Archive for the ‘More than words’ Category

Tawng tih hausak a pawimawh!

Wednesday, May 23rd, 2018

Khawvelah hian tawng chihrang a tam em em a, hnam ropui leh fing deuhte tawng a hausa deuh a, hnam mawl deuh te tawng a hausa lemlo fo niin a lang – mahse, tawng hausa sa awm theiin a rinawm loh. Tawng hausa tur chuan mahni tawng emaw atang a phuahbelh ngawt lo pawhin hnamdang tawng lalut (adopt) te pawhin tawng a tih hausak theih a, chumi chu khawvel a tawng hausa ber English a hausak chhan ber pakhat pawh a ni thei ang.

William Shakespeare khan a lehkha ziaknaah English thumal 17,677 a hmang a, chutah chuan thumal 1,700 chu a ma siam ni a sawi a ni. Chutih karah chuan a hunlai khan English hi a la buaichuar khawp mai a, khaw lehlam leh lehlam te, ziaktu hrang hrang leh press khawl chhu ho pawhin a remchan dan angin thumal sipel an thlak kual vel mai mai thin a ni a. Midang ang bawkin amah Shakespeare-a hming ngei pawh sipel dang 80 lai a ziak a awm niin Milada Broukal chuan a ziak a, chutiang sipel-ah chuan Shagsspeare tihte, Shakspeare tihte leh Shakestaffe tih thlengin sipel danglam hman a ni. Amah Shakespeare ngei pawhin a signature lar tak 6 hmuh theih zing a pahnihah ngawt a hming sipel zuk thlak danglam ve roh pek a mawle! A enga pawh chu nise, Shakespeare khan English hi nasa takin a ti hausa chiang a ni.
(more…)

Posted in Advice, Luangliam, Mizo Society & Culture, More than words | 32 Comments »

Thihna a á¹­angin hnehtu-ah!

Thursday, August 23rd, 2012

A thiam leh peih te leh a mamawh te chu ruihhlo heroin ani tawp mai. Court McGee chuan ruih mai loh chu tih tur dang a hre hlawl lo a ni ber a. A tawp a tawpah phei chuan loh theih lo vin a pa chuan a in a á¹­angin a hnawtchhuak ta nge nge a.

A unaunu (cousin) trailer in-ah chuan a khawsa chho ta a, a ani chuan ngaihtuah em em-in, han vil á¹­hin mahse, tih tum na na na chu vensen ni bik hek lo, a nghei lo tawp a ni mai!

Meng phar khup deuh lup chuan darthlalang an en a, a meng phe riai ruai chuan darthlalang a á¹­anga rawn en lettu chu a hre der lo.

Tichuan a unaunu trailer bual in-ah chuan, chumi ni a a vawi 30 chuang tihna tur chu a buatsaih mek a. Khami ni khan ruihhlo, heroin, Xanax leh zu tih vel engzat chiah nge a khawih tawh pawh a hre chiang tawh lo. A hriat chin chu, bualinah zan dar 10 pel hretin a lut tih chu ani dawn ta a ni. An thlek vang vang a, nakin lam a a vawikhat tih tur a tan chuan a la ngah tawk dawn thove tiin an in kap (shoot) nam leh ta hak a nih kha.

(more…)

Posted in Information, Lifestyle, Luangliam, More than words | 24 Comments »

Ka nun hnar kaitu

Wednesday, August 22nd, 2012

He hla hi tunhma atang tawha ka duh, tun thleng pawha ka duh tawp theih loh a ni. Inthlahrung ang reng tak chungin ka rawn hmet bei ve leh thlawp mai. Hand mine video a ni a, a hmuhnawmin rilru a khawih ve khawp mai (Dawrpui Bial KTP Conf. 2012 @ Zarkawt Biak In)

Lalpa nang lo tu nge ka neih,
Ka mangan leh ritphurh ka thlenna;
Ka lawmna leh hlimna te nen,
Ka thinlung ril hmu fai vektu.

