Archive for the ‘More than words’ Category

Pawisa bag(purse) chhunga Isua thla.(Sunday pual)

Sunday, August 12th, 2012

Rel-a passenger ticket enfel tupa chuan Rel pindan lian tak chhunga mipui chuang tam tak ticket chu a check fel zel a, mi an taw tem avangin a sawt thei lo hle a. Mipui karah chuan chhuata pawisa bag hlui tawh tak, pawp hrep hrup hi a char ta a, “Hei tut a nge? Tu pawisa bag nge?” tiin a han lek chhuak a, tuma’n an chhan mail oh avangin a chhung chu a han en a, pawisa tlem leh Isua thlalak hi a lo awm a ni.

Putar pakhat hi a rawn ding chhuak a, “Ka ta a nih kha, min pe rawh,” a rawn ti a, chu putar chuan hahmai pakhat mah a nei tawh lova, mahse hlim hmel pu tak hian, “Khawi ka bag chu” a ti han leh a.

Checker chuan, “I ta a ni ngei tih I fiah a ngai a lawm, engtin nge ka pek ngawt theih ang che” a lo ti a. Putar chuan, “Ka bag chhungah khan Isua thla ka dah a, ka pawisa nen” a han ti leh a. Checker chuan, “A! engati nge nangma thla tar lova, Isua thla I dah the hlauh va…” tiin a han zawt leh a. (more…)

Panlai Nun – Furkhua leh kan nun

Thursday, August 9th, 2012

(Phur thuta chhunzawm atan ka ti ve tawh si a;-) )

Ramvachal, chal lem lo tak
Computer kan hre ngai lova, TV en tur lah a neitute phalna la hmasa te tea en theih a nih avangin; sikul chawlh ni chuan ramhnuaia ka chhuah loh paw’n, dai hnaiah kan vak vel thin. Thian hovin kan vei leh duhzawng sawi hovin, a chang leh kan lunglenna hla sain kan zai rawng rawng a. Theirah lawh tur a awmin kan lova, kan ei hawng hawng thin. Kut bal deuha thei ei tur lak chang a awmin, upa te’n ram lei chu a thianghlim an ti tiin ngaihtha takin kan ei thin.

Kan thil ei avanga kua a that loh chuan kawiam (kawlthei) hnahno kan ei mai a, a reh ve mai thin. Phek erawh phak ve tek tawk tak a ni. :-P

Vangvat I hlau maw?
Vangvat hi thilnung chi khat ve mai a ni tih kan hria, kan hlau lem lo. Tihtur nei vak lem lova fur khawthat nia ramchhuah changin, ruahtui tlaa lei hnawng lawmin vangvat an lo phar huang huang thin. Keini tan duhthusam a ni lawi si. Kan duhthusam chu endang mah a ni lo. Vangvat kan man lawk a, hmawlhte/thingtang kan la a. Hmawlhte hmawrah vangvat hmui kan thun te tea, kan tawtawlik thin! Tawtawlik hi tawngkam mawi tak a ni lem lo, mahse kan hman uar ber a ni tlat.

Vangvat tawtawlik tawh chu nun leh ngaihna a vang khawp, an kawchhung zawng zawng pholang vekin hmawlhah an tang khawng awt tawh a. :-P

(more…)

Ka hmelhriat thar, ka chhuan em em!

Wednesday, August 8th, 2012

A sei viau, i chhiar chhuah chuan i inchhir lo thung ang!

Midang ziak ka rawn nghat chawrh mai
:

Source: https://tkahnamte.blogspot.in/2011/10/hiv-positive-ni-tih-zep-lo.html

Lalchhuanzuali hi March ni 6, 1988 khan Aizawl Civil Hospital ah a piang a. A pa chu Lalnunfela niin, a nu chu Lalthlanchhuahi a ni a. An chhungkuain Venghlui, Aizawl ah an khawsa mek a. Chhuanzuali te unau hi 4 an ni a, hmeichhe pathum leh mipa pakhat niin, amah hi a upa ber a ni.

Sikul hi a kal kual ve nual mai a, Govt. Primary School, Venghlui an bul tanin, Govt. Bible Middle School, Venghlui; Hrawva English Medium School; Brighter Higher Secondary School; MICE leh Basilea ah te kalin, Class 12 thleng a zir a, a bak chu pasal a neih tak avangin a chhunzawm ta lo.

Khawtlangah a theih ang tawk tawkin a inhmang thin a, an Branch KTP in documentary an siam pawhin a theihna apiangah thahnem ngai takin a tel ve a ni. May, 2006 khan pasal a nei a, nau a pai zui a. A nau pai hi a fuh chiah loh avangin December thla khan doctor te chuan ‘bed rest’ turin an ti a, damdawi inah a lut a.

