hian bu a lo khuar reng mai si a.

Chu thinlung bawlhhlawh duhamna chuan insumtheihlohna siamin kan ram pawh min ei chhe mek a ni tih hriain thinlun gthiang hlim leh eirukna laka fihlim ngei turin in ti thianghlim thin ang che aw. I pa hi eirukna do tura engineering luh chilh ani tih theih nghilh ngai suh ang che.

Khawvel lo thang zelah thiamna tea lo sang zela khawvel chu kan kutphah tiat leh a zim ani chho mek ta tih hriain heng thil hian Zofa – ringtu inti te pawh min ei chhe nasa a ni tih hriain in veng reng bawk la. I pa ngei pawh hi What is your favourite BOOK an tih chang a BIBLE ti thin khan tunah What is your favourite book tih leh ta se faceBOOK tih a chhan a hlau hlel lo ve. I van hrat awm em em I ti mai thei.

Mahse Cell phone atangin emaw PC atang pawh nise office a a hunawl lai bakin a FB ngailo tih hi khawvel hriatah lo puang la. Inlam emaw pawn lamah a FB ngai lo tih hi!!! FB han sawai tak ah chuan a tang kaina nge tam kan chhiat phahna tih hi bukin inhnial fiamna (DEBATE) nei tai la ngaih nawm takin a khawi lam ve ve tan pawh tanfung tha tak a awm thei. Zofate t bawk hian chin tawk kan hre lo. He kahwvel ran zauvah hian Mizo te aia facebook luh chilh nasa, group hrang hrang siam hnem leh chhiatpui hi an awm lovang tih research a chakawm a sin. Kan FB group hmin gtam tak leh kan thil post te hi hnam dang hmuh a mawilo a tam te hian a hriat. A th azawn glahin kan hmang tanglai na rawh e.

I nu leh pa ang reng hi khawvelah hian an awmlo tih hre reng la. Kan hmangaih em em chein nun kawng dik I zawh theih nan kan theih tawp tak meuh kan chhuah tih hriain min ring tawk la. Sum leh paiah mi dang pha hauh lo mah ila Pathian malsawmna a zarah I pain hna pangngai tak (chapo lam nilo se) a thawk a ni tih hriain ka dama ka thawh theih tek tek chhung chuan chhuan chhamin kan awm hauh lo vang tih Pathian hmingin ka tiam a che. I pa tawngtaina hla “Lalpa mi dang neih it khawpa chhunglam leh pawnlamah retheiin min siam lova, Nangmah theihnghilh tur khawpa hausaah min siam lo bawk ang che” tih hi atakin kan chang mek a nia.

Khawvel hausakna awm zia hi chu mi te atanga a zir mai a ni na chungin hausakna tak tak – dikna, rinawmna leh chhel tak- taima taka thawh hi i pa finnain a phak tawk a niin chumi ah chuan kan chhungkua hi kan hlimin tu dang kan ngai lo. I pain retheihna kawng a zawh ang hi chu rawn zawh kher lo turin ka duhsak rual chein nawmsakna hian thatchhiatna leh nawmchenna – a tawpa tlakranna mai a thlen thin avangin hausa hluailo turin ka duh lawi si che a ni.I pa leh I ni Dingpuii (in pianhma a retheihna kawng bumboh zawh chhuak zo lova fam ta) te khan 19 AR M/E School Serchhip a an kal laiin midangin hak khat an dawn laiin retheih luat a vangin School Uniform HAK HNIH an dawng bik tih te vawiin I pian cham den chhen hian kan hrilh ru ang che.

Tin, I pa hian Medical doctor nih a tum avang a High School a kal lai pawhin dil ah te kalin Uchang te a lo zaiin alo thui tawh thin tih te hi i hriatloh ka duh lo ve. Doctor a nih loh vek pawhin Degree Engineer tal tih chu a Aim in Life ani tih pawl 7 a zirlai an hotupa Thanchuanga (Ex-VCP Serchhip) zawhna a chhanna chu vawiin ni thleng hian a thinlungah a la ri nawn tlut tlut reng a.

