Keima chanchin ka sawi dawn a nia, mi rel ai chuan a ṭha an tih ṭhin kha maw…
Tukin chu ka office kal tur, kawngka kana in ka chhuahsan tawh hnuin ka nupuiin min rawn ko leh teh khiah a. A thusawi ka hre chiang hman lo a, mahse ka nghak ta tho a. A hnu lawkah ka fanu kum 3 mi, Tense-i nen kawngkhar an rawn hawng a, ‘”Apa ka kuah lo”, a ti a’ a rawn ti a. Tichuan kan han in-’great-big-hug’ leh ta rih a. Ka kal liam tur pawh a nu nen gate thlengin min rawn thlah a, flying kiss-in min la vawm zui leuh leuh a….ka tan chuan nun a va tinuamin, a va hlu ngai em!
Hman zan lawk pawh khan TV-ah bungee jumping hi a lo lang a, kan nupa-in la tihchhin ve a chakawm kan tih thu kan sawi laiin Tense-i chuan a lo ngaithla kar chu niin. ‘A khai, nu leh pa ka nei lo ang asin’ a rawn ti chhuak reuh a. Bungee jump-ah hian an tlahlum ṭhin emaw a ti a niang. Kan ti ve a nih pawhin kan thih loh tur thu kan han hrilhfiah zui fe kha.
Nakin lawkah chuan, Pathian zarah a lo la ṭhang lian ang a, amahin a tla hrang nasa tial tial ang a, koh koh pawhin engah vak a ngaih loh hun a la thleng dawn a ni tih ngaihtuah phei chuan hetiang hun hi ding rengin, tun ang reng hi ni thei se tih mai pawh awl tak a ni.
Hnathawhna lamah vai leh hnamdangho hlir zinga thawh phei chuan rilru inpawh taka han titi-pui tur te hi an awm tak tak hleithei lo a, mahni chhungkua hi an hlu lehzual deuh ni te hian ka hre ṭhin. Chutiang dinhmuna ding kher lo tan pawh mahni chhungte ngei hi hmangaih leh ngaihsaka, kan hmangaihzia tih lan fo hi a va pawimawh em! tih te ka ngaihtuah zui zel a.
Tense-i chu…
Similar Posts:
- Tial Tial
- Khawvel a ka thil hmuh mak..
- Saptawng a thuziak
- Ka ram tan enge ka tih ve ang..!
- Debate : muantea vs Cyberthug
@ mamboihi...
November 5th, 2012 at 6:51 pm
chiar ila,pic khi aduh awm reuh
Report this comment
November 5th, 2012 at 7:05 pm
A van hmeltha reuh ve
Report this comment
November 5th, 2012 at 7:07 pm
Tha hle mai.(Y)
Mahni chhungte ngei hi hmangaih hi a tha a ni..:)
Report this comment
November 5th, 2012 at 8:10 pm
How charming! Mihring nuna hlut zia hi sawi nawn fo ka duh. Mizoram ah hian pumpelh theihnia lang accident a boral an tam lutuk. Mitthi kan buaibui ang chanve tal hian la thi lote buaipui ang u.
Report this comment
November 5th, 2012 at 8:55 pm
Report this comment
November 5th, 2012 at 9:21 pm
I fanu chu a lawmawm reuh hle mai, rilru a hneh e. Mi han biak dawn nia.
Report this comment
November 5th, 2012 at 9:30 pm
A van hmeltha reuh em,I thil post chu ka fanu min hriat chhuah tir..i feeling chu ka hriatthiam pui khawp mai che..min ti hlim thin khawp mai keipawh..Tun li a ka rilru a thil awm ve mai mai chu..A lo lian deuh deuh ang a..Chhia leh tha hriat na nei tawh si..Chhandamna la pawh tak tak si lo,hian a awm ang a..khawvel hi tawp ta thut si se.Engtin gne niang aw..ka tia..ka in khap nasa thin khawp mai
Report this comment
November 5th, 2012 at 9:30 pm
A van hmeltha reuh em,I thil post chu ka fanu min hriat chhuah tir..i feeling chu ka hriatthiam pui khawp mai che..min ti hlim thin khawp mai keipawh..Tun lai a ka rilru a thil awm ve mai mai chu..A lo lian deuh deuh ang a..Chhia leh tha hriat na nei tawh si..Chhandamna la pawh tak tak si lo,hian a awm ang a..khawvel hi tawp ta thut si se.Engtin nge niang aw??..ka tia..ka in khap nasa thin khawp mai
Report this comment
November 5th, 2012 at 9:35 pm
I fanu chu a duhawm nen iva rawn tilang har ve.. Fate hi an hlu teh e.