Nau pai apiang an tih thin ang bawkin Chhuanzuali pawh HIV hrik a pai leh pai loh an en a, positive a nih thu hi an hrilh a.

(more…)

Hnamte lo dinchhuahnaa a chhúnga chëng mimalte inan lohna ram dàn

Wednesday, August 8th, 2012

A thupui ka ti-Lalchhungkaw-á¹­awngkam mai mai a, ka sawi tum chu a dang daih. Sakhuana leh rinna nen inlaichinna leh inkungkaihna a nei lo — mi dukdak lo, mi kheuhbeuh leh mi thu lâk-kawikawhnawk chíngte tán lo chuan. Thutak leh thudak sawi lovin ka mimal thiltawn ho leh naràn ve mai mai, phùr leh fàn thühläah ka chhâkchhuak dawn a ni.

 

  • Pakhatna: Facebook hi kum hnih vêl zet ka lo hmang ve tawh a, hun paihna leh holam mai mai nia hriat cháng ka ngah vè hlë. Mahsé bànsan tawp chu ṭül ka ti fahran si lo. Mite anga mi lär leh ngainat hlawh mihring hi ka ni fahran lo va, ka misualpuite’n in hriat á¹­heuh angin. Fiamthu-titaka Ignatia’n a sawi ang deuh khan a tam apiang do em maw tih mai tùr hi ka ni a. Hei hi mite ngaihdan tam zâwk á¹­hat loh vangah ka ngai ve (khanglang; ka ngaihdàn tam zâwk hi a á¹­ha ka tih vanga pawm leh puangchhuak ka ni, mi dangte ang bawkin).Tichuan facebook chu han sawi chhunzawm ta ila… Mite hriat hlawh êm êm lo, ngainat hlawh lo tak, mi inthlunghrang tak, Rotekawla sepa ang mai ni lo, Rotekawla sepa tak tak ka ni a. Tu tu te emaw anga, “ka facebook á¹­hian zariat (800) chuang zet te hi ka sawm ni lovin anmahni min sawm deuh vek an ni” tia ùanpui tùr nei ve lo riangvai ka ni a. Ṭhian sangkhat chuang ka neih zínga sawmparuk (16) vêl chauh hian min rawn sawmin ka hria.  

    Amaherawhchu ka á¹­hian sawm tam zâwk hian ka sàwmna an hnar ngäi lo va. Kei pawhin miin á¹­hian der mai mai pawha min duh chuan tiin hnar pakhat mah ka la nei lo. Facebook á¹­hiante hi á¹­hiante zawng zawnga á¹­angkai lo ber mah ni sé, mí sàwmna lo hnar tùr chuan mi chapo tàwpkhäwk, màwl leh chènbeh kawp mihring nih a ngaiin ka ring ve a ni.Mahsé chutiang mai chu a ni bîk lo; mihringte hi kan inang lova, inhriatthiam tawn bâk chu inlaichinna á¹­ha neih tak tak hi a har a ni. Kei mi maksak dangdai maktara hi facebook á¹­hianah tu teh ualin nge min duh ve ang? Mi dang zawng zawng pawm mah sé, kei min hnar chu a mawi lo hran lo ve, tih rilru hi ka pu thiam ta. Isua zirtirnaa tlàwmna nun pawimawhzia hi ka hre thar vè á¹­hin.
    (more…)

Suangtuahna Khawvel

Tuesday, August 7th, 2012

Zirtirtu training na hmunah kan hotupa in kal ve turin min tih avangin ka kal ve a, eng lirthei mah han hawlh chhuah tur nei ve hek lo keima ke in bak lengin Training Hall lamah chuan ka tlan ve ta a. A ni hmasa ka kallo tawh bawk nen inthlahrung tawkin, ka pi leh pu, ka nu leh pa te rual hlir zingh chuan ka uipui fing á¹­hut ve ta kar mai.

Rilru hi a chapo ve lek lek á¹­hin, khawlaiah mi an vei suau suau a, hna chi hrang hrang an thawk vut vut laia, in chhung nuam tak maiah, thingtlang khaw then khata Minister an hmuah nikhua a an minister te á¹­hut phakna mi nazawng á¹­hut theih ve lohna chair angah chuan kan han á¹­hu ve vang kha ania, ropui vet vet.

Chawhma hun kan hmang liam a, chhun chawlhah thingpui no khat leh chow tuilo zet kan ei hnu minit 40 hnu velah chuan kan lut khawm leh ta á¹­iam á¹­iam a, kan Resource Person pakhat a rawn lut a, ani hian class a rawn la leh dawn ta.