Ka chanchin hi ziak dawn ila,
I tel ve ang, a phek tinah;
Ka hmangaih che i hria Lalpa,
I duhzawng tih ka duh fo thin.

(more…)

Posted in More than words, Movies and Videos, Music and lyrics | 10 Comments »

Beidawng duh lo hmeichhe huaisen!

Wednesday, August 22nd, 2012

Christopher leh a nupui Bernadette te chuan fa 4 duhawm tak tak an neih zingah chuan “Ronnie” tia an koh, Veronica Guerin chu Artaine, Dublin-ah July ni 5, 1958 khan a piang a. Catholic sikulah kal chhovin, infiamna lam ngaina mi tak a ni chho. Basket ball leh thildang a khelh bakah football a tui hle a, kum 15 lek a nihin Ireland pumpui inelnaah khupruh pelhsawlh chungin final-ah a khel nghe nghe a ni.

Tichuan, hun a kal zel a, pasal fel tak mai Graham Turley neiin, fapa duhawm tak Cathal tia an koh chu an nei ta bawk a. Apa sumdawnna lamah thawkin a buai ve á¹­hin hle awm e. Kum 1983 a nih chuan New Ireland Forum a Fianna Fail an tih group-ah chuan ziaktu (secretary) hna 1984 thleng a thawk a. Kum 1990 a nih meuh chuan Sunday Business Post leh Sunday Tribune tan reporter hna a thawk ta a ni.

(more…)

Posted in Information, More than words | 34 Comments »

Tuikhur lui

Sunday, August 19th, 2012

Tun angin miin phone an la lek sup sup lo a, facebook te phei chu a siamtute pawhin a hming pawh an la phuah lo ang. Computer hming kan lamrik awm ka hre ngai lo a, thirhipthei erawh chu kan hria. Thirhipthei chuan thir a hip thin a, perek hlui, tuihawk luankawr ami te kan hip chhuak nelh nelh thin. Tuihawk luankawra perek ringawt kan khamkhawp loh chinah tuikhur luiah kan kal leh nge nge thin.

Khatih lai khan kan tan chuan tuikhur lui chu lui pui tak mai a ni a, kan lui neih chhun a ni bawk. Mualpui lui, chite lui leh sihpui lui te kal rual kan la ni lo. A bul vel chu a tawn tawnin a la ngaw a, thingkung lian tak takin a hual vel a, kan kal chang chuan lasi te ramhuai te pawh kan hmu thin. Chu’ng kan ramhuai hmuhte chu a kal ve lo hnenah kan sawi a, ngaihnawm ti em em in an ngaithla a, kan kal loh tum a nih chuan a kalte chuan an hmuhdan chu a hmaa kan hmuh ang deuh  chiah chiahin an han sawi a, keini chuan hlau leh ngaihnawm ti takin kan lo ngaithla ve leh mai thin.

Lui pui tak mai a nih avangin a hnar atanga a mawng thleng zawhchhuak thei nih kha thil ropui tak mai leh thianzaho zinga insawitheihna tham a ni. Khatih lai khan ‘U Vanro-a’n tuikhurlui hi a zawhchhuak tawh mawle’ tiin kan chhuang thei hle. Tun hnu hian ka han en leh a, a hnar chu kan veng lungrem tuikhur a ni mai a, chuta tang chuan ka han thlir thla a, a kam vel a, thingkung tam zawk a lo awm tawh lo bawk a, a langtlang thla rul a, a mawng kan tih mai, arhuan kawng pawh chu a zu hmuh tlang theih vek mai; Mahse kan hun lai kha chuan lui pui tak mai a ni a, zawh chhuah mai mai theih a ni lo. A mawng  thlen dawnah lengkir sang tawk a awm a, hruia uaithlak a ngai-kan ti thin!
(more…)

Posted in HAHAHA, Lifestyle, Luangliam, More than words | 21 Comments »

