Kum 2010-2011 chhunga SSA hnuaia school naupang uniform leina tur sum, cheng nuai 743 chuang chungchang chhuitu House Enquiry Committee chuan nimin khan Assembly Speaker, R. Romawia hnenah Committee Report an thehlut; Assembly House-ah la pharh tura tih a ni.
Enquiry Committee hian report an thehluha an thil hmuh dan (observation) an tarlanah chuan, “Kum 2010-2011 chhunga SSA uniform leina tur sum hman loha awm chu officially leh technically chuan a lapse anga ngaih ngawt theih a ni lo (unspend balance could not be officially or technically concluded to have lapsed). Mahse, hemi kum hian sum an hmu hman lo va, uniform an sem lo va, naupangin an chhawr tangkai hek lo va, chuvang chuan a lapse tia sawi pawh hi a dik lo fai vek bik lo (It is not totally wrong to say that the fund has lapsed)” an ti.
SSA sum chungchanga an thu inchuh chu an tanchhan a tha tawk ve ve a, an dik ve ve bawk a, chuvang chuan thu inang renga inhnial mai anga ngaih theih an ni “(Evidences for both in favour and against the ellegations are equally true and strong in their respective point of view thereby leaving the issue to remain to be a paradoxical truth)” an ti bawk.
Dr. Lalthangliana’n Press mite hnena a lehkha sem, a lem (fabricated) a nih leh nih loh chungchangah Enquiry Committee chuan, “He lehkha hi official document a ni lo va, Dr. R. Lalthangliana’n a rem khawm (compiled) chawp a ni a. A chhung thu te erawh a lakna lehkhabu nen a inang vek a, chuvangin ‘fabricated’ anga ngaih theih a ni lo” an ti bawk.
A va buaithlak thin tak em! Thiam loh chang leh thiam chang an awm leh ta lo! 50-50 in an khaikhawm a nih ber mai hi! An thutlukna lah hi a dik ang thlup bawk si a!
Similar Posts:
- SSA sum lapse(?) Pu Lalsawta bâng dâwn em?
- SSA sum chhui tur HIC din
- KTP Branch Pakhat chuan
- Sum to Sum
- You can download Firefox 3 now
October 17th, 2012 at 9:36 pm
Phek thar atan……
Report dan tur te chu hriat sa reng kha a nia. Mipui rindan tlang lawn ber ang chiah a ni e, report chu. Pakhat a dik a, pakhat a thiam a ni mai e.
Report this comment
October 17th, 2012 at 10:37 pm
Kei ve, 1 zawk zawk thiam loh an chantir ka ring a nia
Report this comment