Awi chhemdam thli hian min chhem hiau hiau emawni le, ka mur deuh sung sung ve tawp mai, chunglam ka en a fan lah chu alo vir der silo va, engemaw lo thleng ni teh reng, kan hmalam kan melh theuh a, vantirhkoh em chu alo kallo ang a, mahse saw nu zet chu ava danglam kher ve le ka tia, ka ka hau mai.
(more…)

Mi(sual) zar ka zo…

Monday, August 6th, 2012

(‘Kan hmuh leh kan hriat te hi sawi lovin kan awm thei lo’ an tih ang deuhin…)

Lawmnaa khat, rilru thianghlim…
A mawi tuktin par aiin tih hla hi nunpui reng thei lo mah ila, Pathian malsawmna a zarah mifel tak takte avang hian hringnun hlimna parzu tlanin ka khi leh vur vur thin. Nunhlimna leh hahdamna hi sum leh pai ngah leh hmelthat avanga neih tur ni ta ngat se, hlim ni kawl a en ngai reng ka ring lo, ka tan hian. Mahse, Siamtu’n duh tak leh tha ti taka min siam ka nih tlat avangin keima tawkah ka hlim ve em em thin, Ama zarah chuan.

Mi(sual) in ti maw?
Mihring emaw, hmun leh ran pawh ni se, hming kan pek hian hriatthiam a awlsam thin. Mi(sual) tia Mizo te’n ka hriat lar pawh hi; a awmzia leh ziak dan man thiam lo chu, han sawi chhuah changin an nui huk fo. Chutih rualin, Mi(sual) zinga tlat nuam ti em em, keini tan zawng khawhar hnemtu a ni lawi si. Kawng tam takin Mi(sual) zar hi ka zo tawh a, ka zo zel bawk. A vai chuan ka sawilang phal rih lo… ;-)

Mi(sual) scooty…
Kumin kum tir khan, chiseh lamin Zawlkhawpui ka zin ve a. Ka cham chhung ni reilo te khan, Mi(sual) zar zovin, confi taka ka khalh thiam tawk Scooty thar tha tak hman mai tur a lo awm remchang hlauh mai kha, ka tana a tangkaizia mai chu(h). Ka tlankual nasat nen, Petrol man tlemte ka sen bak, engmah hman man pawh ka pe chuang lo. Scooty neitu hi Mi(sual) tak, rilru zau leh kawm nuam tak a ni. A hming erawh thup a ni thung… ;-)
(more…)

Enchimloh Alan…

Saturday, August 4th, 2012

Alan, i nu leh pa zirloh luat vangin hun lo takah khawvel eng hi i rawn hmu ve ta chu a ni a. He khawvela ilo pianchhuah ve dan hi a lungawithlak lohin miten an sawi thin dan tur che ka ngaihtuah hian ka lainat che a ni. Mahsela kan zinga ilo awm ve takah chuan nang, naute duhawm leh hmeltha tak chu min tihlimtu ber niin lawm takin kan lo pawm che a, hmangaih takin kan lo kuangkuah che a nih kha.

Thlasik khawvawh em em laia lo piangin, i hrisel that tawkloh avanga damdawiin lian leh tihbaiawm takah zankhuaa an hem thin lai che khan nangmah lainat luat vangin kei leh i pi mittui a tla asin. I dinhmun leh i hmabak engmah hrethiam ve lova nausen hemna bawma saruaka i let bal thin kha hmuh che hrehawm ka ti a, i riang ngawih ngawih hian ka hre tlat a ni.  Nangmah hringtu i nu lah i hmakhua chu sawiloh ama hmakhua takngial pawh la haikaw zo rual ala ni si lo, nu leh pa thlazar hnuaia la pangchang rual lek mai chauh ala ni si.

I lo piang dawn a ni tih kan hriat tirha kan rilru hahzia leh hrehawm kan tihzia te kha han hre ve teh la chuan aw! Mahse maw khatih lai pawh khan kei chuan nang pawisawi lo, engmah tihsual neilo, duh vang reng ni lova chhul lum rawn luaha mihring pangngai ni tura rawn insiam ve det det ai kha chuan amah hmangaihtu zawng zawngte fuihna leh zilhhauna pawisa lova a hnuleh tur pawh dawn lova atthlak taka rawlthar lungmawl satliah ve mai bumthluk theiha insiam duhtu i nu, ka nau kha ka dem a ni.
(more…)

A te rên râwn viau nang a!

Friday, August 3rd, 2012

Israel ram hi a te rên râwn viau. Khawvelah rampui (country) te ber 100 na niin, mihring pawh khawvel 1/1000 chauh a nei a. A ram lenzawng hi 20,770/22,072 km2 chauh niin, Mizoram tiat vel awrh a ni (Mizoram 21,081 km2). Chutiang lek ni mahse, tunlai khawvelah hian thil á¹­angkai tak tak alo siam chhuak/thawh chhuak hnem phian mai.

Han lehlin ka tum viau a nia (thiam ang tawk2 in) ka hman ngang lo, ka rawn dah tawp mai :P hairehai Kum 2006 ami a ni e!