Chutih mek laiin hmangaih chunga hmangaih leh chhawnna a I pa te chawi liantu I pi Nupuii – I pa pa hringtunu (a hmangaihna kan hriat reng nan I u – kan fa hming koh Lalramhluni hming pakhat atan ‘Nupuii’ tih i pain a phuah a ni tih te, I pa pu Kawnga – Pathian a mihlim thin leh Pathian thusawi a lam lam mai thin khan retheihna leh taksa lam chaklohna bawih ata chu I pain pawl 7 a zir lai kum 1984 December ni 21 khan kan la mamawh ngawih ngawih laia van kohna chhang a chatuan ram min pansan tak hnuah kan retheihnain a chhuanchhe zawng a mal min sawm belhin kan harsat zual phah zia te kha aw.

Mite khawngaihna leh i pa Ni Lalrinpuii leh a pasal C.Lalengzauva te thenawm hnaia awm ve thlazar hnuaiah thing delh loh lung delh loh chu kan lo sei lian ve mauh mai si a. I pi Nupuii tar tawh tak chu i pa hian a dam lai ngei a chawm a nuamsa a siam ve hman hi a tum lian ber niin thahnem ngai takin lehkha zirin a thawk rim hle thin a.

Khawvar hma thovin taksa sawizawina a neih zawha tuna I pu C.Lalrinsanga chhiahtlang te kawmchhak a field-ah kawl eng a ‘lehkha a chhiar theih ta’ tihah mi hmuh hmain lehkha a zir thin tih te, a kut ding lama chaw bar a kut vei lama zirlaibu keng thin a nih thu te, tlailam leh hun awl rem chang ah dai hnaia khiang buk kakah buk siamin lehkha a zir thin tih te hi I hriat loh ka duh lo ve. Matric an exam inbuatsih laia thlasik khawvawt tak hnuai rimtawng luat avanga zir tur tam si thiam hmanloh hlauva dawhkan hnuai a chawhtawlha tuisik chhung a a ke chiah chunga zir thin tih te vawiin kan chhungkuain meialh ngawt en lova kan awm theihna bul an nih avangin hlawhtling tur chuan hreawm tawrh a ngai a ni tih hretu ni mai lova a ti thlawhtlingtu I nih ngei kan duhsak a che.

Chu a dream ti hlawh tling tura a beina lamah Pachhunga University a kum 1988 PU (Sc) a zir laiin Sawrkar chawma Diploma Engineer India hmun hrang hrang zir theihna chu I pa hian a thian te nen an dil ve, beisei loh takin a tling zingah a tel ve ta mauh mai si. “Ni lo, hei chu ka zir tum a nih loh kha..Medical doctor/ degree engineer a nih zawk kha” tiin keimah leh keimah chu kan be mawlh mawlh a.Ngun taka ngaihtuah leh Pathian rawn chungin I pu Rinsanga te hnenah I pa chuan, “Ka pi – ti ila mihringtunu kanu RAMHLUNI chuan kum 2 ka nih lai leh ka nau thla 6 mi chauh a nih laia min thihsan avanga tette a tang min chawiliantu –hmangaihna awmzia nuna min zirtirtu anih avangin kapi tur mah nise ‘kanu’ tiin kan puitlin thlengin kan ko thin thin Nupuii a thi hma a chawm ve theihna kawng hnai leh tha ber ani mai ang em? Eng ang paw’n zir sang ila a ni ber ka chawm theih hmaa min thih san si chuan awmzia anei lovin ka inchhirin tawpin tai a nei dawnlo”, tih ka sawi chu min hriatthiam puiin “Nangma thu thu ni rwah se” an tih takah chuan Imphal-ah zir turin ka inak liam vet a kha a ni a.

Heta ka zir chhung hian tuna ka nu leh pate chuan Pathian hmangaihna zawh pelhin kan ti dawn nge Kohhran-ah tangkai taka an inhman laiin Lalchhungkua-ah min awmsan tih ka hria avanga ka chhing mittui far hnem zia te kha aw!!! Ka lungngaihna ti zual tur leh he ka dam chhunga ka tih theih chak ber leh tum mek ka pi chawm hma ka tumna chu mumang pawh tluk lovin ka pi chuan van kohna chhangin min liam san leh ta si khan ka khawvel chu mihring vawi khat thi tura ruat kha ka taksa a thih hmain ka rilru chu beidawnna leh rilru hliam avangin a thi a ni ber e.

