……chu ni ila, kan eikhawp chiah chiah ka hlawhchhuak ve anga, hlawk em em si lovin, rethei bakberhin nitin eikhawp chu vantlang mipui rawngbawlin ka hmu ve ngei ang… Han ti duah ila, ka post 100 a tlin ve na a lo ni ta reng mai. Ka lo insawi ba tawh laklawh si a, “What misual.com means to me” tih ka ziah ngei hi a tulin ka hria a, kan thai rang ve leh hram teh ang.
Misual.com ah hian engnge ka hmuh?
Misual.com hi ka silent reader ve reng thin a. Mizo zinga site lar leh tlawh hlawh ber, thalai leh nu leh pa, ram hruaitu leh hmundanga sawrkar hnathawka awm leh missionary rual hovin an tlawh lun ber anih avang hian luhchilh ve ngei duhna rilru puin, ngaisang tak chungin a kephah hrufaiin ka lo tei lut ve nawlh a.
Lawrkhawm.com lam nen in tikawp fur tih ka hria a, ka tel peih lo saw lam chu. A page layout hnawknuai chu thuhran, a hman hman rak nuai nuaina hmunah thu mumal khel theih a ni lo tih ka hria a, concert-naa nupui zawn ai chuan biakin inkhawmnaa reh reih rawih, thupui fun taka Chawlhni tuka fate thawhlawm pe kual dan dan tur melh hi ka tifuh zawk dawn tih ka hria a, ka rawn tlu lut ve chhawm mai a ni. Ka tisual lo chiang hle mai.
Misual.com ah hian engnge tih ka tum?
In hriat theuh angin, he site ah hi chuan a hnial hrat leh tawngthei pawl, haw tu pawh ngah pawl tak chu ka ni tih hi ka hai lova, mi pangngai ta nafam tan chuan a nawm loh chang a tam mai. Amaherawhchu, he site ah hian tum neiin ka rawn lut a. Chumi ka tum a dal dawn ai chuan keyboard phena hmelma lo neih pawh pawi ka ti lem lo.
Misual.com ah hian Mizo hnam anga Socio-political reform thlen theih beiseiin, kan outlook dik lo tam tak hi theih ang anga thlak tumin ka rawn tek lut ve a, tawngkam bungrua hrang hrang pawh ka rawn thiat lut a, Zirlai pawl atanga Sinate-i, Tamil nadu, Mizoram politics atanga USA thlengin, chhas bem dan atanga hahaha post thlengin ka hawl kual a, ka tum ber erawh a dang chuang lova, a masala vel pawh a awm nual mai.
Kan society, khawvelah pawh zahpuiawm lo tak mai hi changkanna bang leh politics bang te, hnam dang bang leh bang hrang hrang hian a nekchep tulh tulh avangin helaia mi tlemte hian tan la a, meikawh takmeuha Zoram chhe mek hi tundin hram hram tum a pawimawh hle. Kan tawng pawh a dal chho a, a tha zawk awm reng si a, a dik lo zawk kan pawm bet tlat hi buai thlak thin tak te pawh anih hi.
Misual.com hian ka nunah engnge nghawng a neih?
Min nghawng lo ti mah ula, a nghawng vek che u tih ka hria a. Keipawh ka han inpuang ve teh ang. Titi na vela misual.com lo tihchhuah leh fuk hi a awl thei khawp mai a, Sandmanatomania ka vei emawni teh thut thin ni???
Hman deuha ka sas khan misual.com hi a ning em em mai a.. 
Mahse, kha nu ai kha chuan misual.com a Zoram tana ka tih ve theih tawk ka tih hi ka ngaipawimawh zawk a, kan inhauh phah fo mai. Tunah erawh ka Kick out tawh a, misual.com buaina taw khatam hoogiya..
Internet te hi ka khawih tam ve phah ta em em a. Hunawl neih deuh chuan ka tal deuh chawt thin a. Khawhar a hnemin, thluak pawhin hmeichhe hmui chuktuah ngawt ai chuan chaw tha a hmu tam nameuh mai.
