Mi reng reng hian upat hi an hreh vek ni mai hian ka hre thin, ka ngaihbel nge phei chu ka hre lo. Hmeichhia nih phei chuan kan pian tirha kan nulat hun an nghahhlelh tehreng nen, kan han nula ve ta chenga, kum 20 pelh tawh ek ek chuan senior lam kan pan nghal mai ni hian a langa. Kan society in a zirloh vanga nula senior syndrome vei hi an kat nuk ania. Kan chak emaw chaklo emaw min ngamtlak nazawng hian pasal neih min han sawi hmuh tan nghal panga, rilrua ala lan lem siloh chuan bialpa neih pawh a inthlahrunawm zo vek thin. Mipa tan pawh hnathawh te an lo neih tawh phei chuan “nupui nei tawh rawh nang hi” an han ti thla zena, chhungte nawrna avanga tlangval khamlo zeta hmuh remchan veleha tiam tlat ta huk te pawh an awm nualin ka ring.
Khawvel dan alawm!
Kan dam hun chhung tura Pathian ruat hi a reilo ngiang maia, chaklohna avangin kan la dam thleng zo thin lo zui rawl nen. Upat leh thih hi inhnaih riauva kan hriat vang nge, upat hrim hrim hi kan tawngpaw hlauh zawk, tumah tar thuai thuai chak kan awm awm love. Khawvel hi a chaknate chawpin ala boral dawn tih hre kur mah ila kan la thlahlel ve hlawm ropui si a, ‘forever young’ tura siam ni lo mah ila kan rilru erawh a ‘young’ rei phian hlawm si chu anih hi. A chhia leh a tha hriatna theirah kha tunlai hunah hian lo awm leh ta se, Evi anga pum hmawm mai lovin tar theihlohna thuruk siam chhuah phawt tumin Scientist ho hi an buai ngawt ta ve ang! Tuman upat kan duh lo, naupan reng theih a ni silo, rilru hah fe fe chu kan tam awm mang e.
Kei atan erawh zawng upat hi
Thil tha a ni. Kan unau zingah ka upa bera, nauten min han zah em em ringawt maite hi ava hlu em! Kum 20 ka tlin dawn khan lunghnur hle mai ila, tunah chuan ka lo tling lovang tih ka hlau thar hnuhnawh. A chhan chu maw? tleirawl nih tluka nuam a awm hauh lo, mahse tleirawl kumkhua ta mai ila a va ho awm si em. Kum 20 chung lama nun awmzia hi ka tem ngai lovanga, nula pangai niha miten rawn tlak ve nia min hriat hlutna hi ka hre ngai lovang. Mahse upat zual zel hi ka la chak fan a ni, engah maw? Tunah rih chuan keini aia upa ‘thalai’ zingah an la tam em maia, kan thusawi tam tak an nuih liam mai mai chin leh thutak hlataka min ngai lova min fiam zui tak mai mai chang lah a tam. Thil tihkhawmnaah mahni aia upate zingah ngaihdan leh duhdante han sawi ve dawn ila inthlahrunna tur ala tam bakah a mawiloh chin a awm thin, aia upa zah hnam kan ni miauva. An ngaihdan a fing emaw phuailuai emaw, upa zawkte thusawi zawm mai chu a finthlak fo, chuvang chuan alawm upat hi ka chak thin.
A pawilo ti mai ang aw
A let zawnga hun hi a kal te anih ngawt loh chuan kan naupan belh tawh dawn lova, a kum telin kan upa zel dawn chu ni berin alang. Kan taksa mawina leh hmelthatnate hi chuan min peihlohsan thuai dawn. Chutia kan lo upat telh telh avang chuan lungngaiin kan indawm kun mai tur em ni ang? ka ngaihdan chuan upa zel theia kan dam hi a hlu ka ti, kan lawm tur a ni. Upat hian vun chuar leh sam tuak chauh a keng lova, hriatna zau zawk leh hringnun dam taka thlir theihna thluak fim min pe a ni. Tlangval laia zu ngawlvei pawh hian upat lamah chuan in dan an thiam chawk ania! Kan kum a tam chuan kan tawnhriat a tam nge nge a, keimahnia mihring nih hlutna laimu, suai (charisma) duhawm tak mai inthukru hi alo chhuak ta thin niin ka hria. George Clooney te pawh kan hriaa, amah ang hi nula naupang lam duh zawng tak anih hmel riau, a mak hranlo.