A sakruang rial ang a dai, piallei thuah riat a zalh mai tur thlah liam tur tal pawn ka taksa chu hnuhhnaih a awm si lo. Kan exam lai anih avangin kapa ten min hrilh mai ngam lovin a hnu kar khat ah kan hre mai chu(h), Mampui, I pa hi ‘Pa’ ka tlinglo tak zet a sin. Min hmangaiha mahni fate chawm pawh thlahlel hlei theilova min chawitu kapi – ka nu berin ka chawm ve hmaa fam min chan san si chuan,“Eng nge ka zir chhan ni ta ang le???” tiin beidawnna chuan min nem kun tlawk tlawk mai thin a sin.

Hun a liam zel a, kum 2 zet mahni ramah kan thlakhlelh ber Lal Isua piancham lawm lova Imphal leh Churachanpur a ka hmang te kha ni kum mai khan I pu Rinsanga’n a chhan dik tak sawia, “I lo hawna tur pawisa kan neih loh avangin kum 2 lai kha Masi I rwan hmang theilova..,”tih min hrilh tum khan ka chhingmittui hi a far zawih a sin. Mittui sawi takah chuan thian te hian, “Kima chuan Thangtei (I nu) hi a TAHCHHUAH a nia..,” min ti fiamthu (tak) thin a.

Kei ta pek chuan, “Khawvel a kan duh ber leh awh ber nei theih nan a mittui sente a man hla em a lawm..” tiin I nu lehkha ka thawnna ka mittuiin a far hun kuang te kha min hriat chhuah tir uai uai thin zu nia. Helam kan sawi lai hian i nun nen a kan inneihni a talh tur hian VAWK a nu ka vulh hlawh tir a, kan inneihniah ngei mai chuan kan inphel tih t han zep leh lawk ila. Tum khat thian te lova kan feh tum a kan hawlam, thiante thlima i nut e buhseng ram riak hmu tura ramvah chhuan lama an lo ka zu kal a thim tawh avanga ka haw tur i nu nita hian min ngaihtuah zia te leh a hnu a thiante la kawia, “Kima (ipa ni ta) chuan a zin haw inthlak lovin a bialnu am riahnaah a tlang nghal,” te an ti mawle.

Uisa hi ei tur a awm chhung chu ka ei ang a chhan chu ka khawsik rehna a nih beiseia peihlo chung chunga PWD IB a uithisen-lum ka va inzo, a sa siam zawh hlim dekchi liana kan phurh Sanpohkawn, N.Vanlaiphai kan thlen hma, khawchhia leh driver rui khalh chak si inthurual chuan Lalzap kawi kan pel chiah i pa Rualkhuma te in bula kawng sir bal chu kai zo lovin kan chuanna Tipper chu ka uisa phurh nen a seat a mi 6 chuang ten en chuan kan accident tak si ah chuan mahni him nan tia driver hnaih ber a ka thu chu remchang a lain a steering chu vuanin kawng thlang feet 15 vela sangah chuan inrinlawk pawh awm hma hmain kan insawh thla bur mai chuh ka a nuam lo teh a sin.

Invenna a a steering ka vawn chu ka tan vanduai-vanneihna a lo ni zawk si, eng tin maw, ele khatia kan in vawna khalh avang khan ka kawng ka tih nat phah a, damdawiin ah te ka awm ren rawn a sin. Chu ka kawngna ngei mai chu I nu nit a hian tui vawtin ka rim changin min deh sak thin a, dar kar 1 te min deh sak thin.

Awi, kan va kual nasa the duah ve, zan duty tur ka la ni si a I duh tawk mai ang aw. Hlim takin inlo hmang dawn nia.

HAPPY BIRTHDAY-KA FAPA

I Pa,

Nupuii pa

Similar Posts:

• Pathiana mihringte dinhmun;
• Suicide
• Tawngtai
• Zofa te leh kan kristianna
• The cylinder

Recent Posts:

• Patrick L. Hauhnar kha!
• BMCF lam an ngaihtuahawm lo.
• Pi Sangi
• Mizo hla thluk anna deuh a nei
• Facebook Side ‘A’

This entry was posted on Tuesday, September 18th, 2012 at 7:30 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.