Thian duhawm tak tak ka chhar a, a then phei chu unau ang taka nghet te pawh ka nei nual mai. Nangni pawh in nih ve tho ka ring e. Mi in lo thatzia leh in ropuizia hi ka zirchhuak nasa em em a. Officer lian tak takte, missionary hnathawka Vanram ambassador te, company a hna lian tak tak thawkte, Professor ropui tak takte, ram ropui tak taka awmte, zirlai thiam tak tak, India rama zirna tha ber bera awmte nen koki insi tlangin tawngkam saruhin kan han invawm kual a, ka kawm phak loh tam tak ka kawm phah a, misual.com hlawkpui ber ka nih loh pawhin a dawttu chu ka nih ka ring tlat a ni.
In hnen atanga beisei ka neih.
Zoram hian nangni thluak tha tak takte hi kawng engkimah a chung en em em che u a, in hnen atang hian beisei a neih nasatzia hi in hriat ve ngei ka ring. Mizo, internet khawih pha chin tawh phawt hi han zawt ula, misual.com hre lo chu buhfai bag a veikhat tham ang zat vel lek bak an awm kher lovang.
Chuvangin in thu leh hla hi Zoram hian a thlir a, ram hruaitu atanga zirlai, pastor atanga zu zuar thlengin in thukhawchang chhiar hian mi tam tak an inhnangfak a ni. Chuvangin, Zoram tana in tihtheih, Zoram mipuiin an beisei tlat che u THUZIAK hmang hian rawng i bawl nasa lehzual ang aw.
Sunday zinga pkfanai, dr JOhn, adt post a awm loha kan hawihai nasa aia nasa daih hian Zoram hi a hawihai nasa tih hriain tan i la sauh sauh teh ang u.
Similar Posts:
- Misual.com hi
- For those who came in late…
- Zoram Nuam I Siam Ang U
- Bangalore ah Mizoram House kan nei ve ta
- Primitive and folk medicine of the Mizos
October 8th, 2012 at 3:35 pm
A reh emai, nangmah leh nangmah tal kha inhnial teh trawtte
Report this comment
October 8th, 2012 at 3:40 pm
libte, ka lip ang che.
Post dawt lehah hian Mizo atheist ho debate puiah ka cho chhuak teh ngawt a, kan la bei ho ang chu.. mawle..misual.com revive nan.. “The loser dies” spirit in aw..
Report this comment
October 8th, 2012 at 3:42 pm
Tha kher mai
Report this comment
October 8th, 2012 at 3:59 pm
Trawtte chung ho chu hnial tham an awm ve ami??
Report this comment
October 8th, 2012 at 4:01 pm
Facebook-ah pawh Mizo Atheist tih group a awm kha
Report this comment
October 8th, 2012 at 4:09 pm
libte & ulawng, facebook lama an group ah khan ka han hnial dawn a, an point a weak deuh hian min remove leh ngawt thin a, ka hne lutuk a, an page ah ka va cho chhuak a, kan rawn kal ange an ti alawm. Philosophical takin nge scientific takin in duh te ka va tih kha, i line pawh a awm nual ang.
Report this comment
October 8th, 2012 at 5:10 pm
Report this comment
October 8th, 2012 at 5:11 pm
Inhniah hunah chuanka lo telve ang.. religion system atangin kan soi ho don nia… Engtik ne i post chu a chhuah don aa Chemte?
Report this comment
October 8th, 2012 at 5:22 pm
Ṭha hle mai. Rawttea hi chu member thawh hlâwk ber pâwl i ni hrim hrim. I rawngbàwlna hi nasa lehzuala i chhunzawm sauh sauh theih nân i post kuintal khat lawmpui nân duhsakna ka hlàn a che!
