mi(sual).com

Vawiin chu Helai Matthaia 5:13 thu hi I han belchiang dawn teh ang.

A zawm chiah chang 14 naah hian, Khawvel eng kan nih thu min hrilh a. Eng han nih chu thil tha lam leh thil ropui lam atana hman anih thin avangin Kristianna nen pawh a inhmeh thlap mai. Amaherawhchu, thil manto leh hlu ni a lang lo, a lawng/hau ringawt phei chuan han bar hawng hawng atan pawh a, tui lem lo zet mai, “Lei Chi in ni e” kan Lalpa hian min ti mauh mai si a. Lei chi nih awmzia chu I han chhui zau deuh dawn teh ang le.

A hmasain Chi chu eng chiah nge maw a lo nih le?

1. Chi chuan a zia leh nihphung a thlak ve mai mai ngai lo:
Science lam thiam kan tam a, Chi hian a nihphung, a zia a thlak mai mai loh zia chu kan hre hle awm e. Tuiah chiah ral vek mah ila, kha tui kha a tidanglam a, a lo al vek thin a, han chhuang khang leh ila, a tawpah tui a kang vek hnuah Chi kha a lo awm leh mai thin a ni.

Kan Lalpa Isua Krista hian amah zuitu te hi awmna hmun thlak hlek a mizia leh nunphung thlak danglam vek zel turin min duh hauh lo mai a lo ni. Eng ang dinhmun harsa leh hlauhawm pawh tawk ila, amah hi ring tlat tur leh amah chu engtikawng maha phatsan lo tur leh a zirtirna te vawng tlat turin min duh a ni.

(more…)

What if I told you Jesus came to abolish religion
What if I told you voting republican really wasn’t his mission
What if I told you republican doesn’t automatically mean Christian

And just because you call some people blind
Doesn’t automatically give you vision
I mean if religion is so great, why has it started so many wars
Why does it build huge churches, but fails to feed the poor

(more…)

Upper Republic-a UPC North East India leh Mizoram chuan Inrinni atanga nizan thleng khan UPC (NEI) biak-inah ‘Zion tun din lehna lawmthu sawina inkhawm’ an hmang a; UPC kohhran pawl pahnihte a huhoin an inkhawm.

Kohhran pahniha hruaitute chuan, Mizorama Penticost kohhran, sual hnathawh avanga pawl hniha then darha an awm hnua mualpho taka khawvel court-a an inkhinna chuan a tute zawk tan pawh lungawina tak tak a siam lo a, kohhran mipui tam zawkin buai leh inrem loa awm an duh tawh loh avangin, hmangaihna hruai khat vuana rawngbawlho leh an duh thu an tarlang.

Tun tuma an inkhawmhona hian Mizoram pumah UPC kohhran pahnih inkarah rah tha a chhuah ngei an beisei thu leh, a tul anga kohhran inpumkhatna lam hawi zawnga hma an lak zui zel dawn thu an tarlang bawk.

He inkhawm programme atan hian Upper Republic UPC NEI-a mi, H Lalrinliana’n UPC inpumkhat leh theih nan tiin, bâwng pakhat leh vawk pahnih a thawh a; Inrinni leh nimin khan nileng leh zanah Pathian biakhona hun an hmang a, tlaiah ruai an theh thin. Inkhawmah hian UPC kohhran pahnih atangin chanvo an insem a, speaker pawh kohhran pahnih atangin an ruat ve ve a ni.

Vanglaini

Vawikhat chu, Pathian thuhriltu lar tak pakhat hi khawlaia thu a lo sawi lai hian, Cowboy inti Pa tawk tak mai hi Sakawr lian tawk tak chungah chuangin a rawn tlan thauh thauh mai a, inti Pa tawk tak mai leh Thuhriltupa ngaisanglo tih hriat tak mai hian, “Thuhriltupa, Hremhmun hi engtia hla nge min hrilh teh” tiin deuhsawh tak hian a rawn zawt thang thang a. Thuhriltupa chuan chhan ngaihna vak a hrelo a, a ngawihsan mai a.

Chu Cowboy chuan, “Hremhmun hlat zawng pawh hre silo hian Pathian thu ka sawi e te inti ve a” tiin a nuihsawh hle mai a. A Sakawr nen chuan a tlan leh ta a. Mahse a tlan tan deuh chauh tih chuan, thil ri deuh dup hi an hre ta a, an va enchian nak chuan kha Cowboy pa Sakawr kha nalah a tawlhthlu a lo ni a.

Cowboy pa chu an han bawihsawm chuan a tlakna lamah khan a Lu leivit zawnga tlain a ringruh a sawhtliak hi a lo ni a, chhan theih a lo ni tawh lo a, a ka pawh chhawn tur awm lovin a thi ta a ni. Chu Thuhriltupa chuan a awmna leh Chu Cowboy pa chetsualna lai chu a hlat zawng tehin a han pen thauh thauh mai a, pen 200 chiah a lo ni a. A thu ngaithlatute hnenah chuan,”Hremhmun hlat zawng chu pen 200 chauh a lo nih hi”. A ti ta a ni.

(more…)

Sunday pual hian post ka la nei ve lova. A hmasa ber atan kan post ve ange.

Heng te avang hian Pathian hnenah lawmthu sawi tur kan ni:-
Mi tam takin tahna leh lungngaihna ni a an hman laia vawiin ni dam taka min hmuhtir avangin.
Boruak thianghlim min pek avangin.
Mi te tanpui ngaia kan awmloh avangin.
Eitur neilo tam tak an awm laia eitur min pek avangin.
Kan sualna te nen hremhmun a liam tur kan nih laia a thisen a min tlan avangin.
Meizial kan la zuk theih avang te pawh in.

Zu in mi pawhin zu kan la in theih avangin.
Kan la zun kawh to to theih avang te hian.
Kan ek theih vang te pawhin.
Mi kan la rel zawt zawt theih vang te hlei hlei pawh hian.
Mi te chan ai eiru thei a kan awm vang te pawhin.
Sual thei a kan la dam avang te hian.

(more…)