1. Israel, the 100th smallest country, with less than 1/1000th of the world’s population, can lay claim to the following:

2. Israel has the highest ratio of university degrees to the population in the world.

3. Israel produces more scientific papers per capita than any other nation by a large margin – 109 per 10,000 people – as well as one of the highest per capita rates of patents filed.

4. In proportion to its population, Israel has the largest number of startup companies in the world. In absolute terms, Israel has the largest number of startup companies than any other country in the world, except the US (3,500 companies mostly in hi-tech).

5. Israel is ranked #2 in the world for venture capital funds right behind the US.

6. Outside the United States and Canada, Israel has the largest number of NASDAQ listed companies.

7. Israel has the highest average living standards in the Middle East. The per capita income in 2000 was over $17,500, exceeding that of the UK.

8. With an aerial arsenal of over 250 F-16s, Israel has the largest fleet of the aircraft outside of the US.
(more…)

Rual Duh Kan Hlimna Sawmfang

Tuesday, July 31st, 2012

Nunhlui ngaia suihlunglen
Vairam khawpui, mihring tam em emna hmunah nitin mahni hna avangin buai thin mah ila; nunhlui ngaih suihlunglen erawh ban ni a awm hlei thei lo. A ni, fur ruahtui bawhawk thleng mai tur vangin; ralkhat tlang bawhin ruahkung lo paw chi chiai mah se, sawmfang pan phurna erawh min pawlhdalsak lem lo. Fur kawng nal leh vangvat te’n kan enghelh an tihnual miah bawk lova. Thiante nena hlim taka vaimim tharlam tak han rawh puah pawp pawp te, fanghma bawl han ei ham ham te khan min tiphur zawk a. Fanghma vel hmaa, a chhip/mawng zailep, tu thlawh nge thui thui tia kan han inel leh tur te nghalhlein, phur takin kan kal sawk sawk thin.

Kan phur, tha a tho…
Darkar chanve dawn feh kawng zawha, lentupui kan paltlang meuh chuan; sawmfang hring dup mai chuan itawmna tinreng nen min lo hmuak ut mai hian kan hria a. Kan rak/khek chul thin. Patek nal leh kang mang kan pawisa lova; thlan tlain uite rim pawh nam mah ila kan inkiltawih lem lo, lovah kan feh tlat alawm.

Tichuan le, thlam kan han lut a. Thosi leh vaihmite lah chuan khual thar hmu ngai lo ni awm a mawiin mi lawmin an lo phar kawi ve reng bawk a. Mahse, min lawm dan erawh a lawmawm lutuk loh avangin mei kan han chhem khu a. Kal bo r’u tih ngai lovin, thosi leh vaihmite chuan min kiansan mai thin.

Sawmfang hring nghel
Thlam namthlakah kan han thu veng vawng a. Fur ruah tuiin a chawm hneh tih takah mit tlin tawk (ka ti mai) buh kung duah leh hrisel tha tak chuan a khuh hring nghulh a. Ngai teh! An sawi zo-thilfim rawn thaw heuh heuh chuan, buh kung a’n chhem chhawkawlh dual dual mawizia te kha, mipa naupang lungmawl paw’n kan hrethiam ve tho asin.

Thlam huala chuailo leh zamzo lo par vul te chuan tawn loh D tleitiri sakhmel duhawmna min hriatchhuah tir a. Fur ruahtui dawng tha tih takah vau lui tui luang ri hum hum kara, ralkhat hauhuk rual phur taka lo huk leh tliar tliar thin te chuan khawhar min hnem thin.
(more…)

Kan khaw Wall Cup

Monday, July 30th, 2012

THE FINAL MATCH

Hun chu a tlem tawh si a, kan inkhel lah chu kan inhneh tawk em em mai bawk a. Lehlam si-nghak kan han en a, Penalty-ah chuan kan dinhmun a chhe zawk tlat! Tan patawp kan chhuah pawhin Vawi thum ‘gawnar’ Penalty kan tichung pawhin pet goal-na hun hlu reng reng lehlam chuan min pe duh bik tlat si lo.

Fans lam an phur a, thawm a thain boruak pawh a sang ngei mai. Fans kan han tih hian nu leh pa ramchhuah hlana nau lo awm pi tar putar te an ni ber a, an tang ve thin khawp mai!

Chhuah lam leh tlak lama kan rin rawl, kan bat (Striker/forward kan tih te) te lah chuan leh lam ‘full back’ te an paltlang zo bawk si lo!

Chhei le! Kan lama out chu kan ‘full back’ chuan a rawn thlawh haw ta nal nal mai a. Kan thlir thap a, a leng phei nul nul a, lehlam si-nghak chuan a ban pha lo mawi lutuk. A goal e!! Kan au nghal dar dar a.
(more…)