Report this comment
October 8th, 2012 at 5:47 pm
A va ropui ve Century post chu…
Kan dam anga I Millenium ngei ang chu… 
Report this comment
October 8th, 2012 at 5:50 pm
Chemtatrawta’n Controversial topic a thur chhuah thiam dan leh, a tanfung sawhnghet tura a hnial thiam zia te hi, appreciate loh theih ani thin lo. Sakhaw lam thil a inhnial ralah te hian, bible pawmtu theuh theuh inhnial hi chuan, ka tang thiam ve viauvin ka hria a, mahse, bible ringlo/pawmlotu te hnial te hi ka thiam mang der lo. Thil hriat zau leh inhnial thiam ngai tak a ni. Chutiang hunah chuan, Trawttea te, Ignatia te, donald-a te ho hlut zia a lo lang thin. Mate Ainawni pawhin makpa atan a iai lo khawp ang.
Report this comment
October 8th, 2012 at 5:53 pm
Eh i va post hnem hman em em ve mawle. I thu post a tha emaw tha lo emaw Century i siam hrim hrim chu a taimawk chu i taima thawkhat e.
Whats Misual.com means to me…
Misual.com is a place where i can post vaibawm leh a behbawm.
Mizoram a Vaivawm ten hmun lailum kan chan ve theihna,vaivawm lawmtute zalen taka kan titi theihna a ni deuh berin ka hria….Vanglaini ah Mizoram a Vaivawm tournament awm lai pawha hmun chhe te pawh kan chan theih loh avang hian in Misiual.commer lam chuan in tuang lo ti chhah teh u….Veikhawr chibai in Chemtatrawta LAL SALAM…..
Report this comment
October 8th, 2012 at 6:07 pm
SLAAAM ALL SAARJIIIIIIISS
Report this comment
October 8th, 2012 at 6:43 pm
Report this comment
October 8th, 2012 at 6:59 pm
Thursday hma tih kha kan in challenge dan alawm. Post chu thu tam vak lovin, comment lamah thu kan inchuh ang chu. Lo inchhiar sil ve nual angai tlat, heng ho hi mi thiam lo an ni lo a, khawvel thiamnain a lem zawh tak an nia, an khawngaihthlak lutuk..
Report this comment
October 8th, 2012 at 7:10 pm
Century post ani bawk a, a tha in a hawl kim e. Han misual chhunzawm zel teh, nangni in inrawlh loh chuan kan reh ruih zel ania.
Report this comment
October 8th, 2012 at 7:40 pm
Ka net chak ve deuh zan hian a reh thup zel
Report this comment
October 8th, 2012 at 7:44 pm
Report this comment
October 8th, 2012 at 7:44 pm
quintal buk chhuahna post chu va tha si ve
. I talent te han ti pung zel teh
Report this comment
October 8th, 2012 at 7:45 pm
chemtatrawt, i chem hi tat hriam thra reng rawh
trawta, i fans ka nia, i sawn ka lo pai
(in vawm bo nghal) 
Report this comment
October 8th, 2012 at 7:47 pm
Pakak, a sawrchhuahna tur tilte kaikuangin a chep ping deipong..
Report this comment
October 8th, 2012 at 7:59 pm
century siam tur chuan 40 vel ka la mamawh…mahse kan dam ang a zuvaten zah an ngai ang a…thei ve mai ang..
trawta hi chu misual.com ti .com tu i ni…han tang sauh sauh teh. han inhnial thin mahila tanho chang kan nei leh mai a…nuam thin em mai.
Report this comment
October 8th, 2012 at 8:19 pm
han inhnaih deuh ila chuan i khabe liam chang turin ka lo len fo ka ring…
ka kawm chak zawng tak mai hi i niah..