The Only Exception

Friday, August 17th, 2012

Naupang chhia kan nih lai kha chuan thil engkim hi a tluang purh vek mai ni khan kan hria a, dam chhung khawsak lungkham buaina in min tibuai phak ngai lova, engtik hunah emaw chuan he kan hlim nite hi a la ral anga, khawvel ‘tak tak’ hmachhawn a ngai tawh dawn tih ngaihtuah lek lovin thiante nen hlim takin kan awm ho dial dial á¹­hin. Hun alo kal ve hret hret zel a, kan lo á¹­hanglianin rilru sukthlekte pawh a lo danglam ve zel a, thiante nena pawnto a inkawm dial dial ho thin khan ngaihzawng te kan han nei ve á¹­an ta hlawm a.

Kan rawl lai ngaihzawngte nen chuan a tirah han induh ve viau á¹­hin mah ila chhan fahrah tete avangin kan ni tluantling thei ngai lova, kan nupui tur emaw kan tih te nen khan ‘á¹­hian pangngai’ kan lo ni leh á¹­hin a. Kan han tlangval chho va, a ngaite bawkin kan ngaihzawngte nen khan a tawp thlen reng reng a awm thei lo, a á¹­henin hriat loh laiin min lo ban a, a á¹­hen chu keima ban an nia, a á¹­henin min lo kawp thul!

Hetiang reng reng a nih avang hian ka rilru ka siam fel ta a, “chhaste vangin ka rilru ka ti na tawh lovanga, relationship ah ka serious tawh lo bawk ang’’ tiin. Hemi ni aá¹­ang hian chhas ka neih leh reng reng pawhin keimah inveng ranin ka nei thin a, a hnu a min tina theitu tur thil reng reng lakah ka inthiar fihlim á¹­hin a. Thil engkimah intlawhkhalh ran zelin, engtik lai pawha iná¹­hen inpeih rengin ka awm á¹­hin a, iná¹­hen nikhua pawhin a tuar lo zawk zelah ka á¹­ang á¹­hin.
(more…)

Posted in More than words, Music and lyrics | 20 Comments »

Tunlai mit ka hlei chakna leh eng eng emaw!

Friday, August 17th, 2012

Rampui (country) hrang a tam, inrelbawl dan hrang hrang leh thuruk niuh neuh lah a tam. Chutiang zawng zawng zingah chuan America’s Book of Secrets an tih hi a chhung han bih kual ve theih a chakawm ngawt mai.

A chanchin an sawinaah chuan, “tuna khawvel mihring la dam zingah mi panga (5) chiahin an hria,” tih a ni. Chumite chu US President nilai mek, Obama leh President lo ni tawh, Carter, Bush te pafa leh Clinton te an nia sawi a ni. An sawi hmangin US kaihhruai dan tur President Washington a á¹­anga tun thleng a an inhlan chhawn niin an hria a, mahse enge a chhungah awm chiah erawh President ni tawh te lo chuan an hre chuang lem hlei law!

(more…)

Posted in Information, More than words | 19 Comments »

Kei chu Lai ka nia

Thursday, August 16th, 2012

Kei chu Lai ka nia, thenkhat chuan pawi ti pawn min sawi thin. Lawngtlai khua ka ni a, ka pi leh pu atang tawhin mizoram chhim tawp a cheng leh in bengbel kan nih avangin ka tan chu ka chenna ram hi a hlu em em a, hei ai a hmangaih leh ngaihnat hi ka ngei chuang lo.