Ka thil chhiar pakhatah chuan hmeichhia hi kum 35-45 annih hun chhung hi an nalh leh duhawm lai ber a ni a ti a, mak ka ti angreng hle. Hetih hunlai hmeichhiate hi an fate buaipui vak an ngai tawh lova, taksa leh rilruah an puitling tawka, anmahni an inenkawl that peih chuan annih tur ang thlapin an nalh thei tawh a ni. Chubakah mahni inrintawkna kawngah leh midang (abikin mipa) nena inlaichinna siam kawngah hmeichhia naupang lam ten kan tluklo anih hmel. Heng bakah hian kum upat hian thil tha tam tak a keng tela, hnam rilru zim leh khawtlang nunphung chep ber berte zingah pawh hian chhungpuinu upa lam leh pitar te chuan zah an hlawh em em a ni.
Tlangkawmna
Hla chuan ‘hunte an kiam zela lei hlimna a ral thin’ alo ti a, engmah hi kumkhaw daih a awmlo khawvelah. Chutiangin kumte an ral zela kan tha a thum telh telha, mipain upat lamah saitika leh zunthlum a veia, hmeichhiain chhul thalo leh kawngna etc. Upate chuan tunlai khawvel changkanna an umpha lo telh telha, techonlogy age ah nun khawhar taka hmangin thalaite nundan diklo sawisela insawh insawhte pawh alo awl ani mahna. Mahse upat hi kan nun nena thil inzawm tlat, kan dan theih siloh anih chuan pawmdan thiam zir mai hi a tha ka ti zawka. Kan taksa leh rilru kan inenkawl that phawt chuan upat hi malsawmna a ni tih kan hmuthiam ang. La piang lo leh thlanmual lama liam tate kan hlep zia ngaihtuah hi chuan upat lam pana kan hun inher zel hi lawma nui ver ver tur leh Bible in a sawi ang deuhva zawitea kal dem dem dan zir tur kan lo ni zawk reng mai.
September 18th, 2012 at 1:32 am
Kan nu post-ah first teh ang, hehe (fth)
Report this comment
September 18th, 2012 at 1:41 am
I chak tak tak dawn emoni le
Kum 28 vel i nih hunah chuan a rukin i buai ve phet phet mai ang e
Report this comment
September 18th, 2012 at 1:44 am
I thlir dan a puitling hle mai.
Kum tin kum khat zela ka upa chung pawh hian rilru lam hi a puitling mawh fu si a.
tren tren
Report this comment
September 18th, 2012 at 2:49 am
Master Kim is BACK.
Thlir dan tha tak chu a ni. Mahse tinge Mizote hian ‘Tar at’ kan neih tlat le? ka ti deuh a. Chuvang chuan i upa tulh tulh anga i a ve tulh tulh mai ang tih ka hlauh pui deuh che. He he. Mizo tar ho hi chu an upat finna hi a chhawrkhawn tlak loh thei viau mai a nih hi maw!
Report this comment
September 18th, 2012 at 3:21 am
1984 lai vel bawr ang kha nih leh theih se ka ti teh ania, “upat ka chak,” ilo tih hairehai
Report this comment
September 18th, 2012 at 3:21 am
Upat hrim hrim hi chu a pawi lo, tar leh at kher hi chu ka tum lo kei chuan!
Report this comment
September 18th, 2012 at 3:29 am
keimah #6 Pathian zarah 80 kan tling thei te anih ve ngai chuan, rik zah tho tur
hairehai
Report this comment
September 18th, 2012 at 4:36 am
I post tha reuh e..chhiar a hahdam thlap mai
..
Report this comment
September 18th, 2012 at 8:16 am
Tukchhuah nuam vek u le
Upa te hi an zahawm, pitar putar lu tuak var vo mai te hi an zahawm ngawih ngawih ka ti. Charice, i upa tawlh tawlh ang a, i vanglai i pelh meuh chuan naupan i chak leh ngei ang. Sap ho chuan ‘Life begins at forty’ an tia, ‘Fabulous forty’ te an tih bawk kha maw.
Report this comment
September 18th, 2012 at 9:05 am
Chhiar a nuam hle mai…
Nia, fiamthua Nupui nei ve tawh rawh ngaihzawng nei ve rawh, i zei lo lutuk min han ti ngawt te, an hmelhriat nula hnenah, Mahminga nupui tur kan zawng asin an han ti ngawt zel hi chu(h), hnar a lian ve thin..