Report this comment
November 5th, 2012 at 9:38 pm
Tu emaw ang deuh tho in i phuloh fanu i nei ve a ni maw!
Ka fanu in ka pawm chak lai taka a han duh tlatlo thin hi chu ka thinrim tak tak tep fo nia!!
Report this comment
November 5th, 2012 at 9:39 pm
A hmeltha hle mai i fanu chu, a fin hmel bawk, mahni lu zo leh inringtawk tak, a kal tawhna lamah chuan huaisen taka kal ngalh mai chi ala nih ka ring, tun atanga kum 15 ah min lo hrilh leh dawn nia
Report this comment
November 5th, 2012 at 10:21 pm
Post ka thlawp e.
model lah a chhelo.. 
Report this comment
November 5th, 2012 at 11:10 pm
A nu a chhun hlauh a nih hi, a va lawmawm em!:D
Report this comment
November 6th, 2012 at 1:05 am
In va’n fel hlawm ve aw! Ka fate ka en hian ABBA hla pakhat ‘Slipping Through My Fingers’ tih kha ka ngaihtuah chhuak fo thin.
Report this comment
November 6th, 2012 at 5:35 am
A va’n duhawm chun chun ve… a fel hmel em em mai lehnghal a
Report this comment
November 6th, 2012 at 6:11 am
I fanu chu a lenrualte zingah pawh a mawi chuang bik ngeiin ka ring e.
Report this comment
November 6th, 2012 at 9:15 am
kei pawh missionary ka ni a krista avanga thih(Martyr) hi ka hlau lem lo mahse ka fa te avang hian thih hi ka hreh ngawih ngawih thung
I fanu chu a hmel a va tha kher ve le
Report this comment
November 6th, 2012 at 9:43 am
Report this comment
November 6th, 2012 at 9:43 am
Chhungte aia hlu hi kan khawvelah hian a tlem viau ang.. I fanu chu a hmel tha hle mai.. A pa a chhun lo phawt ang a, a nu a hmeltha niang
Report this comment
November 6th, 2012 at 9:48 am
I fanu chu hmel tha reuh hle mai a
Report this comment
November 6th, 2012 at 9:59 am
A pa a fing bawk a. A chhnun dawn a ang hle mai. Pathian thu anga thanglian turin duhsakna…
MamiPa
.
Report this comment
November 6th, 2012 at 10:04 am
Report this comment
November 6th, 2012 at 2:28 pm
Report this comment
November 6th, 2012 at 2:35 pm
MamiPa@17, i ngaihsanawm hle mai.
Car-a ka chuan te hian a hnunga ka ṭhut paw’n seat belt ka hreng ziah a. Ṭhenkhat chuan mak min ti deuh ṭhin. Ka fate an la naupang em a, ka theih ang anga fimkhur a la ṭul a ni ka ti ṭhin. Thih hrim hrim chu ka hlau lem lo, la thi tur tho kan nia. Mahse ka fimkhur peih loh vanga midangin harsatna an tawh chu dik ka ti lo.
Ka fanu thlalak in lo comment hlawm a, a lawmawm hle mai. Mahse ka thuziak a luahlan titih tlat mai a! Dah leh dah loh kha ka ngaihtuah rauh rauh reng a.
Report this comment
November 6th, 2012 at 3:14 pm
Fanu i van nei hmelthra em em ve hlatekhua…anu a chhun ka ring, fanute hian nute an chhun duh (an ti)
Report this comment
November 6th, 2012 at 3:57 pm
I post hi a va han tha tak
Chhungte in hmangaihna tih lan te hi Mizo zingah hian kan ching uar lo tlat a. Thil pawimawh tak ni si hian. Thil “in lei vak vak” chauh ni loin, inngaihsak leh in duatte hi a tul ka ti. Ka upa ve telh telh a ka chhungte hlutna hi ka hrechhuak ve telh telh mai.
Report this comment
November 6th, 2012 at 10:15 pm
Tense-i hi Sente-i tihna a ni thei em aw
Report this comment
November 7th, 2012 at 12:30 am
lushai_er, ni thei deuh thaw mai e, Sente-i tih atanga lak a ni e. I va’n hre thei em em!
Report this comment