Kan khua hi a kil em avang leh chhungkaw harsa tak atang a lo seilian ka nih avangin khawpui dang pawh tlawhpawh lo in ka naupan lai chu hun ka hmang thin. Ka nu hian Mizo tawng chhiar min zirtir thin a, a tir ah ning hle thin mah ila a tawp ah chuan ka hlimpui ta em em mai a, Lahkha chhiar nuam ka ti in hriatbelh hi ka chak ve hle thin. Ka pa lehkhabu ka hmuh theih ang ang ka chhiar thin a, chutah chuan pawi chu mizo hnam khat an nih thu te, lusei te,mara te, hmar te ralte te adt pawh mizo vek kan nih thu te ka chhiar thin a ka rilru a hlim in mizo nih kha nuam ka ti thei hle nghe nghe a nih kha. Mahse lehkhabu thenkhat ah chuan pawi an hmutsitna tawngkam ni awm tak tak te ka hmu zeuh zeuh thin, mak ka ti in pawi ka ti ta em em mai a, Keimah ngei pawn hreawm ka tiin ngatinge pawi kher ka nih bik le, mizo tak tak ni chiah silo mizo ve deuh tho si ni in ka hre thin a hreawm ka ti thei hle thin.

High school ka pass hmu ah Aizawl ah ka sikul kal turin ka kal a, ka rin ai daihin a lo ropui lehnghal a. sikul kan tan a thian te zing a ka tawng ve hian an nui leh hak thin a a zahthlak duh takzet a ni. Mizotawng tho ka hmang si a ngatinge an nuih a zat tlat le ka ti rilru neuh neuh thin. lawngtlai chu khaw lian ve tak a ni a thingtlang khaw thenawm atang pawh in sikul kal tam tak an awm ve tho a, an awki leh awphawi pawh a danglam ve thin tho, mahse kan nuih ka hre ngailo a, an in kiltawih kan hlauh avangin kan kawm zawk thin kha a ni si a, ngatinge mizoram khawpui ber a cheng ho hian ka tawng hi an nuih tlat chu aw tih ngaihdan chu a lian tawlh tawlh a, a tawpna chu mizo tak tak ka ni loh vang leh Lai ka nih vang a ni ang tih bawk a ni leh a.
(more…)

Posted in Luangliam, Mizo Society & Culture, More than words | 42 Comments »

TLAWMNGAIHNA vs NIHNA

Thursday, August 16th, 2012

Tlawmngaihna chungchang hi a awmzia leh nihphung chu kan hre tlangpui hlawm anga, midangte tana mahni nun pekna, a let leh beisei lova midang tana inpekna ti ten kan sawi fiah thin. Hei bakah hian Tlawmngaihna hian awmze ril tak a la nei fo mai. Huaisenna te, chhelna te, chakna, hmangaihna te hi Tlawmngaihna hian a keng tel vek bawk. Mi Tlawmngai ni tur chuan dawihzep a rem lova, mi der dep leh duap tak tak tan chuan Tlawmngaih tak tak pawh hi thil harsa tak a ni a, Tlawmngai ni thei ni thei tur chuan rilru leh taksa hrisel neih hi thil pawimawh em em mai a ni a. Hei vang hian mi tlawmngaih kan tih te hi an ropui em em a ni.

Tunlai thangtharte nunah hian Tlawmngaihna a tlak hniam tawh thu sawi a ni fo thin a.Chutiang chu lo nita sela, nih leh engvanga kan Hnam ro pawimawh berte zinga mi Tlawmngaihna nun chu lo tlahniam ta zel nge tih hi kan hriat a, chu mi hriatna chuan engtinnge Tlawmngaihna tluchhe zel tur chu kan tun din leh theih ang tih hi thil pawimawh ber mai chu a ni ta. Doctor tan pawh damlo natna hre lova, damdawi lo rin chawh ve ngawt chu a dik lovin, dam lo tan damna a ni kher awm lo ve. Hetiang bawk hian, thangtharte nunah Tlawmngaihna a thlak hniam tawh thu te, an nu leh pa, pi leh pu te hunlaia a an Tlawmngaihna kha an phak tawh loh zia te hi thangtharte hnenah sawi vak vak thin mah ila, awmzia a neih thui kher hi a rinawm lem loh a ni.