Report this comment
September 18th, 2012 at 9:17 am
Naupan laiin upat kan chak a,upat hnu ah naupan…an tia lawm!
Report this comment
September 18th, 2012 at 9:20 am
Kum lama upat ai chuan rilru puitlin a pawimawh zawkin ka hria.
#9 Sheldon sawi ang khian pitar putar lutuak vo mai han hmuh hi chuan an zahawm ngawih2.
Report this comment
September 18th, 2012 at 10:28 am
Upat ka chak hrim hrim vang emaw in lo ti ang e, ka sawi tum in man lo tlat
Sheldon, nia ti raw, a ruk tak chuan ka huphurh ve tho mawle, ka chung ami chu thaw fuh phiana lolzz
Report this comment
September 18th, 2012 at 11:10 am
#13
Report this comment
September 18th, 2012 at 11:12 am
Tar theih lohna hi awm se, nei lo i la
Report this comment
September 18th, 2012 at 11:14 am
Keini kan inla young leh tawh nia… hehe
Report this comment
September 18th, 2012 at 11:40 am
kei nin bu kan let e kan tia… naupang bulah hnap ti tawlh chungin marble kan khel ṭha leh vel a..
Report this comment
September 18th, 2012 at 1:10 pm
18 till I die!(Saaalaaa!!!!)
Report this comment
September 18th, 2012 at 1:15 pm
Kar hmasa inrin ni lawka kum 16 tlinna lawmtu tan chuan, sawi tur reng ka nei tlat lo…
Nia, rilru puitling leh nghet cherh chawrh neih hi a tha e…
Report this comment
September 18th, 2012 at 4:23 pm
Upat chak vak a ngaih lo hi! Charice..i rilru hi a puitling viau tho a lawm le
Report this comment
September 18th, 2012 at 4:42 pm
^———
che leh ta 
Report this comment
September 18th, 2012 at 4:49 pm
Kal dim dem lo ve, kan ri zah ang chu mawle hairehai
Report this comment
September 18th, 2012 at 5:27 pm
#lrpa, a takah chuan ka puitling lo ka pangchang thei lutuk haha…tunge misual.commer zingah hian upa ber ang le, te ka ti mai mai
#Pu Hv enge ri zah chu? lolz
Report this comment
September 18th, 2012 at 5:33 pm
Charice #23 always a gentleman, ti tawh mai ang hairehai
Report this comment
September 18th, 2012 at 5:42 pm
Pu Hv, nangmahni ho vang hian alawm kum upat hi a chakawm ka tih, tawnhriat ngah bawk si, mahni inringtawk leh puitling taka khawvel nun hman ve hi a chakawm…tunah chuan nula ve uaih tawh si hi ‘naupang naupang’ min la ti renga, ka ning ania…shaala
Report this comment
September 18th, 2012 at 5:48 pm
Charice #25 Sap hovin, ♫ “I’m old enough to know better, but I’m still too young to care,” ♫ tiin an lo thlek pui lawp lawp thin anih kha.
“The young thinks they know it all, but the old knows they are wrong,” tih te pawh a awm kha.
Min hriatchhuah tir chu, kan tlangval lai a nu leh pa te emaw aia thil hre zawk (tunlai khawvel) ang a ka lo inngai thin kha… ka tisual chiang khawp mai tih tun hnu hian ka inhre chhuak telh telh mai.
Report this comment
September 18th, 2012 at 5:55 pm
26
H.Vangchhia Says:
September 18th, 2012 at 5:48 pm
Charice #25 Sap hovin, ♫ “I’m old enough to know better, but I’m still too young to care,” ♫ tiin an lo thlek pui lawp lawp thin anih kha.
“The young thinks they know it all, but the old knows they are wrong,” tih te pawh a awm kha.
Ka comment i copy leh ta…font size leh words zat pawh a inang chiah
Report this comment
September 18th, 2012 at 5:57 pm
Zualbon, “Pawisa ka nei lo,” tih hi min copy na chhun ani thei em?
Report this comment
September 18th, 2012 at 5:59 pm
HV…ka ATM printout ka lo dah dawn ami le aw…tunah pawh hina haw natur auto rick fare ka puk chawp
Report this comment
September 18th, 2012 at 6:02 pm
Zualbonez chuh…engemawni i rawn sawi nuah nuah, Pu Hva alo thutak ve tawh tehreng nen hihi
Report this comment
September 18th, 2012 at 6:06 pm
@ Amah Charice
Report this comment