Report this comment
October 9th, 2012 at 12:25 am
Report this comment
October 9th, 2012 at 12:43 am
Ziak fel fai tha hle mai. A thu sawi tum pawh a chiang tha e
Report this comment
October 9th, 2012 at 12:46 am
Thil tam lam sawi nan hian CENTURY tih a awm reng a. Mahse Quintal tih i lo hmang leh hram erawh pawi ka ti deuh. A chhan chu maw… Vaivawma thumal nalh ber hi CENTURY zu han ni tlat a. Ka ui khawp mai…Admin lam hian lo siam tha sela ‘century ka hlap chhuak ta, vaivawm ka game ngaihsan ber leh duh ber a ni bawk a…’ tiin lo edit sela…hahaha
Chemtea hi inhnial thiam tak- cool raih mai, tin hnial khan pawh dik thei tak.. ngaihdan sawi tam lo: tanchhan – facts leh logic nei thei tak a ni. Vawi tamtak ka tawmpui a , a ngaihdan hi..vawi tamtak ka hnial bawk thin. Misualah chuan thlauk sawrbing peih ber – thuziak tha tak tak lo chhawpchhuak thin tu a ni. Keini angte chu kan thuziak tha hmundangah kan chhuah phawt a, chuan kan lo suan leh ta thin a nia…
Tin, vaivawm sawichhe turin a MIKA MAK pawh a hre lo hi ka lawm a ni! Chuti ni lo se kan inchaltauh nasa ngawt ang le.
Well done! Congrats!
Report this comment
October 9th, 2012 at 8:11 am
post za i tlin ta hi ka lawmpui a che. Han chhunzawm zel teh
Report this comment
October 9th, 2012 at 8:58 am
Report this comment
October 9th, 2012 at 10:00 am
Congrats!
Lawm ang lawm ang!
Report this comment
October 9th, 2012 at 10:01 am
Very good post
Report this comment
October 9th, 2012 at 11:27 am
Thuziak hi in thiam lutuk a, chhiar chhuah a, chhiar zawh dap hma chu ka lo man thei lawk thin lova… Keini ang hui-phai lam chi min han fuih lungpuam dan lah in thiam narawh e, in thiam uchuak bawk a, a tak tak emaw ka’n ti zel mai dawn alawm le!
Post-tupa’n a sawi chhuah takah chuan, Kei pawh, Misual.com ka lo tawng hi chu vannei ka inti thlawt ve. Rilru leh vei zawng ho te te sawichhuahna tur Platform tha leh changkang tak min siam sak niin ka hria a. Mahni chauh hian ka lo lawm ve em em ringawt mai a ni
Tin, Misualho hi in lo felin, in lo zau em em a. Post-tupa sawi ang khian, Mi-ril tak tak, lehkhathiam tak tak, Pastor leh missionary leh theologian zahawm tak tak te, Officer lian leh Khawsa thei tak tak te, milian leh mifing tak tak te an awm teuh tih ka hre reng a. Hetiang karah hian, Thu ho te te han ziak ve ila, min fuihtu leh tanpuitu hlir hi an rawn chhuak tup tup thin bawk nen… hmundanga ka boruak lo tawn tawh-te nen-a ka khaikhin chuan ka tan chuan “Vanram Tlafual” emaw “Vanram Note” emaw, hi a ni ringawt mai!
Ka hnathawh laiin a zir tak loh avangin hun ka pe tam thei ta lo thin erawh hi pawi ka ti ber. Post-tupa’n Chithlum min hmuam-tir hi a thlum tha bawk a, min fuih-thar-tu a nih ngei ka beisei…
Report this comment
October 9th, 2012 at 2:56 pm
I post ka chhiar laiin ka mitthlaah i hmel a langa keimah chauhvin ka nui vur vur mai
Post heti zat siam tur hi chuan inpekna thuk tak chu a ngai ngei ang le, kei chu century siam turin century dawn ala ngai haha
Report this comment
October 10th, 2012 at 7:55 am
Congrats! Post lo kal zel tur te chu a tuihnai tawlh tawlh tih beisei pah in
Report this comment
October 10th, 2012 at 4:28 pm
Misual.com hian ka nunah engnge nghawng a neih?
A nei ve a niang kei pawh, hman ni chu staff meeting kan neihin misual dot kawm te hi chhiar ve thin ru te kan tih kha
Report this comment
October 10th, 2012 at 4:33 pm
Ka chhiar chhuak vek nangin ka la comment lo vin ka hria. Post 100 zet i siam a, i fakawm hle mai…
Kei pawh mi(sual).com hi ka intineitu ve viau ringawt. Thil tam tak ka zir, thian tha lah ka chhar tam..
Report this comment