Tlawmngaihna dalna chhan pakhat chu kan ‘nihna’ hi a ni awm e. A bikin kan Politics khelh dan hian kan Tlawmngaihna hi nasa takin a tidal kan ti thei ang. Hman lai kan pi leh pute Lal rorelna hnuaia an kun lai leh a hnu deuh a thleng kha chuan thalaite nunah Tlawmngaihna hi an nunpui tha em em thin a. Hei hi a chhan chu thalai tlawmngaite kha chu an dah sangin an chawimawi thiam hle thin vang a ni. Tunlai hunah erawh hi chuan tlawmngaite tan tlawmngaih hi thil chakawm lutuk a ni thei meuh ta lo. Kan Politics khelh dan hian thangtharte nunah nasa takin a chhe zawngin nghawng a nei a. Tlangval tlawmngai tak leh fel tak mai, mitthi lumen tlaivar leh thlan laih ni a theihtawp chhuaha inpe thin pawh lo awm se, kan Party a nih ve miau loh chuan induhsak tak tak harsa ka ti fo thin. Hei bakah hian Tlawmngaihna tichuai tu chu kan ‘nihna’ hrang hrang, sum leh pai dinhmun te, Kohhran lawina ah etc., te hian kawng tam takin Tlawmngaihna vul zelna tur ah kawng nasa takin kawng a dal thin bawk a ni.

(more…)

Posted in Mizo Society & Culture, More than words | 14 Comments »

CNN Heroes 2012

Thursday, August 16th, 2012

CNN a Anderson Cooper 360° tih program neitu, Anderson Cooper buatsaih-in, kum engemaw zat chu CNN Heroes thlan a ni ta. CNN Heroes an tihte chu, khawvel hmun hrang hrang a mi nun khawih danglam thei khawp a mi inpe te, khawvelin ala hriat si loh, chumite chanchin khawvel hriat an nih theih nan leh ṭanpuina an dawn theih nan a buatsaih a ni deuh ber awm e.

CNN Heroes a thlan theih tur hian mi tupawhin, kum 13 a tlin phawt chuan a thehlut thiang a, amaherawh chu rampui(country) phal leh phal lohte an awm leh thung. Chuta tel phal loh (void) te chu: Bhutan, Brunei Darussalam, China, Laos, Maldives, Mongolia, South Pacific Islands, Federated States of Micronesia, Pacific Islands Trust, Palau, Papua New Guinea, Macau, Sri Lanka leh Tibet te an ni a. Chu bakah chuan tun a OFAC in a hrem mek (sanctioned) an awm bawk a, chu’ng te chu: Balkans, belarus, Myanmar, Cote d’Ivoire, Cuba, DR of the Congo, Iran, Irag, Liberia (the former regime of Charles Taylor), Lebanon, Libya, North Korea, Somalia, Sudan, Syria leh Zimbabwe te an ni. Anni sanctioned ho hi englai pawh a tih danglam theih anni thung!

Tichuan, kum dang ang bawkin kumin 2012 pawh hian CNN Heroes chu thlan leh a ni dawn a, mite’n an duh zawng chanchin an thehlut mek zel a, August thlatawp thleng hian a thehluh theih a ni.

Mizo tam zawk chuan kan hriat ka rin, Pu Sangthankima (TNT) chu Mizoram mi tlawmngai ten a chanchin video a an siam te leh, a chanchin ziak te chu CNN Heroes ah hian vawiin, August ni 15, 2012 zing dar 7:35 khan thehluh a ni ve a. Pu Sangthankima hian nau hnuchham leh mi enkawl ngai tam tak hei leh chen a lo buaipui tawh a ni a. Tin, an inenkawlna pawh tlawmngaite á¹­anpuina pek a á¹­angin a ni tih kan hriat a pawimawh hle awm e. Hetiang a á¹­anpuina á¹­ha an dawn theih hi kan duhsak tlang á¹­heuhin a rinawm. CNN Heroes ah chawimawina a dawn ai mahin, á¹­anpuina a nih tur lam chuan keima mimal rilru a luah zawk!
stk
(more…)

Posted in Information, Internet, Luangliam, Mizo Society & Culture, More than words | 35 Comments »

« Older Entries